nri Archives - Valanchery Online

സ്പോൺസർമാരുടെ സഹായമില്ലാതെ ആശ്രിത വിസ നീട്ടാം; തീരുമാനവുമായി യുഎഇ

വളാഞ്ചേരിക്കാരൻ — Wed, 26 Jul 2023 01:23:57 +0000

അബുദാബി: സ്പോൺസറുടെ സഹായമില്ലാതെ തന്നെ ആശ്രിത വിസ നീട്ടാവുന്ന തീരുമാനവുമായി യുഎഇ. ആശ്രിത വിസക്കാരായ വിധവകൾക്കും വിവാഹമോചിതർക്കുമാണ് പ്രത്യേക പരിഗണന നൽകുന്നത്. ഇത്തരക്കാർക്ക് സ്പോൺസറില്ലാതെ ഒരു വർഷം വരെ വിസ നീട്ടിനൽകാനാണ് തീരുമാനം. കുടുംബവിസയിൽ രാജ്യത്തെത്തിയ ശേഷം ഭർത്താവിന്റെ മരണം, വിവാഹ മോചനം എന്നിവയുണ്ടാകുന്ന സ്ത്രീകൾക്കാണ് ആനുകൂല്യം ലഭിക്കുക. ഇത്തരത്തിലുള്ള സ്ത്രീകൾക്കും കുട്ടികൾക്കും സൗകര്യം വിനിയോഗിക്കാവുന്നതാണ്. മനുഷ്യത്വപരമായ നടപടിയെന്നാണ് തീരുമാനത്തെ അധികൃതർ വിശേഷിപ്പിച്ചത്. വിവാഹമോചനം, മരണം എന്നിവ സംഭവിച്ച തീയതി കണക്കിലാക്കിയായിരിക്കും വിസ നീട്ടി നൽക്കുക. ഭർത്താവിന്റെ മരണം അല്ലെങ്കിൽ വിവാഹമോചനം നടക്കുന്ന സമയത്ത് കുടുംബ വിസയ്ക്ക് കാലാവധിയുണ്ടെങ്കിൽ മാത്രമായിരിക്കും ആനുകൂല്യം ലഭിക്കുക എന്ന കാര്യം പ്രത്യേകം ശ്രദ്ധിക്കേണ്ടതാണ്.

അതേസമയം ഡ്രൈവിംഗ് ലൈസൻസിനായുള്ള നടപടിക്രമങ്ങളിൽ മാറ്റവുമായി യുഎഇയിലെ മറ്റൊരു എമിറേറ്റ് കൂടി രംഗത്തെത്തിയിരുന്നു. ഇതിന്റെ ഭാഗമായി റാസൽഖൈമ എമിറേറ്റിൽ ലൈസൻസിന് വൺ ഡേ ടെസ്റ്റ് നടപ്പിലാക്കി തുടങ്ങും. ലൈസൻസ് ലഭിക്കുന്നതിനുള്ള നടപടിക്രമങ്ങൾ ലഘൂകരിക്കുന്നതാണ് എമിറേറ്റിന്റെ പുതിയ പദ്ധതി. ഇതോടെ ഷാർജയ്ക്ക് പിന്നാലെ വൺ ഡേ ടെസ്റ്റ് പ്രഖ്യാപിക്കുന്ന രണ്ടാമത്തെ എമിറേറ്റായി റാസൽഖൈമ മാറി.

The post സ്പോൺസർമാരുടെ സഹായമില്ലാതെ ആശ്രിത വിസ നീട്ടാം; തീരുമാനവുമായി യുഎഇ appeared first on Valanchery Online.

