munnar Archives - Valanchery Online

കെഎസ്ആർടിസി  മലപ്പുറം ‐മൂന്നാർ ഉല്ലാസയാത്ര ഇന്ന് ആരംഭിക്കും

വളാഞ്ചേരിക്കാരൻ — Sat, 16 Oct 2021 00:34:09 +0000

മലപ്പുറം: കണ്ണിനെയും മനസ്സിനെയും വിസ്മയിപ്പിക്കുന്ന മൂന്നാർ കാഴ്ചകൾ അടുത്തറിയാൻ കെഎസ്ആർടിസി ഒരുക്കുന്ന മലപ്പുറം–- മൂന്നാർ ഉല്ലാസയാത്ര ശനിയാഴ്ച ആ3രംഭിക്കും. 50 യാത്രക്കാരുമായി ആദ്യ സൂപ്പർ ഫാസ്റ്റ് ബസ് പകൽ ഒന്നിന് മലപ്പുറം ഡിപ്പോയിൽനിന്ന് യാത്ര തിരിക്കും. ഞായർ, തിങ്കൾ ദിവസങ്ങളിലെ ടിക്കറ്റും ഹൗസ് ഫുള്ളാണ്. വാരാന്ത്യത്തിൽ ഒരുക്കിയിരുന്ന യാത്രക്ക് ആവശ്യക്കാർ കൂടിയതോടെ തിങ്കളാഴ്ചയിലേക്കും നീട്ടുകയായിരുന്നു.

കെഎസ്ആർടിസിയെ സാമ്പത്തികമായി ഉയർത്താൻ സംസ്ഥാന സ‍ർക്കാരും ഗതാഗത വകുപ്പും ചേർന്ന് ഒരുക്കുന്ന ഉല്ലാസ യാത്രക്ക് വലിയ പിന്തുണയാണ് ലഭിക്കുന്നത്. മലപ്പുറം കൂടാതെ കാസർകോട്, കണ്ണൂർ, കോഴിക്കോട്, തൃശൂർ ജില്ലയിൽനിന്നുള്ള കുടുംബങ്ങളാണ് യാത്രക്കാർ. ഒരാൾക്ക് മലപ്പുറത്തുനിന്ന് സൂപ്പർ ഫാസ്റ്റ് ബസിൽ 1000 രൂപയും സൂപ്പർ ഡീലെക്സ് 1200 ഉം, എ സി ലോഫ്ലോർ വോൾവോയിൽ 1500 രൂപയുമാണ് മൂന്നാറിൽ പോയി തിരിച്ചുവരാൻ ചെലവ്. 200 രൂപ സൈറ്റ് പ്രവേശനത്തിനും 100 രൂപ താമസ ചാർജുമാണ്. ഭക്ഷണ ചെലവ് സ്വയം വഹിക്കണം.
പകൽ ഒന്നിന് പുറപ്പെട്ട് രാത്രിയോടെ ബസ് മൂന്നാർ ഡിപ്പോയിലെത്തും. താമസം ഡിപ്പോയിൽ ക്രമീകരിച്ച എസി സ്ലീപ്പർ ക്ലാസ് ബസുകളിലാണ്. രാവിലെ 10ന് പ്രത്യേക ബസുകളിൽ ടൂറിസം കേന്ദ്രങ്ങളിലെത്തും. ചീയപ്പാറ വെള്ളച്ചാട്ടം, മാട്ടുപെട്ടി അണക്കെട്ട്, കുണ്ടള അണക്കെട്ട്, ടോപ് സ്റ്റേഷൻ തുടങ്ങി പത്തോളം കേന്ദ്രങ്ങളിലെ സന്ദർശത്തിനുശേഷം വൈകിട്ട് ആറിന് ഡിപ്പോയിൽ തിരിച്ചെത്തും. രാത്രി ക്യാമ്പ് ഫയറിന് ശേഷം യാത്ര തിരിച്ച് പിറ്റേന്ന് രാവിലെ മലപ്പുറത്തെത്തുന്നതാണ് പാക്കേജ്.

The post കെഎസ്ആർടിസി  മലപ്പുറം ‐മൂന്നാർ ഉല്ലാസയാത്ര ഇന്ന് ആരംഭിക്കും appeared first on Valanchery Online.

മൂന്നാറിൽ വിനോദയാത്രക്കെത്തിയ സംഘം സഞ്ചരിച്ച വാൻ മറിഞ്ഞു; കുറ്റിപ്പുറം സ്വദേശി മരിച്ചു

വളാഞ്ചേരിക്കാരൻ — Mon, 02 Mar 2020 09:07:42 +0000

കുറ്റിപ്പുറം: മൂന്നാറിൽ വിനോദയാത്രാ സംഘം സഞ്ചരിച്ച വാൻ മറിഞ്ഞ് ഒരാൾ മരിച്ചു. മൂന്നാറിന് സമീപം കുണ്ടള പുതുക്കടിയിലാണ് വിനോദ സഞ്ചാരികൾ സഞ്ചരിച്ച ട്രാവലർ അപകടത്തിൽ പെട്ടത്. കുറ്റിപ്പുറം സ്വദേശി മുബാരിസാണ് മരിച്ചത്.

