online registration Archives - Valanchery Online

പ്ലസ് വൺ സ്പോർട്‌സ് ക്വാട്ട ഓൺലൈൻ രജിസ്‌ട്രേഷൻ തുടങ്ങി

വളാഞ്ചേരിക്കാരൻ — Thu, 26 Aug 2021 00:29:51 +0000

മലപ്പുറം : പ്ലസ് വൺ സ്പോർട്‌സ് ക്വാട്ട ഓൺലൈൻ രജിസ്‌ട്രേഷൻ തുടങ്ങി. യോഗ്യരായ വിദ്യാർഥികൾക്ക് വിദ്യാഭ്യാസവകുപ്പിന്റെ ഏകജാലകസംവിധാനത്തിലൂടെ സ്‌പോർട്‌സ് ക്വാട്ട (സ്പോർട്‌സ് ക്വാട്ട അച്ചീവ്മെന്റ് രജിസ്‌ട്രേഷൻ) അപേക്ഷ നൽകാം. അപേക്ഷയുടെ പ്രിന്റ് ഔട്ടും ഒബ്‌സർവർ സീലും ഒപ്പുമുള്ള ഒറിജിനൽ സർട്ടിഫിക്കറ്റിന്റെ കളർ പകർപ്പും വിദ്യാർഥികളുടെ ഇ -മെയിലിൽ നിന്ന് plusonesports21@gmail.com എന്ന ഇ-മെയിൽ വിലാസത്തിലേക്ക് അയയ്ക്കണം. സർട്ടിഫിക്കറ്റുകളിൽ സീരിയൽ നമ്പർ, വിതരണംചെയ്ത തീയതി, അതോറിറ്റി എന്നിവ ഉണ്ടായിരിക്കണം. ഇല്ലാത്തവർ അതിന്റെ പൂർണ ഉത്തരവാദിത്വം വിദ്യാർഥികൾക്കും അതോറിറ്റികൾക്കുമാണെന്ന സത്യവാങ്മൂലവും ചേർക്കണം. 2019 ഏപ്രിൽ ഒന്നുമുതൽ 2021 മാർച്ച് 31 വരെയുള്ള സർട്ടിഫിക്കറ്റുകളാണ് സ്പോർട്‌സ് ക്വാട്ടയ്ക്ക് പരിഗണിക്കുക. ഫോൺ: 0483 2734701, 9495243423, 9496841575.

The post പ്ലസ് വൺ സ്പോർട്‌സ് ക്വാട്ട ഓൺലൈൻ രജിസ്‌ട്രേഷൻ തുടങ്ങി appeared first on Valanchery Online.

തൊഴില്‍ വിസയില്‍ വിദേശത്ത് പോകുന്നവര്‍ക്ക് ഓണ്‍ലൈന്‍ രജിസ്ട്രേഷന്‍ നിര്‍ബന്ധമാക്കി

വളാഞ്ചേരിക്കാരൻ — Wed, 21 Nov 2018 00:01:27 +0000

ദില്ലി: തൊഴില്‍ വിസയില്‍ വിദേശത്ത് പോകുന്നവര്‍ക്ക് ഓണ്‍ലൈന്‍ രജിസ്ട്രേഷന്‍ നിര്‍ബന്ധമാക്കി. ഗള്‍ഫ് രാജ്യങ്ങള്‍ ഉള്‍പ്പെടെ 18 രാജ്യങ്ങളിലേക്ക് പോകുന്നവരാണ് കേന്ദ്ര വിദേശകാര്യ മന്ത്രാലയത്തിന്റെ ഇ-മൈഗ്രേറ്റ് വെബ്സൈറ്റില്‍ രജിസ്റ്റര്‍ ചെയ്യേണ്ടത്.