ജോലി നഷ്ടപ്പെട്ട പ്രവാസികൾക്ക്‌ വായ്‌പ പദ്ധതിയുമായി കെഎസ്‌ഫ്‌ഇ

വളാഞ്ചേരിക്കാരൻ — Tue, 23 Nov 2021 02:53:05 +0000

മലപ്പുറം: കോവിഡ്‌ മഹാമാരിയിൽ ജോലി നഷ്ടപ്പെട്ട പ്രവാസികൾക്ക്‌ കെഎസ്‌ഫ്‌ഇ വായ്‌പ. 2020 ഏപ്രിൽ ഒന്നിന്‌ രണ്ട്‌ വർഷമെങ്കിലും വിദേശത്ത്‌ ജോലിചെയ്‌ത്‌ തിരിച്ചെത്തിയവർക്ക്‌ പരമാവധി അഞ്ച്‌ ലക്ഷം രൂപവരെ 48 മാസ കാലാവധിക്കാണ്‌ കെഎസ്‌എഫ്‌ഇ നോർക്ക റൂട്ട്‌സ്‌ പ്രവാസി ഭദ്രത മൈക്രോ സ്‌കീംവഴി വായ്‌പ നൽകുന്നത്‌. 25 ശതമാനംവരെ സബ്‌സിഡി ലഭിക്കും. വിവരങ്ങൾ കെഎസ്‌എഫ്‌ഇ ബ്രാഞ്ചുകളിൽ ലഭിക്കുമെന്ന്‌ മലപ്പുറം മേഖലാ അസി. ജനറൽ മാനേജർ ജോൺ ഡെന്നിസൺ അറിയിച്ചു.

The post ജോലി നഷ്ടപ്പെട്ട പ്രവാസികൾക്ക്‌ വായ്‌പ പദ്ധതിയുമായി കെഎസ്‌ഫ്‌ഇ appeared first on Valanchery Online.

കൊവിഡ് ബാധിച്ച് മരണമടഞ്ഞ പ്രവാസികളുടെ ആശ്രിതർക്ക് സാമ്പത്തിക സഹായവുമായി നോർക്ക

വളാഞ്ചേരിക്കാരൻ — Tue, 03 Aug 2021 11:24:07 +0000

തിരുവനനന്തപുരം: കൊവിഡ് ബാധിച്ച് മരണമടഞ്ഞ പ്രവാസികളുടെ അവിവാഹിതരായ പെൺമക്കൾക്ക് നോർക്കാ – റൂട്ട്സ് ധനസഹായം നൽകുന്നു. ഒറ്റത്തവണയായി 25000 രൂപയാണ് നൽകുന്നത്. കൊവിഡ് മീലം മരിച്ച മുൻപ്രവാസികളുടെ അവിവാഹിതരായ പെൺമക്കൾക്കും ഈ ആനുകൂല്യം ലഭ്യമാകുന്നതാണ്. നോർക്ക വെബ്സൈറ്റായ https://pravasithanal.norkaroots.org/ വഴി ആനുകൂല്യത്തിനായി അപേക്ഷിക്കാവുന്നതാണ്.

ആനുകൂല്യം ലഭിക്കുന്നതിന് വരുമാന പരിധി ബാധകമല്ല. മരണമടഞ്ഞ രക്ഷകർത്താവിന്റെ പാസ്പോർട്ട് പേജിന്റെ പകർപ്പ്, മരണ സർട്ടിഫിക്കറ്റ് പ്രവാസിയുടെ വിസയുടെ പകർപ്പ്, അപേക്ഷകയുടെ ആധാർ, എസ് എസ് എൽ സി സർട്ടിഫിക്കറ്റ്, അപേക്ഷകയുടെയോ രക്ഷകർത്താവിന്റെയോ ആക്ടീവായ സേവിംങ്സ് പാസ്ബുക്കിന്റെ പകർപ്പ് എന്നിവ അപേക്ഷയോടൊപ്പം ഹാജരാക്കണം.

ഇതു കൂടാതെ കോവിഡ് മരണം സ്ഥിരീകരിക്കുന്ന മെഡിക്കൽ സർട്ടിഫിക്കറ്റോ കോവിഡ് പോസിറ്റീവായ സർട്ടിഫിക്കറ്റോ കോവിഡ് പോസിറ്റീവായ ലാബ് റിപ്പോർട്ടോ കൂടി ഹാജരാക്കേണ്ടതാണ്. 18 വയസ്സിനു മുകളിലുളള അപേക്ഷകർ അവിവാഹിതയാണെന്നു തെളിയിക്കുന്ന വില്ലേജാഫീസിൽ നിന്നുളള സർട്ടിഫിക്കറ്റ് കൂടി ഇതിനു പുറമേ ഹാജരാക്കേണ്ടതാണ്. ഓൺലൈൻ വഴിയുള്ള അപേക്ഷകൾ മാത്രമേ സ്വീകരിക്കുകയുള്ളു. കുടുതൽ വിവരങ്ങൾക്ക് 1800 425 3939 എന്ന നമ്പരിൽ ബന്ധപ്പെടുക.