ഇന്ന് രാവിലെ 11:30 മണിയോടെയാണ് അപകടമുണ്ടായതെന്ന് അറിയുന്നു. വാഹന ഉടമയായ കുറ്റിപ്പുറം സ്വദേശി സക്കീറും കുടുംബവുമാണ് വിനോദയാത്രക്ക് കുറ്റിപ്പുറത്ത് നിന്ന് മൂന്നാറിലെത്തിയത്. നിയന്ത്രണം നഷ്ടപ്പെട്ട വാൻ വഴിയിൽ നിന്ന് റോഡില്‍ നിന്നും കുത്തനെ താഴെയുള്ള തേയില തോട്ടത്തിലേക്ക് പതിക്കുകയായിരുന്നുവെന്ന് ദൃക്സാക്ഷികള്‍ പറയുന്നു. ഡ്രൈവർ അടക്കം 25 പേരാണ് വാഹനത്തിൽ ഉണ്ടായിരുന്നത്. ഇതിൽ 8 പേർ കുട്ടികളാണ്. നാട്ടുകാരും പൊലീസും ചേർന്നാണ് പരുക്കേറ്റവരെ ആശുപത്രിയിൽ എത്തിച്ചത്. രണ്ട് പേരുടെ പരിക്ക് സാരമാണ് എന്ന വിവരമാണ് പുറത്ത് വരുന്നത്. മൃതദേഹം മൂന്നാർ ജനറൽ ആശുപത്രി മോർച്ചറിയിൽ സൂക്ഷിച്ചിരിക്കുകയാണ്. പരിക്കേറ്റവരും മൂന്നാർ ജനറൽ ആശുപത്രിയിൽ ചികിത്സയിലാണ്.

The post മൂന്നാറിൽ വിനോദയാത്രക്കെത്തിയ സംഘം സഞ്ചരിച്ച വാൻ മറിഞ്ഞു; കുറ്റിപ്പുറം സ്വദേശി മരിച്ചു appeared first on Valanchery Online.

ഡി റ്റി പി സി യുടെ അവധിക്കാല ടൂർ പാക്കേജുകളുടെ ബുക്കിംഗ് തുടരുന്നു

വളാഞ്ചേരിക്കാരൻ — Fri, 26 Apr 2019 23:32:47 +0000

കൊച്ചി: എറണാകുളം ഡിറ്റിപിസി യും ട്രാവെല്‍മെറ്റ് സൊല്യൂഷനും സംയുക്തമായി അവതരിപ്പിക്കുന്ന കേരള സിറ്റി ടൂറിന്റെ ഇലവീഴാപൂഞ്ചിറ വണ്‍ ഡേ പാക്കേജും മിസ്റ്റി മൂന്നാര്‍ രാജമല ഇരവികുളം, മൂന്നാര്‍ സൂര്യനെല്ലി കൊളുക്കുമല പാക്കേജുകളും ഇതിനോടകം ആരംഭിച്ചിരിക്കുന്നു.

ഇലവീഴാപൂഞ്ചിറ അഞ്ചുജില്ലകളുടെ സമന്വയ ടോപ്‌വ്യൂ, കേവ്‌സ്, കട്ടികായം വാട്ടര്‍ ഫാള്‍സ്, ഇല്ലിക്കകല്ല് തുടങ്ങിയ പ്രകൃതിരമണീയ സ്ഥലങ്ങള്‍, മലകള്‍ക്കിടയിലൂടെയുള്ള ഓഫ് റോഡ് എന്നിവ ആസ്വദിക്കാനായി അവസരം ഒരുക്കിയിരിക്കുന്നു. രാവിലെ 6 മണിക്ക് എറണാകുളം വൈറ്റിലയില്‍ നിന്നും ആരംഭിക്കുന്ന ഒരു ദിവസത്തെ പാക്കേജിന് ഭക്ഷണവും മറ്റു ചിലവുകളും സഹിതം ഒരാള്‍ക്ക് 1250/ (5% ജി.എസ്.ടി ചാര്‍ജ് പുറമെ) രൂപയാണ്. കൂടാതെ ഇതില്‍ ഇലവീഴാപൂഞ്ചിറയിലെ ഓഫ് റോഡ് യാത്രക്കായി ജീപ്പ് സഫാരിയും ഉള്‍പ്പെടുത്തിയിട്ടുണ്ട്.

