PDS Archives - Valanchery Online

ഓണക്കിറ്റ്‌ വിതരണം ഇന്നാരംഭിക്കും

വളാഞ്ചേരിക്കാരൻ — Sat, 31 Jul 2021 07:02:30 +0000

മലപ്പുറം: സംസ്ഥാന സർക്കാരിന്റെ സൗജന്യ ഓണക്കിറ്റുകളുടെ വിതരണം ശനിയാഴ്‌ച ആരംഭിക്കും. ആദ്യഘട്ടത്തിൽ എഎവൈ (മഞ്ഞ കാർഡ്) വിഭാഗത്തിൽപ്പെട്ട കാർഡുടമകൾക്കാണ് കിറ്റ്‌ നൽകുക. 51,815 എഎവൈ കാർഡുകളാണ് ജില്ലയിലുള്ളത്. 15 ഇനം സാധനങ്ങളാണ് കിറ്റിലുള്ളത്‌. ആഗസ്ത്‌ 16 വരെയാണ് വിതരണം.

The post ഓണക്കിറ്റ്‌ വിതരണം ഇന്നാരംഭിക്കും appeared first on Valanchery Online.

മേയ് മാസത്തെ റേഷൻവിതരണം ജൂൺ അഞ്ചുവരെ

വളാഞ്ചേരിക്കാരൻ — Sun, 30 May 2021 23:59:53 +0000

തിരൂർ : മേയ് മാസത്തെ റേഷൻവിതരണം ജൂൺ അഞ്ചുവരെയും ഏപ്രിൽ മാസത്തെ ഭക്ഷ്യകിറ്റ് വിതരണം ജൂൺ അഞ്ചിന് അവസാനിക്കുന്നതും മേയ് മാസത്തെ ഭക്ഷ്യകിറ്റ് വിതരണം തുടരുന്നതുമാണന്ന് തിരൂർ സപ്ലൈ ഓഫീസർ ജോർജ് കെ.സാമുവൽ അറിയിച്ചു.

The post മേയ് മാസത്തെ റേഷൻവിതരണം ജൂൺ അഞ്ചുവരെ appeared first on Valanchery Online.

കാര്‍ഡ് ഉടമകള്‍ക്ക് ഏത് റേഷന്‍ കടയില്‍ നിന്നും സാധനം വാങ്ങാം; അനര്‍ഹമായി റേഷന്‍ വാങ്ങുന്നവര്‍ക്കെതിരെ പ്രോസിക്യൂഷന്‍ നടപടി

വളാഞ്ചേരിക്കാരൻ — Sun, 29 Jul 2018 04:07:23 +0000

ദേശീയ ഭക്ഷ്യഭദ്രതാ നിയമം സംസ്ഥാനത്ത് പൂര്‍ണ്ണതോതില്‍ നടപ്പില്‍ വന്നതിന്റെ ഭാഗമായി ആധാര്‍ അധിഷ്ഠിത പോര്‍ട്ടബിലിറ്റി സംവിധാനം റേഷന്‍ വിതരണ രംഗത്ത് പ്രാബല്യത്തില്‍ വരുത്തിയിട്ടുണ്ട്. ഇതിന്റെ അടിസ്ഥാനത്തില്‍ സംസ്ഥാനത്തെ ഏത് കാര്‍ഡ് ഉടമയ്ക്കും കാര്‍ഡില്‍ ഉള്‍പ്പെട്ടിട്ടുളള അംഗങ്ങള്‍ക്കും അര്‍ഹതപ്പെട്ട റേഷന്‍ സാധനങ്ങള്‍ സംസ്ഥാനത്തെ ഏത് റേഷന്‍ കടയില്‍ നിന്നും വാങ്ങാവുന്നതാണ്. റേഷന്‍ കാര്‍ഡുകള്‍ ആധാര്‍ നമ്പറുമായി ബന്ധിപ്പിച്ചിട്ടുളള ഗുണഭോക്താക്കള്‍ക്ക് മാത്രമേ ഈ സംവിധാനം പ്രയോജനപ്പെടുത്താന്‍ കഴിയൂ. ഒ.ടി.പി, മാനുവല്‍ തുടങ്ങിയ മറ്റ് മാര്‍ഗ്ഗങ്ങളിലൂടെ റേഷന്‍ സാധനങ്ങള്‍ വാങ്ങുന്നവര്‍ക്ക് പോര്‍ട്ടബിലിറ്റി സംവിധാനത്തിലൂടെ റേഷന്‍ ഏത് കടയില്‍ നിന്നും വാങ്ങുന്നതിനുളള അര്‍ഹത ഉണ്ടായിരിക്കില്ല.