The post കൊവിഡ് ബാധിച്ച് മരണമടഞ്ഞ പ്രവാസികളുടെ ആശ്രിതർക്ക് സാമ്പത്തിക സഹായവുമായി നോർക്ക appeared first on Valanchery Online.

പ്രവാസിവിരുദ്ധ നയങ്ങൾക്കെതിരേ കേരള പ്രവാസി ഫെഡറേഷൻ വളാഞ്ചേരിയിൽ പ്രതിഷേധസമരം നടത്തി

വളാഞ്ചേരിക്കാരൻ — Wed, 10 Jun 2020 17:06:00 +0000

വളാഞ്ചേരി : പ്രവാസിവിരുദ്ധ നയങ്ങൾക്കെതിരേ കേരള പ്രവാസി ഫെഡറേഷൻ (കെ.പി.എഫ്.) പ്രതിഷേധസമരം നടത്തി. അഷറഫലി കാളിയത്ത് ഉദ്ഘാടനംചെയ്തു. സി.കെ.എ. സലാം അധ്യക്ഷതവഹിച്ചു. കുഞ്ഞാപ്പുട്ടി ആലുക്കൽ, ടി. ജാനിഷ്ബാബു, സി.എച്ച്. സഹീർ, സുരേഷ് വലിയകുന്ന്, ബാലൻ ഇരിമ്പിളിയം, പി. മുഹമ്മദ് റിയാസ്, ഇബ്രാഹിം കുളമംഗലം എന്നിവർ പങ്കെടുത്തു.

The post പ്രവാസിവിരുദ്ധ നയങ്ങൾക്കെതിരേ കേരള പ്രവാസി ഫെഡറേഷൻ വളാഞ്ചേരിയിൽ പ്രതിഷേധസമരം നടത്തി appeared first on Valanchery Online.

കേന്ദ്ര-സംസ്ഥാന സർക്കാരുകൾ പ്രവാസികളോട് ജനവഞ്ചനാ സമീപനം പുലർത്തുന്നുവെന്നാരോപിച്ച് എസ്.ഡി.പി.ഐ വളാഞ്ചേരിയിൽ പ്രതിഷേധ സമരം സംഘടിപ്പിച്ചു

വളാഞ്ചേരിക്കാരൻ — Sat, 06 Jun 2020 15:41:34 +0000

വളാഞ്ചേരി: കേന്ദ്ര-സംസ്ഥാന സർക്കാരുകൾ പ്രവാസികളോട് ജനവഞ്ചനാ സമീപനം പുലർത്തുന്നുവെന്നാരോപിച്ച് എസ്.ഡി.പി.ഐ വളാഞ്ചേരിയിൽ പ്രതിഷേധ സമരം സംഘടിപ്പിച്ചു. കേന്ദ്ര-സംസ്ഥാന സർക്കാരുകളുടെ പ്രവാസി വഞ്ചന അവസാനിപ്പിക്കുക, പ്രവാസികളുടെ മടങ്ങി വരവിനുള്ള സംവിധാനം വേഗത്തിലാക്കുക, ചിലവ് സർക്കാർ വഹിക്കുക, കോവിഡ് മൂലം ജോലി നഷ്ടപ്പെട്ട പ്രവാസികൾക്ക് സാമ്പത്തിക സഹായം നൽകുക, ഭക്ഷണത്തിനും താമസത്തിനും ബുദ്ധിമുട്ട് നേരിടുന്ന വിദേശത്തുള്ള പ്രവാസികൾക്ക് അടിയന്തിര സഹായം ലഭ്യമാക്കുക, മറ്റു വിവിധ ആവശ്യങ്ങളുന്നയിച്ച് കൊണ്ട് എസ്.ഡി.പി.ഐ വളാഞ്ചേരി മേഖല കമ്മറ്റിയുടെ നേതൃത്വത്തിൽ പ്രതിഷേധിച്ചത്. എസ്.ഡി.പി.ഐ വളാഞ്ചേരി മേഖല പ്രസിഡന്റ് മുസ്തഫ പാണ്ടികശാല, അബ്ദുൾ അസീസ്, ഹസ്സൻ ബാവ, അബൂബക്കർ, ഫൈസൽ, നാസർ, അലവിക്കുട്ടി എന്നിവർ നേതൃത്വം നൽകി.

