offering Archives - Valanchery Online

കാടാമ്പുഴ; മുട്ടറുക്കൽ വഴിപാട് ദിവസത്തിൽ മൂവായിരമാക്കി പരിമിതപ്പെടുത്തി

വളാഞ്ചേരിക്കാരൻ — Sat, 05 Dec 2020 07:23:16 +0000

മാറാക്കര: കാടാമ്പുഴ ഭഗവതീക്ഷേത്രത്തിൽ പുനരാരംഭിച്ച മുട്ടറുക്കൽ വഴിപാട് ദിവസത്തിൽ പരമാവധി മൂവായിരമാക്കി പരിമിതപ്പെടുത്തി. നിശ്ചിത എണ്ണം തികയുന്നമുറയ്ക്ക് പിന്നീടുവരുന്ന ഭക്തജനങ്ങളുടെ മുട്ടറുക്കൽ വഴിപാടിന് ദേവസ്വത്തിന്റെ അന്വേഷണകൗണ്ടറിൽ പണമടച്ച് ഏൽപ്പിച്ചുപോകാം. കോവിഡ് രോഗവ്യാപനഭീതി നിലനിൽക്കുന്നതിനാലാണ് നിയന്ത്രണം.

The post കാടാമ്പുഴ; മുട്ടറുക്കൽ വഴിപാട് ദിവസത്തിൽ മൂവായിരമാക്കി പരിമിതപ്പെടുത്തി appeared first on Valanchery Online.

ഗുരുവായൂർ ക്ഷേത്രത്തിൽ വഴിപാടുകൾ പുനരാരംഭിക്കുന്നു

വളാഞ്ചേരിക്കാരൻ — Tue, 08 Sep 2020 01:31:32 +0000

ഗുരുവായൂർ : ക്ഷേത്രത്തിലെ എല്ലാ വഴിപാടുകളും അഷ്‌ടമിരോഹിണി ദിവസം മുതൽ പുനരാരംഭിക്കുന്നു. നിവേദ്യ ഇനങ്ങളായ പാൽപ്പായസം, നെയ്‌പായസം, അപ്പം, അട, വെണ്ണ, പഴം, പഞ്ചസാര, അവിൽ, ആടിയ എണ്ണ തുടങ്ങിയവ സീൽ ചെയ്ത കവറുകളിലോ ഡബ്ബകളിലോ നൽകും.

അഷ്ടമിരോഹിണിദിനത്തിൽ 10,000 അപ്പം, 200 ലിറ്റർ പാൽപ്പായസം, 150 ലിറ്റർ നെയ്‌പായസം, 100 അട എന്നിങ്ങനെ അളവിലും തുടർന്നുള്ള ദിവസങ്ങളിൽ ആവശ്യാനുസരണവും ശീട്ടാക്കാം. തുലാഭാരം, ചുറ്റുവിളക്ക്, കൃഷ്ണനാട്ടം എന്നിവയും അഷ്ടമിരോഹിണി ദിവസം ആരംഭിക്കും. ഓൺലൈൻ വഴി ബുക്ക് ചെയ്തവർക്ക് കോവിഡ് നിബന്ധനകളോടെ ക്ഷേത്രത്തിലേക്ക് പ്രവേശനം ഒരുക്കിയിട്ടുണ്ട്. നെയ്‌വിളക്ക് ശീട്ടാക്കുന്നവർക്ക് പ്രത്യേക പരിഗണനയോടെ ദർശനം അനുവദിക്കും. നാലമ്പലത്തിലേക്ക് കടത്തിവിടില്ല. ദേവസ്വത്തിന്റെ ശ്രീവത്സം, പാഞ്ചജന്യം ഗസ്റ്റ് ഹൗസുകളിലേക്കുള്ള ബുക്കിങ് ആരംഭിക്കാനും തീരുമാനിച്ചു. അഷ്ടമിരോഹിണിദിനം മുതൽ മുറികൾ ലഭിക്കും.

The post ഗുരുവായൂർ ക്ഷേത്രത്തിൽ വഴിപാടുകൾ പുനരാരംഭിക്കുന്നു appeared first on Valanchery Online.

