വ്യവസായ വകുപ്പിന്റെ പിന്തുണയോടെയാണ് പുതിയ വാങ്ങൽ സംവിധാനത്തിലേക്കു മില്ല് എത്തിയത്. സഹകരണ സ്പിന്നിങ് മില്ലുകളുടെ അപ്പെക്സ് ബോഡിയായ ടെക്സ് ഫെഡ് മാനേജിങ് ഡയറക്ടറുടെ ശുപാർശയെ തുടർന്നാണ് ഈ സംസ്ഥാനങ്ങൾ തമ്മിലുള്ള സഹകരണ കരാറിലെത്തിയത്.

സംസ്ഥാനത്ത് ആദ്യമായാണ് സ്പിന്നിങ് മില്ലുകളിൽ ഇത്തരം വാങ്ങൽ സംവിധാനം വരുന്നത്. ഇതോടെ സ്വകാര്യ സ്ഥാപനങ്ങളുടെ കുത്തകയിൽനിന്നും ചൂഷണത്തിൽനിന്നും കേരളത്തിലെ മില്ലുകൾക്ക് മോചനമാകുമെന്നും അധികൃതർ ചൂണ്ടിക്കാട്ടി. സംസ്ഥാനാന്തര സഹകരണ വ്യാപാര കരാർ വന്നതോടെ ഈ മേഖലയിൽ വലിയ മാറ്റം ഉണ്ടായേക്കും. കേരളത്തിൽ വ്യവസായ വകുപ്പിനു കീഴിലുള്ള മില്ലുകളിൽ നൂലിന് ഏറ്റവും ഉയർന്ന വിൽപന കിട്ടുന്ന മില്ലായി മാൽകോടെക്സ് മാറിയെന്നും ദിവസം 1,500 കിലോഗ്രാം നൂൽ ഇവിടെ ഉൽപാദിപ്പിക്കുന്നതായും അധികൃതർ അവകാശപ്പെട്ടു.

The post കുറ്റിപ്പുറം മാൽകോ ടെക്സ് സ്പിന്നിങ് മില്ലിന് നൂൽ കർണാടകയിൽ നിന്നു വരുന്നു appeared first on Valanchery Online.