panchayath Archives - Valanchery Online

കാടാമ്പുഴ മലറോഡിൽ ബെവറജസ് ഔട്ട്‌ലെറ്റ്; പരാതി നൽകി മാറാക്കര ഗ്രാമപ്പഞ്ചായത്ത്

വളാഞ്ചേരിക്കാരൻ — Thu, 06 Feb 2025 01:33:44 +0000

മാറാക്കര : കാടാമ്പുഴ മലറോഡിൽ ബെവറജസ് ഔട്ട്‌ലെറ്റ് തുടങ്ങാനുള്ള നീക്കത്തിനെതിരേ മാറാക്കര ഗ്രാമപ്പഞ്ചായത്ത് ഭരണസമിതി മലപ്പുറം എക്‌സൈസ് ഡെപ്യൂട്ടി കമ്മിഷണർക്ക് പരാതി നൽകി. ഔട്ട്‍‌ലെറ്റിന് കണ്ടെത്തിയ സ്ഥലത്തിന് നൂറുമീറ്റർ ചുറ്റളവിലാണ് കാടാമ്പുഴ ഭഗവതീക്ഷേത്രം, ജുമാമസ്ജിദ്, മദ്രസ എന്നിവയുള്ളത്. പ്രസിഡന്റ് കെ.പി. ഷെരീഫ ബഷീർ, വൈസ് പ്രസിഡന്റ് ഉമറലി കരേക്കാട് എന്നിവരാണ് പരാതി നൽകിയത്. കാടാമ്പുഴ വ്യാപാരഭവനിൽ വ്യാഴാഴ്ച വൈകീട്ട് നാലിന് സർവകക്ഷി പ്രതിഷേധയോഗം സംഘടിപ്പിക്കും. യോഗത്തിൽ കർമസമിതി രൂപവത്കരിക്കുമെന്ന് ലഹരി നിർമാർജനമിതി സംസ്ഥാന വർക്കിങ് പ്രസിഡന്റ് ഒ.കെ. കുഞ്ഞിക്കോമു പറഞ്ഞു. മദ്യശാലക്കെതിരേ സർക്കാരിൽ സമ്മർദം ചെലുത്തണമെന്നാവശ്യപ്പെട്ട് ആബിദ് ഹുസൈൻ തങ്ങൾ എം.എൽ.എ.ക്ക് നിവേദനം നൽകി.

The post കാടാമ്പുഴ മലറോഡിൽ ബെവറജസ് ഔട്ട്‌ലെറ്റ്; പരാതി നൽകി മാറാക്കര ഗ്രാമപ്പഞ്ചായത്ത് appeared first on Valanchery Online.

കുറ്റിപ്പുറം ഗവ. താലൂക്ക് ആശുപത്രിയിൽ പരാധീനതകൾ പരിഹരിക്കണം; ജില്ലാ മെഡിക്കൽ ഓഫീസറെ നേരിൽ കണ്ട് നിവേദനം നൽകി ബ്ലോക്ക് പഞ്ചായത്ത് ഭരണ സമിതി