ഇന്ന് ബദര്‍ ദിനം; പള്ളികളില്‍ പ്രത്യേക പ്രാര്‍ഥന

വളാഞ്ചേരിക്കാരൻ — Wed, 22 May 2019 13:38:02 +0000

അവിശ്വാസികളുടെ മേല്‍ വിശ്വാസികള്‍ നേടിയ വിജയത്തിന്റെ ഓര്‍മ പുതുക്കി ഇന്ന് ബദര്‍ ദിനം ആഘോഷിക്കും. ബദര്‍ ദിനത്തോടനുബന്ധിച്ച് പള്ളികളില്‍ പ്രത്യേകപ്രാര്‍ഥനയും ബദര്‍ മൗലീദ് പാരായണവും അന്നദാനവും നടക്കും.

ഇസ്ലാമികചരിത്രത്തിലെ നാഴികക്കല്ലായാണ് ബദര്‍ അറിയപ്പെടുന്നത്. പരിശുദ്ധ റംസാന്‍ 17-നാണ് പ്രവാചകന്‍ മുഹമ്മദ് നബിയുടെ അനുയായികളായ 313 പേര്‍ ആയിരത്തോളം വരുന്ന അവിശ്വാസികളോട് പോരാടി വിജയം നേടിയത്. മക്കയ്ക്കും മദീനയ്ക്കും ഇടയിലുള്ള ബദറെന്ന സ്ഥലത്തു വെച്ചാണ് ഇരു വിഭാഗങ്ങളും ഏറ്റുമുട്ടിയത്. ഇതില്‍ വിശ്വാസികള്‍ വിജയിച്ചതോടെയാണ് ഇസ്ലാമിക ചരിത്രത്തില്‍ ബദറിന് പ്രാധാന്യമേറിയത്. ഇതിന്റെ ഓര്‍മ പുതുക്കുന്ന ബദര്‍ദിനത്തിനെ ബദരീങ്ങളുടെ ആണ്ടായും ആചരിക്കുന്നു.

ബദര്‍ദിനത്തിന്റെ ഭാഗമായി പള്ളികളില്‍ പ്രത്യേക പ്രാര്‍ഥനയും അന്നദാനവും നടക്കും.

The post ഇന്ന് ബദര്‍ ദിനം; പള്ളികളില്‍ പ്രത്യേക പ്രാര്‍ഥന appeared first on Valanchery Online.

തറാവീഹ്: റമളാന്‍റെ ശ്രേഷ്ഠസുകൃതം

വളാഞ്ചേരിക്കാരൻ — Thu, 16 May 2019 14:27:16 +0000

തറാവീഹ് കേവലമൊരു ആചാരമല്ല. മഹത്തായ ആരാധന, പാപമോചനം, വിശ്വാസ പൂര്‍ത്തീകരണം, ആദര്‍ശ ശത്രുക്കള്‍ക്ക് മറുപടി, ഇജ്മാഇനെ അംഗീകരിക്കല്‍ തുടങ്ങി നിരവധി അര്‍ത്ഥതലങ്ങള്‍ ഉള്‍ക്കൊള്ളുന്ന അമൂല്യനിധിയാണ് തറാവീഹ്. ഏതൊരു ഇബാദത്തിന്‍റെയും സ്ഥാനവും ബഹുമതിയും ഉയരുന്നത് കല്‍പനയുടെ ശൈലിയും പ്രവര്‍ത്തന രീതിയും സമയവും പ്രതിഫലവും പരിഗണിച്ചാണ്. ഇത്തരത്തില്‍ വീക്ഷിക്കുമ്പോള്‍ ആരാധനകളില്‍ മുന്‍പന്തിയിലാണ് തറാവീഹിന്‍റെ സ്ഥാനം.

ഒന്നാമതായി കല്‍പനയുടെ ശൈലി നോക്കാം. തിരുമേനി(സ്വ) പറയുന്നു: ‘ആരെങ്കിലും വിശ്വാസം ശരിപ്പെടുത്തിയും പ്രതിഫലം കാംക്ഷിച്ചും റമളാനിലെ നിസ്കാരം നിര്‍വഹിച്ചാല്‍ അവന്‍റെ കഴിഞ്ഞകാലത്തെ പാപങ്ങള്‍ പൊറുക്കപ്പെടും’ (ബുഖാരി, മുസ്ലിം, തുര്‍മുദി).