മിസ്റ്റി മൂന്നാര്‍ വാളറ, ചിയാപാറ വാട്ടര്‍ഫാള്‍സ്, ഫോട്ടോ പോയിന്റ്‌സ്, രാജമലയിലുള്ള ഇരവികുളം നാഷണല്‍ പാര്‍ക്ക് തുടങ്ങിയ സ്ഥലങ്ങള്‍ ഈ യാത്രയില്‍ സന്ദര്‍ശിക്കുന്നു. മാട്ടുപ്പെട്ടിഡാം, എക്കോപോയിന്റ്, ടോപ് സ്‌റ്റേഷന്‍, സൂര്യനെല്ലി കൊളുക്കുമല തുടങ്ങിയ സ്ഥലങ്ങള്‍ ഉള്‍ക്കൊള്ളിച്ചു കൊണ്ടുള്ള മറ്റു പാക്കേജുകളും ഇതിനോടൊപ്പം ഉണ്ട്. മിസ്റ്റി മൂന്നാര്‍ രാജമല ഇരവികുളം പാക്കേജിനു ഭക്ഷണവും മറ്റു ചിലവുകളും സഹിതം ഒരാള്‍ക്ക് 1299/ (5% ജി.എസ്.ടി ചാര്‍ജ് പുറമെ) രൂപയാണ് ചാര്‍ജ് ചെയ്യുന്നത്. മൂന്നാര്‍സൂര്യനെല്ലി കൊളുക്കുമല പാക്കേജുകള്‍ക്കു ഭക്ഷണവും മറ്റു ചിലവുകളും സഹിതം ഒരാള്‍ക്ക് 1499/ (5% ജി.എസ്.ടി ചാര്‍ജ് പുറമെ) രൂപയാണ്. രാവിലെ ആറിന് വൈറ്റിലയില്‍നിന്നും ആരംഭിച്ചു വൈകിട്ട് ഏകദേശം 9 മണിയോടെ മടങ്ങിയെത്തുന്നു.

മറ്റു പാക്കേജുകള്‍ യാത്രക്കാരുടെ ഇഷ്ടാനുസരണം ഒറ്റദിവസമായിട്ടോ അല്ലെങ്കില്‍ രണ്ടു ദിവസമായിട്ടോ പാക്കേജ് തിരഞ്ഞെടുക്കാവുന്നതാണ്. ഗ്രൂപ്പായി ബുക്ക്‌ചെയ്യുന്നവര്‍ക്ക് അവരുടെ ഇഷ്ടാനുസരണമുള്ള പിക്കപ്പ് പോയിന്റ് തിരഞ്ഞെടുക്കാനുള്ള സൗകര്യവും മറ്റെല്ലാ പാക്കേജുകളിതുപോലെ ഇതിലും ലഭ്യമാണ്. മറ്റു പാക്കേജുകളില്‍ പ്രധാനപ്പെട്ടവയായ കൊച്ചി 1 ഡേ 1265/ (5% ജി.എസ്.ടി ചാര്‍ജ് പുറമെ), ഭൂതത്താന്‍കെട്ട് തട്ടേക്കാട് ബോട്ടിംഗ് 1250/ (5% ജി.എസ്.ടി ചാര്‍ജ് പുറമെ), ആലപ്പി ഫോര്‍ട്ട് കൊച്ചി 1 ഡേ 1265/ (5% ജി.എസ്.ടി ചാര്‍ജ് പുറമെ), അതിരപ്പിള്ളി മലക്കപ്പാറ 1699/ (5% ജി.എസ്.ടി ചാര്‍ജ് പുറമെ), പില്‍ഗ്രിമേജ് പാക്കേജസ എന്നിവയുടെയും ബുക്കിംഗ് തുടരുന്നു. കൂടുതല്‍ വിവരങ്ങള്‍ക്കും ബുക്കിങ്ങിനുമായി കേരള സിറ്റി ടൂര്‍ വെബ്‌സൈറ്റിലോ എറണാകുളം ഡിടിപിസി ഓഫീസിലോ ബന്ധപ്പെടുക.
വെബ്‌സൈറ്റ്: www.keralactiyotur.com, ലാന്‍ഡ് ലൈന്‍നമ്പര്‍: 0484 236 7334.

The post ഡി റ്റി പി സി യുടെ അവധിക്കാല ടൂർ പാക്കേജുകളുടെ ബുക്കിംഗ് തുടരുന്നു appeared first on Valanchery Online.

