national Archives - Valanchery Online

അങ്കണവാടിക്ക് ‘സ്‍നേഹമതിൽ’ കെട്ടി കൊളത്തൂർ നാഷനൽ ഹയർ സെക്കൻഡറി സ്‍കൂളിലെ വിദ്യാർഥികൾ

വളാഞ്ചേരിക്കാരൻ — Thu, 18 Jan 2018 09:57:03 +0000

കൊളത്തൂർ∙ അങ്കണവാടിയുടെ തകർന്നു കിടന്ന മതിൽ പുതുക്കിപ്പണിതുനൽകി വിദ്യാർഥികളുടെ സേവനപാഠം. കൊളത്തൂർ നാഷനൽ ഹയർ സെക്കൻഡറി സ്‍കൂളിലെഎൻഎസ്എസ് വൊളന്റിയർമാരുടെ നേതൃത്വത്തിലായിരുന്നു നിർമാണം. ചന്തപ്പടി അങ്കണവാടി മതിലിന്റെ ഒരു ഭാഗം ഏറെക്കാലമായി തകർന്നുകിടക്കുകയായിരുന്നു.

ഇതുവഴിയെത്തുന്ന തെരുവുനായ്‍ക്കൾ കുട്ടികളെയും അധ്യാപകരെയും ബുദ്ധിമുട്ടിലാക്കിയിരുന്നു. ഇതിനിടെയാണ് സംഭവമറിഞ്ഞ് വിദ്യാർഥിക്കൂട്ടം എത്തിയത്. മതിൽ പുനർനിർമിച്ച വിദ്യാർഥികളെ നാട്ടുകാർ അഭിനന്ദിച്ചു. പ്രിൻസിപ്പ‌ൽ സി.വി.മുരളി, കെ.എസ്.സുമേഷ്, സുഹൈബ്, മിക്ദാദ്, അമീൻ എന്നിവർ നേതൃത്വം നൽകി.

The post അങ്കണവാടിക്ക് ‘സ്‍നേഹമതിൽ’ കെട്ടി കൊളത്തൂർ നാഷനൽ ഹയർ സെക്കൻഡറി സ്‍കൂളിലെ വിദ്യാർഥികൾ appeared first on Valanchery Online.

സുസ്ഥിര സാമ്പത്തികവികസനത്തിന് പരിസ്ഥിതിസംരക്ഷണം അനിവാര്യം -പ്രൊഫ. മാര്‍സല്‍ ഹോളിയോക്‌

വളാഞ്ചേരിക്കാരൻ — Fri, 27 Feb 2015 01:15:37 +0000

വളാഞ്ചേരി: പരിസ്ഥിതിസംരക്ഷണത്തിലൂടെ മാത്രമേ സുസ്ഥിര സാമ്പത്തികവികസനം സാധ്യമാകൂവെന്ന്

ഡേവിസിലെ കാലിഫോര്‍ണിയ സര്‍വകലാശാല ഡിപ്പാര്‍ട്ട്‌മെന്റ് ഓഫ് എന്‍വയോണ്‍മെന്റ് ആന്‍ഡ് പോളിസി പ്രൊഫസര്‍ മാര്‍സല്‍ ഹോളിയോക് അഭിപ്രായപ്പെട്ടു. വളാഞ്ചേരി എം.ഇ.എസ്.കെ.വി.എം കോളേജിലെ കോമേഴ്‌സ് വിഭാഗം ‘കേരളത്തിലെ സൂക്ഷ്മ ചെറുകിട ഇടത്തരം സംരംഭകമേഖല-വെല്ലുവിളികളും സാധ്യതകളും’ എന്ന വിഷയത്തില്‍ സംഘടിപ്പിച്ച ദ്വിദിന ദേശീയസെമിനാര്‍ ഉദ്ഘാടനംചെയ്യുകയായിരുന്നു അദ്ദേഹം.
കേരളം വികസനംകാത്തിരിക്കുന്ന സംസ്ഥാനമാണെന്നും വിദേശനിക്ഷേപകര്‍ക്ക് ഒട്ടേറെ അവസരങ്ങള്‍ ഇവിടെയുണ്ടെന്നും അദ്ദേഹം പറഞ്ഞു.
പ്രിന്‍സിപ്പല്‍ പ്രൊഫ. മുഹമ്മദലി അധ്യക്ഷതവഹിച്ചു. പ്രൊഫ. സി.കെ. ഹസ്സന്‍, ഡോ. ഹുസൈന്‍ രണ്ടത്താണി, എന്‍. അബ്ദുള്‍ജബ്ബാര്‍, പ്രൊഫ. കെ.പി. ഹസ്സന്‍, മഞ്ജുളാ രാമന്‍ എന്നിവര്‍ പ്രസംഗിച്ചു. വിവിധ കോളേജുകളിലെ 72 പ്രതിനിധികള്‍ സെമിനാറില്‍ പങ്കെടുത്തു. വ്യാഴാഴ്ച സമാപിക്കും.

