marakkara Archives - Valanchery Online

മാറാക്കര മഹോത്സവം തുടങ്ങി

വളാഞ്ചേരിക്കാരൻ — Wed, 23 Apr 2025 01:58:20 +0000

മാറാക്കര: പിലാത്തറയിലെ വിരമിച്ച അധ്യാപകനും സാംസ്‌കാരികപ്രവർത്തകനുമായ രഘുനാഥന്റെ സ്മരണയ്ക്കായി ആരംഭിച്ച പഠനഗവേഷണകേന്ദ്രത്തിന്റെ ഉദ്ഘാടനത്തോടനുബന്ധിച്ച് മാറാക്കര മഹോത്സവം തുടങ്ങി. ചൊവ്വാഴ്ച വൈകീട്ടോടെ പ്രദർശനസ്റ്റാളുകൾ സജീവമായി. ഐഎസ്ആർഒ, കാർഷിക ഗവേഷണകേന്ദ്രം, സിഡബ്ല്യുആർഡിഎം, കോട്ടയ്ക്കൽ ആര്യവൈദ്യശാല, കുടുംബശ്രീ തുടങ്ങി 40-ലധികം സ്റ്റാളുകളാണ് ഒരുക്കിയിട്ടുള്ളത്. കൂടാതെ മൊബൈൽ പ്ലാനേറ്ററിയം, അമ്യൂസ്‌മെന്റ് പാർക്ക്, ഫുഡ്‌കോർട്ടുകൾ എന്നിവയുമുണ്ട്. 27-ന് മഹോത്സവം സമാപിക്കും.

The post മാറാക്കര മഹോത്സവം തുടങ്ങി appeared first on Valanchery Online.

മാറാക്കര കീഴ്മുറിയിൽ നിയന്ത്രണം വിട്ട സ്‌കൂട്ടർ കിണറിൽ വീണ് പിതാവിനും മകനും ദാരുണാന്ത്യം

വളാഞ്ചേരിക്കാരൻ — Mon, 31 Mar 2025 06:58:25 +0000

മാറാക്കര: മാറാക്കര കീഴുമുറിയിൽ ബൈക്ക് നിയന്ത്രണം വിട്ടു കിണറ്റിലേയ്ക്ക് വീണ് പിതാവും മകനും മരണപ്പെട്ടു.തിങ്കളാഴ്ച രാവിലെ 10 മണിയോടെയാണ് സംഭവം. ഏർക്കര കുന്നത്തുപടിയൻ ഹുസൈൻ (65), മകൻ ഹാരിസ് ബാബു (31) എന്നിവരാണ് മരണപ്പെട്ടത്. പെരുന്നാൾ നമസ്കാരം കഴിഞ്ഞ് ബന്ധുവീട്ടിലേക്കുള്ള യാത്രക്കിടെയാണ് അപകടമുണ്ടായത്. ജുമാ മസ്ജിദിനു സമീപത്തെ സ്വകാര്യ വ്യക്തിയുടെ പുരയിടത്തിലെ കിണറിലേക്കാണ് ഇരുവരും വാഹനം സഹിതം വീണത്.അപകടവിവരം അറിഞ്ഞയുടൻ മലപ്പുറം, തിരൂർ എന്നിവിടങ്ങളിൽ നിന്നുള്ള ഫയർഫോഴ്സ് യൂണിറ്റുകൾ സ്ഥലത്തെത്തി രക്ഷാപ്രവർത്തനം ആരംഭിച്ചു. ഇരുവരെയും പുറത്തെടുത്ത് കോട്ടക്കലിലെ സ്വകാര്യ ആശുപത്രിയിൽ എത്തിച്ചെങ്കിലും മരണപ്പെടുകയായിരുന്നു. നാട്ടുകാരും ട്രോമാ കെയർ പ്രവർത്തകരും രക്ഷാപ്രവർത്തനത്തിൽ പങ്കാളികളായി. മൃതദേഹം മോർച്ചറിയിലേക്ക് മാറ്റി.

