plus one Archives - Valanchery Online

പ്ലസ്‌ വൺ ബാച്ചുകൾ അനുവദിക്കണമെന്നാവശ്യം; വളാഞ്ചേരിയിൽ ഒപ്പ് ശേഖരണം സംഘടിപ്പിച്ച് വെൽഫെയർ പാർട്ടി

വളാഞ്ചേരിക്കാരൻ — Mon, 26 Jun 2023 01:12:19 +0000

വളാഞ്ചേരി : അലോട്ട്‌മെന്റിനുമുൻപ്‌ മലബാർ മേഖലയിലെ ജില്ലകളിൽ ആവശ്യമായ പ്ലസ്‌വൺ ബാച്ചുകൾ അനുവദിക്കണമെന്നാവശ്യപ്പെട്ട് മുഖ്യമന്ത്രിക്ക് ഭീമഹർജി നൽകുന്നതിന്റെ ഭാഗമായി വെൽഫെയർ പാർട്ടി വളാഞ്ചേരി മുനിസിപ്പൽ കമ്മിറ്റി ബസ് സ്റ്റാൻഡിൽ ഒപ്പുശേഖരണം നടത്തി. പൈങ്കൽ ഹംസ, ഷാക്കിർ പാറമ്മൽ, തയ്യിൽ മുഹമ്മദ്, വി.കെ. ഷംസുദ്ദീൻ എന്നിവർ നേതൃത്വംനൽകി.

The post പ്ലസ്‌ വൺ ബാച്ചുകൾ അനുവദിക്കണമെന്നാവശ്യം; വളാഞ്ചേരിയിൽ ഒപ്പ് ശേഖരണം സംഘടിപ്പിച്ച് വെൽഫെയർ പാർട്ടി appeared first on Valanchery Online.

പ്ളസ് വൺ പ്രവേശനം: ട്രയൽ അലോട്ട്മെന്റ് ഇന്ന്

വളാഞ്ചേരിക്കാരൻ — Mon, 12 Jun 2023 23:41:33 +0000

തിരുവനന്തപുരം: ഒന്നാം ഹയർസെക്കൻഡറി പ്രവേശനത്തിനുള്ള ട്രയൽ അലോട്ട്‌മെന്റ് ഫലം ഇന്ന് വൈകിട്ട് നാലിന് പ്രസിദ്ധീകരിക്കും. www.admission.dge.kerala.gov.inലൂടെ അപേക്ഷകർക്ക് 15വരെ ട്രയൽ റിസൽട്ട് പരിശോധിക്കാം. അപേക്ഷയിൽ തിരുത്തലുകളുണ്ടെങ്കിൽ 15ന് വൈകിട്ട് അഞ്ചിനുള്ളിൽ ക്യാൻഡിഡ് ലോഗിനിലെ എഡിറ്റ് ആപ്ളിക്കേഷനിലൂടെ നടത്തി കൺഫർമേഷൻ ചെയ്യണം. അപേക്ഷയിൽ തിരുത്തൽ വരുത്താനുള്ള അവസാന അവസരമാണിത്. അപേക്ഷകർക്ക് ട്രയൽ അലോട്ട്‌മെന്റ് റിസൽട്ട് പരിശോധിക്കുന്നതിനും തിരുത്തലുകൾ വരുത്തുന്നതിനും സർക്കാർ,എയ്ഡഡ് ഹൈസ്‌കൂൾ,ഹയർ സെക്കൻഡറി സ്‌കൂളുകളിലെയും ഹെൽപ് ഡെസ്‌കുകളെ സമീപിക്കാമെന്നും പൊതുവിദ്യാഭ്യാസ വകുപ്പ് അറിയിച്ചു. 4,59,330 വിദ്യാർത്ഥികളാണ് രണ്ട് മുതൽ ഒൻപതു വരെ നടന്ന പ്ലസ്‌വൺ പ്രവേശനത്തിനായി അപേക്ഷ നൽകിയിരിക്കുന്നത്. 19ന്‌ നടക്കുന്ന ആദ്യ അലോട്ടുമെന്റിൽ 375000പേർക്ക്‌ പ്രവേശനം ലഭ്യമാകും. ജൂലായ് ഒന്നിന് മുഖ്യ അലോട്ട്‌മെന്റ് അവസാനിക്കും. ജൂലായ് അഞ്ചിനാണ് ക്ലാസുകൾ ആരംഭിക്കുക.

