nedungottur Archives - Valanchery Online

ജെ.സി.ഐ വളാഞ്ചേരി ഡന്റൽ ക്യാമ്പ് സംഘടിപ്പിച്ചു

വളാഞ്ചേരിക്കാരൻ — Tue, 25 Feb 2020 00:14:54 +0000

വളാഞ്ചേരി: ജെ.സി.ഐ വളാഞ്ചേരി മഹിളാ വിഭാഗം ജെസ്ററ്റ് സെലിബ്രേഷൻ വീക്കിന്റെ ഭാഗമായി ഡന്റൽ ഹെൽത്ത് അവയർനസ്‌ ക്ലാസും ഡന്റൽ പരിശോദനാ ക്യാമ്പും എ.എൽ.പി.സ്കൂൾ നെടുങ്ങോട്ടൂരിൽ സംഘടിപ്പിച്ചു. കുറ്റിപ്പുറം ബ്ലോക്ക് ക്ഷേമകാര്യ കമിറ്റി അംഗവും വളാഞ്ചേരി ജെ.സി.ഐ ജെസ്‌ററ്റ് ചെയർപേഴ്സണുമായ ഫസീല ടീച്ചർ അദ്ധ്യക്ഷത വഹിച്ചു. ജെ.സി.ഐ വളാഞ്ചേരി പ്രസിണ്ടൻറ് അമീൻ.പി.ജെ, വൈസ് പ്രസിണ്ടൻറ് ഡോ: മുഹമ്മദ് ഹാരിസ്.കെ.ടി സ്കൂൾ ഹെഡ്മാസ്റ്റർ പ്രദീപ്, ഈ വിദ്യാലയത്തിലെ അധ്യാപകനും മെമ്പറുമായ അനിൽകുമാർ തുടങ്ങിയവർ ചടങ്ങിൽ പങ്കെടുത്തു. ഐ.ഡി.എ മലപ്പുറം ജില്ല ബ്രാഞ്ച് പ്രസിഡന്റ് ജെ.സി.മഹേഷ് കെ ജോയ് ഡന്റൽ പരിശോദനാ ക്യാമ്പിന്റെ ഉദ്ഘാടനവും ഡോ: തബഷീർ ക്യാമ്പിന് നേതൃത്വവും നൽകി. 100ൽ പരം രക്ഷിതാക്കളും വിദ്യാർഥികളും ക്യാമ്പ് പ്രയോജനപ്പെടുത്തി.

The post ജെ.സി.ഐ വളാഞ്ചേരി ഡന്റൽ ക്യാമ്പ് സംഘടിപ്പിച്ചു appeared first on Valanchery Online.

നെടുങ്ങോട്ടൂർ മേഖല സി.എച്ച്.സെന്‍റർ ഇഫ്ത്താർ മീറ്റും അനുമോദന സദസ്സും സംഘടിപ്പിച്ചു

വളാഞ്ചേരിക്കാരൻ — Thu, 30 May 2019 09:26:07 +0000

നെടുങ്ങോട്ടൂർ മേഖല സി.എച്ച്.സെന്‍റർ ഇഫ്ത്താർ മീറ്റും അനുമോദന സദസ്സും സംഘടിപ്പിച്ചു. ജാതി മത രാഷ്ട്രീയ ചിന്തകൾക്ക് അതീതമായി അനുമോദന സദസ്സിലും ഇഫ്ത്താർ മീറ്റിലും നെടുങ്ങോട്ടൂർ പ്രദേശത്തെ അഞ്ഞൂറിൽ പരം ആളുകൾ സന്നിഹിദരായിരുന്നു. നെടുങ്ങോട്ടൂർ ഗ്രമത്തിൻെറ യശസ്സ് ഉയർത്തിയ അയോൺമാൻ അബ്ദുല്‍ നാസറിനെ ചടങ്ങില്‍ പാലക്കാട് നിയുക്ത എം.പി. വി.കെ.ശ്രീകണഠൻ അനുമോദിച്ചു. ഉയർന്ന വിജയം കെെവരിച്ചവരെയും വിദ്യാര്‍ത്ഥികളെയും വിവിധ മേഖലകളിൽ നൊടുങ്ങോട്ടൂർ പ്രധിനിധ്യം തെളിയിച്ചവരെയും ചടങ്ങില്‍ അനുമേദിച്ചു.