The post മാറാക്കര കീഴ്മുറിയിൽ നിയന്ത്രണം വിട്ട സ്‌കൂട്ടർ കിണറിൽ വീണ് പിതാവിനും മകനും ദാരുണാന്ത്യം appeared first on Valanchery Online.

മാറാക്കര എയുപി സ്‌കൂളിൽ ചിൽഡ്രൻസ് പാർക്ക് തുറന്നു

വളാഞ്ചേരിക്കാരൻ — Thu, 20 Mar 2025 00:09:43 +0000

മാറാക്കര: മാറാക്കര എയുപി സ്‌കൂളിൽ നിർമിച്ച ചിൽഡ്രൻസ് പാർക്കിന്റെ ഉദ്ഘാടനം സ്‌കൂൾ മാനേജർ പി.എം. നാരായണൻ നമ്പൂതിരി നിർവഹിച്ചു. പിടിഎ പ്രസിഡന്റ് മുഹമ്മദലി പള്ളിമാലിൽ അധ്യക്ഷത വഹിച്ചു. വാർഡംഗം കെ.പി. അനീസ്, പ്രഥമാധ്യാപിക ടി. വൃന്ദ, ഉസ്മാൻ, കെ. ബേബി പത്മജ, ടി.പി.പി.എം. രാധ, ടി.പി. അബ്ദുല്ലത്തീഫ്, പി.പി. മുജീബ് റഹ്മാൻ, ജെ.എച്ച്. ചിത്ര തുടങ്ങിയവർ പങ്കെടുത്തു.

The post മാറാക്കര എയുപി സ്‌കൂളിൽ ചിൽഡ്രൻസ് പാർക്ക് തുറന്നു appeared first on Valanchery Online.

മാറാക്കര എ.യു.പി. സ്‌കൂളിൽ പഠനോത്സവം

വളാഞ്ചേരിക്കാരൻ — Fri, 07 Mar 2025 01:56:07 +0000

മാറാക്കര: മാറാക്കര എ.യു.പി. സ്‌കൂളിൽ പഠനോത്സവം സംഘടിപ്പിച്ചു. ഗ്രാമപ്പഞ്ചായത്തംഗം കെ.പി. അനീസ് ഉദ്ഘാടനം ചെയ്തു. പി.ടി.എ. പ്രസിഡന്റ് മുഹമ്മദലി പള്ളിമാലിൽ അധ്യക്ഷനായി. കേന്ദ്ര മാനവ വിഭവശേഷി വകുപ്പിന്റെ ഇൻസ്‌പെയർ അവാർഡ് ജേതാവ് കെ. തീർത്ഥയ്ക്ക് മാനേജർ ഉപഹാരം നൽകി. മാനേജർ പി.എം. നാരായണൻ നമ്പൂതിരി, പ്രഥമാധ്യാപിക ടി. വൃന്ദ, ഉസ്മാൻ, കെ. ബേബി പത്മജ, ടി.പി. അബ്ദുല്ലത്തീഫ്, കെ.എസ്. സരസ്വതി എന്നിവർ സംസാരിച്ചു. വി.കെ. സ്വലാഹുദ്ദീൻ മാജിക് ഷോയും പഠനപ്രവർത്തനങ്ങളുടെ ഭാഗമായി കുട്ടികൾ വിവിധ പരിപാടികളും അവതരിപ്പിച്ചു.

The post മാറാക്കര എ.യു.പി. സ്‌കൂളിൽ പഠനോത്സവം appeared first on Valanchery Online.

