photo Archives - Valanchery Online

‘ജീവനി – നമ്മുടെ കൃഷി, നമ്മുടെ ആരോഗ്യം’ കൃഷിവകുപ്പ് ഫോട്ടോ, വീഡിയോ മത്സരങ്ങള്‍ക്ക് അപേക്ഷ ക്ഷണിക്കുന്നു

വളാഞ്ചേരിക്കാരൻ — Tue, 21 Apr 2020 12:45:31 +0000

കൃഷിവകുപ്പ് നടപ്പിലാക്കുന്ന ജീവനി – നമ്മുടെ കൃഷി, നമ്മുടെ ആരോഗ്യം പദ്ധതിയുടെ ഭാഗമായി ഫാം ഇന്‍ഫര്‍മേഷന്‍ ബ്യൂറോ, ഫോട്ടോ, വീഡിയോ മത്സരങ്ങള്‍ക്ക് അപേക്ഷ ക്ഷണിക്കുന്നു. ലോക് ഡൗണ്‍ പശ്ചാത്തലത്തിൽ വീടുകളിൽ ചെറിയ രീതയിലെങ്കിലും എല്ലാവരും സ്വന്തമായി പച്ചക്കറികൃഷി ചെയ്യുന്നതിന് മുഖ്യമന്ത്രി ആഹ്വാനം ചെയ്തിരുന്നു. ആയതിന്‍റെ അടിസ്ഥാനത്തിൽ കൃഷിവകുപ്പ് ഏപ്രിൽ ആദ്യം തന്നെ 50 ലക്ഷം കുടുംബങ്ങള്‍ക്ക് വിത്ത് പാക്കറ്റുകളും തൈകളും വിതരണം നടത്തിയിരുന്നു.
ഇപ്രകാരം സ്വന്തമായി വീട്ടുവളപ്പിൽ/ടെറസ്സിൽ ഉള്‍പ്പെടെ കൃഷി ചെയ്തവര്‍ക്ക് അവര്‍ ചെയ്ത കൃഷിയുടെ ഫോട്ടോ, വീഡിയോ എന്നിവ അതാത് കൃഷി ഭവനുകളിൽ ഇ-മെയി വഴി അയച്ചുകൊടുക്കാവുന്നതാണ്. കൃഷിയിടത്തിലെ കുടുംബസമേതമുള്ള മൊബൈലിൽ പകര്‍ത്തിയ ഫോട്ടോ, വീഡിയോ ആണ് കൃഷി ഭവന്‍റെ ഇ-മെയിലേക്ക് 10/05/2020 ന് മുമ്പായി അയച്ചു നൽകേണ്ടതാണ്. മികച്ച രീതിയിൽ കൃഷി ചെയ്തിട്ടുള്ള കുടുംബങ്ങള്‍ക്ക് അവാര്‍ഡ് നൽകുന്നതാണ്. വിശദവിവരങ്ങള്‍ക്ക് 0471-2314358/9383470288 എന്നീ നമ്പറുകളിൽ ബന്ധപ്പെടാവുന്നതാണ്. ഫോട്ടോ അയക്കുന്നവര്‍ ഒരു ഫോട്ടോ മാത്രവും, വീഡിയോ അയക്കുന്നവര്‍ 60 സെക്കന്‍റ് ദൈര്‍ഘ്യമുള്ള വീഡിയോയും ആണ് അയക്കേണ്ടത്. മേൽവിലാസവും, ഫോണ്‍ നമ്പറും പ്രത്യേകം രേഖപ്പെടുത്തണം. അപേക്ഷകള്‍ ജില്ലാതലത്തിലും സംസ്ഥാനതലത്തിലും തെരഞ്ഞെടുത്ത് അവാര്‍ഡിനായി പരിഗണിക്കുന്നതാണ്. ഈ മത്സരത്തിൽ പങ്കെടുക്കാൻ താല്പര്യമുള്ള വളാഞ്ചേരി നഗരസഭയിലെ കർഷകർ താഴെ പറയുന്ന നമ്പറിൽ ബന്ധപ്പെടുക 9383471675.

The post ‘ജീവനി – നമ്മുടെ കൃഷി, നമ്മുടെ ആരോഗ്യം’ കൃഷിവകുപ്പ് ഫോട്ടോ, വീഡിയോ മത്സരങ്ങള്‍ക്ക് അപേക്ഷ ക്ഷണിക്കുന്നു appeared first on Valanchery Online.

ഭാര്യയുടെ ഫോട്ടോ ഉപയോഗിച്ച് വർഗീയ ധ്രുവീകരണത്തിന് ശ്രമിച്ച യുവാവ് അറസ്റ്റിൽ

വളാഞ്ചേരിക്കാരൻ — Wed, 15 Jan 2020 12:17:29 +0000

വളാഞ്ചേരി: ഭാര്യയുടെ ഫോട്ടോ ഉപയോഗിച്ച് സോഷ്യൽ മീഡിയവഴി വർഗീയ ധ്രുവീകരണത്തിന് ശ്രമിച്ച യുവാവിനെ വളാഞ്ചരി പോലീസ് അറസ്റ്റ്ചെയ്തു. കാർത്തല സ്വദേശി ഷഫീഖ് റഹ്‌മാനാണ് അറസ്റ്റിലായത്.