വളാഞ്ചേരിക്കാരൻ — Mon, 25 Nov 2024 02:39:39 +0000

കുറ്റിപ്പുറം: ഗവ. താലുക്ക് ആശുപത്രിയിൽ അടിയന്തിരമായി നടപ്പാക്കേണ്ട കാര്യങ്ങൾ ഉടൻ പ്രാബല്യത്തിൽ വരുത്തണം എന്ന് ആവശ്യപ്പെട്ട് കുറ്റിപ്പുറം ബ്ലോക്ക് പഞ്ചായത്ത് ഭരണ സമിതി ജില്ലാ മെഡിക്കൽ ഓഫീസറെ നേരിൽ കണ്ട് നിവേദനം നൽകി. കുറ്റിപ്പുറത്തേക്ക് നിയമിച്ച മെഡിക്കൽ ഓഫീസർ ഇതുവരെ ചാർജെടുക്കാൻ തയ്യാറായിട്ടില്ല : ഇതുകാരണം നിലവിൽ ശിശുരോഗ വിദഗ്ദ്ധൻ്റെ ഒ പി നിർത്തി വെച്ചിരിക്കുയാണ് :ഈ ഡോക്ടറെ ഉടൻ ചുമതല ഏൽപ്പിക്കുക , അല്ലെങ്കിൽ ബദൽ സംവിധാനം സത്വരമായി ഏർപ്പെടുത്തുക : നിർദിഷ്ട കണ്ണാശുപത്രി കെട്ടിടം പൂർത്തിയായിട്ടും വേണ്ട ഉപകരണങ്ങൾ ലഭ്യമാകാത്തതിനാൽ ഉൽഘാടനം ചെയ്യാൻ കഴിഞ്ഞിട്ടില്ല : ആയതിനാൽ കണ്ണാശുപത്രിക്കുള്ള എല്ലാ ഉപകരണങ്ങളും സ്റ്റാഫുകളെയും അടിയന്തിരമായി എത്തിക്കാനും നിയമിക്കാനു ഇടപെടൽ നടത്തുക : കോട്ടക്കൽ മണ്ഡലം എം എൽ എയുടെ വികസന ഫണ്ട് ഉപയോഗിച്ച് നിർമിച്ച ഫിസിയോ തെറാപ്പി സെൻ്റർ കം എക്സ്റേ യുണിറ്റ് തുറന്നു പ്രവർത്തിപ്പിക്കുന്നതിന് ഫിസിയോ തെറാപ്പിസ്റ്റിനെ അടിയന്തിരമായി നിയമിക്കുക : കൂടാതെ നിലവിലുള്ള ഐസിയുവിലേക്കുള്ള വിഭഗ്ദ്ധ സ്റ്റാഫുകളെ ഉടൻ നിയമിക്കുക തുടങ്ങിയ നിരവധി ആവശ്യങ്ങൾ ഡി എം ഒ യെ നേരിൽ ബോധിപ്പിച്ചു. കുറ്റിപ്പുറം ബ്ലോക്ക് പഞ്ചായത്ത് പ്രസിഡണ്ട് വസീമ വേളേരി, വൈസ് പ്രസിഡണ്ട് പി സി എ നൂർ , സ്റാൻ്റിംഗ് കമ്മറ്റി ചെയർമാൻമാരായ സാബിറ എടത്തടത്തിൽ , ഒ കെ സുബൈർ , ആയിഷ ചിറ്റ കത്ത്,’അടിയന്തിര നിവേദനവുമായി എന്നിവരാണ് ഡിഎം ഒ യെ സന്ദർശിച്ച സംഘത്തിൽ ഉണ്ടായിരുന്നത്

The post കുറ്റിപ്പുറം ഗവ. താലൂക്ക് ആശുപത്രിയിൽ പരാധീനതകൾ പരിഹരിക്കണം; ജില്ലാ മെഡിക്കൽ ഓഫീസറെ നേരിൽ കണ്ട് നിവേദനം നൽകി ബ്ലോക്ക് പഞ്ചായത്ത് ഭരണ സമിതി appeared first on Valanchery Online.