‘അതിജീവനം’; ലഹരിക്കെതിരേ മെഗാ കാമ്പയിനുമായി മാറാക്കര ഗ്രാമപ്പഞ്ചായത്ത്

വളാഞ്ചേരിക്കാരൻ — Sat, 15 Feb 2025 05:18:37 +0000

മാറാക്കര: മാറാക്കര ഗ്രാമപ്പഞ്ചായത്തിൽ ‘അതിജീവന’മെന്ന പേരിൽ ലഹരിക്കെതിരേ മെഗാ കാമ്പയിൻ തുടങ്ങി. ‘ഒന്നിച്ചുറക്കെ ലഹരി അരുതെന്ന് പറയാം’ എന്ന തലക്കെട്ടിൽ വിവിധ കർമപദ്ധതികളോടെ ഒരു മാസത്തെ കാമ്പയിനാണ് ആരംഭിച്ചത്. പഞ്ചായത്തിലെ ഇരുപത് വാർഡുകളിൽനിന്നുള്ള ടീമുകളെ പങ്കെടുപ്പിച്ചുകൊണ്ട് ലഹരിക്കെതിരേ ‘ഫുട്‌ബോൾ ലഹരി’ എന്ന പേരിൽ ഫുട്‌ബോൾ മത്സരങ്ങൾ, തെരുവുനാടകം, കൂട്ടയോട്ടം, കുടുംബസഭകൾ, കലാജാഥകൾ, ലഘുലേഖകളുടെ വിതരണം തുടങ്ങിയ പ്രവർത്തനങ്ങളാണ് സംഘടിപ്പിക്കുക. കാമ്പയിന്റെ ഉദ്ഘാടനം മലപ്പുറം അഡീഷണൽ എസ്.പി. ഫിറോസ് എം. ഷഫീഖ് നിർവഹിച്ചു. ഗ്രാമപ്പഞ്ചായത്ത് പ്രസിഡന്റ് കെ.പി. ഷെരീഫ ബഷീർ അധ്യക്ഷത വഹിച്ചു. വൈസ് പ്രസിഡന്റ് ഉമറലി കരേക്കാട്, കാടാമ്പുഴ എസ്.എച്ച്.ഒ. കമറുദ്ദീൻ വള്ളിക്കാടൻ, ബ്ലോക്ക് സ്ഥിരം സമിതി അധ്യക്ഷൻ ഒ.കെ. സുബൈർ, എൻ. കുഞ്ഞിമുഹമ്മദ്, ശ്രീഹരി, റഷീദ് പാറമ്മൽ, കെ.പി. നാസർ, നിമിഷ പ്രദീപ്, വി. മധുസൂദനൻ, വി.കെ. ഷഫീഖ്, എം. അഹമ്മദ്, വി.പി. റഷീദ്, പഞ്ചായത്ത് സെക്രട്ടറി അജയ് കുമാർ തുടങ്ങിയവർ പങ്കെടുത്തു.

The post ‘അതിജീവനം’; ലഹരിക്കെതിരേ മെഗാ കാമ്പയിനുമായി മാറാക്കര ഗ്രാമപ്പഞ്ചായത്ത് appeared first on Valanchery Online.

മാറാക്കര ഗ്രാമപ്പഞ്ചായത്തിലെ മുഴുവൻ അങ്കണവാടിക്കുട്ടികൾക്കും യൂണിഫോമും ടാഗും വിതരണംചെയ്യുന്ന പദ്ധതിക്ക് തുടക്കമായി

