ഉത്തരവ് ഉടൻ കൈമാറുമെന്ന് കമ്മിഷൻ ചെയർമാൻ ജസ്റ്റിസ് പി.കെ.ഹനീഫ പറഞ്ഞു. കുടുംബത്തിലെ വരുമാനമുള്ള ഏക അംഗം താനാണെന്നുകാട്ടിയും വീട്ടിലെ പ്രയാസം വിവരിച്ചുമാണ് ഖദീജ അപേക്ഷ നൽകിയത്. അപേക്ഷ ആദ്യം എക്സിക്യൂട്ടീവ് എൻജിനീയർക്കും അവിടെനിന്ന് ചീഫ് എൻജിനീയർക്കും (ഭരണവിഭാഗം) കൈമാറി. തുടർന്ന് കുറ്റിപ്പുറം ഓഫിസിൽ പാർട്ട് ടൈം സ്വീപ്പറുടെ തസ്തിക സൃഷ്ടിക്കാൻ കഴിയുമോ എന്ന് മരാമത്ത് ഉദ്യോഗസ്ഥർ അന്വേഷണം നടത്തി.

കെട്ടിടത്തിന് സ്വീപ്പറെ നിയമിക്കാൻ മതിയായ വിസ്തൃതിയുള്ളതിനാലും ഖദീജയുടെ സേവനം പരിഗണിച്ചും തസ്തിക സൃഷ്ടിക്കുന്നതിൽ എതിർപ്പില്ലെന്ന് ചീഫ് എൻജിനീയർ അറിയിച്ചു. ഇതോടെയാണ് ഉത്തരവ് പുറപ്പെടുവിക്കാമെന്ന് കമ്മിഷൻ വ്യക്തമാക്കിയത്. സംസ്ഥാനത്തെ വർഗീയസംഘർഷങ്ങൾ ഒഴിവാക്കാൻ പൊലീസ് സഹായത്തോടെ നിരീക്ഷണം സജീവമാണെന്ന് ന്യൂനപക്ഷ കമ്മിഷൻ. േനരത്തേ സംഘർഷമുണ്ടായ സ്ഥലങ്ങളും സാധ്യതാമേഖലകളുമുള്ള ജില്ലകളിലെ പൊലീസ് മേധാവിമാരോട് പതിവായി റിപ്പോർട്ട് തേടുന്നുണ്ടെന്ന് ചെയർമാൻ ജസ്റ്റിസ് പി.കെ.ഹനീഫ പറഞ്ഞു.

The post കാത്തിരിപ്പിന് വിരാമം:ഖദീജയ്ക്ക് അൻപത്തിയ‌ഞ്ചാം വയസ്സിൽ സ്ഥിരംജോലി appeared first on Valanchery Online.