The post പ്ളസ് വൺ പ്രവേശനം: ട്രയൽ അലോട്ട്മെന്റ് ഇന്ന് appeared first on Valanchery Online.

പ്ലസ്‌വൺ: സ്‌പോർട്‌സ് ക്വാട്ടയിലേക്ക് ഇന്നുമുതൽ അപേക്ഷിക്കാം

വളാഞ്ചേരിക്കാരൻ — Thu, 14 Jul 2022 00:45:41 +0000

മലപ്പുറം : 2022-23 അധ്യയനവർഷത്തെ പ്ലസ്‌വൺ സ്‌പോർട്‌സ് ക്വാട്ട ഓൺലൈൻ രജിസ്‌ട്രേഷൻ വ്യാഴാഴ്‌ച തുടങ്ങും. 2020 ഏപ്രിൽ ഒന്നുമുതൽ 2022 മാർച്ച് 31 വരെയുള്ള സർട്ടിഫിക്കറ്റുകളാണ് സ്‌പോർട്‌സ് ക്വാട്ടയ്ക്ക് പരിഗണിക്കുക. വിദ്യാർഥികൾ വിദ്യാഭ്യാസവകുപ്പിന്റെ ഏകജാലക സംവിധാനത്തിലൂടെ സ്‌പോർട്‌സ് ക്വാട്ട അപേക്ഷ നൽകണം. ഇതിന്റെ പ്രിന്റ്ഔട്ടും ഒറിജിനൽ സർട്ടിഫിക്കറ്റിന്റെ കളർ പകർപ്പും സ്വന്തം ഇ-മെയിൽ ഐഡിയിൽനിന്ന് plusonesports21@gmail.com എന്ന മെയിലിലേക്ക് അയയ്ക്കുകയും വേണം. ഫോൺ: 0483 2734701, 9495243423.

The post പ്ലസ്‌വൺ: സ്‌പോർട്‌സ് ക്വാട്ടയിലേക്ക് ഇന്നുമുതൽ അപേക്ഷിക്കാം appeared first on Valanchery Online.

പ്ലസ് വൺ പ്രവേശനം; അപേക്ഷകൾ ഇന്ന് മുതൽ ഓൺലൈനായി സമർപ്പിക്കാം

വളാഞ്ചേരിക്കാരൻ — Mon, 11 Jul 2022 00:48:35 +0000

തിരുവനന്തപുരം: ഈ വർഷത്തെ പ്ലസ് വൺ പ്രവേശനത്തിന് ഇന്ന് (ജൂലൈ 11) മുതൽ ഓൺലൈൻ ആയി അപേക്ഷ സമർപ്പിച്ചു തുടങ്ങാം. ഒന്നാം വർഷ ഹയർ സെക്കണ്ടറി /വൊക്കേഷണൽ ഹയർ സെക്കണ്ടറി പ്രവേശനത്തിനുള്ള അപേക്ഷകൾ നാളെമുതൽ ഏകജാലക പോർട്ടൽ വഴി ഓൺലൈനായി സമർപ്പിക്കാവുന്നതാണ്. അപേക്ഷകർക്ക് സ്വന്തമായോ, അല്ലെങ്കിൽ പത്താം തരം പഠിച്ചിരുന്നഹൈസ്‌കൂളിലെ കമ്പ്യൂട്ടർ ലാബ് സൗകര്യവും അദ്ധ്യാപകരുടെ സഹായവും അതുപോലെ തന്നെ ആ പ്രദേശത്തെ ഗവൺമെന്‍റ് / എയ്ഡഡ് ഹയർസെക്കണ്ടറി/വൊക്കേഷണൽ ഹയർ സെക്കണ്ടറി സ്‌കൂളുകളിലെ കമ്പ്യൂട്ടർ ലാബ് സൗകര്യവും അദ്ധ്യാപകരുടെ സഹായവും പ്രയോജനപ്പെടുത്തി പ്ലസ് വൺ പ്രവേശനത്തിനുള്ള അപേക്ഷകൾ ഓൺലൈനായി സമർപ്പിക്കാവുന്നതാണ്.

