lpg Archives - Valanchery Online

പാചകവാതക വില വർദ്ധന; കേരള ഹോട്ടൽ ആൻഡ് റസ്റ്റോറന്റ് അസോസിയേഷൻ കുറ്റിപ്പുറം യൂണിറ്റ് കമ്മിറ്റിയുടെ ആഭിമുഖ്യത്തിൽ പ്രതിഷേധ ധർണ്ണ സംഘടിപ്പിച്ചു

വളാഞ്ചേരിക്കാരൻ — Mon, 06 Mar 2023 12:39:04 +0000

കുറ്റിപ്പുറം: അന്യായമായ പാചകവാതക വില വർദ്ധനവിൽ പ്രതിഷേധിച്ചു കൊണ്ട് കേരള ഹോട്ടൽ ആൻഡ് റസ്റ്റോറന്റ് അസോസിയേഷൻ കുറ്റിപ്പുറം യൂണിറ്റ് കമ്മിറ്റിയുടെ ആഭിമുഖ്യത്തിൽ കേന്ദ്രസർക്കാർ സ്ഥാപനമായ പോസ്റ്റ് ഓഫീസിന്റെ മുന്നിൽ ഗ്യസ് സിലിണ്ടറിൽ റീത്ത് വെച്ച് പ്രതിഷേധ ധർണ്ണ സംഘടിപ്പിച്ചു. നിത്യോപയോഗ സാധനങ്ങളുടെ അനിയന്ത്രിതമായ വിലക്കയറ്റം കൊണ്ട് പ്രയാസപ്പെട്ട് പ്രതിസന്ധിയിൽ നിൽക്കുന്ന സഹചര്യത്തിൽ അതിരുക്ഷമായ പാചകവാതകത്തിന്റെ വിലവർദ്ധനവ് അടിച്ചേൽപ്പിച്ചിരിക്കുന്നത്. പ്രതിഷേധ ധർണ്ണക്ക് രാജീവ് ഫ്ലവർ സിറ്റി സ്വാഗതം പറഞ്ഞു. കെ.കെ ഉണ്ണി അദ്ധ്യക്ഷനായി. പ്രതിഷേധ ധർണ്ണയുടെ ഉദ്ഘാടനം വ്യാപാരി വ്യവസായി ഏകോപന സമിതി
കുറ്റിപ്പുറം യൂണിറ്റ് പ്രസിഡന്റ് കെ പി അബ്ദുൾ കരിം നിർവഹിച്ചു. കെ.ടി കുഞ്ഞിമുഹമ്മദ് മുഖ്യ പ്രഭാഷണം നടത്തി. ഉബൈദ്, കെ എം സമീർ, ജാഫർ നാഷണൽ, ഷാജി, സുകുമാരൻ മൈത്രി, വീരാൻ, ശ്രീനിവാസൻ എന്നിവർ ആശംസകൾ അർപ്പിച്ചു. മെഹനാസ് ഷാജി നന്ദിയും പറഞ്ഞു.

The post പാചകവാതക വില വർദ്ധന; കേരള ഹോട്ടൽ ആൻഡ് റസ്റ്റോറന്റ് അസോസിയേഷൻ കുറ്റിപ്പുറം യൂണിറ്റ് കമ്മിറ്റിയുടെ ആഭിമുഖ്യത്തിൽ പ്രതിഷേധ ധർണ്ണ സംഘടിപ്പിച്ചു appeared first on Valanchery Online.

പാചക വാതക വില വീണ്ടും വർദ്ധിപ്പിച്ചു; വാണിജ്യ സിലിണ്ടറിന് കൂട്ടിയത് 102രൂപ 50 പൈസ

വളാഞ്ചേരിക്കാരൻ — Sun, 01 May 2022 06:41:29 +0000

ന്യൂഡൽഹി : രാജ്യത്ത് പാചക വാതക വില കുത്തനെ വർദ്ധിപ്പിച്ചു. വാണിജ്യ സിലിണ്ടറിന് 102രൂപ 50 പൈസയുടെ വർദ്ധനവാണുണ്ടായത്. ഇന്നത്തെ വിലക്കയറ്റത്തോടെ പത്തൊൻപത് കിലോ ഭാരമുള്ള സിലിണ്ടറിന് 2355.50 രൂപ നൽകണം. നേരത്തെ 2253 രൂപയായിരുന്നു. കഴിഞ്ഞ മാസവും വാണിജ്യ സിലിണ്ടറുകൾക്ക് കുത്തനെ വില വർദ്ധിച്ചിരുന്നു. 250 രൂപയാണ് ഏപ്രിലിൽ കൂട്ടിയത്.