താലൂക്ക് ജില്ലാ വ്യത്യാസമില്ലാതെ സംസ്ഥാനത്തെ ഏത് കാര്‍ഡുടമകള്‍ക്കും ആധാര്‍ അധിഷ്ഠിത പോര്‍ട്ടബിലിറ്റി സൗകര്യം ഉപയോഗിച്ച് റേഷന്‍ വിതരണം ചെയ്യുന്നതിന് പൊന്നാനി താലൂക്കിലെ റേഷന്‍ കട ലൈസന്‍സികളെ ചുമതലപ്പെടുത്തിയിട്ടുണ്ട്. പോര്‍ട്ടബിലിറ്റി സൗകര്യം നിക്ഷേധിക്കുന്ന റേഷന്‍ വ്യാപാരികള്‍ക്കെതിരെ കര്‍ശന നടപടികള്‍ സ്വീകരിക്കും. പോര്‍ട്ടബിലിറ്റി സംവിധാനത്തിലൂടെ കൂടുതല്‍ കാര്‍ഡ് ഉടമകള്‍ക്ക് റേഷന്‍ വിതരണം ചെയ്യേണ്ടിവരുമ്പോള്‍ റേഷന്‍ കടകളില്‍ മതിയായ സ്റ്റോക്ക് എത്തിക്കുന്നതിന് ക്രമീകരണങ്ങള്‍ ഏര്‍പ്പെടുത്തിയിട്ടുണ്ട്.
മുന്‍ഗണനാ/ എ.എ.വൈ റേഷന്‍ കാര്‍ഡുകള്‍ അനര്‍ഹമായി കൈവശം വച്ച് ഇപ്പോഴും പല കാര്‍ഡ് ഉടമകളും അനധികൃതമായി റേഷന്‍ സാധനങ്ങള്‍ വാങ്ങുന്നതായി ശ്രദ്ധയില്‍പ്പെട്ടിട്ടുണ്ട്. പി.ഡി.എസ് കണ്‍ട്രോള്‍ ഓഡര്‍ 2015ലെ 3(13) പ്രകാരം അന്തിമ മുന്‍ഗണനാപ്പട്ടിക കാലാകാലങ്ങളില്‍ പുനരവലോകനം ചെയ്ത് അനര്‍ഹരെ ഒഴിവാക്കി അര്‍ഹരെ ഉള്‍പ്പെടുത്തുന്നതിന് നിയമപരമായി ബാദ്ധ്യത ഉളളതിനാല്‍ അനര്‍ഹമായി ആനൂകൂല്യങ്ങള്‍ കൈപ്പറ്റുന്ന ഏ.ഏ.വൈ കാര്‍ഡ് ഉടമകള്‍ ജൂലൈ 30നകം റേഷന്‍ കാര്‍ഡുകള്‍ താലൂക്ക് സപ്ലൈ ഓഫീസില്‍ ഹാജരാക്കി സ്വയം പൊതുവിഭാഗത്തിലേയ്ക്ക് മാറേണ്ടതാണ്. അല്ലാത്തപക്ഷം 1955 ലെ അവശ്യസാധന നിയമപ്രകാരം പ്രോസിക്യൂഷന്‍ നടപടികള്‍ ഉള്‍പ്പെടെയുളള കര്‍ശന നിയമനടപടികള്‍ക്ക് വിധേയരാകേണ്ടിവരും.

പൊന്നാനി താലൂക്കിലെ റേഷന്‍ വിതരണം സംബന്ധിച്ച കാര്‍ഡ് ഉടമകള്‍ക്ക് താലൂക്ക് സപ്ലൈ ഓഫീസര്‍-9188527393, അസിസ്റ്റന്റ് താലൂക്ക് സപ്ലൈ ഓഫീസര്‍-9188527491, റേഷനിംഗ് ഇന്‍സ്‌പെക്ടര്‍, എടപ്പാള്‍-9188527800, റേഷനിംഗ് ഇന്‍സ്‌പെക്ടര്‍, പൊന്നാനി-9188527801, റേഷനിംഗ് ഇന്‍സ്‌പെക്ടര്‍, പെരുമ്പടപ്പ്-9188527802 എന്നീ ഫോണ്‍ നമ്പറുകളില്‍ ബന്ധപ്പെടാമെന്ന് താലൂക്ക് സപ്ലൈ ഓഫീസര്‍ അറിയിച്ചു.

The post കാര്‍ഡ് ഉടമകള്‍ക്ക് ഏത് റേഷന്‍ കടയില്‍ നിന്നും സാധനം വാങ്ങാം; അനര്‍ഹമായി റേഷന്‍ വാങ്ങുന്നവര്‍ക്കെതിരെ പ്രോസിക്യൂഷന്‍ നടപടി appeared first on Valanchery Online.