അപേക്ഷ ഓൺലൈനായി സമർപ്പിക്കുവാനുമുള്ള അവസാന തീയതി ജൂലൈ 18ആണ്. അപേക്ഷ സമർപ്പണം ആരംഭിക്കുന്നതിന് മുൻപുതന്നെ ചില അക്ഷയ കേന്ദ്രങ്ങളിൽ അപേക്ഷാ ഫോം അച്ചടിച്ചു വിതരണം ചെയ്തിരുന്നതയും ഒരു അപേക്ഷ ഫോം സമർപ്പിക്കാൻ 140 രൂപ ഇടാക്കുന്നതായും പരാതി ഉയർന്നിട്ടുണ്ട്. കോഴ്സിന് ചേരുന്ന സമയത്ത് വിദ്യാർത്ഥി അടയ്‌ക്കേണ്ട ഫീസ് 25 രൂപയാണ്.

ട്രയൽ അലോട്ട്‌മെന്‍റ് ജൂലൈ21ന്: ആദ്യഅലോട്ട്മെന്‍റ് 27ന്
ഈ വർഷത്തെ പ്ലസ് വൺ പ്രവേശനത്തിനുള്ള ആദ്യ അലോട്ട്‌മെന്‍റ് തീയതി ജൂലൈ 27ആണ്. ഇതിനു മുന്നോടിയയുള്ള ട്രയൽ അലോട്ട്മെന്‍റ് ജൂലൈ 21ന് വരും. മുഖ്യഘട്ടത്തിലെ അവസാന അലോട്ട്‌മെന്‍റ് തീയതി 2022 ആഗസ്ത് 11 ആണ്. മുഖ്യ ഘട്ടത്തിലെ മൂന്ന് അലോട്ട്‌മെന്‍റുകളിലൂടെ ഭൂരിഭാഗം സീറ്റുകളിൽ പ്രവേശനം ഉറപ്പാക്കി 2022 ആഗസ്ത് 17 ന് പ്ലസ് വൺ ക്ലാസ്സുകൾ ആരംഭിക്കുന്നതാണ്. മുഖ്യ ഘട്ടം കഴിഞ്ഞാൽ പുതിയ അപേക്ഷകൾ ക്ഷണിച്ച് സപ്ലിമെന്‍ററി അലോട്ട്‌മെന്‍റുകളിലൂടെ ശേഷിക്കുന്ന ഒഴിവുകൾ നികത്തി 2022 സെപ്തംബർ 30 ന് പ്രവേശന നടപടികൾ അവസാനിപ്പിക്കുന്നതായിരിക്കും.

