തളര്‍ച്ചരോഗംബാധിച്ച് കഴിയുന്ന താഴെക്കോട് മാമ്പറ്റ പറമ്പില്‍ സമിയുള്ള -ജമീല ദമ്പതികളുടെ മകന്‍ 13കാരനായ സിദ്ദിഖിന്റെ ചികിത്സയ്ക്കാണ് നിനുസ്റ്റാര്‍ ബസിന്റെ കന്നിയോട്ടം.

ജന്‍മനാ തളര്‍ച്ചയിലായ ഈ 13 കാരനെ ഇപ്പോഴും എടുത്തുകൊണ്ടു നടക്കണം. നാട്ടുകാരുടെ സഹായത്തോടെയാണ് ചികിത്സ നടത്തി വരുന്നത്.

ഇവരുടെ ദുരിതം അറിഞ്ഞ നിനൂ സ്റ്റാര്‍ ബസിന്റെ ഉടമ പടപ്പറമ്പ് വളഞ്ഞിപ്പുലാന്‍ കരീം തന്റെ ബസിന്റെ കന്നിയോട്ടം സിദ്ദിഖിന്റെ ചികിത്സയ്ക്കായി നിശ്ചയിക്കുകയായിരുന്നു.

കരീമിന്റെ ബസുകള്‍ ഇതിനുമുന്‍പും ഇത്തരം സേവനം നടത്തിയിട്ടുണ്ട്. സിദ്ദിഖിന്റെ ചികിത്സയ്ക്കായി യാത്രക്കാരും നാട്ടുകാരും സഹകരിക്കുമെന്നാണ് പ്രതീക്ഷ.

The post പുതിയ വ്യവസ്ഥകൾ പാലിക്കുന്ന ജില്ലയിലെ ആദ്യബസിന്റെ കന്നിയോട്ടം സിദ്ദിഖിന്റെ ചികിത്സയ്ക്ക്‌ appeared first on Valanchery Online.