വളാഞ്ചേരിക്കാരൻ — Tue, 31 Dec 2024 04:48:16 +0000

മാറാക്കര: പഞ്ചായത്തിലെ മുഴുവൻ അങ്കണവാടിക്കുട്ടികൾക്കും യൂണിഫോമും ടാഗുംവിതരണംചെയ്ത് മാറാക്കര ഗ്രാമപ്പഞ്ചായത്ത്. മൂന്ന് ലക്ഷം ചെലവഴിച്ചാണ് പദ്ധതി നടപ്പാക്കിയത്. 2024-25 വർഷത്തെ നൂതനപദ്ധതിവഴി 38 അങ്കണവാടികളിലെ 800 കുട്ടികൾക്ക് യൂണിഫോമും ടാഗും ലഭ്യമാകും. ജില്ലാ പഞ്ചായത്ത് പ്രസിഡന്റ് അധ്യക്ഷയും കളക്ടർ ഉൾപ്പെടുന്നതുമായ ജില്ലാ ആസൂത്രണസമിതിയാണ് പഞ്ചായത്ത് സമർപ്പിച്ച നൂതനപദ്ധതിക്ക് അംഗീകാരം നൽകിയത്. ജില്ലാ പഞ്ചായത്ത് അധ്യക്ഷ എം.കെ. റഫീഖ ഉദ്ഘാടനംചെയ്തു. പ്രസിഡന്റ് ഇൻചാർജ് ഒ.പി. കുഞ്ഞിമുഹമ്മദ് അധ്യക്ഷനായി. ബ്ലോക്ക് പഞ്ചായത്ത് പ്രസിഡന്റ് വസീമ വേളേരി, ജില്ലാ പഞ്ചായത്ത് ആരോഗ്യസ്ഥിരംമിതി അധ്യക്ഷ നസീബ അസീസ്, ഒ.കെ. സുബൈർ, പാമ്പലത്ത് നജ്മത്ത്, പി.വി. നാസിബുദ്ദീൻ, ടി.പി. സജ്‌ന, സജിത നന്നേങ്ങാടൻ, ഉമറലി കരേക്കാട്, കെ.പി. ഷരീഫ ബഷീർ തുടങ്ങിയവർ പങ്കെടുത്തു.

The post മാറാക്കര ഗ്രാമപ്പഞ്ചായത്തിലെ മുഴുവൻ അങ്കണവാടിക്കുട്ടികൾക്കും യൂണിഫോമും ടാഗും വിതരണംചെയ്യുന്ന പദ്ധതിക്ക് തുടക്കമായി appeared first on Valanchery Online.

കാടാമ്പുഴ 110 കെ.വി. സബ് സ്റ്റേഷൻ നിർമാണത്തിനു തുടക്കം

വളാഞ്ചേരിക്കാരൻ — Wed, 13 Mar 2024 00:44:55 +0000

മാറാക്കര : കാടാമ്പുഴ 110 കെ.വി. സബ്‌സ്റ്റേഷൻ നിർമാണോദ്ഘാടനം മന്ത്രി കെ. കൃഷ്ണൻകുട്ടി നിർവഹിച്ചു. സബ്‌സ്റ്റേഷൻ പ്രവർത്തനക്ഷമമാകുന്നതോടെ കോട്ടയ്ക്കൽ നഗരസഭയിലെയും മാറാക്കര, എടയൂർ, പൊന്മള, കുറുവ പഞ്ചായത്തുകളിലെയും അരലക്ഷത്തിലധികം വൈദ്യുതി ഉപഭോക്താക്കൾക്ക് പദ്ധതിയുടെ പ്രയോജനം ലഭിക്കും. മാറാക്കര ഗ്രാമപ്പഞ്ചായത്തിലെ മേൽമുറി വില്ലേജിൽപ്പെട്ട മരവട്ടത്ത് ഒരേക്കർ പതിനഞ്ചു സെന്റ് സ്ഥലത്ത് 19.80 കോടി രൂപ വിനിയോഗിച്ചാണ് സബ്‌സ്‌റ്റേഷൻ നിർമിക്കുന്നത്.

നിലവിൽ മാറാക്കര, എടയൂർ, പൊന്മള, കുറുവ ഗ്രാമപ്പഞ്ചായത്തുകളിലേക്കുള്ള വൈദ്യുതിയുടെ ആവശ്യകത നിറവേറ്റുന്നത് 33 കെ.വി കൽപ്പകഞ്ചേരി, 10 കെ.വി. എടരിക്കോട്, 110 കെ.വി. കുറ്റിപ്പുറം, 220 കെ.വി. മലാപ്പറമ്പ് സബ്‌സ്റ്റേഷനുകളിൽ നിന്നാണ്. ഫീഡറുകളുടെ ദൈർഘ്യക്കൂടുതൽകാരണം ഈ പ്രദേശങ്ങളിൽ വൈദ്യുതി മുടക്കവും വിതരണനഷ്ടവും പതിവാണ്. കാടാമ്പുഴ 110 കെ.വി. സബ്‌സ്റ്റേഷൻ പ്രവർത്തനക്ഷമമാകുന്നതോടെ ഇതിനു പരിഹാരമാകും.

