pipe Archives - Valanchery Online

കുറ്റിപ്പുറത്ത് ഓടിക്കൊണ്ടിരുന്ന ബസിന്റെ കമ്പി തെറിച്ചുവീണത് എതിരെ വന്ന കാറിൽ; വീഡിയോ കാണാം

വളാഞ്ചേരിക്കാരൻ — Sat, 08 Feb 2020 15:08:17 +0000

കുറ്റിപ്പുറം: ഓടിക്കൊണ്ടിരുന്ന കെ.എസ്.ആർ.ടി.സി. ബസിന്റെ വശത്തെ കമ്പി തെറിച്ചുവീണ് കാറിന്റെ ചില്ല് തകർന്നതായി പരാതി. ദേശീയപാതയിൽ കിൻഫ്ര പാർക്കിന് സമീപമാണ് കഴിഞ്ഞ 27ന് ഉച്ചയ്ക്ക് അപകടമുണ്ടായത്. പൈങ്കണ്ണൂർ വടക്കേപൈങ്കൽ വീട്ടിൽ ഹാഷിം ജമാൻ എന്നയാളാണ് പരാതിയുമായി പോലീസിനെ സമീപിച്ചത്. കമ്പി കാറിന്റെ മുൻവശത്തെ ചില്ലിന് മുകളിലേക്കുവീഴുന്നത് കാറിലെ ക്യാമറയിൽ പതിഞ്ഞിട്ടുണ്ട്. ഈ ദൃശ്യങ്ങൾ സഹിതമാണ് പോലീസിൽ പരാതിനൽകിയിട്ടുള്ളത്. അശ്രദ്ധമായി വാഹനമോടിച്ചതിന് കെ.എസ്.ആർ.ടി.സി. ഡ്രൈവറുടെ പേരിൽ കേസെടുത്തതായി എസ്.ഐ കെ.കെ. ശ്രീനി പറഞ്ഞു.

കോഴിക്കോട് ഭാഗത്തേയ്ക്ക് പോകുകയായിരുന്നു കെഎൽ 15 എ 1049 (ആർപി‌കെ 350 പി‌വി‌എം) നമ്പർ ബസ്. ബസിന്റെ വശത്തെ കമ്പിയാണ് തെറിച്ച് എതിരേവന്ന കാറിന്റെ ചില്ലിലേയ്ക്ക് വീണത്. നിർത്താതെപോയ ബസ്‌ പിന്തുടർന്ന് കാറിലുള്ളവർ വിവരമറിയിച്ചെങ്കിലും യാത്രക്കാരെ ബുദ്ധിമുട്ടിക്കാൻ കഴിയില്ലെന്നുപറഞ്ഞ് ബസ് യാത്ര തുടർന്നെന്നാണ് പരാതിയിൽ പറയുന്നത്. തുടർന്ന് യുവാ‍വ് ഹൈക്കോടതിയെയും സമീപിച്ചു. ബസിന്റെ പല ഭാഗങ്ങളും തുരുമ്പിച്ചതാണെന്നും ഫിറ്ന്ൈസില്ലാതെ സർവ്വീസ് നടത്തുന്നത് യാത്രക്കാർക്ക് ഭീഷണിയാണെന്നും കാണിച്ചാണ് യുവാവ് ഹൈക്കോടതിയെ സമീപിച്ചത്.
വീഡിയോ കാണാം:

The post കുറ്റിപ്പുറത്ത് ഓടിക്കൊണ്ടിരുന്ന ബസിന്റെ കമ്പി തെറിച്ചുവീണത് എതിരെ വന്ന കാറിൽ; വീഡിയോ കാണാം appeared first on Valanchery Online.

ആവശ്യക്കാർക്ക് ശുദ്ധജലം എത്തിക്കാൻ കഴിയാതെ ഇരിമ്പിളിയം പദ്ധതി

വളാഞ്ചേരിക്കാരൻ — Sun, 01 Apr 2018 07:13:18 +0000

ഇരിമ്പിളിയം: വളാഞ്ചേരി നഗരസഭയിലും ഇരിമ്പിളിയം പഞ്ചായത്തിലും ശുദ്ധജലം എത്തിക്കുന്ന ഇരിമ്പിളിയം ത്വരിതഗ്രാമീണ ജലവിതരണ പദ്ധതിയുടെ പ്രവർത്തനം കാര്യക്ഷമമാക്കണമെന്ന് നാട്ടുകാർ. പൈപ്പുകൾ തകർന്നു ശുദ്ധജലം പാതയോരങ്ങളിൽ പരന്നൊഴുകുന്ന കാഴ്ച പലയിടങ്ങളിലും ഇടയ്ക്കിടെ ഉണ്ടാവുന്നതായി വ്യാപക പരാതി ഉയർന്ന സാഹചര്യത്തിലാണിത്. ഇരിമ്പിളിയം മേച്ചേരിപ്പറമ്പു മുതൽ കാവുംപുറം വരെയുള്ള ഭാഗങ്ങളിൽ വെള്ളം എത്തിക്കുന്ന പദ്ധതിയാണിത്.

