കറവപ്പശു വാങ്ങൽ പദ്ധതി ഈ വര്‍ഷം പട്ടികജാതി വിഭാഗങ്ങള്‍ക്കും നടപ്പാക്കുന്നുണ്ട്. അതിനായി പത്തൊന്‍പത് ലക്ഷത്തി പതിനയ്യായിരം രൂപ വകയിരുത്തിയിട്ടുണ്ട്. ഒരു കോടി നാൽപ്പത്തൊന്ന് ലക്ഷത്തി എഴുപത്തി അയ്യായിരം രൂപയാണ് പട്ടിക ജാതി വിഭാഗങ്ങളുടെ ക്ഷേമത്തിനായി വകയിരുത്തിയിട്ടുള്ളത്.
അര്‍ബൻപി.എച്.എസ്.സി, ബഡ്‌സ് സ്‌കൂൾ, നഗരസഭയ്ക് പുതിയ ബസ്റ്റാന്റ് നിര്‍മ്മാണം, ആധുനിക ശ്മശാന നിര്‍മ്മാണം എന്നീ പദ്ധതികളും നഗരസഭയുടെ ബജറ്റിൽ ഇടം പിടിച്ചിട്ടുണ്ട്. പി.എം.എ.വൈ. പദ്ധതിയിൽ നഗരസഭാ വിഹിതം സര്‍ക്കാർ ഏകപക്ഷീയമായി വര്‍ദ്ധിപ്പിച്ചത് നഗരസഭയ്ക് 8 കോടി രൂപയുടെ അധിക ഭാരം ഉണ്ടാക്കിയിട്ടുണ്ടെങ്കിലും ധനകാര്യ സ്ഥാപനങ്ങളിൽ നിന്നുമുള്ള വായ്പയിലൂടെ പ്രതിസന്ധി പരിഹരിക്കാനുള്ള പരിപാടിയും ബജറ്റിൽ ഉള്‍പ്പെടുത്തിയിട്ടുണ്ട്.

ഇരുപത്തി മൂന്ന് കോടി നാൽപത്തേഴ് ലക്ഷത്തി അറുപത്തിയാറായിരത്തി അഞ്ഞൂറ്റി ഇരുപത്തിനാല് (23,47,66,524) രൂപ വരവും പതിനെട്ട് കോടി അന്‍പത് ലക്ഷത്തി എഴുപത്തി മൂവായിരത്തി അഞ്ഞൂറ് (18,50,73,500) രൂപ ചെലവും നാലുകോടി തൊണ്ണൂറ്റി ആറ് ലക്ഷത്തി തൊണ്ണൂറ്റി മൂവായിരത്തി ഇരുപത്തിനാല് (4,96,93,024) രൂപ നീക്കിയിരിപ്പും പ്രതീക്ഷിക്കുന്ന ബജറ്റാണ് നഗരസഭാ വൈസ് ചെയര്‍മാൻ കെ.വി. ഉണ്ണികൃഷ്ണന്‍ അവതരിപ്പിച്ചത്.

ബജറ്റ് സെഷനിൽ നഗരസഭാദ്ധ്യക്ഷ എം. ഷാഹിന ടീച്ചര്‍ അദ്ധ്യക്ഷത വഹിച്ചു. ബജറ്റിന്‍മേലുള്ള വിശദമായ ചര്‍ച്ചയും ബഡ്ജറ്റ് പാസ്സാക്കലും നാളെ നടക്കും.

The post അടിസ്ഥാന സൗകര്യ വികസനത്തിന് ഊന്നൽ നൽകി വളാഞ്ചേരി നഗരസഭ ബജറ്റ് appeared first on Valanchery Online.