2019 ജനുവരി ഒന്നു മുതല്‍ ഓണ്‍ലൈന്‍ രജിസ്ട്രേഷന്‍ നിര്‍ബന്ധമാക്കിക്കൊണ്ടാണ് വിദേശകാര്യ മന്ത്രാലയം ഉത്തരവിറക്കിയത്. നോണ്‍-ഇ.സി.ആര്‍ (എമിഗ്രേഷന്‍ ക്ലിയറന്‍സ് ആവശ്യമില്ലാത്തവര്‍) വിഭാഗത്തില്‍ പെടുന്നവര്‍ക്കാണ് രജിസ്ട്രേഷന്‍ നിര്‍ബന്ധം. യാത്ര പുറപ്പെടുന്നതിന് 24 മണിക്കൂര്‍ മുന്‍പെങ്കിലും വെബ്സൈറ്റ് വഴി വിവരങ്ങള്‍ നല്‍കണം. ഓണ്‍ലൈന്‍ രജിസ്ട്രേഷന്‍ പൂര്‍ത്തിയാക്കാത്തവരെ 2019 ജനുവരി ഒന്നു മുതല്‍ വിമാനത്താവളങ്ങളില്‍ നിന്ന് തിരിച്ചയക്കും. എന്നാല്‍ സന്ദര്‍ശക വിസ ഉള്‍പ്പെടെയുള്ള മറ്റ് വിസകളഇല്‍ പോകുന്നവര്‍ക്ക് ഇത് ബാധകമല്ല.

വിദേശത്തുള്ള ഇന്ത്യക്കാരുടെ ക്ഷേമവും അവകാശങ്ങളും ഉറപ്പുവരുത്താന്‍ ലക്ഷ്യമിട്ടാണ് രജിസ്ട്രേഷന്‍ നിര്‍ബന്ധമാക്കുന്നതെന്ന് വിദേശകാര്യ മന്ത്രാലയം പുറത്തിറക്കിയ അറിയിപ്പില്‍ പറയുന്നു. അഫ്‍ഗാനിസ്ഥാന്‍, ബഹറൈന്‍, ഇന്തോനേഷ്യ, ഇറാഖ്, ജോര്‍ദാന്‍, കുവൈറ്റ്, ലെബനന്‍, ലിബിയ, മലേഷ്യ, ഒമാന്‍, ഖത്തര്‍, സൗദി അറേബ്യ, സുഡാന്‍, സൗത്ത് സുഡാന്‍, സിറിയ, തായ്‍ലന്റ്, യുഎഇ, യമന്‍ എന്നീ രാജ്യങ്ങളില്‍ തൊഴിലിനായി പോകുന്നവരാണ് ഇ-മൈഗ്രേറ്റ് പോര്‍ട്ടല്‍ വഴി രജിസ്റ്റര്‍ ചെയ്യേണ്ടത്.

വിദേശത്ത് ജോലി ചെയ്യുന്ന ഇന്ത്യക്കാരുടെ തൊഴില്‍ സുരക്ഷ ലക്ഷ്യമിട്ട് 2015ലാണ് ഇ-മൈഗ്രേറ്റ് പോര്‍ട്ടല്‍ തുടങ്ങിയത്. നിലവില്‍ എമിഗ്രേഷന്‍ ക്ലിയറന്‍സ് ആവശ്യമുള്ളവരുടെ (ഇ.സി.ആര്‍ കാറ്റഗറി പാസ്‍പോര്‍ട്ടുള്ളവര്‍) തൊഴില്‍ വിവരങ്ങള്‍ പോര്‍ട്ടല്‍ വഴി രജിസ്റ്റര്‍ ചെയ്ത ശേഷമേ വിദേശത്ത് പോകാനാവൂ. വിദ്യാഭ്യാസം കുറഞ്ഞ ഇന്ത്യക്കാര്‍ വിദേശത്ത് ചൂഷണങ്ങള്‍ക്ക് ഇരയാവുന്നത് തടയാനായിരുന്നു ഇത്. എന്നാല്‍ നോണ്‍ ഇ.സി.ആര്‍ വിഭാഗത്തില്‍ ഉള്‍പ്പെടുന്നവരും വിദേശത്ത് വിവിധതരം തൊഴില്‍ ചൂഷണങ്ങള്‍ക്ക് ഇരയാവുന്ന സാഹചര്യത്തിലാണ് എല്ലാവര്‍ക്കും ഇ-മൈഗ്രേറ്റ് രജിസ്ട്രേഷന്‍ നിര്‍ബന്ധമാക്കുന്നത്. ഇതോടെ നിലവില്‍ എല്ലാവരും ഓണ്‍ലൈന്‍ രജിസ്ട്രേഷന്‍ പൂര്‍ത്തിയാക്കായാല്‍ മാത്രമേ വിദേശത്ത് ജോലി ചെയ്യാനാവൂ.