Summary: Prof. Marcel Holyoak, Department of Environmental Science and Policy, University of California, talks about the possibilities of economic development in Kerala through conserving environment in the two day national seminar held at MES

kVM College, Valanchery, Kerala

The post സുസ്ഥിര സാമ്പത്തികവികസനത്തിന് പരിസ്ഥിതിസംരക്ഷണം അനിവാര്യം -പ്രൊഫ. മാര്‍സല്‍ ഹോളിയോക്‌ appeared first on Valanchery Online.

വളാഞ്ചേരി-കുറ്റിപ്പുറം പാതയോരത്ത് വീണ്ടും മാലിന്യം തള്ളി

വളാഞ്ചേരിക്കാരൻ — Sun, 14 Dec 2014 10:49:25 +0000

വളാഞ്ചേരി: വളാഞ്ചേരി-കുറ്റിപ്പുറം ദേശീയപാതയില്‍ മൂച്ചിക്കല്‍ ഓണിയില്‍ പാലത്തില്‍ ചാക്കുകളില്‍നിറച്ച മാംസാവശിഷ്ടങ്ങളും ചപ്പുചവറുകളും വീണ്ടും തള്ളി. ആഴ്ചകള്‍ക്കുമുമ്പ് വളാഞ്ചേരി പോലീസും ചെ ഗുവേര കള്‍ച്ചറല്‍ ഫോറവും ചേര്‍ന്ന് ഇവിടെ ശുചീകരിച്ചിരുന്നു. മാലിന്യം തള്ളല്‍ വീണ്ടും തുടങ്ങിയതോടെ തെരുവുനായ്ക്കളുടെ ശല്യം രൂക്ഷമായിട്ടുണ്ട്. ഗ്രാമപ്പഞ്ചായത്തിന്റെ ശുദ്ധജലവിതരണ പദ്ധതിയുടെ കിണര്‍ ഇതിനടുത്താണ്. മാംസാവശിഷ്ടങ്ങള്‍ പക്ഷികള്‍ കൊത്തിയെടുത്ത് കിണറ്റിലിടാന്‍ സാധ്യതയേറെയാണ്.
മാലിന്യങ്ങള്‍ കൊണ്ടുപോകുന്ന വാഹനങ്ങള്‍ക്കെതിരേയും മാലിന്യസംസ്‌കരണത്തിന് സൗകര്യങ്ങളില്ലാത്ത അറവുശാലകള്‍ക്കെതിരെയും പഞ്ചായത്ത് നടപടി സ്വീകരിക്കണമെന്ന് ചെ ഗുവേര കള്‍ച്ചറല്‍ ഫോറം ആവശ്യപ്പെട്ടു. പ്രസിഡന്റ് വി.പി.എം. സാലിഹ് അധ്യക്ഷത വഹിച്ചു.

Summary: Chicken wastes are found dumbed along the NH-66 near Valanchery

The post വളാഞ്ചേരി-കുറ്റിപ്പുറം പാതയോരത്ത് വീണ്ടും മാലിന്യം തള്ളി appeared first on Valanchery Online.