സ്‌പോർട്ട്‌സ് ക്വാട്ട അഡ്മിഷൻ
സ്‌പോർട്ട്‌സ് ക്വാട്ട അഡ്മിഷൻ രണ്ട് ഘട്ടങ്ങൾ ഉൾപ്പെട്ട ഓൺലൈൻ സംവിധാനത്തിൽ ആയിരിക്കും.ആദ്യ ഘട്ടത്തിൽ സ്‌പോർട്ട്‌സിൽ മികവ് നേടിയ വിദ്യാർഥികൾ അവരുടെ സ്‌പോർട്‌സ് സർട്ടിഫിക്കറ്റുകൾ അതാത് ജില്ലാ സ്‌പോർട്ട്‌സ് കൗൺസിലുകളിൽ ഓൺലൈനായി രജിസ്റ്റർ ചെയ്യേണ്ടതാണ്. രണ്ടാം ഘട്ടത്തിൽ പ്ലസ് വൺ അഡ്മിഷന് യോഗ്യത നേടുന്ന വിദ്യാർഥികൾ സ്‌പോർട്ട്‌സ് ക്വാട്ടയിൽ അഡ്മിഷൻ ലഭിക്കുന്നതിനായി അവരുടെ അപേക്ഷ സ്‌കൂൾ/കോഴ്‌സുകൾ ഓപ്ഷനായി ഉൾക്കൊള്ളിച്ച് ഓൺലൈനായി സമർപ്പിക്കണം. ഏകജാലക സംവിധാനത്തിന്‍റെ മുഖ്യ ഘട്ടത്തോടൊപ്പം രണ്ട് അലോട്ട്‌മെന്‍റുകളും ഒരു സപ്ലിമെന്‍ററി അലോട്ട്‌മെന്‍റും സ്‌പോർട്‌സ് ക്വാട്ടാ പ്രവേശനത്തിനായി ഉണ്ടായിരിക്കുന്നതാണ്.

The post പ്ലസ് വൺ പ്രവേശനം; അപേക്ഷകൾ ഇന്ന് മുതൽ ഓൺലൈനായി സമർപ്പിക്കാം appeared first on Valanchery Online.

ഒന്നാം വര്‍ഷ ഹയര്‍ സെക്കന്‍ഡറി ഇംപ്രൂവ്‌മെന്റ് / സപ്ലിമെന്ററി പരീക്ഷാഫലം പ്രസിദ്ധീകരിച്ചു

വളാഞ്ചേരിക്കാരൻ — Tue, 01 Mar 2022 12:57:43 +0000

തിരുവനന്തപുരം : 2022 ജനുവരിയില്‍ നടന്ന ഒന്നാം വര്‍ഷ ഹയര്‍ സെക്കന്‍ഡറി ഇംപ്രൂവ്‌മെന്റ് / സപ്ലിമെന്ററി പരീക്ഷയുടെ ഫലം www.dhsekerala.gov.in/, www.keralaresults.nic.in എന്നീ വെബ്‌സൈറ്റുകളില്‍ പ്രസിദ്ധീകരിച്ചു. ഉത്തരക്കടലാസുകളുടെ പുനര്‍നിര്‍ണയത്തിനും സൂക്ഷ്മ പരിശോധനയ്ക്കും പകര്‍പ്പ് ലഭിക്കുന്നതിനും നിശ്ചിത ഫോമിലുള്ള അപേക്ഷകള്‍, നിര്‍ദ്ദിഷ്ട ഫീസ് സഹിതം പരീക്ഷയ്ക്ക് രജിസ്റ്റര്‍ ചെയ്ത സ്‌കൂളിലെ പ്രിന്‍സിപ്പലിന് മാര്‍ച്ച് നാലിനകം സമര്‍പ്പിക്കണം.

പുനര്‍മൂല്യനിര്‍ണയത്തിന് ഒരു പേപ്പറിന് 500 രൂപയായിരിക്കും ഫീസ്. ഉത്തരകടലാസുകളുടെ പകര്‍പ്പിന് 300 രൂപ, സൂക്ഷ്മ പരിശോധനയ്ക്ക് 100 രൂപ. യാതൊരു കാരണവശാലും അപേക്ഷകള്‍ ഹയര്‍ സെക്കന്‍ഡറി ഡയറക്ടറേറ്റില്‍ നേരിട്ട് സ്വീകരിക്കുന്നതല്ല. അപേക്ഷാഫോം സ്‌കൂളുകളിലും ഹയര്‍ സെക്കന്‍ഡറി പോര്‍ട്ടലിലും ലഭ്യമാണ്. സ്‌കൂളുകളില്‍ ലഭിക്കുന്ന പൂരിപ്പിച്ച അപേക്ഷകള്‍ iExams ല്‍ മാര്‍ച്ച് അഞ്ചിന് വൈകിട്ട് 5 നകം പ്രിന്‍സിപ്പല്‍മാര്‍ അപ്‌ലോഡ് ചെയ്യണം.