ഇ-മൈഗ്രേറ്റ് വെബ്സൈറ്റിലെ ECNR Registration എന്ന ലിങ്കില്‍ ക്ലിക്ക് ചെയ്താണ് വിവരങ്ങള്‍ നല്‍കേണ്ടത്. വിജയികരമായി ഇത് പൂര്‍ത്തീകരിച്ചാല്‍ എസ്.എം.എസ് വഴിയും ഇ-മെയില്‍ വഴിയും സന്ദേശം ലഭിക്കും. കൂടുതല്‍ വിവരങ്ങള്‍ക്കായി 1800113090 (ടോള്‍ ഫ്രീ), 01140503090 എന്നീ നമ്പറുകളില്‍ ബന്ധപ്പെടാം. ഇ-മെയില്‍ helpline@mea.gov.in

എന്താണ് ഇ.സി.എന്‍.ആര്‍/ ഇ.സി.ആര്‍ വിഭാഗങ്ങള്‍?
ആദായ നികുതി അടയ്ക്കുന്നവരോ അല്ലെങ്കില്‍ പത്താം ക്ലാസ് വിദ്യാഭ്യാസമെങ്കിലും ഉള്ളവരെയോ ആണ് ഇ.സി.എന്‍.ആര്‍ അല്ലെങ്കില്‍ നോണ്‍-ഇ.സി.ആര്‍ വിഭാഗത്തില്‍ പെടുന്നത്. എമിഗ്രേഷന്‍ ക്ലിയറന്‍സ് ഇവര്‍ക്ക് ആവശ്യമില്ല. പത്താം ക്ലാസ് വിദ്യാഭ്യാസം പൂര്‍ത്തിയാക്കാത്തവരെയാണ് ഇ.സി.ആര്‍ വിഭാഗത്തില്‍ ഉള്‍പ്പെടുത്തുന്നത്. വിദേശത്ത് ജോലിക്ക് പോകാന്‍ ഇവര്‍ക്ക് പ്രൊട്ടക്ടര്‍ ഓഫ് എമിഗ്രന്‍സില്‍ നിന്നും എമിഗ്രേഷന്‍ ക്ലിയറന്‍സ് ആവശ്യമാണ്.

The post തൊഴില്‍ വിസയില്‍ വിദേശത്ത് പോകുന്നവര്‍ക്ക് ഓണ്‍ലൈന്‍ രജിസ്ട്രേഷന്‍ നിര്‍ബന്ധമാക്കി appeared first on Valanchery Online.

കാലിക്കറ്റ് ബിരുദ പ്രവേശനം: ഓൺലൈൻ റജിസ്ട്രേഷൻ 20 മുതൽ

വളാഞ്ചേരിക്കാരൻ — Wed, 17 May 2017 00:40:50 +0000

തേഞ്ഞിപ്പലം ∙ കാലിക്കറ്റ് സർവകലാശാലയ്ക്കു കീഴിലുള്ള ഗവ., എയ്ഡഡ്, സ്വാശ്രയ കോളജുകളിൽ ബിഎ, ബിഎസ്‌സി, ബികോം തുടങ്ങിയ

ബിരുദ കോഴ്സുകളിൽ പ്രവേശനത്തിന് ഏകജാലക സംവിധാനം അനുസരിച്ചുള്ള ഓൺലൈൻ റജിസ്ട്രേഷൻ 20ന് തുടങ്ങാൻ വിസി ഡോ. കെ. മുഹമ്മദ് ബഷീർ ഉത്തരവിട്ടു. അലോട്മെന്റ് തീയതികളും മറ്റും പുനഃക്രമീകരിച്ചിട്ടുണ്ട്. എന്നാൽ, ക്ലാസുകൾ ജൂലൈ അഞ്ചിനുതന്നെ തുടങ്ങാനുള്ള തീരുമാനത്തിൽ മാറ്റമില്ല.