Angry mob protest National Highway at Valanchery over the death of a auto driver in an accident

വളാഞ്ചേരിക്കാരൻ — Tue, 26 Feb 2013 08:51:38 +0000

ദേശീയപാതയില്‍ ഓട്ടോഡ്രൈവറുടെ മരണത്തിനിടയാക്കിയ അപകടത്തെ ത്തുടര്‍ന്ന് നാട്ടുകാര്‍ റോഡുപരോധിച്ചു. ഓണിയില്‍ പാലത്തിനുസമീപം തിങ്കളാഴ്ച രാവിലെയുണ്ടായ അപകടത്തില്‍ പെട്ടിഓട്ടോ ഡ്രൈവര്‍ പേരശ്ശനൂര്‍ എടച്ചലം മച്ചിങ്ങല്‍ മുഹമ്മദാലി (38)യാണ് മരിച്ചത്.
അപകടത്തില്‍പ്പെട്ട ബസ്സ് മിനുട്ടുകള്‍ക്കകം സംഭവസ്ഥലത്തുനിന്ന് മാറ്റിയതില്‍ പ്രതിഷേധിച്ചായിരുന്നു ഉപരോധം.

ലിമിറ്റഡ് സ്‌റ്റോപ്പ് ബസ്സുകളുടെ അമിത വേഗംമൂലം നിരവധി അപകടങ്ങള്‍ മൂച്ചിക്കല്‍, ഓണിയില്‍ പാലം എന്നിവിടങ്ങളില്‍ നടക്കുന്നതായി പ്രതിഷേധക്കാര്‍ പറഞ്ഞു. സംഭവസ്ഥലത്തെത്തിയ വളാഞ്ചേരി പോലീസ് അപകടത്തിനിടയാക്കിയ ബസ് റോഡരികിലേക്ക് മാറ്റിയിടുകയായിരുന്നു. ഇതിനെതിരെയായിരുന്നു നാട്ടുകാരുടെ കുത്തിയിരിപ്പ് സമരം.

റോഡ് ഉപരോധത്തെത്തുടര്‍ന്ന് ഇരുഭാഗങ്ങളിലുമായി വാഹനങ്ങളുടെ നീണ്ടനിര രൂപപ്പെട്ടു. നൂറുകണക്കിന് യാത്രക്കാര്‍ വാഹനങ്ങളിലും റോഡിലുമായി കുടുങ്ങി. നാട്ടുകാരുടെ ഉപരോധം മുക്കാല്‍ മണിക്കൂറോളം തുടര്‍ന്നു. ഒടുവില്‍ അപകടത്തിനിടയാക്കിയ ബസ്സും ഡ്രൈവറേയും കോടതിയില്‍ ഹാജരാക്കാമെന്നും ഡ്രൈവറുടെ ലൈസന്‍സ് സസ്‌പെന്റ് ചെയ്യാമെന്നും വളാഞ്ചേരി സി.ഐ. എ.എം. സിദ്ധീഖ് ഉറപ്പ് നല്‍കിയതിനെത്തുടര്‍ന്നാണ് ജനങ്ങള്‍ ഉപരോധം പിന്‍വലിച്ചത്.

Summary:Angry mob protest National Highway at Valanchery over the death of a auto driver in an accident

The post Angry mob protest National Highway at Valanchery over the death of a auto driver in an accident appeared first on Valanchery Online.

