പ്രണയത്തിന്റെ പേരില്‍ ‘ആള്‍ക്കൂട്ട’ മര്‍ദനമെന്നാരോപണം; കോട്ടക്കലിൽ യുവാവ് ജീവനൊടുക്കി, വിഷം കഴിച്ച പെണ്‍കുട്ടി ഗുരുതരാവസ്ഥയില്‍

വളാഞ്ചേരിക്കാരൻ — Tue, 12 Nov 2019 09:18:02 +0000

കോട്ടക്കൽ: പ്രണയത്തിന്റെ പേരില്‍ ‘ആള്‍ക്കൂട്ട’ മര്‍ദനത്തിനിരയായ യുവാവ് വിഷം ഉള്ളില്‍ച്ചെന്ന് മരിച്ചു. ആള്‍ക്കൂട്ട മര്‍ദനത്തില്‍ മനംനൊന്താണ് യുവാവ് ആത്മഹത്യ ചെയ്തതെന്ന പരാതിയുമായി ബന്ധുക്കള്‍ രംഗത്തെത്തി. യുവാവുമായി പ്രണയത്തിലായിരുന്ന പെണ്‍കുട്ടിയെ വിഷം കഴിച്ച് ഗുരുതരാവസ്ഥയില്‍ കോഴിക്കോട് മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. പുതുപ്പറമ്പ് പൊട്ടിയില്‍ വീട്ടില്‍ ഹൈദരലിയുടെ മകന്‍ ഷാഹിറാ (22) ണ് ഇന്ന് പുലര്‍ച്ചെ രണ്ടുമണിയോടെ മരിച്ചത്. പ്രണയത്തിലായിരുന്ന പെണ്‍കുട്ടിയുടെ ബന്ധുക്കള്‍ ഞായറാഴ്ച ഷാഹിറിനെ സംഘം ചേര്‍ന്ന് മര്‍ദിച്ചിരുന്നുവെന്നും ഇതില്‍ മനംനൊന്താണ് യുവാവ് ആത്മഹത്യചെയ്തതെന്നുമാണ് ഷാഹിറിന്റെ ബന്ധുക്കള്‍ ആരോപിക്കുന്നത്.

ഷാഹിറിന്റെ അനിയന്‍ ഷിബിലിയുടെ പരാതിയില്‍ ആള്‍ക്കൂട്ട മര്‍ദനത്തിന് 15 പേര്‍ക്കെതിരേ പോലിസ് കേസെടുത്തിട്ടുണ്ട്. ഞായറാഴ്ച വൈകീട്ട് നബിദിന പരിപാടികള്‍ കാണാന്‍ പുതുപ്പറമ്പ് മൈതാനത്ത് ഷാഹിറും സഹോദരനും സുഹൃത്തുമെത്തിയിരുന്നു. തുടര്‍ന്ന് ഷാഹിറിന് ഒരു ഫോണ്‍കോള്‍ വരികയും പിന്നാലെ അവിടെത്തിയ സംഘം രണ്ടുമണിക്കൂറോളം ഷാഹിറിനെ തടഞ്ഞുവച്ച് മര്‍ദിക്കുകയും ചെയ്തുവെന്നാണ് പരാതി. വീട്ടിലെത്തിയ ഷാഹിര്‍ വധഭീഷണിയുണ്ടെന്ന് പറഞ്ഞ് എല്ലാവരുടെയും മുന്നില്‍വച്ച് വിഷം കുടിക്കുകയായിരുന്നുവെന്ന് ബന്ധുക്കള്‍ പറയുന്നു. ഉടന്‍തന്നെ ആശുപത്രിയിലെത്തിച്ചെങ്കിലും യുവാവ് ഇന്ന് പുലര്‍ച്ചെയോടെ മരിക്കുകയായിരുന്നു.

The post പ്രണയത്തിന്റെ പേരില്‍ ‘ആള്‍ക്കൂട്ട’ മര്‍ദനമെന്നാരോപണം; കോട്ടക്കലിൽ യുവാവ് ജീവനൊടുക്കി, വിഷം കഴിച്ച പെണ്‍കുട്ടി ഗുരുതരാവസ്ഥയില്‍ appeared first on Valanchery Online.

moralpolicing Archives - Valanchery Online