mosquito Archives - Valanchery Online

മലപ്പുറത്ത് ഏഴ് വയസുകാരന് വെസ്റ്റ്നൈൽ വൈറസ് ബാധ

വളാഞ്ചേരിക്കാരൻ — Wed, 13 Mar 2019 23:49:04 +0000

മലപ്പുറം: മലപ്പുറത്ത് ഏഴുവയസുകാരന് വെസ്റ്റ് നൈൽ വൈറസ് ബാധ സ്ഥിരീകരിച്ചു. എ.ആർ. നഗർ സ്വദേശിയായ ഏഴുവയസുകാരനെ കോഴിക്കോട് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചിരിക്കുകയാണ്. നാഡീസംവിധാനത്തെ തളർത്തുന്ന ഈ വൈറസിന് പ്രതിരോധ വാക്‌സിന്‍ ഇതുവരെ കണ്ടെത്തിയിട്ടില്ല. പനി, ശക്തമായ തലവേദന, ബോധക്ഷയം, അപസ്മാരം, ഛർദ്ദി എന്നിവയാണ് ലക്ഷണങ്ങൾ. മനുഷ്യരിൽ നിന്ന് മനുഷ്യരിലേക്ക് രോഗം പകർന്നതായി ഇതുവരെ റിപ്പോർട്ടില്ല.

കഴിഞ്ഞ വെള്ളിയാഴ്ചയാണ് രോഗം സ്ഥിരീകരിച്ചതെന്ന് ഡി.എം.ഒ ഡോ. കെ. സക്കീന പറഞ്ഞു. ക്യൂലക്സ് വിഭാഗത്തിൽപ്പെടുന്ന കൊതുകാണ് വൈറസിന്റെ വാഹകർ. 1937ൽ ഉഗാണ്ടയിലെ വെസ്റ്റ് നൈൽ ജില്ലയിലാണ് ഈ രോഗം ആദ്യമായി കണ്ടെത്തുന്നത്. ഇന്ത്യയിൽ 1952ൽ മുംബയിലാണ് ഈ വൈറസ് ബാധ കണ്ടെത്തുന്നത്. 2011ൽ ആലപ്പുഴ ജില്ലയിൽ വെസ്റ്റ് നെയിൽ വൈറസ് മൂലമുള്ള മസ്തിഷ്‌കവീക്കം കണ്ടെത്തിയിരുന്നു.

The post മലപ്പുറത്ത് ഏഴ് വയസുകാരന് വെസ്റ്റ്നൈൽ വൈറസ് ബാധ appeared first on Valanchery Online.

നാടുനീളെ ശചീകരണ പ്രവർത്തനങ്ങൾ തകൃതിയായി നടക്കുമ്പോഴും കൊളത്തൂർ പഴയ പൊലീസ് സ്റ്റേഷൻ കോമ്പൗണ്ടിൽ കൊതുകുകൾക്ക് സർക്കാർ വക ‘സുഖവാസ കേന്ദ്രം’