National highway in poor condition at Kanjipura-Changuvetty stretch

വളാഞ്ചേരിക്കാരൻ — Mon, 22 Oct 2012 07:19:06 +0000

പൊട്ടിപ്പൊളിഞ്ഞ നാഷണൽ ഹൈവേ യാത്രക്കാർക്കു ബുദ്ധിമുട്ടുണ്ടാക്കുന്നു. മലപ്പുറം ജില്ലയിലെ ഏറ്റവും തിരക്കേറിയ റൂട്ടുകളിൽ ഒന്നായ ചങ്കുവെട്ടി വളാഞ്ചേരി റോഡിലാണ് കുഴിയെണ്ണി പോകേണ്ട ഗതികേട് യാത്രക്കാർക്കുള്ളത്. ഇരു ചക്രവാഹനയാത്രക്കാരാണ് ഇതിലൂടെ ഏറ്റവുമധികം ബുധിമുട്ടനുഭവിക്കുന്നത്. കുഴിവെട്ടിക്കുമ്പോഴും മറ്റും അപകടം എപ്പോഴും പതിയിരിക്കുന്നുവന്ന്‌ യാത്രക്കാർ പറയുന്നു. ദേശീയ പാതയുടെ പലയിടങ്ങളിലും ഓട്ടയടക്കൽ എന്ന പ്രഹസനം നടക്കുന്നുണ്ടെങ്കിലും ഈ റൂട്ടിൽ മാത്രം യാതൊരു അറ്റകുറ്റപണികളും നടത്തിയിട്ടില്ല. എത്രയും വേഗത്തിൽ ഈ റോഡിന്റെ അറ്റകുറ്റപണികൾ നടത്തുമന്നാണ് യാത്രക്കാരുടേയും പ്രതീക്ഷ.

Summary: National highway in poor condition at Kanjipura – Changuvetty stretch. Two wheelers struggle to ride.

The post National highway in poor condition at Kanjipura-Changuvetty stretch appeared first on Valanchery Online.

Documents given to 26 families in Valanchery panchayath as a part of EMS housing scheme

വളാഞ്ചേരിക്കാരൻ — Fri, 05 Oct 2012 06:26:39 +0000

ദേശീയ തൊഴിലുറപ്പ് പദ്ധതിയില്‍ നൂറ് ദിവസം പൂര്‍ത്തിയാക്കിയവര്‍ക്ക് ധനസഹായ വിതരണവും ഇ.എം.എസ്. ഭവന പദ്ധതിയിലുള്‍പ്പെടുത്തി ഇരുപത്തിയാറ് പട്ടികജാതി കുടുംബങ്ങള്‍ക്ക് ഭൂമി വാങ്ങല്‍ പ്രകാരമുള്ള ആധാരവിതരണവും വളാഞ്ചേരി കമ്യൂണിറ്റി ഹാളില്‍ നടന്നു. ഒക്ടോബർ 2 ചൊവ്വാഴ്ച്ച നടന്ന ചടങ്ങിൽ,കെ.ടി.ജലീല്‍ എം.എൽ.എ ആധാര വിതരണവും ധനസഹായ വിതരണം പഞ്ചായത്ത് പ്രസിഡന്റ് ടി.പി. അബ്ദുള്‍ ഗഫൂറും നിര്‍വഹിച്ചു.

വൈസ് പ്രസിഡന്റ് മുനീറ അധ്യക്ഷതവഹിച്ചു. ഫെബീനാ റസാഖ്, ബിഡിഒ ടി. യൂസഫ്, ബ്ലോക്ക് പഞ്ചായത്ത് വൈസ് പ്രസിഡന്റ് കൈപ്പള്ളി അബ്ദുള്ളക്കുട്ടി, ജില്ലാപഞ്ചായത്തംഗം കെ.എം. അബ്ദുള്‍ഗഫൂര്‍, നൗഷാദ് അമ്പലത്തിങ്ങൽ, പാറക്കല്‍ ഷംസുദ്ദീന്‍, കൃഷ്ണന്‍, കെ. പ്രസന്ന, എം. മൊയ്തു, എന്‍. വേണുഗോപാലന്‍, ഫൈസല്‍ തങ്ങൾ, സുരേഷ് പാറത്തൊടി, ടി. അബ്ദുള്‍ഖാദർ, യു. കദീജ എന്നിവര്‍ പ്രസംഗിച്ചു.

Summary: Documents given to 26 families belongs to the scheduled caste/tribes in Valanchery panchayath as a part of EMS housing scheme. K T Jaleel MLA inaugurated the function and gave away the documents at the event held at Valanchery Community Hall.