ഏറ്റവും പരിശുദ്ധമായ മാസത്തിലെ മുഴുവന്‍ ദിവസങ്ങളിലും തറാവീഹ് നിര്‍വഹിക്കണം. ഓരോ സല്‍കര്‍മത്തിനും നിരവധി ഇരട്ടി പുണ്യങ്ങള്‍ നല്‍കപ്പെടുന്ന ഈ മാസത്തില്‍ നിര്‍വഹിക്കുന്ന തറാവീഹ് ഏറ്റവും മികച്ച സ്ഥാനമുള്ള ശാരീരിക ആരാധനകളില്‍ പെട്ടതാണ്. പരിശുദ്ധ ഖുര്‍ആനിന്‍റെ വാര്‍ഷിക മാസമായ റമളാനിലെ തറാവീഹിന്‍റെ നിര്‍വഹണം പരമാവധി ഖുര്‍ആന്‍ ഭാഗങ്ങള്‍ പാരായണം ചെയ്തു കൊണ്ടായിരിക്കണം. അതിന് അനുയോജ്യരായവരുടെ കൂടെ ജമാഅത്തായി നിര്‍വഹിക്കുന്നതാണ് ഏറ്റവും ഉത്തമം. ഒരു റക്അത്തില്‍ ഇരുപത്തേഴിരട്ടി പ്രതിഫലം നല്‍കപ്പെടുന്ന സംഘമായുള്ള നിസ്കാരത്തിന്‍റെ ഗണത്തിലാണ് തറാവീഹ് ഉള്‍പ്പെടുന്നത്.

തറാവീഹിന്‍റെ ജമാഅത്തിലുള്ള പുണ്യങ്ങളെ വിശദീകരിക്കുന്ന ഒരു ഹദീസ് ഇങ്ങനെ വായിക്കാം: ‘ഒരാള്‍ ഇമാമിനോടൊന്നിച്ച് നിസ്കരിച്ചു കഴിഞ്ഞാല്‍ ആ മുഴുവന്‍ രാത്രി നിന്ന് നിസ്കരിച്ച പ്രതിഫലം അവന് എഴുതപ്പെടും’ (അബൂദാവൂദ്).

നിര്‍വഹണരീതിയും സമയവും എല്ലാം തറാവീഹിന്‍റെ മഹത്ത്വം വിളിച്ചോതുന്നു. ഈ മഹത്തായ ഇബാദത്ത് നിര്‍വഹിക്കേണ്ടത് അല്‍പം സമയം എടുത്തിട്ടാവണമെന്ന് തറാവീഹ് എന്ന പദത്തില്‍ നിന്ന് തന്നെ ലഭിക്കുന്നുണ്ട്. ഇടയ്ക്കിടെ ആശ്വാസത്തിന് സമയം ചെലവഴിക്കുന്നത് എന്നാണ് തറാവീഹ് എന്നത് കൊണ്ട് ഉദ്ദേശിക്കുന്നത്.

ഇമാം നവവി(റ) എഴുതുന്നു: ഉമര്‍(റ)ന്‍റെ കാലത്ത് ജനങ്ങള്‍ റമളാനില്‍ ഇരുപത് റക്അത്തായിരുന്നു തറാവീഹ് നിസ്കരിച്ചത് എന്ന സാഇബുബ്നു യസീദ്(റ)വില്‍ നിന്നുള്ള ഹദീസിനെ ഇമാം ബൈഹഖി(റ)യും മറ്റും സ്വഹീഹായ സനദോടെ റിപ്പോര്‍ട്ട് ചെയ്തത് നാം തെളിവായി എടുക്കുന്നു (ശറഹുല്‍ മുഹദ്ദബ്).

തറാവീഹ് ഇരുപത് റക്അത്ത് സുന്നത്താക്കിയതിന് പിന്നിലെ രഹസ്യം ഇബ്നു ഹജറുല്‍ ഹൈതമി(റ) കുറിച്ചു: മുഅക്കദായ റവാതിബ് സുന്നത്ത് നിസ്കാരങ്ങള്‍ പത്ത് റക്അത്താണ്. എന്നാല്‍ റമളാന്‍ കൂടുതല്‍ പരിശ്രമിക്കേണ്ട മാസമായതിനാല്‍ തറാവീഹിനെ അവകളുടെ ഇരട്ടി എണ്ണമാക്കപ്പെട്ടു (തുഹ്ഫ). ഒരു ദിവസത്തിലെ ഫര്‍ളായ പതിനേഴ് റക്അത്തും ശക്തമായ സുന്നത്തുള്ള വിത്റ് നിസ്കാരത്തില്‍ നിന്ന് മൂന്ന് റക്അത്തും കൂടിയ എണ്ണമാണ് ഇരുപത് ഈ തരത്തിലും അഭിപ്രായപ്പെട്ടിട്ടുണ്ട്.

The post തറാവീഹ്: റമളാന്‍റെ ശ്രേഷ്ഠസുകൃതം appeared first on Valanchery Online.