The post കേന്ദ്ര-സംസ്ഥാന സർക്കാരുകൾ പ്രവാസികളോട് ജനവഞ്ചനാ സമീപനം പുലർത്തുന്നുവെന്നാരോപിച്ച് എസ്.ഡി.പി.ഐ വളാഞ്ചേരിയിൽ പ്രതിഷേധ സമരം സംഘടിപ്പിച്ചു appeared first on Valanchery Online.

മടങ്ങിയെത്തിയ പ്രവാസികൾക്ക് നോർക്ക പുനരധിവാസ പദ്ധതി : ഫീൽഡ് ക്യാമ്പ് സംഘടിപ്പിക്കുന്നു

വളാഞ്ചേരിക്കാരൻ — Sat, 17 Aug 2019 09:08:15 +0000

പ്രവാസി പുനരധിവാസ പദ്ധതിയിൻ (NDPREM) കീഴിൽ മടങ്ങിയെത്തിയ പ്രവാസികൾക്ക് നോർക്ക റൂട്ട്‌സിന്റെ നേത്യത്വത്തിൽ ഇന്ത്യൻ ഓവർസീസ് ബാങ്ക്, സെന്റർ ഫോർ മാനേജ്‌മെന്റ് ഡെവലപ്പ്‌മെന്റ് എന്നിവരുടെ സഹകരണത്തോടെ 21 ന് രാവിലെ പത്തിന് കുന്നംകുളം ചൊവ്വന്നൂർ അറേബ്യൻ പാലസ്സ് ആഡിറ്റോറിയത്തിൽ (കുന്നംകുളം വടക്കാഞ്ചേരി റോഡ്) വായ്പാ യോഗ്യതനിർണയ ക്യാമ്പ് സംഘടിപ്പിക്കുന്നു. ചുരുങ്ങിയത് രണ്ടു വർഷമെങ്കിലും വിദേശത്ത് ജോലി ചെയ്ത് സ്ഥിരമായി മടങ്ങിയെത്തിയ പ്രവാസികൾക്ക് തുടങ്ങാവുന്ന സംരംഭങ്ങൾ പരിപാടിയിൽ പരിചയപ്പെടുത്തും. അർഹരായ സംരംഭകർക്ക് തത്‌സമയം വായ്പ നിബന്ധനകളോടെ അനുവദിക്കും. അഭിരുചിയുള്ളവർക്ക് മാർഗനിർദേശങ്ങളും നൽകും.

ഇതിനായി സർക്കാർ മാനേജ്‌മെന്റ് പരിശീലന സ്ഥാപനമായ സി. എം. ഡി യുടെ സേവനവും ലഭ്യമാക്കും. സംരംഭകർക്ക് മൂലധന, പലിശ സബ്‌സിഡികൾ ലഭ്യമാക്കുന്ന പദ്ധതിയിൻ കീഴിൽ സംരംഭകരാകാൻ താത്പര്യമുളളവർ നോർക്ക റൂട്ട്‌സിന്റെ വെബ് സൈറ്റായ www.norkaroots.org യിൽ NDPREM ഫീൽഡിൽ ആവശ്യരേഖകളായ പാസ്‌പോർട്ട്, പദ്ധതി യുടെ വിവരണം, അപേക്ഷകന്റെ ഫോട്ടോ എന്നിവ അപ്‌ലോഡ് ചെയ്ത് മുൻകൂർ പേര് രജിസ്റ്റർ ചെയ്യണം.

ഇതോടൊപ്പം അവർ തുടങ്ങാൻ ഉദ്ദേശിക്കുന്ന പദ്ധതിയുടെ അടങ്കൽ തുക ഉൾപ്പെടെയുള്ള ലഘുവിവരണവും രണ്ട് വർഷം വിദേശവാസം തെളിയിക്കുന്ന പാസ്‌പോർട്ട്, റേഷൻ കാർഡ്, ആധാർ കാർഡ്, പാൻ കാർഡ്് എന്നിവയുടെ അസ്സലും പകർപ്പും, മൂന്ന് പാസ്‌പോർട്ട് സൈസ് ഫോട്ടോയും അന്നേദിവസം കൊണ്ടുവരണം. കൂടുതൽ വിവരങ്ങൾക്ക് സി.എം.ഡി യുടെ സഹായ കേന്ദ്രം (0471-2329738) നമ്പറിലും നോർക്ക റൂട്ട്‌സിന്റെ ടോൾഫ്രീ നമ്പരായ 1800 425 3939 (ഇന്ത്യയിൽ നിന്നും), 00918802012345 (വിദേശത്തു നിന്നും) (മിസ്ഡ് കോൾ സേവനം), 04842371810 (എറണാകുളം), 0487-2360707 എന്നീ നമ്പറുകളിലും ബന്ധപ്പെടുക.