സംസ്ഥാന മുന്‍ഗണനാപ്പട്ടിക പരാതി പഞ്ചായത്ത് -വില്ലേജ് ഓഫീസുകളില്‍ സ്വീകരിക്കും

വളാഞ്ചേരിക്കാരൻ — Tue, 25 Oct 2016 03:41:42 +0000

മലപ്പുറം: ദേശീയ ഭക്ഷ്യസുരക്ഷാനിയമം നടപ്പാക്കുന്നതിന്റെ ഭാഗമായി തയ്യാറാക്കിയ മുന്‍ഗണന,

മുന്‍ഗണനേതര, സംസ്ഥാന മുന്‍ഗണനാ പട്ടിക സംബന്ധിച്ചുള്ള പരാതികള്‍ പഞ്ചായത്ത്, വില്ലേജ് ഓഫീസുകളിലും നല്‍കാമെന്ന് കളക്ടര്‍ എ. ഷൈനമോള്‍ അറിയിച്ചു. ഇതിനുപുറമെ താലൂക്ക് ഓഫീസുകള്‍, വെരിഫിക്കേഷന്‍ കമ്മിറ്റിയിലെ അംഗങ്ങളുടെ ഓഫീസ് എന്നിവിടങ്ങളിലും പരാതി നല്‍കാം.
പഞ്ചായത്ത്, നഗരസഭ, ബ്ലോക്ക് -വില്ലേജ് ഓഫീസുകള്‍, താലൂക്ക് സപ്ലൈ ഓഫീസുകള്‍, ട്രൈബല്‍ ഡവലപ്‌മെന്റ് ഓഫീസുകള്‍, റേഷന്‍കടകള്‍ എന്നിവിടങ്ങളില്‍ പട്ടിക പരിശോധനയ്ക്ക് ലഭിക്കും.
പരാതി നല്‍കുന്നതു സംബന്ധിച്ചുള്ള പൊതുവായ നിര്‍ദേശങ്ങളും നിബന്ധനകളും റേഷന്‍കടകളിലും താലൂക്ക് സപ്ലൈ ഓഫീസുകളിലും പരസ്യപ്പെടുത്തിയിട്ടുണ്ട്. 31 ആണ് പരാതി നല്‍കുന്നതിനുള്ള അവസാനതീയതി.

Summary: The Draft Priority-Non Priority list of ration card owners has been published and those who have complaints to raise can submits the applications at Panchayath offices as well as the village offices

The post സംസ്ഥാന മുന്‍ഗണനാപ്പട്ടിക പരാതി പഞ്ചായത്ത് -വില്ലേജ് ഓഫീസുകളില്‍ സ്വീകരിക്കും appeared first on Valanchery Online.

അനധികൃതമായി കടത്താന്‍ ശ്രമിച്ച 200 ചാക്ക് റേഷന്‍ ഗോതമ്പ് വളാഞ്ചേരിയില്‍ പിടികൂടി

വളാഞ്ചേരിക്കാരൻ — Thu, 15 Jan 2015 00:38:47 +0000

വളാഞ്ചേരി: റേഷന്‍കടകളിലേക്ക് കൊണ്ടുവന്ന 200 ചാക്ക് ഗോതമ്പ് അനധികൃതമായി കടത്തുന്നതിനിടയില്‍ സിവില്‍ സപ്ലൈസ് ഉദ്യോഗസ്ഥര്‍ പിടികൂടി. വളാഞ്ചേരി- പെരിന്തല്‍മണ്ണ റോഡില്‍ കൊളമംഗലത്ത് നധാസ് ഓഡിറ്റോറിയത്തിന് സമീപത്തുവെച്ചാണ് ലോറിയും 200 ചാക്ക് ഗോതമ്പും പിടികൂടിയത്. ബുധനാഴ്ച രാത്രി ഏഴരയോടെയായിരുന്നു സംഭവം.
തിരൂര്‍ താലൂക്ക് സപ്ലൈഓഫീസര്‍ വൈ. സലാമിന്റെ നേതൃത്വത്തില്‍ റേഷനിങ് ഇന്‍സ്‌പെക്ടര്‍മാരായ കമലാധരന്‍, ജയന്‍, പി. സന്തോഷ്‌കുമാര്‍, വി. പ്രസന്നന്‍ എന്നിവര്‍ ചേര്‍ന്നാണ് ഗോതമ്പ് പിടിച്ചെടുത്തത്. തുടര്‍ന്ന് വളാഞ്ചേരി സ്റ്റേഷനിലെ എസ്.ഐമാരായ സദാനന്ദന്‍, കൃഷ്ണന്‍, സീനിയര്‍ പോലീസ് ഓഫീസര്‍ പ്രതീഷ് എന്നിവര്‍ചേര്‍ന്ന് കെ.എല്‍. 55 ജി. 2161 നമ്പര്‍ ലോറിയും ഗോതമ്പും കസ്റ്റഡിയിലെടുത്തു.
ഉദ്യോഗസ്ഥരെത്തി റോഡരികില്‍ നിര്‍ത്തിയിട്ട ലോറി പരിശോധിച്ചപ്പോഴാണ് ചാക്കുകളില്‍നിറച്ച ഗോതമ്പ് കണ്ടത്. എന്നാല്‍ ലോറിയില്‍ ഡ്രൈവറോ മറ്റാളുകളോ ഉണ്ടായിരുന്നില്ല.

The post അനധികൃതമായി കടത്താന്‍ ശ്രമിച്ച 200 ചാക്ക് റേഷന്‍ ഗോതമ്പ് വളാഞ്ചേരിയില്‍ പിടികൂടി appeared first on Valanchery Online.