moral policing Archives - Valanchery Online

പുതുപ്പറമ്പിൽ യുവാവിനെ സംഘം ചേർന്ന് മർദിച്ച കേസിൽ 3 പേർ അറസ്റ്റിലായി

വളാഞ്ചേരിക്കാരൻ — Fri, 15 Nov 2019 08:39:48 +0000

കോട്ടക്കൽ: പുതുപറമ്പ് ആൾക്കൂട്ട ആക്രമണത്തിനിരയായ യുവാവ് ആത്മഹത്യ ചെയ്ത സംഭവത്തിൽ 3 പേർ അറസ്റ്റിൽ. പെൺകുട്ടിയുമായുള്ള സൗഹൃദത്തിന്റെ പേരിൽ സംഘം ചേർന്നുള്ള ആക്രമണത്തിന് ഇരയായതിൽ മനംനൊന്ത് എടരിക്കോട് പുതുപ്പറമ്പ് പൊറ്റയിൽ ഹൈദരലി യുടെ മകൻ ഷാഹിർ (22) ആത്മഹത്യ ചെയ്ത കേസിൽ 3 പേരെ പൊലീസ് അറസ്റ്റു ചെയ്തു. പുതുപ്പറമ്പ് സ്വദേശികളായ ഐത്തൊടിക അബ്ദുൽ ഗഫൂർ (28), കുറുക്കൻ മുഹമ്മദ് ഷരീഫ് (36), ഏലപ്പറമ്പൻ ബഷീർ (45) എന്നിവരെയാണ് എസ്ഐ റിയാസ് ചാക്കീരിയും സംഘവും അറസ്റ്റു ചെയ്തത്.

The post പുതുപ്പറമ്പിൽ യുവാവിനെ സംഘം ചേർന്ന് മർദിച്ച കേസിൽ 3 പേർ അറസ്റ്റിലായി appeared first on Valanchery Online.

വലമ്പൂരിൽ യുവാവിനെ മർദിച്ച കേസിലെ മൂന്നുപ്രതികൾ കീഴടങ്ങി

വളാഞ്ചേരിക്കാരൻ — Sun, 01 Sep 2019 00:09:28 +0000

പെരിന്തൽമണ്ണ: സുഹൃത്തായ പെൺകുട്ടിയെ കാണാനെത്തിയ യുവാവിനെ കൂട്ടിക്കൊണ്ടുപോയി ക്രൂരമായി മർദിച്ച് പരിക്കേൽപ്പിച്ച കേസിലെ മൂന്ന് പ്രതികൾ കീഴടങ്ങി. വലമ്പൂർ കലംപറമ്പിൽ ഇർഷാദ് അലി (29), അങ്ങാടിപ്പുറം വൈലോങ്ങര ആലിക്കൽ ആസിഫ് (27), വലമ്പൂർ പണിക്കർകുന്നിൽ മുഹമ്മദ് ആദിൽ (22) എന്നിവരാണ് വെള്ളിയാഴ്ച പെരിന്തൽമണ്ണ പൊലീസിൽ കീഴടങ്ങിയത്. പ്രതികളുടെ അറസ്റ്റ് രേഖപ്പെടുത്തി പെരിന്തൽമണ്ണ പൊലീസ് ഒന്നാം ക്ലാസ് മജിസ്ട്രേട്ട് കോടതിയിൽ ഹാജരാക്കി റിമാൻഡ് ചെയ്തു.

കഴിഞ്ഞ ജൂൺ ഒന്നിനാണ് കേസിനാസ്പദമായ സംഭവം. വലമ്പൂരിലെ സുഹൃത്തായ പെൺകുട്ടിയെ കണ്ട് മടങ്ങുന്നതിനിടെ രാവിലെ ആറിനാണ് യുവാവിനെ ബലമായി കൂട്ടിക്കൊണ്ടുപോയി ക്രൂരമായി മർദിച്ചത്. പ്രതികളിൽ ഒരാളുടെ വീട്ടിൽ കൊണ്ടുപോയി ജനൽ കമ്പിയിൽ കെട്ടിയിട്ടും കാറിൽ കയറ്റി വലമ്പൂരിൽ റെയിൽവേ ട്രാക്കിലിട്ടും മർദിച്ചതായാണ് കേസ്.