The post മടങ്ങിയെത്തിയ പ്രവാസികൾക്ക് നോർക്ക പുനരധിവാസ പദ്ധതി : ഫീൽഡ് ക്യാമ്പ് സംഘടിപ്പിക്കുന്നു appeared first on Valanchery Online.

പ്രവാസികൾക്ക് നാട്ടിലെ മൊബൈൽ നമ്പർ നിലനിർത്താൻ എന്താണ് വഴി?

വളാഞ്ചേരിക്കാരൻ — Sun, 30 Dec 2018 10:05:20 +0000

2018 ഒക്ടോബർ മുതൽ നിലവിൽ വന്ന റൂൾ പ്രകാരം ഐഡിയ, വോഡാഫോൺ, എയർടെൽ ഉപഭോക്താക്കൾക്ക് ഏതെങ്കിലും സര്‍വീസ് വാലിഡിറ്റി ഉള്ള റീച്ചാർജ് ചെയ്തെങ്കിൽ മാത്രമേ ഔട്ട്‌ ഗോയിംഗ് ഉൾപ്പെടെയുള്ള മൊബൈല്‍ സേവനങ്ങൾ പൂർണമായി ലഭ്യമാവുകയുള്ളൂ. വാലിഡിറ്റി റീച്ചാർജ് കാലാവധി തീർന്നതിനുശേഷം 15 ദിവസം വരെ ഔട്ട്ഗോയിംഗ് കാൾ സൗകര്യം ലഭ്യമാവുകയില്ല. പക്ഷേ ആ സമയത്ത് ഇൻകമിംഗ് കോളുകളും ഇരുവശത്തേക്കും ഉള്ള മെസ്സേജിംഗ് സൗകര്യവും നിലവിലുണ്ടാകും. ഐഡിയ/വോഡഫോണ്‍ കണക്ഷന്‍ ആണെങ്കില്‍ ഈ 15 ദിവസം അവസാനിക്കുന്നത് മുതൽ 90 ദിവസം കൂടി നമ്പർ നിലവിലുണ്ടാകും. ആ സമയത്ത് നിങ്ങൾക്ക് ഇൻകമിംഗ് മെസ്സേജ് സൗകര്യം മാത്രമായിരിക്കും ലഭ്യമാവുക. അതായത് ഔട്ട്ഗോയിംഗ് കാൾ സൗകര്യം നിലച്ചത് മുതൽ 15 + 90 = 105 ദിവസങ്ങൾക്കു ശേഷമായിരിക്കും നമ്പർ ഡിസ്കണക്ട് ആവുക.
ഇൻകമിംഗ് മാത്രം നിലനിർത്താൻ ഏറ്റവും ലളിതമായ വഴി എന്താണ്?

നിങ്ങൾ ഔട്ട്ഗോയിംഗ് കോളുകൾ ഒന്നും ചെയ്യാതെ, ഇൻകമിംഗ് കോളുകൾക്ക് മാത്രമായി നമ്പർ നിലനിർത്തുകയാണെങ്കിൽ, നിലവിലുള്ള പ്ലാനുകൾ അനുസരിച്ച് ഏറ്റവും കുറഞ്ഞ നിരക്കില്‍ ലഭ്യമായത് ഐഡിയയില്‍ 28 രൂപയുടെയും വോഡഫോണില്‍ 33 രൂപയുടെയും 500 എം.ബി ഡാറ്റ ചാർജ് ആണ്. ഈ സമയം 500 എംബി ഡാറ്റ 28 ദിവസത്തേക്ക് നിങ്ങൾക്ക് ലഭ്യമാകും. എയര്‍ടെല്ലില്‍ 23 രൂപയുടെ പ്ലാന്‍ റീചാര്‍ജും ചെയ്യാവുന്നതാണ്. 28 ദിവസത്തിനു ശേഷം 15 ദിവസം കൂടി ഇന്‍കമിംഗ് സൗകര്യം നിലനിൽക്കും. അതായത് 28 രൂപ റീചാര്‍ജ് കൊണ്ട് 28 + 15 = 43 ദിവസം നിങ്ങൾക്ക് ഇൻകമിങ് സേവനങ്ങൾ ലഭ്യമാകും. കൂടാതെ ഈ മൂന്ന് സേവനദാതാക്കളും 35 രൂപ റീചാർജ്ജില്‍ 26 രൂപ ടോക്ടൈമും 28 ദിവസത്തെ വാലിഡിറ്റിയും നല്‍കുന്നുണ്ട്. സാമ്പത്തികമായി ലാഭം ഈ റീചാര്‍ജ് ആണ്.