ഇരിമ്പിളിയത്ത് ജനകീയ ശുചീകരണം തുടങ്ങി

വളാഞ്ചേരിക്കാരൻ — Thu, 30 May 2024 05:28:37 +0000

വളാഞ്ചേരി : തിങ്കളാഴ്ച സ്‌കൂൾ തുറക്കാനിരിക്കെ കുട്ടികളുടെ സരക്ഷ ഉറപ്പാക്കാൻ ഇരിമ്പിളിയം ഗ്രാമപ്പഞ്ചായത്തിൽ ജനകീയ ശുചീകരണം തുടങ്ങി. ഭരണസമിതിയുടെ നേതൃത്വത്തിൽ വിവിധ വകുപ്പുകളുമായി സഹകരിച്ചാണ് പരിപാടി. ഇരിമ്പിളിയം ഗവ. ഹയർസെക്കൻഡറി സ്‌കൂൾ, ആലുംകൂടം അങ്കണവാടി എന്നിവ ഇതിനോടകം വൃത്തിയാക്കി. ശുചീകരണപ്രവൃത്തികളുടെ ഉദ്ഘാടനം പ്രസിഡന്റ് പി.ടി. ഷഹനാസ് നിർവഹിച്ചു. മെമ്പർ കെ. മുഹമ്മദലി അധ്യക്ഷതവഹിച്ചു. സ്ഥിരംസമിതി അധ്യക്ഷൻ വി.ടി. അമീർ, മെഡിക്കൽ ഓഫീസർ ഡോ. അലി മുഹമ്മദ്, പ്രിൻസിപ്പൽ ഡോ. ശ്രീലേഖ, പ്രഥമാധ്യാപിക ജീജ, ജെ.എച്ച്.ഐ.മാരായ രാജേഷ്, ഫ്രാൻസിസ്, രാകേഷ് എന്നിവർ പ്രസംഗിച്ചു. അധ്യാപകരായ സീത, ഹാജറ, രാജൻ, ആശാപ്രവർത്തക ഉഷ എന്നിവരും തൊഴിലുറപ്പ്‌ തൊഴിലാളികൾ, ഹരിതകർമസേനാംഗങ്ങൾ, എൻ.എസ്.എസ്. വൊളന്റിയർമാർ, സ്‌കൗട്ട്‌സ്‌ ആൻഡ്‌ ഗൈഡ്‌സ് പ്രവർത്തകർ തുടങ്ങിയവരും പങ്കാളികളായി.

The post ഇരിമ്പിളിയത്ത് ജനകീയ ശുചീകരണം തുടങ്ങി appeared first on Valanchery Online.

കുറ്റിപ്പുറം അത്താണിക്കുന്നിൽ മാലിന്യ പ്ളാന്റ് സ്ഥാപിക്കുന്നതിനെതിരേ പഞ്ചായത്ത് പ്രമേയം

വളാഞ്ചേരിക്കാരൻ — Fri, 05 Jan 2024 04:29:00 +0000

കുറ്റിപ്പുറം : അത്താണിക്കുന്നിൽ മാലിന്യപ്ളാന്റ് സ്ഥാപിക്കുന്നതിനെതിരേ പഞ്ചായത്ത് ഭരണസമിതി യോഗത്തിൽ വാർഡ് അംഗം സിദ്ദീഖ് പരപ്പാര പ്രമേയം അവതരിപ്പിച്ചു. 19-ാം വാർഡ് അംഗം റമീന പ്രമേയത്തെ പിന്തുണച്ചു. ഖരമാലിന്യ സംസ്‌കരണ പ്ലാന്റ് നിർമിക്കാനുള്ള സർക്കാർ തീരുമാനം സംബന്ധിച്ച് യാതൊരുവിധ അറിയിപ്പും പഞ്ചായത്തിന് ഇതുവരെയും ലഭിച്ചിട്ടില്ല. ഈ പ്രദേശത്ത് ഖരമാലിന്യസംസ്‌കരണ പ്ലാന്റ് നിർമിക്കുന്നത് പരിസരവാസികളെ ഏറെ ബുദ്ധിമുട്ടിലാക്കും. ജൽജീവൻ മിഷൻ പദ്ധതിയുടെ ടാങ്കും പൈപ്പുകളും തൊട്ടപ്പുറത്തുള്ള കിൻഫ്ര പാർക്കിലാണ് നിർമിക്കുന്നത്. ഖരമാലിന്യ സംസ്‌കരണപ്ലാന്റ് ഈ പ്രദേശത്ത് വന്നാൽ ഭാരതപ്പുഴയും സമീപ പ്രദേശങ്ങളിലെ കുടിവെള്ളക്കിണറുകളും ജൽജീവൻ പദ്ധതി സംഭരണിയിലൂടെ വിതരണംചെയ്യുന്ന കുടിവെള്ളവും മലിനമാകുന്നതിന് സാധ്യതയുണ്ട്. പ്രമേയം ഐകകണ്ഠ്യേന പാസാക്കി.

The post കുറ്റിപ്പുറം അത്താണിക്കുന്നിൽ മാലിന്യ പ്ളാന്റ് സ്ഥാപിക്കുന്നതിനെതിരേ പഞ്ചായത്ത് പ്രമേയം appeared first on Valanchery Online.