ചടങ്ങിൽ ആബിദ് ഹുസൈൻ തങ്ങൾ എം.എൽ.എ. അധ്യക്ഷതവഹിച്ചു. ട്രാൻസ്മിഷൻ നോർത്ത് ചീഫ് എൻജിനീയർ എസ്. ശിവദാസ്, ബ്ലോക്ക് പഞ്ചായത്ത് പ്രസിഡന്റ് വസീമ വേളേരി, കോട്ടയ്ക്കൽ നഗരസഭാ ചെയർമാൻ ഡോ. ഹനീഷ, പഞ്ചായത്ത് പ്രസിഡന്റുമാരായ സജിത നന്നേങ്ങാടൻ, ഹസീന ഇബ്രാഹിം, കെ.പി. വഹീദ, വൈസ് പ്രസിഡന്റ് ഒ.പി. കുഞ്ഞിമുഹമ്മദ്, ബ്ലോക്ക് സ്ഥിരംസമിതി അധ്യക്ഷൻ ഒ.കെ. സുബൈർ, പി.വി. നാസിബുദ്ദീൻ, ടി.വി. റാബിയ തുടങ്ങിയവർ പ്രസംഗിച്ചു.

The post കാടാമ്പുഴ 110 കെ.വി. സബ് സ്റ്റേഷൻ നിർമാണത്തിനു തുടക്കം appeared first on Valanchery Online.

കുറ്റിപ്പുറം ബ്ലോക്ക് പബ്ലിക്ക് ഹെൽത്ത് യൂണിറ്റ് കെട്ടിടം നിർമ്മാണോദ്ഘാടനം നടന്നു

വളാഞ്ചേരിക്കാരൻ — Sun, 10 Mar 2024 00:45:58 +0000

മാറാക്കര: കുറ്റിപ്പുറം ബ്ലോക്ക് പഞ്ചായത്ത് 2023-24വാർഷിക പദ്ധതിയിൽ ഉൾപ്പെടുത്തിയ കുറ്റിപ്പുറം ബ്ലോക്ക് പബ്ലിക്ക് ഹെൽത്ത് യൂണിറ്റ് കെട്ടിടം നിർമ്മാണോദ്ഘാടനം കുറ്റിപ്പുറം ബ്ലോക്ക് പഞ്ചായത്ത് വൈസ് പ്രസിഡന്റ് പി.സി.എ നൂർ നിർവ്വഹിച്ചു. 27.52 ലക്ഷം ഉപയോഗിച്ചാണ് കെട്ടിടം നിർമ്മിക്കുന്നത്. മാറാക്കര പഞ്ചായത്ത് പ്രസിഡന്റ് സജിത നന്നേങ്ങാടൻ അദ്ധ്യക്ഷത വഹിച്ചു. വൈസ് പ്രസിഡന്റ് ,ഒ.പി.കുഞ്ഞിമുഹമ്മദ്, ജില്ലാ പഞ്ചായത്ത് മെമ്പർ ബഷീർ രണ്ടത്താണി, ബ്ലോക്ക് പഞ്ചായത്ത് ക്ഷേമകാര്യ സ്റ്റാന്റിംഗ് കമ്മിറ്റി ചെയർമാൻ ഒ.കെ.സുബൈർ പഞ്ചായത്ത് സ്ഥിരം സമിതി അദ്ധ്യക്ഷരായ നജ്മത്ത് പാമ്പലത്ത്, കെ.പി ഷരീഫ ബഷീർ, ബ്ലോക്ക് പഞ്ചായത്ത് മെമ്പർ പി.വി. നാസിബുദ്ദീൻ പങ്കെടുത്തു.

