പുത്തനത്താണി അങ്ങാടിയില്‍ രാത്രി ഒമ്പതോടെയാണ് സംഭവം. അങ്ങാടിയിലുണ്ടായിരുന്ന സി.പി.എം പ്രവര്‍ത്തകരെ പ്രകോപനമുണ്ടാക്കി മുബാറക്ക് കത്തി ഉപയോഗിച്ച് കുത്തുകയായിരുന്നുവെന്ന് പോലീസ് പറഞ്ഞു. സമൂഹമാധ്യമത്തില്‍ വന്ന പദപ്രയോഗത്തെ ചൊല്ലിയാണ് തര്‍ക്കമുണ്ടായത്. മുഖത്തും ശരീരത്തിനു പുറത്തുമാണ് പരിക്കേറ്റത്. പരിക്കേറ്റവരെ കോട്ടക്കല്‍ മിം‌മ്സില്‍ പ്രവേശിപ്പിച്ചു. ഗുരുതരമായി പരിക്കേറ്റ മങ്ങാടന്‍ ശിഹാബുള്‍ ഹഖിനെ പെരിന്തല്‍‌മണ്ണയിലെ സ്വകാര്യ ആശുപത്രിയില്‍ മാറ്റി.

ബഹളം തടുക്കാന്‍ ചെന്ന മുസ്‌ലിം ലീഗ് പ്രവര്‍ത്തകനും പരിക്കേറ്റു. മുബാറക്കും പരിക്കുകളോടെ കോട്ടക്കലിലെ സ്വകാര്യ ആശുപത്രിയില്‍ ചികിത്സ തേടി. ഡി.വൈ.എഫ്.ഐ പ്രവര്‍ത്തകന്റെ മുടി മുറിച്ച സംഭവത്തില്‍ എസ്.ഡി.പി.ഐ-ഡി.വൈ.എഫ്.ഐ സംഘര്‍ഷം സ്ഥലത്ത് നിലനിന്നിരുന്നു.

The post പുത്തനത്താണിയില്‍ മൂന്ന് സി.പി.എം പ്രവര്‍ത്തകര്‍ക്ക് കുത്തേറ്റു appeared first on Valanchery Online.