കുറ്റിപ്പുറം പഞ്ചായത്ത് പ്രസിഡന്റ് തിരഞ്ഞെടുപ്പ് 29-ന്

വളാഞ്ചേരിക്കാരൻ — Sat, 16 Sep 2023 13:03:44 +0000

കുറ്റിപ്പുറം : പഞ്ചായത്ത് പ്രസിഡന്റ് തിരഞ്ഞെടുപ്പ് 29-ന് രാവിലെ 11-ന് നടക്കും. ഭരണകക്ഷിയായ യു.ഡി.എഫിലെ മുന്നണി ധാരണപ്രകാരം മുസ്‌ലിംലീഗിനാണ് ഇനി പ്രസിഡന്റ് സ്ഥാനം. ഇവിടെ വനിതാ സംവരണമാണ്. പ്രസിഡന്റായിരുന്ന കോൺഗ്രസ്സിലെ റിജിത ഷലീജ് ഓഗസ്റ്റ്‌ 24-ന് രാജിവെച്ചിരുന്നു. പുതിയ പ്രസിഡന്റ് തിരഞ്ഞെടുപ്പു കൂടി കഴിയുമ്പോൾ ഇതിനകം പ്രസിഡന്റ് പദം പങ്കിടുന്നത് നാലു പേരാണ്. ഭരണത്തിന്റെ ആദ്യ ഘട്ടത്തിൽ മുസ്‌ലിംലീഗിലെ റംല കറുത്തേടത്ത് ആയിരുന്നു പ്രസിഡന്റ്. അവരുടെ മരണത്തെത്തുടർന്ന് പ്രസിഡന്റ് സ്ഥാനം മുസ്‌ലിംലീഗ് കോൺഗ്രസ്സിനു നൽകി.

കോൺഗ്രസ്സിൽ പ്രസിഡന്റ് സ്ഥാനത്തെച്ചൊല്ലി ഇരുവിഭാഗവും തർക്കം ഉണ്ടാവുകയും പിന്നീട് ഇരുവിഭാഗത്തിൽ നിന്നുമുള്ള ഫസീന അഹമ്മദ്കുട്ടിയെയും റിജിത ഷലീജിനെയും പകുതി കാലയളവു വീതം പ്രസിഡന്റാക്കാൻ ധാരണയാവുകയായിരുന്നു. തുടർന്ന് 2022 മേയിൽ ഫസീന അഹമ്മദ്കുട്ടി പ്രസിഡന്റായി. പിന്നീട് ഈ വർഷം മാർച്ച് 16-ന് റിജിത ഷലീജും പ്രസിഡന്റായി. പ്രസിഡന്റ് സ്ഥാനത്തേക്കുള്ള ആളെ തീരുമാനിക്കുന്നതിൽ മുസ്‌ലിംലീഗിലും വൈസ് പ്രസിഡന്റ് സ്ഥാനത്തേക്കുള്ള ആളെ തീരുമാനിക്കുന്നതിൽ കോൺഗ്രസിലും തർക്കം നിലനിൽക്കുകയാണ്. പ്രസിഡന്റ് സ്ഥാനത്തേക്ക് മുസ്‌ലിംലീഗിൽ നിന്നും മൂന്നുപേരും വൈസ് പ്രസിഡന്റ് സ്ഥാനത്തേക്ക് കോൺഗ്രസിൽനിന്നു രണ്ടു പേരുമാണ് ഉയർന്നു കേൾക്കുന്നത്. 23 അംഗ ഭരണസമിതിയിൽ യു.ഡി.എഫിന് 15 അംഗങ്ങളും സി.പി.എമ്മിന് എട്ട് അംഗങ്ങളുമാണ് ഉള്ളത്.

The post കുറ്റിപ്പുറം പഞ്ചായത്ത് പ്രസിഡന്റ് തിരഞ്ഞെടുപ്പ് 29-ന് appeared first on Valanchery Online.