The post കുറ്റിപ്പുറം ബ്ലോക്ക് പബ്ലിക്ക് ഹെൽത്ത് യൂണിറ്റ് കെട്ടിടം നിർമ്മാണോദ്ഘാടനം നടന്നു appeared first on Valanchery Online.

കാടാമ്പുഴയിൽ ഭാഗവത സപ്താഹയജ്ഞം തുടങ്ങി

വളാഞ്ചേരിക്കാരൻ — Mon, 11 Dec 2023 04:44:00 +0000

മാറാക്കര: കാടാമ്പുഴ ഭഗവതീക്ഷേത്രത്തിൽ ഭാഗവതസപ്താഹയജ്ഞം തുടങ്ങി. ഞായറാഴ്ച വൈകീട്ട് മാഹാത്മ്യ പാരായണത്തോടെയാണ് യജ്ഞം ആരംഭിച്ചത്. 17-ന് അഭിഷേകം, നാമപാരായണം എന്നിവയോടെ ഉച്ചയ്ക്ക് സമാപിക്കും. രജനി ഉണ്ണിക്കൃഷ്ണ വാരിയരാണ് യജ്ഞാചാര്യ.

The post കാടാമ്പുഴയിൽ ഭാഗവത സപ്താഹയജ്ഞം തുടങ്ങി appeared first on Valanchery Online.

ഗാന്ധിദർശൻ സമിതി കുറ്റിപ്പുറം ഉപജില്ലാ കലോത്സവം മാറാക്കര എ.യു.പി. സ്‌കൂളിൽ നടന്നു

വളാഞ്ചേരിക്കാരൻ — Sat, 25 Nov 2023 01:26:12 +0000

മാറാക്കര: ഗാന്ധിദർശൻ സമിതി കുറ്റിപ്പുറം ഉപജില്ലാ കലോത്സവം മാറാക്കര എ.യു.പി. സ്‌കൂളിൽ നടന്നു. പഞ്ചായത്ത് പ്രസിഡന്റ് സജിത നന്നേങ്ങാടൻ ഉദ്ഘാടനംചെയ്തു. പി.ടി.എ. പ്രസിഡന്റ് മുഹമ്മദ് പള്ളിമാലിൽ അധ്യക്ഷതവഹിച്ചു. ഗാന്ധിദർശൻ ജില്ലാസമിതി കൺവീനർ നാരായണൻ ഗാന്ധിസന്ദേശം നൽകി. ടി. വൃന്ദ, വാർഡ് അംഗം കെ.പി. അനീസ്, കുറ്റിപ്പുറം എ.ഇ.ഒ. വി.കെ. ഹരീഷ്, ഷംല ബഷീർ, ബി.പി.സി. ടി. സലീം, നസീർ തിരൂർക്കാട്, നാരായണൻ, ടി.എം. കൃഷ്ണദാസ് എന്നിവർ പ്രസംഗിച്ചു. വിവിധ മത്സരങ്ങളുമുണ്ടായി. സമാപനസമ്മേളനം പഞ്ചായത്ത് വൈസ് പ്രസിഡന്റ് ഒ.പി. കുഞ്ഞിമുഹമ്മദ് ഉദ്ഘാടനംചെയ്തു.

The post ഗാന്ധിദർശൻ സമിതി കുറ്റിപ്പുറം ഉപജില്ലാ കലോത്സവം മാറാക്കര എ.യു.പി. സ്‌കൂളിൽ നടന്നു appeared first on Valanchery Online.