ജീവകാരുണ്യ /രക്തദാന രംഗത്തെ പ്രവർത്തനങ്ങൾക്ക് സമദ് നെടുങ്ങോട്ടൂരിനെ ആദരിച്ചു, ബി ഡി കെ തിരൂർ താലൂക്ക് എക്സിക്യൂട്ടിവ് അംഗവും വളാഞ്ചേരി കാരുണ്യ ചാരിറ്റബിൾ സൊസൈറ്റി മെമ്പറുമാണ്. മഹ്ഷൂഖ് ഹുദവി മുഖ്യപ്രഭാഷണം നടത്തി. സി.എച്ച്.സെന്‍റർ പലിശ രഹിത വായ്പ പദ്ധതി പ്രഖ്യാപന വിശദീകരണവും അൻവർ മുഹയുദ്ധീൻ ഹുദവി നടത്തി. ചടങ്ങില്‍ ഖത്തർ കെ.എം.സി.സി. സംസ്ഥാന ട്രഷറര്‍ മുഹമ്മദാലി കെ.പി അദ്ധ്യക്ഷത വഹിച്ചു. പരിപാടിയിൽ സമൂഹിക സാംസ്കാരിക രാഷ്ട്രീയ രംഗത്തെ പ്രമുഖർ പങ്കെടുത്തു.
Summary: CH center nedungottur area conducts iftar met

The post നെടുങ്ങോട്ടൂർ മേഖല സി.എച്ച്.സെന്‍റർ ഇഫ്ത്താർ മീറ്റും അനുമോദന സദസ്സും സംഘടിപ്പിച്ചു appeared first on Valanchery Online.

ലോകത്തിന്റെ നെറുകയിലേക്ക് ചവിട്ടിക്കയറി നെടുങ്ങോട്ടൂർ സ്വദേശി

വളാഞ്ചേരിക്കാരൻ — Sun, 19 May 2019 07:52:11 +0000

കൈപ്പുറം: ഭൂമിയിലെ ഏറ്റവും ഉയർന്ന കൊടുമുടി ചവിട്ടിക്കയറി ചരിത്രം സൃഷ്ടിച്ചു നെടുങ്ങോട്ടൂർ സ്വദേശി. നെടുങ്ങോട്ടൂർ സ്വദേശിയും ഖത്തറിൽ സ്ഥിരതാമസക്കാരനുമായ പെരിങ്ങോടൻ അബ്ദുൾ നാസറാണ് ലോകത്തിലെ ഏറ്റവും ഉയർന്ന എവറസ്റ്റ് കൊടുമുടി താണ്ടിയത്.

ചാർട്ടേർഡ് അക്കൌണ്ടന്റും പ്രഭാഷകനും മോറ്റിവേഷനൽ സ്പീക്കറുമാണ് ഇദ്ദേഹം. നിരവധി സാഹസിക പർവതാരോഹണങ്ങളും മാരത്തോണുകളും പൂർത്തിയാക്കിയ അബ്ദുൽ നാസർ സാഹസങ്ങളുടെ തോഴനായാണ് അറിയപ്പെടുന്നത്. “The Roads less Travelled”എന്ന പേരിൽ തന്റെ ജീവിതാനുഭവങ്ങളെ കുറിച്ച് ഒരു പുസ്തകവും ഇദ്ദേഹം രചിച്ചിട്ടുണ്ട്. മെയ് 16നാണ് ഇദ്ദേഹം എവറസ്റ്റിന് മുകളിലെത്തിയത്. തന്റെ ഫെയ്സ്ബുക്ക് പോസ്റ്റ് വഴിയാണ് ഇദ്ദേഹം തന്റെ നേട്ടം ലോകത്തെ അറിയിച്ചത്. ആരോഹണം തുടങ്ങി മുപ്പതാം ദിവസമാണ് അദ്ദേഹം ഈ നേട്ടം കൈവരിച്ചത്. ഉദ്യമത്തിനിടെ തന്റെ ടീമിലുണ്ടായിരുന്ന രണ്ടു പേരുടെ മരണവും അവരുടെ കുടുംബാംഗങ്ങൾക്കുള്ള അനുശോചനവും അദ്ദേഹം ഫേസ്ബുക്കിലൂടെ പങ്കുവെച്ചു.

The post ലോകത്തിന്റെ നെറുകയിലേക്ക് ചവിട്ടിക്കയറി നെടുങ്ങോട്ടൂർ സ്വദേശി appeared first on Valanchery Online.