The post ഒന്നാം വര്‍ഷ ഹയര്‍ സെക്കന്‍ഡറി ഇംപ്രൂവ്‌മെന്റ് / സപ്ലിമെന്ററി പരീക്ഷാഫലം പ്രസിദ്ധീകരിച്ചു appeared first on Valanchery Online.

പ്ലസ് വണ്‍ ഇംപ്രൂവ്‌മെന്റ് പരീക്ഷ ജനുവരി 31 മുതല്‍

വളാഞ്ചേരിക്കാരൻ — Sun, 12 Dec 2021 08:18:38 +0000

തിരുവനന്തപുരം: പ്ലസ് വണ്‍ ഒന്നാം വര്‍ഷ ഇംപ്രൂവ്‌മെന്റ്, സപ്ലിമെന്ററി പരീക്ഷ ജനുവരി 31 മുതല്‍ ഫെബ്രുവരി നാലു വരെ നടത്തും. ഇംപ്രൂവ്‌മെന്റ് പരീക്ഷയിലൂടെ മൂന്നു വിഷയങ്ങള്‍ക്കു വരെ സ്‌കോര്‍ മെച്ചപ്പെടുത്താന്‍ അപേക്ഷിക്കാം. സെപ്റ്റംബറില്‍ നടന്ന ഒന്നാം വര്‍ഷ പരീക്ഷയ്ക്ക് രജിസ്റ്റര്‍ചെയ്ത ശേഷം പരീക്ഷയെഴുതാന്‍ കഴിയാത്തവര്‍ക്ക് പരീക്ഷയ്ക്കു ഹാജരാകാത്ത എല്ലാ വിഷയത്തിനും രജിസ്റ്റര്‍ ചെയ്യാം.

ഇപ്രൂവ്‌മെന്റ്, സപ്ലിമെന്ററി പരീക്ഷയ്ക്ക് മാതൃസ്‌കൂളില്‍ 15നകം അപേക്ഷ സമര്‍പ്പിക്കണം. പുനര്‍മൂല്യനിര്‍ണയത്തിന് അപേക്ഷിച്ചിട്ടുള്ള വിദ്യാര്‍ഥികള്‍ക്ക് ഫലം പ്രസിദ്ധീകരിച്ച ശേഷം തൊട്ടടുത്ത മൂന്നു പ്രവൃത്തിദിനങ്ങള്‍ക്കുള്ളില്‍ പിഴയില്ലാതെ പരീക്ഷയ്ക്ക് രജിസ്റ്റര്‍ ചെയ്യാം. റഗുലര്‍, ലാറ്ററല്‍ എന്‍ട്രി, റീ അഡ്മിഷന്‍ പരീക്ഷാര്‍ഥികള്‍ക്ക് ഒരു വിഷയത്തിന് 175 രൂപയാണ് ഫീസ്. സര്‍ട്ടിഫിക്കറ്റ് ഫീസായി 40 രൂപയും നല്‍കണം.

The post പ്ലസ് വണ്‍ ഇംപ്രൂവ്‌മെന്റ് പരീക്ഷ ജനുവരി 31 മുതല്‍ appeared first on Valanchery Online.