പ്രവാസികൾക്ക് മൊബൈൽ നമ്പർ നിലനിർത്താൻ എന്താണ് വഴി?

പ്രവാസികൾ റോമിംഗ് ആയതിനാല്‍ ബാങ്കിംഗ് സേവനങ്ങളുടെ മെസ്സേജുകൾക്ക് വേണ്ടിയോ സ്ഥിരമായി ഉപയോഗിക്കുന്ന നമ്പര്‍ നഷ്ടപ്പെടാതിരിക്കാനോ വേണ്ടിയാണ് നമ്പർ നിലനിർത്തുന്നത്. അത്തരക്കാർക്ക് ഏറ്റവും നല്ല മാർഗ്ഗം എത്ര കാലമാണ് വിദേശത്ത് ഉണ്ടായിരിക്കുക അത്രയും മാസത്തിന് ഓരോ മാസം 20 രൂപ നിരക്കിൽ ഈടാക്കാൻ തക്ക ബാലൻസ് മൊബൈലിൽ സൂക്ഷിക്കുക എന്നുള്ളതാണ് ഏറ്റവും ലളിതമായ മാര്‍ഗ്ഗം.

എന്നാൽ സാമ്പത്തികമായി ഏറ്റവും ലാഭകരം ഉള്ളത് 105 ദിവസം കൂടുമ്പോൾ 28 അല്ലെങ്കില്‍ 35 രൂപയ്ക്ക് റീചാർജ് ചെയ്യുക എന്നുള്ളതാണ്. പക്ഷേ ഈ 105 ദിവസത്തിനുള്ളിൽ റീച്ചാർജ് ചെയ്യാൻ മറന്നു പോയാൽ 20 രൂപയിൽ കൂടുതൽ ബാലൻസ് ഇല്ലെങ്കിൽ നിങ്ങളുടെ നമ്പർ കട്ടാവുന്നതാണ്.

The post പ്രവാസികൾക്ക് നാട്ടിലെ മൊബൈൽ നമ്പർ നിലനിർത്താൻ എന്താണ് വഴി? appeared first on Valanchery Online.

പ്രവാസികൾക്ക് പകരക്കാരെ വെച്ച് വോട്ട് ചെയ്യാം; പ്രവാസി വോട്ടവകാശം ബിൽ ലോക്സഭയിൽ പാസായി

വളാഞ്ചേരിക്കാരൻ — Fri, 10 Aug 2018 02:40:19 +0000

ന്യൂഡൽഹി: പ്രവാസികൾക്ക് വോട്ടവകാശം നൽകുന്ന ജനപ്രാതിനിധ്യ ഭേദഗതി ബിൽ ലോക്സഭയിൽ പാസായി. പ്രവാസികൾക്ക് പകരക്കാരെ നിശ്ചയിച്ച് വോട്ട് ചെയ്യാൻ ബില്ലിൽ വ്യവസ്ഥയുണ്ട്. ഇതുസംബന്ധിച്ച ബില്ലിന് കേന്ദ്രസർക്കാർ അന്തിമ രുപം നൽകിയിരുന്നെങ്കിലും ലോക്സഭയിൽ പാസായിരുന്നില്ല.

അതേ സമയം, പ്രവാസികൾക്ക് ഇ-വോട്ടിങ് അനുവദിക്കില്ലെന്നാണ് സൂചന. ഇ-വോട്ടിങ് പൂർണമായും സുരക്ഷിതമല്ലെന്ന് കേന്ദ്ര നിയമമന്ത്രി രവിശങ്കർ പ്രസാദ് പറഞ്ഞു. ഇത് സുരക്ഷിതമാക്കാൻ കൂടുതൽ മികച്ച സാേങ്കതികവിദ്യ ആവശ്യമാണെന്നും രവിശങ്കർ പ്രസാദ് വ്യക്തമാക്കി.