ഓൺലൈൻ അപേക്ഷാ ഫീസ് ഇന്ന് മുതൽ അടയ്ക്കാമെന്നും അധികൃതർ അറിയിച്ചു. ജൂൺ ആറിനാണ് ട്രയൽ അലോട്മെന്റ്. ആദ്യ അലോട്മെന്റ് 13ന്. രണ്ടാമത്തേത് ആ മാസം 19ന്. മൂന്നാമത്തേത് 24ന്. നാലാമത്തേതും അവസാനത്തേതുമായ അലോട്മെന്റ് ജൂലൈ നാലിന്. ശേഷവും കോളജുകളിൽ സീറ്റുകൾ ഒഴിവുവന്നാൽ നിശ്ചിത വിദ്യാർഥികളുടെ പട്ടിക വാഴ്സിറ്റിയിൽനിന്ന് കോളജുകൾക്ക് കൈമാറും. ഹാജരാകുന്ന കുട്ടികളുടെ പട്ടിക ഉണ്ടാക്കി സംവരണം പാലിച്ചും മെറിറ്റ് തെറ്റിക്കാതെയും കോളജുകൾക്ക് ഒഴിവുകൾ നികത്താം.

പ്രവേശന റജിസ്ട്രേഷൻ സംബന്ധിച്ച് അക്ഷയ സംരംഭകർക്ക് വാഴ്സിറ്റിയിൽ ശിൽപശാല നടത്തും. റജിസ്ട്രേഷൻ മുതൽ പ്രവേശനം വരെ വിദ്യാർഥികൾക്കുള്ള സംശയങ്ങൾ ദൂരീകരിക്കാൻ തയാറാക്കിയ ഡോക്യുമെന്ററി നാളെ അക്ഷയ സംരംഭകരുടെ ശിൽപശാലയിൽ വിസി പ്രകാശനം ചെയ്യും. അതേസമയം, ഇക്കൊല്ലത്തെ പ്ലസ്‌ ടു വിജയികളുടെ പട്ടിക വാഴ്സിറ്റിക്ക് ലഭ്യമാക്കാമെന്ന് ഹയർ സെക്കൻഡറി ഡയറക്ടറേറ്റിൽനിന്ന് ഉറപ്പുലഭിച്ചിട്ടുണ്ട്.

കിട്ടുന്ന മുറയ്ക്ക് ഫോർമാറ്റ് മാറ്റി ഏകജാലക ലിങ്കിൽ അപ്‌ലോഡ് ചെയ്യും. പ്ലസ്‌ ടു വിജയികൾ ബിരുദ കോഴ്സ് പ്രവേശനത്തിന് റജിസ്ട്രേഷൻ വേളയിൽ തങ്ങളുടെ നമ്പർ അടിച്ചാലുടൻ ഓട്ടോമാറ്റിക്കായി മാർക്ക് വിവരങ്ങളും മറ്റും തെളിയും എന്നതാണ് ഇതുകൊണ്ടുള്ള നേട്ടം. ശരിയെന്ന് ഒത്തുനോക്കി റജിസ്ട്രേഷൻ നടപടികൾ പൂർത്തിയാക്കാൻ വിദ്യാർഥികൾക്ക് ഇതു സൗകര്യമാകും.

The post കാലിക്കറ്റ് ബിരുദ പ്രവേശനം: ഓൺലൈൻ റജിസ്ട്രേഷൻ 20 മുതൽ appeared first on Valanchery Online.