തെരുവുനായ ശല്യം: ആതവനാട് ഗ്രാമപ്പഞ്ചായത്ത്‌ ഓഫീസിലേക്ക് എസ്.ഡി.പി.ഐ. മാർച്ച് നടത്തി

വളാഞ്ചേരിക്കാരൻ — Mon, 19 Jun 2023 01:29:58 +0000

ആതവനാട്: ആതവനാട് ഗ്രാമപ്പഞ്ചായത്തിന്റെ വിവിധ സ്ഥലങ്ങളിൽ തെരുവുനായശല്യം രൂക്ഷമായ സാഹചര്യത്തിൽ തെരുവ് നായശല്യം ഉടൻ പരിഹരിക്കണമെന്നാവശ്യപ്പെട്ട് എസ്.ഡി.പി.ഐ. ആതവനാട് പഞ്ചായത്ത്‌ കമ്മിറ്റി ഗ്രാമപ്പഞ്ചായത്തിലേക്ക് പ്രതിഷേധ മാർച്ച് നടത്തി. തിരൂർ മണ്ഡലം സെക്രട്ടറി നിസാർ അഹമ്മദ്‌ മാർച്ച്‌ ഉദ്ഘാടനം ചെയ്തു. എസ്.ഡി.പി.ഐ. ആതവനാട് പഞ്ചായത്ത്‌ പ്രസിഡന്റ്‌ കെ.കെ. സലാം അധ്യക്ഷത വഹിച്ചു. മണ്ഡലം വൈസ് പ്രസിഡന്റ്‌ അഷ്‌റഫ്‌, സകരിയ, കെ.സി. ഷമീർ, മുബാറക്, ജാഫർ ഹാജി, പി.ടി. ഫൈസൽ എന്നിവർ നേതൃത്വം നൽകി.

The post തെരുവുനായ ശല്യം: ആതവനാട് ഗ്രാമപ്പഞ്ചായത്ത്‌ ഓഫീസിലേക്ക് എസ്.ഡി.പി.ഐ. മാർച്ച് നടത്തി appeared first on Valanchery Online.

എടയൂരിൽ കുടിവെള്ള വിതരണപദ്ധതി തുടങ്ങി

വളാഞ്ചേരിക്കാരൻ — Thu, 20 Apr 2023 00:33:25 +0000

എടയൂർ: വേനൽ കടുത്തതോടെ എടയൂർ ഗ്രാമപ്പഞ്ചായത്തിന്റെ വിവിധ പ്രദേശങ്ങളിൽ ഭരണസമിതിയുടെ നേതൃത്വത്തിൽ കുടിവെള്ളവിതരണം തുടങ്ങി. തിണ്ടലം കൂരിയാൽ കവലയിലെ ലക്ഷംവീട് കോളനിയിലാണ് കുടിവെള്ള വിതരണപദ്ധതിക്ക് തുടക്കം കുറിച്ചത്. വടക്കുംപുറം, എടയൂർ, പൂക്കാട്ടിരി എന്നീ മൂന്നു മേഖലകൾ തിരിച്ച് ലോറികളിലാണ് വെള്ളം വിതരണംചെയ്യുക.

ഗ്രാമപ്പഞ്ചായത്ത് പ്രസിഡന്റ് ഹസീന ഇബ്രാഹിം ഉദ്ഘാടനംചെയ്തു. വൈസ് പ്രസിഡന്റ് കെ.പി. വേലായുധൻ അധ്യക്ഷതവഹിച്ചു. സ്ഥിരംസമിതി അധ്യക്ഷൻ ജാഫർ പുതുക്കുടി, അംഗങ്ങളായ കെ.ടി. നൗഷാദ്, പി.ടി. അയ്യൂബ്, കെ. മുഹമ്മദ്, കെ. അബ്ദുസമദ്, അനുഷ സ്ലീമോവ് തുടങ്ങിയവർ പങ്കെടുത്തു.

The post എടയൂരിൽ കുടിവെള്ള വിതരണപദ്ധതി തുടങ്ങി appeared first on Valanchery Online.