The post പ്രവാസികൾക്ക് പകരക്കാരെ വെച്ച് വോട്ട് ചെയ്യാം; പ്രവാസി വോട്ടവകാശം ബിൽ ലോക്സഭയിൽ പാസായി appeared first on Valanchery Online.

വട്ടപ്പാറയെ അപകടവിമുക്തമാക്കാനുള്ള സമരങ്ങൾക്ക് ഐക്യദാർഡ്യം പ്രകടിപ്പിച്ച് പ്രവാസി കൂട്ടായ്മ

വളാഞ്ചേരിക്കാരൻ — Sat, 31 Mar 2018 00:14:45 +0000

ദോഹ: അപകട മരണങ്ങൾ നിത്യ സംഭവമായ വട്ടപ്പാറയെ അപകടമുക്തമാക്കുക എന്ന ലക്ഷ്യത്തിൽ ഉള്ള എല്ലാ സമരങ്ങൾക്കും പിന്തുണ പ്രഖ്യാപിച്ചു വളാഞ്ചേരിക്കാരുടെ ഖത്തർ കൂട്ടായ്മയായ ‘ഫേസ് വളാഞ്ചേരി’ അൽ ബിദാ പാർക്കിൽ ഒത്തുകൂടി.

മൂടാൽ – കഞ്ഞിപ്പുര ബൈപാസ് ഉടനെ യാഥാർഥ്യമാക്കാനും സർക്കാരും പ്രതിപക്ഷവും ഈ വിഷയത്തിൽ തുടരുന്ന മെല്ലെപ്പോക്ക് അവസാനിപ്പിച്ച് ജനങളുടെ കൂടെ നിൽക്കണമെന്ന് യോഗം ഒറ്റക്കെട്ടായി ആവശ്യപ്പെട്ടു. കൂടാതെ അശാസ്ത്രീയമായ വട്ടപ്പാറയിലെ വളവു നിവർത്താൻ എത്രയും പെട്ടെന്ന് വേണ്ട നടപടികൾ ഹൈവേ അതോറിറ്റിയെക്കൊണ്ട് ചെയ്യിക്കാൻ ജനപ്രതിനിധികളും കേരള സർക്കാരും സമ്മർദം ചെലുത്തണമെന്നും പൊതുവിൽ ആവശ്യമുയർന്നു.

ഹൈവേ വികസനവുമായി ബന്ധപ്പെട്ടു നിരവധി പേരുടെ വീടുകളാണ് തകർക്കപെടുന്നത്, അതിൽ മിക്കവരും പ്രവാസികളുമാണ്. വികസനത്തിൽ പങ്കാളികളാവുന്ന അവർക്കു നഷ്ടപരിഹാരമല്ല മറിച്ചു പദ്ധതിയുടെ ലാഭവിഹിതമാണ് നൽകേണ്ടതെന്ന് യോഗം ആവശ്യപ്പെട്ടു. ഇരകളുടെ പുനരധിവാസത്തെക്കുറിച്ചുള്ള സംശയങ്ങൾ തീർത്തു സുതാര്യമായി വേണം ഭൂമി ഏറ്റെടുക്കൽ നടപടികൾ തുടർന്ന് പോകേണ്ടതെന്നു യോഗം ഉണർത്തി. ഇരകളെ ചേർത്തുപിടിച്ചുകൊണ്ടുള്ള വികസനമാണ് നാട്ടിൽ നടക്കേണ്ടതെന്ന് യോഗം വിലയിരുത്തി.

ഫേസ് വളാഞ്ചേരി (ഖത്തർ) പ്രസിഡണ്ട് ഫൈറോസ് ആധ്യക്ഷ്യം വഹിച്ചു. സെക്രട്ടറി ഷാജി ഹുസ്സൈൻ, മദനി, ഷബീർ, കരീം തിണ്ടലം എന്നിവർ സംസാരിച്ചു.

The post വട്ടപ്പാറയെ അപകടവിമുക്തമാക്കാനുള്ള സമരങ്ങൾക്ക് ഐക്യദാർഡ്യം പ്രകടിപ്പിച്ച് പ്രവാസി കൂട്ടായ്മ appeared first on Valanchery Online.