വൈദ്യുതി നിരക്കുവർധന: കാടാമ്പുഴ കെ.എസ്.ഇ.ബി ഓഫീസിലേക്ക് മാർച്ച്‌ നടത്തി കോൺഗ്രസ്

വളാഞ്ചേരിക്കാരൻ — Fri, 10 Nov 2023 02:29:58 +0000

മാറാക്കര: വൈദ്യുതി വില വർദ്ധനവിന് എതിരെ കുറ്റിപ്പുറം, കോട്ടക്കൽ ബ്ലോക്ക് കോൺഗ്രസ് കമ്മിറ്റികളുടെ നേതൃത്വത്തിൽ കാടാമ്പുഴ കെ.എസ്.ഇ.ബി ഓഫീസിലെക്ക് മാർച്ചും പ്രതിഷേധ സദസ്സും നടത്തി. പ്രതിഷേധ മാർച്ച് കാടാമ്പുഴ കോൺഗ്രസ് ഓഫീസ് പരിസരത്ത് നിന്ന് ആരംഭിച്ചു. കുറ്റിപ്പുറം ബ്ലോക്ക് കോൺഗ്രസ് പ്രസിഡന്റ് വിനു പുല്ലാനൂർ സ്വാഗതം പറഞ്ഞ ചടങ്ങിൽ കോട്ടക്കൽ ബ്ലോക്ക് കോൺഗ്രസ് പ്രസിഡന്റ് ഷൗക്കത്ത് പൊൻമള അദ്ധ്യക്ഷത വഹിച്ചു. കെ.പി.സി.സി അംഗം വി മധുസൂദനൻ പ്രതിഷേധ സംഗമം ഉത്ഘാടനം ചെയ്തു. ഡി.സി.സി സെക്രട്ടറി പി.സി.എ നൂർ മുഖ്യപ്രഭാഷണം നടത്തി. അഡ്വ. മുജീപ് കുളക്കാട്, ഉമ്മറലി കരേക്കാട്, മുഹമ്മദ് പറയിൽ, ഷഫീഖ് മാസ്റ്റർ, മണി പൊൻമള, സേതു കോട്ടക്കൽ, ബഷീർ പാറക്കൽ, രാജൻ മാസ്റ്റർ, മോഹനകൃഷ്ണൻ, സുരേന്ദ്രൻ കടാമ്പുഴ, കെ ടി സിദ്ധീഖ്, മാനു പൂക്കയിൽ തുടങ്ങിയവർ സംസാരിച്ചു.

The post വൈദ്യുതി നിരക്കുവർധന: കാടാമ്പുഴ കെ.എസ്.ഇ.ബി ഓഫീസിലേക്ക് മാർച്ച്‌ നടത്തി കോൺഗ്രസ് appeared first on Valanchery Online.

കാടാമ്പുഴ ഭഗവതീക്ഷേത്രത്തിന്റെ തൃക്കാർത്തിക പുരസ്‌കാരം വിദ്യാധരൻ മാസ്റ്റർക്ക്

വളാഞ്ചേരിക്കാരൻ — Thu, 09 Nov 2023 23:56:12 +0000

മാറാക്കര: കാടാമ്പുഴ ഭഗവതീക്ഷേത്രത്തിന്റെ ഈ വർഷത്തെ തൃക്കാർത്തിക പുരസ്‌കാരം പ്രഖ്യാപിച്ചു. സംഗീതസംവിധായകൻ പി.എസ്. വിദ്യാധരൻ മാസ്റ്ററാണ് പുരസ്‌കാരജേതാവ്. 21-ന് ക്ഷേത്രപരിസരത്ത് നടക്കുന്ന കലാ സാംസ്‌കാരിക സമ്മേളനത്തിൽ 25,000 രൂപയും ദാരുശില്പവും അടങ്ങുന്ന പുരസ്‌കാരം സമ്മാനിക്കും.

The post കാടാമ്പുഴ ഭഗവതീക്ഷേത്രത്തിന്റെ തൃക്കാർത്തിക പുരസ്‌കാരം വിദ്യാധരൻ മാസ്റ്റർക്ക് appeared first on Valanchery Online.