കഴിഞ്ഞദിവസം വാട്‌സാപ്പ് വഴി വ്യാജസന്ദേശം പ്രചരിപ്പിച്ച പ്രത്യേക സാഹചര്യം കണക്കിലെടുത്താണ് ഇയാൾക്കെതിരേ കേസ് രജിസ്റ്റർ ചെയ്തതെന്ന് പോലീസ് പറഞ്ഞു. എസ്.ഐമാരായ ഗോപാലൻ, അബൂബക്കർ സിദ്ദിഖ്, എ.എസ്.ഐ. അനിൽകുമാർ, എസ്.സി.പി.ഒ. അൽത്താഫ് എന്നിവരടങ്ങുന്ന സംഘമാണ് പിടികൂടിയത്. ഇയാളെ കോടതിയിൽ ഹാജരാക്കും.

The post ഭാര്യയുടെ ഫോട്ടോ ഉപയോഗിച്ച് വർഗീയ ധ്രുവീകരണത്തിന് ശ്രമിച്ച യുവാവ് അറസ്റ്റിൽ appeared first on Valanchery Online.

കെ-ടെറ്റ്: ഫോട്ടോ തെറ്റായി അപ്‌ലോഡ് ചെയ്തവർക്ക് വീണ്ടും അവസരം

വളാഞ്ചേരിക്കാരൻ — Fri, 07 Jun 2019 03:05:34 +0000

കെ-ടെറ്റ് ജൂൺ 2019 പരീക്ഷയ്ക്ക് അപേക്ഷ നൽകിയവരിൽ ഫോട്ടോ തെറ്റായി അപ്‌ലോഡ് ചെയ്തവർക്ക് വീണ്ടും അവസരം. വിജ്ഞാപനത്തിൽ പറഞ്ഞ പ്രകാരമുള്ള ഫോട്ടോ അപ്‌ലോഡ് ചെയ്യുന്നതിന് ജൂൺ 10 മുതൽ 13 വരെ അവസരമുണ്ട്.

അപേക്ഷാർത്ഥികൾക്ക് ആപ്ലിക്കേഷൻ ഐഡിയും അപ്ലിക്കേഷൻ നമ്പറും ഉപയോഗിച്ച് ലോഗിൻ ചെയ്ത് തിരുത്തൽ വരുത്താം. വിജ്ഞാപനം പ്രസിദ്ധീകരിച്ച തിയതിക്ക് (27.05.2019) ശേഷമുള്ള ഫോട്ടോ ആയിരിക്കണം അപ്‌ലോഡ് ചെയ്യേണ്ടത്. ഫോട്ടോയിൽ പരീക്ഷാർത്ഥിയുടെ പേരും ഫോട്ടോ എടുത്ത തിയതിയും രേഖപ്പെടുത്തിയിരിക്കണം.
Summary: a second chance to those who uploaded photos for KTET wrongly.

The post കെ-ടെറ്റ്: ഫോട്ടോ തെറ്റായി അപ്‌ലോഡ് ചെയ്തവർക്ക് വീണ്ടും അവസരം appeared first on Valanchery Online.

സംസ്ഥാന ഫോട്ടോഗ്രഫി മത്സരം: ആഗസ്റ്റ് 31 വരെ എന്‍ട്രികള്‍ അയയ്ക്കാം

വളാഞ്ചേരിക്കാരൻ — Tue, 31 Jul 2018 23:57:33 +0000

സംസ്ഥാന ഫോട്ടോഗ്രഫി മത്സരത്തിന് എന്‍ട്രികള്‍ ക്ഷണിച്ചു. സ്ത്രീകള്‍- അതിജീവനം എന്ന വിഷയത്തിലുള്ള 18′ X 12′ വലിപ്പത്തിലുള്ള കളര്‍ ഫോട്ടോകളാണ് അയയ്‌ക്കേണ്ടത്. ഒരാള്‍ക്ക് മൂന്ന് എന്‍ട്രികള്‍ വരെ അയയ്ക്കാം. എന്‍ട്രികള്‍ ലഭിക്കേണ്ട അവസാന തിയതി: ആഗസ്റ്റ് 31. ചിത്രങ്ങളില്‍ കൃത്രിമം കാണിച്ചുവെന്ന് വ്യക്തമായാല്‍ മത്സരത്തില്‍ ഉള്‍പ്പെടുത്തുകയില്ല. മത്സരചിത്രത്തോടൊപ്പം സോഫ്റ്റ് കോപ്പിയും സമര്‍പ്പിക്കണം. ഫോട്ടോകളില്‍ മത്സരാര്‍ത്ഥികളെ തിരിച്ചറിയാനുള്ള വിലാസമോ അടയാളമോ ഉണ്ടാകരുത്. വിലാസവും ഫോണ്‍ നമ്പരും ഇ-മെയില്‍ ഐഡിയും അപേക്ഷയോടൊപ്പം നല്‍കണം.