ജില്ലയിലെ മുഴുവൻ പ്ലസ് വൺ വിദ്യാർത്ഥികൾക്കും പഠന സൗകര്യമൊരുക്കണം; എസ്.ഡി.പി.ഐ. കുറ്റിപ്പുറം ടൗണിൽ ധർണ്ണ നടത്തി

വളാഞ്ചേരിക്കാരൻ — Sun, 31 Oct 2021 00:41:38 +0000

കുറ്റിപ്പുറം : ജില്ലയിലെ മുഴുവൻ പ്ലസ് വൺ വിദ്യാർത്ഥികൾക്കും പഠന സൗകര്യമൊരുക്കണമെന്നും ജില്ലയോടുള്ള സർക്കാർ അവഗണന അവസാനിപ്പിക്കണമെന്നും ആവശ്യപ്പെട്ട് എസ്.ഡി.പി.ഐ. കുറ്റിപ്പുറം ടൗണിൽ ധർണ്ണ നടത്തി. കോട്ടയ്ക്കൽ മണ്ഡലം സെക്രട്ടറി കെ.പി. മുസ്തഫ ഉദ്ഘാടനംചെയ്തു. പി.കെ. സലീം അധ്യക്ഷനായി. കെ..ടി. സിദ്ദിഖ്, ടി. നൗഷാദ്, ഷാജുദ്ദീൻ, യാഹുട്ടി ചെല്ലൂർ, ഷാക്കിർ, എം.പി. അലിഅക്ബർ. പി.കെ. ഷാജഹാൻ എന്നിവർ പ്രസംഗിച്ചു.

The post ജില്ലയിലെ മുഴുവൻ പ്ലസ് വൺ വിദ്യാർത്ഥികൾക്കും പഠന സൗകര്യമൊരുക്കണം; എസ്.ഡി.പി.ഐ. കുറ്റിപ്പുറം ടൗണിൽ ധർണ്ണ നടത്തി appeared first on Valanchery Online.

പ്ലസ് വൺ; യോഗ്യത നേടിയ മുഴുവൻ വിദ്യാർത്ഥികൾക്കും തുടർപഠനത്തിന് അവസരമൊരുക്കണം- എസ് ഡി പി ഐ

വളാഞ്ചേരിക്കാരൻ — Sat, 30 Oct 2021 00:23:46 +0000

വളാഞ്ചേരി: പ്ലസ് വൺ പഠനത്തിന് യോഗ്യത നേടിയ മുഴുവൻ വിദ്യാർത്ഥികൾക്കും തുടർപഠനത്തിന് അവസരമൊരുക്കണമെന്നാവശ്യപ്പെട്ട് എസ്.ഡി.പി.ഐ വളാഞ്ചേരി മുനിസിപ്പൽ കമ്മിറ്റി പ്രതിഷേധ ധർണ്ണ സംഘടിപ്പിച്ചു. പ്ലസ് വൺ സീറ്റ് വർധനവ് പരിഹാരമല്ല മതിയായ അടിസ്ഥാന സൗകര്യങ്ങൾ ഒരുക്കി പുതിയ ബാച്ചുകൾ അനുവധിച്ച് ഈ പ്രതിസന്ധിക്ക് ശാശ്വതമായ പരിഹാരം കാണണം സീറ്റ് വർദ്ധനവെന്നത് പരിഹാരമാർഗ്ഗമല്ല അടിയന്തരമായി ഈ പ്രതിസന്ധി പരിഹരിച്ചില്ലങ്കിൽ കൂടുതൽ ശക്തമായ സമരങ്ങളുമായി എസ്.ഡി.പി.ഐ രംഗത്തുണ്ടാവുമെന്ന് പരിപാടി ഉദ്ഘാടനം ചൈയ്ത് കൊണ്ട് എസ്.ഡി.പി.ഐ മണ്ഡലം സെക്രട്ടറി കെ.പി മുസ്തഫ പറഞ്ഞു. ഷബീർ ഇരിമ്പിളിയം സ്വാഗതം പറഞ്ഞ പരിപാടി മുനിസിപ്പൽ പ്രസിഡന്റ് അബൂബക്കർ കുന്നത്ത് അധ്യക്ഷത വഹിച്ചു. തുടർന്ന് പി.ഡി.പി മണ്ഡലം സെക്രട്ടറി ഹസൻകുട്ടി പുതുവള്ളി, വെൽഫയർ പാർട്ടി മുനിസിപ്പൽ സെക്രട്ടറി സാക്കിർ പാറമ്മൽ, പോപുലർ ഫ്രണ്ട് ഏരിയ പ്രസിഡന്റ് അഹമ്മദ് കുട്ടി-വിമൻ ഇന്ത്യാ മൂവ് മെന്റ് മേഖല പ്രസിഡന്റ് സാജിത ടീച്ചർ, കാംപസ് ഫ്രണ്ട് ഏരിയ പ്രസിഡന്റ് മിസ് ഹബ് എന്നിവർ പങ്കെടുത്ത പാരിടി ഷരീഫ് താണിയപ്പൻ കുന്ന് നന്ദി പറഞ്ഞു

