കാലങ്ങളായി കൃഷിയിറക്കാതെ കിടന്ന തരിശു നിലത്തായിരുന്നു കൃഷിയിറക്കിയത്. വിളവെടുത്ത നെല്ല് അരിയാക്കി മുൻവർഷത്തേതു പോലെ അട്ടപ്പാടി ആദിവാസി ഊരുകളിലെ നിർധന കുടുംബങ്ങൾക്ക് എത്തിച്ചുകൊടുക്കും. എൻഎസ്എസ്, സ്‍കൗട്ട് ആൻഡ് ഗൈഡ് വൊളന്റിയർമാർ, അധ്യാപകർ എന്നിവർക്കൊപ്പം ഇന്നലെ നാട്ടുകാരും കൊയ്‍ത്തിനിറങ്ങി.

മൂർക്കനാട് പഞ്ചായത്ത് വൈസ് പ്രസിഡന്റ് സി.ലക്ഷ്‍മീദേവി കൊയ്‍ത്തുത്സവം ഉദ്ഘാടനം ചെയ്‍തു. പിടിഎ പ്രസിഡന്റ് ടി.കെ.വിജയകൃഷ്‍ണൻ ആധ്യക്ഷ്യം വഹിച്ചു. പ്രിൻസിപ്പൽ സി.വി.മുരളി, കെ.എസ്.സുമേഷ്, കെ.എൻ.നന്ദിനി, സ്‍ഥിരസമിതി അധ്യക്ഷൻ ടി.മുരളി, സീനത്ത്,എം.വിനീഷ്, ഷമീർ,ഹസൻ എന്നിവർ നേതൃത്വം നൽകി.

The post അട്ടപ്പാടി ഊരുകളിലേക്ക് സ്നേഹ സമ്മാനവുമായി കൊളത്തുർ നാഷണൽ സ്കൂളിലെ കുട്ടികൾ: വിദ്യാർത്ഥികളുടെ നേതൃത്വത്തിൽ നടത്തിയ നെൽ കൃഷിയുടെ കൊയ്ത്തുത്സവം നടന്നു appeared first on Valanchery Online.