മേച്ചേരിപ്പറമ്പ് തൂതപ്പുഴയിലെ ഇടിയറക്കടവിലെ കിണറിൽനിന്നുള്ള വെള്ളം വട്ടപ്പറമ്പിലെ ഭൂതല ജലസംഭരണിയിലെത്തിച്ചാണ് വിതരണം. മങ്കേരിയിലും വെണ്ടല്ലൂരിലും വലിയകുന്നിലും കൊട്ടാരത്തും വളാഞ്ചേരി നഗരത്തിന്റെ വിവിധ ഭാഗങ്ങളിലും മീമ്പാറയിലുമെല്ലാം കുഴലുകൾ തകരുന്നത് സ്ഥിരം സംഭവമാണ്. മീമ്പാറ മേഖലയിലെ കുഴൽത്തകർച്ചമൂലം മിക്കപ്പോഴും കാവുംപുറത്തേക്കുള്ള ജലവിതരണം തടസ്സപ്പെടുന്നതും പതിവാണ്. വേനൽ കടുത്ത സാഹചര്യത്തിൽ ജലപദ്ധതിയുടെ പ്രവർത്തന കാര്യത്തിൽ തദ്ദേശ സ്വയംഭരണ സ്ഥാപനങ്ങളുടെ ഇടപെടൽ ആവശ്യമാണ്.

The post ആവശ്യക്കാർക്ക് ശുദ്ധജലം എത്തിക്കാൻ കഴിയാതെ ഇരിമ്പിളിയം പദ്ധതി appeared first on Valanchery Online.

പൈപ്പ് നന്നാക്കിയില്ല: കൊട്ടാരത്ത് കുടിവെള്ളം പാഴാകുന്നു

വളാഞ്ചേരിക്കാരൻ — Sun, 28 Aug 2016 03:35:06 +0000

വളാഞ്ചേരി: ഒരാഴ്ചയിലേറെയായി പൊട്ടിയ പൈപ്പ് നന്നാക്കാത്തതിനാൽ കുടിവെള്ളം പാഴാകുന്നതായി പരാതി. വളാഞ്ചേരി മുനിസിപ്പാലിറ്റിയില കൊട്ടാരം ട്രെയിനിങ് സ്‌കൂള്‍ റോഡിലുള്ള കൊട്ടാരം കുടിവെള്ളപദ്ധതിയുടെ വെള്ളമാണ് പാഴായിപ്പോകുന്നത്. വെള്ളം കൊണ്ടുപോകുന്ന വലിയ പൈപ്പ് പൊട്ടിയതാണ് കാരണം. വെള്ളം പമ്പുചെയ്യുമ്പോള്‍ പൊട്ടിയ കുഴലിലൂടെ റോഡിലേക്ക് ശക്തമായി വെള്ളം ഒഴുകുകയാണ്. ഇതുമൂലം ഗുണഭോക്താക്കള്‍ക്ക് വെള്ളം ലഭിക്കുന്നില്ലെന്നുമാത്രമല്ല, റോഡുവഴിയുള്ള യാത്രയും ദുരിതത്തിലാക്കിയിരിക്കുകയാണ്. പ്രദേശവാസികള്‍ അധികൃതരെ വിവരമറിയിച്ചിരുന്നു. എന്നിട്ടും നടപടിയുണ്ടായില്ല. ട്രെയിനിങ് സ്‌കൂളിനോടു ചേര്‍ന്ന് പ്രവര്‍ത്തിക്കുന്ന നാലാംക്‌ളാസ് വരെയുള്ള കൊട്ടാരം മോഡല്‍ എല്‍.പി. സ്‌കൂളിലെ കുട്ടികള്‍ ഇതുമൂലം എല്ലാദിവസവും നനഞ്ഞൊലിച്ചാണ് ക്‌ളാസിലെത്തുന്നതെന്ന് രക്ഷിതാക്കള്‍ പറയുന്നു.

Summary: The residents and pedestrians in the Kottaram area of the Valanchery Muncipality are troubled due to the lack of attention by the authorities to the faulty fresh water pipe

The post പൈപ്പ് നന്നാക്കിയില്ല: കൊട്ടാരത്ത് കുടിവെള്ളം പാഴാകുന്നു appeared first on Valanchery Online.

Marakara Grama Panchayath: Getting ready to be a model in waste management

വളാഞ്ചേരിക്കാരൻ — Tue, 30 Oct 2012 06:48:26 +0000

ഗ്രാമപ്രദേശങ്ങളിൽ‌പോലും മാലിന്യ നിർമ്മാർജ്ജനത്തിനായുള്ള പോംവഴികൾ തേടി നട്ടം തിരിയുമ്പോഴും മാറാക്കര ഗ്രാമ പഞ്ചായത്ത് മാതൃകാപരമായ പ്രവർത്തനമാർഗ്ഗങ്ങളിലൂടെ സമ്പൂർണ്ണ ശുചിത്വ ഗ്രാമ പഞ്ചായത്ത് എന്ന പദവിക്കരികെ. ഇതുനുള്ള പ്രവൃത്തികൾ പഞ്ചായത്തിന്റെ ആഭിമുഖ്യത്തിൽ ഉടൻ ആരംഭിക്കും.