The post പ്ലസ് വൺ; യോഗ്യത നേടിയ മുഴുവൻ വിദ്യാർത്ഥികൾക്കും തുടർപഠനത്തിന് അവസരമൊരുക്കണം- എസ് ഡി പി ഐ appeared first on Valanchery Online.

ഇരിമ്പിളിയം എം.ഇ.എസ്. ഹയർ സെക്കൻഡറി സ്‌കൂളിൽ പ്ലസ് വൺ കമ്യൂണിറ്റി ക്വാട്ട പ്രവേശനം ഇന്ന്

വളാഞ്ചേരിക്കാരൻ — Thu, 07 Oct 2021 00:43:13 +0000

ഇരിമ്പിളിയം: ഇരിമ്പിളിയം എം.ഇ.എസ്. ഹയർ സെക്കൻഡറി സ്‌കൂളിൽ 2021-22 വർഷത്തേക്കുള്ള പ്ലസ് വൺ കമ്യൂണിറ്റി ക്വാട്ട പ്രവേശനം വ്യാഴാഴ്ച രാവിലെ ഒമ്പതുമുതൽ സ്‌കൂളിൽ നടക്കും. റാങ്ക് പട്ടിക ഏകജാലക വെബ്‌സൈറ്റിലും സ്‌കൂൾ നോട്ടീസ് ബോർഡിലും പ്രസിദ്ധീകരിച്ചിട്ടുണ്ട്‌.

The post ഇരിമ്പിളിയം എം.ഇ.എസ്. ഹയർ സെക്കൻഡറി സ്‌കൂളിൽ പ്ലസ് വൺ കമ്യൂണിറ്റി ക്വാട്ട പ്രവേശനം ഇന്ന് appeared first on Valanchery Online.

പ്ലസ് വണ്ണിന് 8 വരെ അപേക്ഷിക്കാം, ആദ്യ അലോട്ട്‌മെന്റ് 22 ന്

വളാഞ്ചേരിക്കാരൻ — Fri, 03 Sep 2021 01:36:02 +0000

തിരുവനന്തപുരം: ഒന്നാം വർഷ ഹയർ സെക്കൻഡറി, വൊക്കേഷണൽ ഹയർ സെക്കൻഡറി പ്രവേശനത്തിന് 8ന് വൈകിട്ട് 5 വരെ അപേക്ഷിക്കാം. പുതുക്കിയ പ്രവേശന ഷെഡ്യൂൾ അഡ്മിഷൻ വെബ്‌സൈറ്റിൽ പ്രസിദ്ധീകരിച്ചു. ട്രയൽ അലോട്ട്‌മെന്റ് 13നും ആദ്യ അലോട്ട്‌മെന്റ് 22 നും നടക്കും. പ്രവേശനം 23 ന് ആരംഭിക്കും. മുഖ്യ അലോട്ട്‌മെന്റ് ഒക്ടോബർ 18 ന് അവസാനിക്കുമെന്ന് വിദ്യാഭ്യാസ വകുപ്പ് അറിയിച്ചു.

The post പ്ലസ് വണ്ണിന് 8 വരെ അപേക്ഷിക്കാം, ആദ്യ അലോട്ട്‌മെന്റ് 22 ന് appeared first on Valanchery Online.