എടയൂരിലെ റോഡുകൾ ഗതാഗതയോഗ്യമാക്കണം; പഞ്ചായത്ത് പ്രസിഡന്റിന് നിവേദനം നൽകി എം.എസ്.എഫ്

വളാഞ്ചേരിക്കാരൻ — Tue, 02 Aug 2022 00:46:20 +0000

എടയൂര്‍: പഞ്ചായത്തിലെ വിവിധ പി.ഡബ്യു.ഡി റോഡുകളിലെ വെള്ളക്കെട്ടുകൾ കാൽനട യാത്രക്കാർക്കും സ്കൂള്‍ വിദ്യാര്‍ഥികള്‍ക്കും ഏറെ ബുദ്ധിമുട്ട് അനുഭവിക്കുന്നുണ്ടെന്നും മറ്റ് ഗ്രാമീണ റോഡുകളുടെ അറ്റകുറ്റപ്പണികൾ എത്രയും വേഗം നടത്തി ഗതാഗതയോഗ്യമാക്കണമെന്നും ആവശ്യപ്പെട്ടു കൊണ്ട് എടയൂര്‍ പഞ്ചായത്ത് പന്ത്രണ്ടാം വാർഡ് എം.എസ്.എഫ് കമ്മിറ്റി ഗ്രാമ പഞ്ചായത്ത് പ്രസിഡന്റ് ഹസീന ഇബ്രാഹിമിന് നിവേദനം കൈമാറി. ചടങ്ങില്‍ ഗ്രാമ പഞ്ചായത്ത് മെമ്പർ അയ്യൂബ് പി.ടി, വാർഡ് എം.എസ്.എഫ് പ്രസിഡന്റ് ഷാജിബ്, ജനറല്‍ സെക്രട്ടറി നിസാം കലകപ്പാറ, ട്രഷറർ റിൻഷാദ് നേന്ത്രത്തൊടി, ആസിഫ് തുടങ്ങിയവര്‍ സംബന്ധിച്ചു. വിഷയങ്ങളില്‍ അടിയന്തരമായി ഇടപെടലുകൾ ഉണ്ടാകുമെന്ന് എം.എസ്.എഫ് ഭാരവാഹികൾക്ക് പ്രസിഡന്റ് ഉറപ്പ് നല്‍കി.

The post എടയൂരിലെ റോഡുകൾ ഗതാഗതയോഗ്യമാക്കണം; പഞ്ചായത്ത് പ്രസിഡന്റിന് നിവേദനം നൽകി എം.എസ്.എഫ് appeared first on Valanchery Online.

പാണ്ടികശാല-കുണ്ടുകാട് റോഡ് നന്നാക്കണമെന്നാവശ്യമുന്നയിച്ച് ജനകീയ കൂട്ടായ്‌മ കുറ്റിപ്പുറം പഞ്ചായത്തോഫീസിലേക്ക് മാർച്ച് നടത്തി

വളാഞ്ചേരിക്കാരൻ — Sun, 22 May 2022 08:14:32 +0000

കുറ്റിപ്പുറം : ഗ്രാമപ്പഞ്ചായത്തിലെ ഏഴ്, ഒൻപത് വാർഡുകളിലൂടെ കടന്നുപോകുന്ന തകർന്നടിഞ്ഞ പാണ്ടികശാല-കുണ്ടുകാട് റോഡിന്റെ ശോച്യാവസ്ഥ പരിഹരിക്കാൻ അധികൃതർ തയ്യാറാകാത്തതിൽ പ്രതിഷേധിച്ച് ജനകീയ കൂട്ടായ്‌മ പഞ്ചായത്തോഫീസിലേക്ക് മാർച്ച് നടത്തി. കൺവീനർ മുസ്തഫ പാണ്ടികശാല ഉദ്ഘാടനം ചെയ്തു. റോയൽ മൊയ്തീൻകുട്ടി, ടി.പി. ബാവനു, വി.പി. സലീം, ടി.പി.എം. സൈനുദ്ദീൻ, പി.വി. നാസർ തുടങ്ങിയവർ പ്രസംഗിച്ചു.

The post പാണ്ടികശാല-കുണ്ടുകാട് റോഡ് നന്നാക്കണമെന്നാവശ്യമുന്നയിച്ച് ജനകീയ കൂട്ടായ്‌മ കുറ്റിപ്പുറം പഞ്ചായത്തോഫീസിലേക്ക് മാർച്ച് നടത്തി appeared first on Valanchery Online.