മാലിന്യം അതിന്റെ ഉറവിടത്തിൽ വച്ചുതന്നെ സംസ്കരിക്കുന്നതിനുള്ള നടപടികൾക്കാണ് പഞ്ചായത്ത് പ്രാധാന്യം നൽകുന്നത്. ഉറവിട മാലിന്യ സംസ്കരണം എന്നത് ഓരോ വീടുകളിലും മാലിന്യം സംസ്കരിക്കുന്നതിനുള്ള സംവിധാനം ഒരുക്കിയാകും തുടക്കമിടുന്നത്. വിവ്ധ ഘട്ടങ്ങളിലായാണ് ഇതിന്റെ പ്രവർത്തനങ്ങൾ നടപ്പിലാക്കുക. ഒന്നാം ഘട്ടത്തിൽ പഞ്ചായത്തിൽ ആകമാനം 600 പൈപ്പ് കമ്പോസ്റ്റ് യൂണിറ്റുകളും 183 ബയോഗ്യാസ് പ്ലാന്റുകളും സ്ഥാപിക്കും.

സർക്കാരിന്റെ വിവിധ പദ്ധതികളിൽ പെടുത്തിയാകും ഇതിനുള്ള ഫണ്ടുകൾ കണ്ടെത്തുന്നത്. നിര്‍മല്‍ പുരസ്‌കാർ, സംസ്ഥാന മിഷന്‍ എന്നിവ അനുവദിച്ച തുകകള്‍ ഉപയോഗിച്ചാണ് ബയോഗ്യാസ് യൂണിറ്റുകള്‍ നിര്‍മിക്കുക. ശുചിത്വമിഷന്‍ ഫണ്ട് ഉപയോഗിച്ച് പൈപ്പ് കമ്പോസ്റ്റിങ് യൂണിറ്റുകളും നിര്‍മിക്കും. പദ്ധതിയുടെ നടത്തിപ്പിനായുള്ള സര്‍വ്വെ തിങ്കളാഴ്ച ആരംഭിക്കും. ആശാവര്‍ക്കര്‍മാരെ ഉപയോഗിച്ച് നടത്തുന്ന സര്‍വ്വേ ഒരാഴ്ച കൊണ്ട് പൂര്‍ത്തിയാക്കുകയു ചെയ്യും.

പഞ്ചായത്തിലെ രോഗികളായ 121 കുട്ടികള്‍ക്ക് പ്രതീക്ഷാ പദ്ധതിയില്‍ ഉള്‍പ്പെടുത്തി ചികിത്സ നല്‍കും. പൂര്‍ണമായും കിടപ്പിലായ 25 കുട്ടികള്‍ക്കുള്ള ഫിസിയോതെറാപ്പി ചികിത്സ ആരംഭിച്ചു കഴിഞ്ഞു. നാട്ടുകാരില്‍ നിന്ന് സംഭാവന സ്വീകരിച്ച് സമാഹരിച്ച ഒരു ലക്ഷം രൂപ ഉപയോഗിച്ചാണ് ചികിത്സ ആരംഭിച്ചത്. ഗ്രാമപ്പഞ്ചായത്തിന്റെ രണ്ട് ലക്ഷം, ബ്ലോക്ക് പഞ്ചായത്തിന്റെ ഒരു ലക്ഷം ജില്ലാ പഞ്ചായത്തിന്റെ ഒരു ലക്ഷം ഫണ്ടുകള്‍ ഇതിനായി ചെലവഴിക്കും.

71 ആശ്രയ ഗുണഭോക്താക്കളെ ഗ്രാമപ്പഞ്ചായത്ത് ഇതിനകം കണ്ടെത്തിയിട്ടുണ്ട്. കുടുംബശ്രീ മിഷന്റെ 15 ലക്ഷവും ഗ്രാമപ്പഞ്ചായത്തിന്റെ ആറുലക്ഷവും ഉപയോഗിച്ച് ഇവരെ സഹായിക്കും. ഗുണഭോക്താക്കള്‍ക്ക് വിട് പുനരുദ്ധാരണത്തിനും ചികിത്സക്കുമാണ് തുക വിനിയോഗിക്കുക. ആരോഗ്യശുചിത്വമേഖലകളില്‍ പ്രയോജനം ലഭിക്കുന്ന ഈ പദ്ധതികള്‍ ഉടനടി നടപ്പാക്കുമെന്ന് മാറാക്കര പഞ്ചായത്ത് പ്രസിഡന്റ് ഒറ്റകത്ത് ജമീല അറിയിച്ചു.

Summary: Marakara Grama Panchayath is Getting ready to be a model in waste management by initializing projects to fix bio gas plants and pipe compost at the source of waste formation. the survey for the houses will start from Monday by the Aasha workers and will be completed within a week. the 121 child patients in the panchayat will be given treatment under the ‘Pratheeksha’ project.

The post Marakara Grama Panchayath: Getting ready to be a model in waste management appeared first on Valanchery Online.