പ്ലസ് വൺ സ്പോർട്‌സ് ക്വാട്ട ഓൺലൈൻ രജിസ്‌ട്രേഷൻ തുടങ്ങി

വളാഞ്ചേരിക്കാരൻ — Thu, 26 Aug 2021 00:29:51 +0000

മലപ്പുറം : പ്ലസ് വൺ സ്പോർട്‌സ് ക്വാട്ട ഓൺലൈൻ രജിസ്‌ട്രേഷൻ തുടങ്ങി. യോഗ്യരായ വിദ്യാർഥികൾക്ക് വിദ്യാഭ്യാസവകുപ്പിന്റെ ഏകജാലകസംവിധാനത്തിലൂടെ സ്‌പോർട്‌സ് ക്വാട്ട (സ്പോർട്‌സ് ക്വാട്ട അച്ചീവ്മെന്റ് രജിസ്‌ട്രേഷൻ) അപേക്ഷ നൽകാം. അപേക്ഷയുടെ പ്രിന്റ് ഔട്ടും ഒബ്‌സർവർ സീലും ഒപ്പുമുള്ള ഒറിജിനൽ സർട്ടിഫിക്കറ്റിന്റെ കളർ പകർപ്പും വിദ്യാർഥികളുടെ ഇ -മെയിലിൽ നിന്ന് plusonesports21@gmail.com എന്ന ഇ-മെയിൽ വിലാസത്തിലേക്ക് അയയ്ക്കണം. സർട്ടിഫിക്കറ്റുകളിൽ സീരിയൽ നമ്പർ, വിതരണംചെയ്ത തീയതി, അതോറിറ്റി എന്നിവ ഉണ്ടായിരിക്കണം. ഇല്ലാത്തവർ അതിന്റെ പൂർണ ഉത്തരവാദിത്വം വിദ്യാർഥികൾക്കും അതോറിറ്റികൾക്കുമാണെന്ന സത്യവാങ്മൂലവും ചേർക്കണം. 2019 ഏപ്രിൽ ഒന്നുമുതൽ 2021 മാർച്ച് 31 വരെയുള്ള സർട്ടിഫിക്കറ്റുകളാണ് സ്പോർട്‌സ് ക്വാട്ടയ്ക്ക് പരിഗണിക്കുക. ഫോൺ: 0483 2734701, 9495243423, 9496841575.

The post പ്ലസ് വൺ സ്പോർട്‌സ് ക്വാട്ട ഓൺലൈൻ രജിസ്‌ട്രേഷൻ തുടങ്ങി appeared first on Valanchery Online.

ഇരിമ്പിളിയം എം.ഇ.എസ്. ഹയർസെക്കൻഡറി സ്‌കൂളിൽ പ്ലസ്‌വൺ കമ്യൂണിറ്റി ക്വാട്ട അപേക്ഷാഫോം വിതരണം ഇന്ന് മുതൽ

വളാഞ്ചേരിക്കാരൻ — Wed, 25 Aug 2021 01:33:07 +0000

ഇരിമ്പിളിയം: ഇരിമ്പിളിയം എം.ഇ.എസ്. ഹയർസെക്കൻഡറി സ്‌കൂളിൽ പ്ലസ്‌വൺ കമ്യൂണിറ്റി (മുസ്‍ലിം) ക്വാട്ട അപേക്ഷാഫോം 25 മുതൽ വിതരണം തുടങ്ങും. രാവിലെ 10 മുതൽ ഉച്ചയ്ക്ക് രണ്ടുവരെയാണ് വിതരണം.

The post ഇരിമ്പിളിയം എം.ഇ.എസ്. ഹയർസെക്കൻഡറി സ്‌കൂളിൽ പ്ലസ്‌വൺ കമ്യൂണിറ്റി ക്വാട്ട അപേക്ഷാഫോം വിതരണം ഇന്ന് മുതൽ appeared first on Valanchery Online.