The post Documents given to 26 families in Valanchery panchayath as a part of EMS housing scheme appeared first on Valanchery Online.

Diesel price hike: Protests all over

വളാഞ്ചേരിക്കാരൻ — Fri, 14 Sep 2012 23:56:25 +0000

ഡീസലിനു 5 രൂപ കൂട്ടിയതിൽ പ്രതിഷേധിച്ച് രാജ്യമൊട്ടുക്കുമുള്ള പ്രതിഷേധം വളാഞ്ചേരിയിലും പ്രതിഫലിച്ചു. വെള്ളിയാഴ്ച്ച വൈകീട്ട് ഇടത് പാർട്ടികളുടെയും ബി.ജെ.പി യുടെയും നേത്രത്വത്തിൽ പ്രതിഷേധപ്രകടനങ്ങൾ നടന്നു. ഇരു പാർട്ടികളും ശനിയാഴ്ച്ച രാവിലെ 6 മുതൽ വൈകീട്ട് 6 വരെ സംസ്ഥാന വ്യാപകമായി ഹർത്താലിന് ആഹ്വാനം ചെയ്തിട്ടുണ്ട്.

പുതുക്കിയ നിരക്കനുസരിച്ച് മലപ്പുറം ജില്ലയിൽ ഡീസലിനു വില 50.99 ആയി. ഇതിനിടെ സംസ്ഥാന സർക്കാർ ലാഭവിഹിതം വേണ്ടെന്നുവച്ച വകയിൽ പുതുക്കിയ നിരക്കിൽ നിന്ന് ഒന്നര രൂപയോളം കുറയും. ഇതിനിടെ ഗാർഹികാവശ്യത്തിനുള്ള പാചകവാതക സിലിണ്ടർ വർഷത്തിൽ ആറായി നിചപ്പെടുത്തിയിരിക്കുന്നു.

Summary: Price of diesel hiked by Rs.5 sparked protests allover the nation and its waves hit the town of Valanchery too. The left parties and the BJP protested in the town on the Friday evening and they call for a statewide strike on Saturday from 6AM to 6PM. The number of household cooking gas cylinders are normalized to 6 per year also added agony. The congress government remain unchanged on their stand regarding the price hike, even though the members of UPA (United Progressive Alliance) stood against it.

The post Diesel price hike: Protests all over appeared first on Valanchery Online.

Beware! CCTV to be installed at Valanchery Junction…

വളാഞ്ചേരിക്കാരൻ — Tue, 11 Sep 2012 07:07:27 +0000

മലപ്പുറം ജില്ല ദേശീയപാത 17 കടന്നുപോകുന്ന പ്രധാന ജങ്ങ്ഷണായ വളാഞ്ചേരിയിൽ ഇനി ഗതാഗതക്കുരുക്ക് നിയന്ത്രിക്കാൻ സിസിടിവി (Closed Circuit Television) സ്ഥാപിക്കുന്നു.

വാഹനങ്ങളുടെ ട്രാഫിക് നിയമലംഘനവും, അമിതവേഗവും മറ്റു കുറ്റക്രത്യങ്ങളും തടയാനാണ് ഈ ക്യാമറ സ്ഥാപിക്കുന്നത്. ഇതു നിയന്ത്രിക്കുന്നത് വട്ടപ്പാറയിലെ വളാഞ്ചേരി സർക്കിൾ ഇൻസ്പെക്ടർ ഓഫീസിൽ നിന്നായിരിക്കും. ജങ്ങ്ഷണിൽ ട്രാഫിക് സിഗ്നൽ സ്ഥാപിച്ച ആഡ് ന്യൂസ് ഇന്ധ്യ എന്ന സ്ഥാപനം തന്നെയാണ് കാമറ സംവിധാനവും ഒരുക്കുന്നത്.

Summary: After traffic signal, now the police is going to install CCTV camera at valanchery junction to catch over-speeding, traffic violating vehicles and other crimes. The installation of the camera will be done by Ad News india.

The post Beware! CCTV to be installed at Valanchery Junction… appeared first on Valanchery Online.