വളാഞ്ചേരിക്കാരൻ — Sat, 02 Jun 2018 23:44:11 +0000

കൊളത്തൂർ: നാടുനീളെ ശചീകരണ പ്രവർത്തനങ്ങൾ തകൃതിയായി നടക്കുമ്പോഴും ജനവാസകേന്ദ്രത്തിൽ സർക്കാർ സ്ഥലത്ത് കൊതുകുവളർത്തു കേന്ദ്രം. കൊളത്തൂർ പഴയ പൊലീസ് സ്റ്റേഷൻ കോമ്പൗണ്ടിൽ ആഭ്യന്തര വകുപ്പിെൻറ കീഴിലുള്ള സ്ഥലത്താണ് കൂട്ടിയിട്ട തൊണ്ടിവാഹനങ്ങളിൽ വെള്ളം കെട്ടിനിന്ന് കൊതുക് പെരുകിയത്. വയമ്പറ്റ ക്ഷേത്ര പരിസരത്തുള്ള ഈ പ്രദേശത്ത് ജനങ്ങൾ തിങ്ങി താമസിക്കുന്നുണ്ട്. കഴിഞ്ഞദിവസം പ്രദേശത്തെ വീടുകൾ കേന്ദ്രീകരിച്ച് ആരോഗ്യവകുപ്പിെൻറ സഹകരണത്തോടെ നിപ, ഡെങ്കി, മലമ്പനി, മഞ്ഞപ്പിത്തം എന്നിവക്കെതിരെ പരിപാടികൾ സംഘടിപ്പിച്ചിരുന്നു. മാലിന്യ നിർമാർജനം, കൊതുക് നശീകരണം, ബോധവത്കരണ ക്ലാസുകൾ എന്നിവയാണ് നടത്തിയത്. എന്നാൽ, പൊലീസും റവന്യൂ വിഭാഗവും പിടികൂടിയ തൊണ്ടിവാഹനങ്ങൾ വർഷങ്ങളായി ഇവിടെ കൂട്ടിക്കിടക്കുന്നുണ്ട്. ഇത് നീക്കംചെയ്യാൻ ആവശ്യപ്പെട്ട് പരിസരവാസികൾ നൽകിയ പരാതികൾക്കൊന്നും ഫലമുണ്ടായില്ല. കഴിഞ്ഞവർഷം റവന്യൂ അധികൃതർ ഓരോ വണ്ടിക്കും നമ്പർ ഇട്ട് പോയതായും തുടർന്ന് നടപടിയൊന്നും ഉണ്ടായില്ലെന്നും നാട്ടുകാർ പറയുന്നു. രാത്രികാലങ്ങളിൽ സാമൂഹികവിരുദ്ധരുടെ താവളമാണിവിടം. തെരുവുനായ്ക്കളുടെ ശല്യവുമുണ്ട്. കഴിഞ്ഞ മഴക്കാലത്ത് ഈ പ്രദേശത്ത് നിരവധി പേർക്ക് ഡെങ്കിപ്പനിയും മഞ്ഞപ്പിത്തവും ബാധിച്ചിരുന്നു.

The post നാടുനീളെ ശചീകരണ പ്രവർത്തനങ്ങൾ തകൃതിയായി നടക്കുമ്പോഴും കൊളത്തൂർ പഴയ പൊലീസ് സ്റ്റേഷൻ കോമ്പൗണ്ടിൽ കൊതുകുകൾക്ക് സർക്കാർ വക ‘സുഖവാസ കേന്ദ്രം’ appeared first on Valanchery Online.

‘Dry day’ to observed in Valanchery panchayath

വളാഞ്ചേരിക്കാരൻ — Sat, 10 Nov 2012 01:18:42 +0000

കൊതുകുജന്യ രോഗങ്ങള്‍ കൂടുതലായ സാഹചര്യത്തില്‍ 11, 18, 25 തീയതികളില്‍ ഡ്രൈഡേ ആചരിക്കും. സ്‌കൂളുകൾ, പൊതുസ്ഥാപനങ്ങൾ, കച്ചവടസ്ഥാപനങ്ങള്‍ എന്നിവിടങ്ങളില്‍ നടക്കുന്ന കൊതുകുനശീകരണ പരിപാടിയില്‍ പങ്കാളികളാകണമെന്ന് പ്രസിഡന്റ് ടി.പി. അബ്ദുള്‍ഗഫൂർ, പി.എച്ച്.സി മെഡിക്കല്‍ ഓഫീസര്‍ ഡോ. എസ്. രാധാകൃഷ്ണന്‍ എന്നിവര്‍ അറിയിച്ചു.

In order to control the growth of mosquitoes and associated diseases, the health department and valanchery gram panchayat plans to observe ‘dry day’ on November 11, 18 and 25. The program will be conducted at the schools, public institutions, commercial buildings etc. All are advised to cooperate with the program.

The post ‘Dry day’ to observed in Valanchery panchayath appeared first on Valanchery Online.