The post വലമ്പൂരിൽ യുവാവിനെ മർദിച്ച കേസിലെ മൂന്നുപ്രതികൾ കീഴടങ്ങി appeared first on Valanchery Online.

പെരിന്തൽമണ്ണയിൽ പ്രണയിച്ചതിന് യുവാവിന് നേരെ ഗുണ്ടാ ആക്രമണം

രാജേഷ് വി അമല — Sun, 02 Jun 2019 23:04:48 +0000

പെരിന്തൽമണ്ണ: യുവാവിന് നേരെ ഗുണ്ടാ ആക്രമണമെന്ന് പരാതി. റെയിൽവേ ട്രാക്കിൽ കൊണ്ട് പോയി ഇരുമ്പ് വടി കൊണ്ട് മർദ്ദിച്ചു. കത്തി കൊണ്ട് കയ്യിലും കാലിലും മുറിവേൽപ്പിച്ചു. തലകീഴായി കെട്ടിത്തൂക്കിയും ഇരുമ്പ് കമ്പി കൊണ്ട് കാലിലും മര്‍ദ്ദിച്ചെന്നുമാണ് ആരോപണം. പാതാക്കര സ്വദേശി നാഷിദ്അലിക്കാണ്‌ മര്‍ദ്ദനമേറ്റത്. പ്രണയിച്ചതിന്‍റെ പേരില്‍ പെണ്‍കുട്ടിയുടെ ബന്ധുക്കളാണ് മര്‍ദിച്ചതെന്നാണ് പരാതിയില്‍ പറയുന്നത്.

പെരിന്തൽമണ്ണ പാതായ്ക്കര സ്വദേശി നാഷിദ്അലിയാണ് മർദ്ധനത്തിന് ഇരയായത്. വലമ്പൂർ സ്വദേശിയായ പെൺകുട്ടിയുമായുള്ള പ്രണയത്തിന്റെ പേരിലായിരുന്നു മർദ്ദനം. യുവാവിനെ വിളിച്ചു വരുത്തിയ സംഘം റയിൽവെ ട്രാക്കിൽ കൊണ്ട് പോയി ഇരുമ്പ് വടി കൊണ്ട് കാലിന് അടിച്ച് പരിക്കേൽപ്പിച്ചു. പിന്നീട് മറ്റൊരു സ്ഥലത്തേക്ക് കൊണ്ട് പോയി തലകീഴായി കെട്ടിതൂക്കി കയ്യിലും കാലിലും കത്തി കൊണ്ട് മുറിവേൽപ്പിച്ചതായും ആരോപണമുണ്ട്. പെൺകുട്ടിയുടെ ബന്ധുവിന്റെ നേതൃത്വത്തിലായിരുന്നു ആക്രമണമെന്ന് യുവാവ് പറയുന്നു. ഗുരുതരാവസ്ഥയിലായ യുവാവിനെ സ്വകാര്യ ആശുപത്രിയിൽ പ്രവേശിപിച്ചു. യുവാവിന്റെയും ബന്ധുക്കളുടെയും പരാതിയെ തുടർന്ന് പെരിന്തൽമണ്ണ പോലീസ് അന്വേഷണം ആരംഭിച്ചിട്ടുണ്ട്.
Summary:moral policing occured in perinthalmanna as a Youth beaten to a pulp for having a affair with a girl

The post പെരിന്തൽമണ്ണയിൽ പ്രണയിച്ചതിന് യുവാവിന് നേരെ ഗുണ്ടാ ആക്രമണം appeared first on Valanchery Online.