കുറ്റിപ്പുറം പഞ്ചായത്ത് പ്രസിഡന്റ് തിരഞ്ഞെടുപ്പ് 24-ന്

വളാഞ്ചേരിക്കാരൻ — Sun, 22 May 2022 01:44:16 +0000

കുറ്റിപ്പുറം : പഞ്ചായത്ത് പ്രസിഡന്റായിരുന്ന റംല കറത്തൊടിയുടെ നിര്യാണത്തെ തുടർന്ന് ഒഴിവുവന്ന പ്രസിഡൻറ് പദവിയിലേക്കുള്ള തിരഞ്ഞെടുപ്പ് മേയ് 24-ന് നടക്കും.രാവിലെ 11-നാണ് തിരഞ്ഞെടുപ്പ്. നിലവിലെ കക്ഷിനില: മുസ്‌ലിംലീഗ്-9, കോൺഗ്രസ്-5, സി.പി.എം.-8

The post കുറ്റിപ്പുറം പഞ്ചായത്ത് പ്രസിഡന്റ് തിരഞ്ഞെടുപ്പ് 24-ന് appeared first on Valanchery Online.

കുറ്റിപ്പുറം ഗ്രാമപ്പഞ്ചായത്ത് വിഭജിക്കണമെന്ന ആവശ്യം വീണ്ടും ശക്തമാകുന്നു

വളാഞ്ചേരിക്കാരൻ — Wed, 20 Oct 2021 00:52:05 +0000

കുറ്റിപ്പുറം : ഭൂവിസ്‌തൃതിയും ജനസംഖ്യയും പരിഗണിച്ച് കുറ്റിപ്പുറം ഗ്രാമപ്പഞ്ചായത്ത് വിഭജിക്കണമെന്ന ആവശ്യം വീണ്ടും ശക്തമാകുന്നു. പഞ്ചായത്തിൽ നിലവിൽ കുറ്റിപ്പുറം, നടുവട്ടം എന്നിങ്ങനെ രണ്ട് വില്ലേജുകളാണുള്ളത്. ഇതിൽ നടുവട്ടം വില്ലേജ് കേന്ദ്രമാക്കി പുതിയ പഞ്ചായത്ത് രൂപവത്കരിക്കണമെന്നാണ് ആവശ്യം. നിലവിൽ 23 വാർഡുകളാണ് പഞ്ചായത്തിലുള്ളത്. മിക്ക വാർഡുകളിലും വോട്ടർമാർ 1800-ന് മുകളിലാണ്. കുറ്റിപ്പുറം പാലം മുതൽ പേരശ്ശന്നൂർ, മുക്കിലപ്പീടിക, രാങ്ങാട്ടൂർ വരെ പരന്നുകിടക്കുകയാണ് പഞ്ചായത്ത്‌.

പഞ്ചായത്തോഫീസ് സ്ഥിതിചെയ്യുന്നത് കുറ്റിപ്പുറം മേലേ അങ്ങാടിയിലെ സിവിൽസ്റ്റേഷനിലാണ്. രാങ്ങാട്ടൂർ, നടുവട്ടം, ഊരോത്ത്, പള്ളിയാലിൽ, മൂടാൽ, മുക്കിലപ്പീടിക എന്നിവിടങ്ങളിലുള്ളവർക്ക് വിവിധ ആവശ്യങ്ങൾക്ക് പഞ്ചായത്തോഫീസിൽ എത്താൻ കിലോമീറ്ററുകൾ സഞ്ചരിക്കണം. വാർഡുകളുടെ എണ്ണം കൂടുതലായതിനാൽ വാർഡുകളിലെ വികസനപ്രവർത്തനങ്ങൾക്ക് ഫണ്ട് വീതംവെക്കുമ്പോൾ ഓരോ വാർഡിനും ലഭിക്കുന്ന ഫണ്ടിൽ വലിയ കുറവാണ് അനുഭവപ്പെടുന്നത്. ഇത് വികസനപ്രവർത്തനങ്ങളെ ദോഷകരമായി ബാധിക്കുന്നുണ്ട്. ഓഫീസിലെ അമിത ജോലിഭാരം ജീവനക്കാരുടെ സുഗമമായ പ്രവർത്തനങ്ങളെ തടസ്സപ്പെടുത്തുന്നുമുണ്ട്.

