parambath kavu Archives - Valanchery Online

പറമ്പത്തുകാവ് വേല വെള്ളിയാഴ്‌ച

വളാഞ്ചേരിക്കാരൻ — Tue, 08 Mar 2022 23:38:45 +0000

ഇരിമ്പിളിയം: വെണ്ടല്ലൂർ പറമ്പത്തുകാവ് ഭഗവതീക്ഷേത്രത്തിലെ വേല വെള്ളിയാഴ്‌ച ആഘോഷിക്കും. രാവിലെ ആറിന് ദർശനത്തിനായി നടതുറക്കും. മേൽശാന്തി മൂത്തമല രാജീവ് നമ്പൂതിരിയുടെ കാർമികത്വത്തിൽ വിശേഷാൽ പൂജകളുണ്ടാകും. വേലയുടെ ഭാഗമായി വരുന്ന ഇരട്ടക്കാളകൾക്കൊപ്പം വലിയ ശബ്ദത്തിലുള്ള നാസിക് ഡോൾ, ഡി.ജെ, ആട്ടതപ്പട്ട, തംബോലമേളം എന്നിവയ്ക്ക് പോലീസ് വിലക്ക് ഏർപ്പെടുത്തി.

The post പറമ്പത്തുകാവ് വേല വെള്ളിയാഴ്‌ച appeared first on Valanchery Online.

ആചാരാനുഷ്ഠാനങ്ങളോടെ വെണ്ടല്ലൂർ പറമ്പത്തുകാവ് വേല ആഘോഷിച്ചു

വളാഞ്ചേരിക്കാരൻ — Sat, 13 Mar 2021 00:38:00 +0000

ഇരിമ്പിളിയം: കോവിഡ് മാനദണ്ഡങ്ങൾ പാലിച്ച് ആചാരാനുഷ്ഠാനങ്ങളോടെ വെണ്ടല്ലൂർ പറമ്പത്തുകാവ് വേല ആഘോഷിച്ചു. തേര് കാവിലേക്ക് പ്രവേശിച്ചതിനുശേഷം പൈങ്കണ്ണൂർ, വെണ്ടല്ലൂർ, വൈക്കത്തൂർ ദേശങ്ങളിലെ ദേശക്കാളകളും കാവിലെത്തി. വൈകുന്നരം ഏഴിന് ചടങ്ങുകൾ സമാപിച്ചു. രാവിലെ മുതൽ വിശ്വാസികൾ ദർശനത്തിനെത്തിയിരുന്നു. മുൻതീരുമാനപ്രകാരം കാവിലെ പ്രധാന വഴിപാടുകളിലൊന്നായ മുട്ടറുക്കലും വേലദിവസം ഒഴിവാക്കിയിരുന്നു.

The post ആചാരാനുഷ്ഠാനങ്ങളോടെ വെണ്ടല്ലൂർ പറമ്പത്തുകാവ് വേല ആഘോഷിച്ചു appeared first on Valanchery Online.

It’s festival season in Valanchery

വളാഞ്ചേരിക്കാരൻ — Sun, 24 Feb 2013 05:11:30 +0000

കളംപാട്ടിന്റെയും കാളവേലയുടെയും നിറക്കൂട്ടില്‍ വളാഞ്ചേരിയിലെ ക്ഷേത്രങ്ങള്‍ ഉത്സവങ്ങള്‍ക്കൊരുങ്ങുന്നു.

പൂക്കാട്ടിയൂര്‍ മഹാദേവക്ഷേത്രം, പറമ്പത്ത്കാവ് ഭഗവതിക്ഷേത്രം, പച്ചീരി വിഷ്ണുക്ഷേത്രം എന്നിവിടങ്ങളിലാണ് വരുംദിവസങ്ങളില്‍ താലപ്പൊലി, കാളവേല എന്നിവ നടക്കുന്നത്.

പൂക്കാട്ടിയൂര്‍ മഹാദേവക്ഷേത്രത്തിലെ 48 കളംപാട്ടുകള്‍ക്ക് സമാപനംകുറിച്ചുകൊണ്ട് മാര്‍ച്ച് മൂന്നിന് നാട്ടുതാലപ്പൊലി ആഘോഷിക്കും. രാവിലെ എട്ടിന് കാഴ്ചശീവേലി, മേളം എന്നിവയും ഉച്ചയ്ക്ക് 12 മുതല്‍ പ്രസാദഊട്ടും നടക്കും. വൈകീട്ട് മൂന്നിന് ലിംകാ ബുക്കില്‍ ഇടംനേടിയ ശുകപുരം ദിലീപും കല്ലൂര്‍ രാമന്‍കുട്ടിമാരാരും ചേര്‍ന്ന് ഇരട്ടത്തായമ്പക അവതരിപ്പിക്കും. തുടര്‍ന്ന് സന്ധ്യാവേലയും പൂതന്‍, തിറ, വിവിധ വാദ്യങ്ങള്‍ എന്നിവയുടെ അകമ്പടിയോടെ വിവിധ കരക്കാരുടെ വരവുമുണ്ടാകും.

രാത്രി വെടിക്കെട്ട്, നാടന്‍പാട്ടുകള്‍ എന്നിവയും നടക്കും. വെണ്ടല്ലൂര്‍ പറമ്പത്ത്കാവ് ഭഗവതി ക്ഷേത്രത്തിലെ കാളവേലയാഘോഷം മാര്‍ച്ച് എട്ടിന് നടക്കും. തട്ടകത്തിന്റെ ഭഗവതിയായ പറമ്പത്ത് കാവിലമ്മയുടെ വേല ഉത്സവത്തിന്റെ പ്രധാന ഇനം ഇരട്ടക്കാളകളാണ്.

മുത്തുക്കുടകളും വര്‍ണവിസ്മയങ്ങളുമായി അറുപതോളം ജോഡി കാളകള്‍ പറമ്പത്ത്കാവിലെത്തും. പൂതന്‍, തിറ, ശിങ്കാരിമേളം, ബാന്‍ഡ്‌വാദ്യം, ദശാവതാരങ്ങള്‍ എന്നിവയും അകമ്പടിയുണ്ടാകും. മേഖലയിലെ മറ്റൊരു പ്രധാന ക്ഷേത്രമായ പച്ചീരി മഹാവിഷ്ണുക്ഷേത്രത്തില്‍ കളം പാട്ടുത്സവം കൊടികയറിയിട്ടുണ്ട്.

Summary: The festival season back in valanchery as the temples in the nearby villages are getting ready to celebrate the poorams and velas.

The post It’s festival season in Valanchery appeared first on Valanchery Online.