കേരള യൂത്ത് വോളന്ററി ആക്ഷന്‍ഫോഴ്‌സ് പരിശീലനത്തിനായി ജില്ലയില്‍ നിന്ന് 90 അംഗ സംഘം യാത്രതിരിച്ചു

Jishad VK — Fri, 22 Feb 2019 18:11:16 +0000

വളാഞ്ചേരി കേരള സംസ്ഥാന യുവജനക്ഷേമബോര്‍ഡിന്റെ കീഴില്‍ രൂപീകരിക്കുന്ന കേരള യൂത്ത് വോളന്ററി ആക്ഷന്‍ഫോഴ്‌സിന്റെ പരിശീലനത്തിനായി ജില്ലയില്‍ നിന്നുള്ള സംഘം യാത്രതിരിച്ചു. 90 അംഗസംഘത്തിന് യാത്രയയപ്പ് നല്‍കി. സംസ്ഥാന യുവജനക്ഷേമബോര്‍ഡ് മെമ്പര്‍ ശരീഫ് പാലോളി ഫഌഗ് ഓഫ് ചെയ്തു. ജില്ലാ യൂത്ത് പ്രോഗാം ഓഫീസര്‍ പ്രദീപ്കുമാര്‍ അധ്യക്ഷത വഹിച്ചു. കവി നാസര്‍ ഇരിമ്പിളിയം, ജില്ലാ പരിസ്ഥിതി സംഘം കോര്‍ഡിനേറ്റര്‍ എം.പി.എ ലത്തീഫ്, യുവജനക്ഷേമ ബോര്‍ഡ് കോര്‍ഡിനേറ്റര്‍മാരായ ശുക്കൂര്‍ എം സി പുല്‍പറ്റ, ഷാജര്‍ തൃപ്രങ്ങോട്, ആയിശ തെന്നല, വഹാബ് തിരൂരങ്ങാടി, ശഹീദ് സജാദ് മഞ്ചേരി, അസ്‌ക്കറലി കൊണ്ടോട്ടി, അനീഷ് വലിയക്കുന്ന്, ജിഷാദ് വളാഞ്ചേരി, നൂറൂല്‍ ആബിദ്, ശ്രീകുമാരന്‍ മാസ്റ്റര്‍ സംബന്ധിച്ചു.

പ്രകൃതി ക്ഷോഭങ്ങളിലും മറ്റും രക്ഷാസേനയായി മാറാന്‍ പോകുന്ന കേരള യൂത്ത് വോളന്ററി ആക്ഷന്‍ ഫോഴ്‌സിന്റെ വോളന്ററിയര്‍മാര്‍ക്കുള്ള മൂന്ന് ദിവസത്തെ പരിശീലനം മൂന്നാറില്‍ വെച്ചാണ് നടക്കുന്നത്. പ്രകൃതിക്ഷോഭം, വെള്ളപൊക്കം, വരള്‍ച്ച, തീപിടുത്തം, ഉരുള്‍പൊട്ടല്‍, അപകടം തുടങ്ങിയ സാഹചര്യങ്ങളില്‍ രക്ഷാഭൗത്യം ഏറ്റെടുക്കാന്‍ മാനസികവും ശാരീരികവുമായി സജ്ജമാക്കുന്ന പരിശീലനമാണ് വോളന്റിയര്‍മാര്‍ക്ക് നല്‍കുന്നത്. സംസ്ഥാനത്ത് നേരത്തെ റജിസ്റ്റര്‍ ചെയ്ത 1500 പേര്‍ക്കാണ് ആദ്യഘട്ടത്തില്‍ പരിശീലനം നല്‍കുന്നത്.

The post കേരള യൂത്ത് വോളന്ററി ആക്ഷന്‍ഫോഴ്‌സ് പരിശീലനത്തിനായി ജില്ലയില്‍ നിന്ന് 90 അംഗ സംഘം യാത്രതിരിച്ചു appeared first on Valanchery Online.

munnar Archives - Valanchery Online

കെഎസ്ആർടിസി മലപ്പുറം ‐മൂന്നാർ ഉല്ലാസയാത്ര ഇന്ന് ആരംഭിക്കും

മൂന്നാറിൽ വിനോദയാത്രക്കെത്തിയ സംഘം സഞ്ചരിച്ച വാൻ മറിഞ്ഞു; കുറ്റിപ്പുറം സ്വദേശി മരിച്ചു

ഡി റ്റി പി സി യുടെ അവധിക്കാല ടൂർ പാക്കേജുകളുടെ ബുക്കിംഗ് തുടരുന്നു

കേരള യൂത്ത് വോളന്ററി ആക്ഷന്‍ഫോഴ്‌സ് പരിശീലനത്തിനായി ജില്ലയില്‍ നിന്ന് 90 അംഗ സംഘം യാത്രതിരിച്ചു

കെഎസ്ആർടിസി  മലപ്പുറം ‐മൂന്നാർ ഉല്ലാസയാത്ര ഇന്ന് ആരംഭിക്കും