ഫോട്ടോഗ്രഫി പ്രൊഫഷനായി സ്വീകരിച്ചവര്‍ക്കും അമച്വര്‍ ഫോട്ടോഗ്രഫര്‍മാര്‍ക്കും മത്സരത്തില്‍ പങ്കെടുക്കാം. സര്‍ക്കാര്‍ വകുപ്പുകള്‍, സ്വയംഭരണ സ്ഥാപനങ്ങള്‍, അര്‍ദ്ധ സര്‍ക്കാര്‍ സ്ഥാപനങ്ങള്‍ എന്നിവിടങ്ങളില്‍ ഫോട്ടോഗ്രഫര്‍മാരായി ജോലി ചെയ്യുന്നവര്‍ക്കും പത്ര ഫോട്ടോഗ്രഫര്‍മാര്‍ക്കും മത്സരത്തില്‍ പങ്കെടുക്കാന്‍ അര്‍ഹതയില്ല. ഒന്നാം സമ്മാനം 50,000 രൂപയും രണ്ടാം സമ്മാനം 30,000 രൂപയും മൂന്നാം സമ്മാനം 25,000 രൂപയുമാണ്. കൂടാതെ സാക്ഷ്യപത്രവും ശില്പവും പത്ത് പേര്‍ക്ക് പ്രോത്സാഹന സമ്മാനമായി 2,500 രൂപയും സാക്ഷ്യപത്രവും ലഭിക്കും.

കേരളത്തില്‍ നിന്നുള്ള ചിത്രങ്ങള്‍ക്ക് മുന്‍ഗണന ലഭിക്കും. മത്സരത്തിനു ലഭിക്കുന്ന ചിത്രങ്ങള്‍ തിരികെ നല്‍കുകയില്ല. മത്സരവുമായി ബന്ധപ്പെട്ട് ഒരുവിധത്തിലുളള കത്തിടപാടുകളും അനുവദനീയമല്ല. എന്‍ട്രികള്‍ സമര്‍പ്പിക്കേണ്ട വിലാസം: ഡയറക്ടര്‍, ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പ്, സൗത്ത് ബ്ലോക്ക്, ഗവ. സെക്രട്ടേറിയറ്റ്, തിരുവനന്തപുരം- 695001. അയയ്ക്കുന്ന കവറിനു പുറത്ത് സംസ്ഥാന ഫോട്ടോഗ്രഫി അവാര്‍ഡ്-2018 എന്നു രേഖപ്പെടുത്തണം.

The post സംസ്ഥാന ഫോട്ടോഗ്രഫി മത്സരം: ആഗസ്റ്റ് 31 വരെ എന്‍ട്രികള്‍ അയയ്ക്കാം appeared first on Valanchery Online.

ഡോക്ടര്‍മാര്‍ പരസ്യങ്ങളില്‍ ഫോട്ടോ പ്രദര്‍ശിപ്പിക്കുന്നത് നിയമവിരുദ്ധം

വളാഞ്ചേരിക്കാരൻ — Sun, 17 Jun 2018 04:01:37 +0000

കേരളത്തിലെ സര്‍ക്കാര്‍, സ്വകാര്യ ആശുപത്രികളില്‍ പ്രാക്ടീസ് ചെയ്യുന്ന ഡോക്ടര്‍മാര്‍ ആശുപത്രി പരസ്യങ്ങളില്‍ ഫോട്ടോ വിവരങ്ങള്‍ പ്രദര്‍ശിപ്പിക്കുന്നത് നിയമവിരുദ്ധമാണെന്ന് ട്രാവന്‍കൂര്‍-കൊച്ചിന്‍ മെഡിക്കല്‍ കൗണ്‍സില്‍ അറിയിച്ചു. ഇന്ത്യന്‍ മെഡിക്കല്‍ കൗണ്‍സില്‍ വ്യവസ്ഥകള്‍ക്ക് വിരുദ്ധമായി ഫോട്ടോ വിവരങ്ങള്‍ പ്രദര്‍ശിപ്പിച്ചിട്ടുള്ള ഡോക്ടര്‍മാര്‍ എത്രയും പെട്ടെന്ന് നീക്കം ചെയ്തില്ലെങ്കില്‍ കൗണ്‍സില്‍ സ്വമേയാ നടപടിയെടുക്കും.

അത്തരക്കാര്‍ക്കെതിരെ രജിസ്റ്ററില്‍ നിന്ന് പേര് നീക്കം ചെയ്യുന്നതുള്‍പ്പെടെ അച്ചടക്കനടപടികള്‍ കൈക്കൊള്ളാന്‍ മോഡേണ്‍ മെഡിസിന്‍ കൗണ്‍സില്‍ യോഗം തീരുമാനിച്ചതായി മെഡിക്കല്‍ കൗണ്‍സില്‍ അറിയിച്ചു.

The post ഡോക്ടര്‍മാര്‍ പരസ്യങ്ങളില്‍ ഫോട്ടോ പ്രദര്‍ശിപ്പിക്കുന്നത് നിയമവിരുദ്ധം appeared first on Valanchery Online.