ഇത്തവണ നടന്ന തദ്ദേശ തിരഞ്ഞെടുപ്പിനുമുൻപ്‌ പഞ്ചായത്ത് വിഭജിക്കാൻ വകുപ്പുതലത്തിൽ നടപടികൾ ആരംഭിച്ചിരുന്നു. തിരുനാവായ പഞ്ചായത്തിലെ അനന്താവൂർ പ്രദേശത്തെ കൂട്ടിച്ചേർത്ത് നടുവട്ടം വില്ലേജിനെ പുതിയ പഞ്ചായത്താക്കി മാറ്റാനാണ് പദ്ധതി തയ്യാറാക്കിയിരുന്നത്. എന്നാൽ കഴിഞ്ഞ ഇടതുസർക്കാർ പുതിയ തദ്ദേശസ്വയംഭരണ സ്ഥാപനങ്ങൾ രൂപവത്കരിക്കേണ്ടെന്ന തീരുമാനം പ്രഖ്യാപിച്ചതിന്റെയും ജനസംഖ്യാനുപാതികമായി വാർഡുകളുടെ എണ്ണം വർധിപ്പിച്ചാൽ മതിയെന്നു തീരുമാനിച്ചതിന്റെയും അടിസ്ഥാനത്തിൽ നിലവിൽ ഒരു വാർഡ് വർധിപ്പിക്കുകയായിരുന്നു.

The post കുറ്റിപ്പുറം ഗ്രാമപ്പഞ്ചായത്ത് വിഭജിക്കണമെന്ന ആവശ്യം വീണ്ടും ശക്തമാകുന്നു appeared first on Valanchery Online.

എസ്.എസ്.എൽ.സി, പ്ലസ് ടു പരീക്ഷകളിൽ ഉന്നത വിജയം നേടിയവരെ അനുമോദിച്ചു ഇരിമ്പിളിയം ഗ്രാമപഞ്ചായത്ത്

വളാഞ്ചേരിക്കാരൻ — Wed, 06 Oct 2021 00:48:58 +0000

ഇരിമ്പിളിയം: 2020-21 അധ്യയന വർഷത്തിൽ എസ്.എസ്.എൽ.സി, പ്ലസ് ടു പരീക്ഷകളിൽ ഉന്നത വിജയം നേടിയവരെ ഇരിമ്പിളിയം ഗ്രാമപഞ്ചായത്ത് അനുമോദിച്ചു. കെ.ടി ഉമ്മുകുൽസു ടീച്ചർ അദ്ധ്യക്ഷത വഹിച്ച ചടങ്ങിൽ ഇരിമ്പിളിയം ഗ്രാമപഞ്ചായത്ത് പ്രസിഡന്റ് മാനുപ്പ മാസ്റ്റർ ഉൽഘാടനം ചെയ്തു. ജില്ലാ പഞ്ചായത്ത് മെമ്പർ എ.പി സബാഹ് മുഖ്യാതിഥിയായിരുന്നു. വികസന സ്റ്റാന്റിംഗ് കമ്മിറ്റി ചെയർമാൻ വി.ടി അമീർ, ക്ഷേമകാര്യ സ്റ്റാന്റിംഗ് കമ്മിറ്റി ചെയർപേഴ്സണ്‍ എൻ കദീജ , ബ്ലോക്ക് മെമ്പർമാരായ കെ.എം അബ്ദുൾറഹ്മാൻ, പി.സി നൂർ, മെമ്പർമാരായ ഷഹനാസ് പി.ടി, മുഹമ്മദാലി കെ, ഫസീല കെ, ബാലചന്ദ്രൻ പി, ഷഫീദ ബേബി, റംല, സുനിത, മെറീഷ്, അബൂബക്കർ എന്നിവർ ആശംസകൾ നേർന്നു.

The post എസ്.എസ്.എൽ.സി, പ്ലസ് ടു പരീക്ഷകളിൽ ഉന്നത വിജയം നേടിയവരെ അനുമോദിച്ചു ഇരിമ്പിളിയം ഗ്രാമപഞ്ചായത്ത് appeared first on Valanchery Online.