The post പാചക വാതക വില വീണ്ടും വർദ്ധിപ്പിച്ചു; വാണിജ്യ സിലിണ്ടറിന് കൂട്ടിയത് 102രൂപ 50 പൈസ appeared first on Valanchery Online.

വളാഞ്ചേരിയിൽ പാചകവാതക സിലിണ്ടർ ചോർന്നുണ്ടായ തീപ്പിടുത്തത്തിൽ ആറ് പേർക്ക് പരിക്ക്

വളാഞ്ചേരിക്കാരൻ — Mon, 08 Nov 2021 17:38:01 +0000

വളാഞ്ചേരി:വളാഞ്ചേരിയിൽ പാചക വാതക സിലിണ്ടറിൽ നിന്നുള്ള ചോർച്ചയെ തുടർന്നുണ്ടായ തീപ്പിടുത്തത്തിൽ ആറ് പേർക്ക് പരിക്കേറ്റു. കിഴക്കേകര റോഡിൽ ഇതര സംസ്ഥാന തൊഴിലാളികൾ ഒന്നിച്ച് താമസിക്കുന്ന വാടക കെട്ടിടത്തിൽ ഇന്ന് രാത്രി എട്ട് മണിയോടെയാണ് സംഭവം. കൊൽക്കത്ത മുർഷിദാബാദ് സ്വദേശികളായ ഷെന്തു ഷൈക്ക് (30) ,മഷീദുൽഷൈക്ക്, ഷഹീൽ (27), ഇoറാൻ (48), വീർവൽ അസ്ലം (30), ഗോപ്രോകുൽ (30) എന്നിവർക്കാണ് പരിക്ക്. ഇതിൽ രണ്ട് പേരുടെ നില ഗുരുതരമെന്നാണ് പുറത്ത് വരുന്ന വിവരം.

അപകടം നടന്നയുടനെ പരിക്കേറ്റവരെ നാട്ടുകാർ ചേർന്ന് വളാഞ്ചേരിയിലെ സ്വകാര്യ ആശുപത്രികളിൽ എത്തിച്ചെങ്കിലും പരിക്കു സാരമായതിനാൽ രാത്രിയോടെ കോഴിക്കോട് മെഡിക്കൽ കോളജിലേക്ക് മാറ്റുകയായിരുന്നു.

The post വളാഞ്ചേരിയിൽ പാചകവാതക സിലിണ്ടർ ചോർന്നുണ്ടായ തീപ്പിടുത്തത്തിൽ ആറ് പേർക്ക് പരിക്ക് appeared first on Valanchery Online.

വാണിജ്യ എൽ.പി.ജി സിലിണ്ടർ വില 17 രൂപ കൂട്ടി

വളാഞ്ചേരിക്കാരൻ — Sat, 02 Jan 2021 00:26:05 +0000

കൊച്ചി: പൊതുമേഖലാ എണ്ണവിതരണ കമ്പനികൾ വാണിജ്യാവശ്യത്തിനുള്ള പാചക വാതക സിലിണ്ടറിന്റെ (19 കിലോഗ്രാം) വില 17 രൂപ കൂട്ടി. 1353 രൂപയാണ് പുതുക്കിയ വില (തിരുവനന്തപുരം). ഗാ‌ർഹികാവശ്യത്തിനുള്ള എൽ.പി.ജി സിലിണ്ടർ (14.2 കിലോഗ്രാം) വിലയിൽ മാറ്റമില്ല. ഇത് 703.5 രൂപയിൽ തുടരും. ഗാർഹിക എൽ.പി.ജിയുടെ സബ്സിഡി സെപ്‌തംബറിൽ കേന്ദ്രം നിറുത്തലാക്കിയിരുന്നു. കഴിഞ്ഞമാസം സിലിണ്ടറൊന്നിന് 100 രൂപ കൂട്ടിയെങ്കിലും സബ്സിഡി പുനഃസ്ഥാപിച്ചിട്ടില്ല.

The post വാണിജ്യ എൽ.പി.ജി സിലിണ്ടർ വില 17 രൂപ കൂട്ടി appeared first on Valanchery Online.

വട്ടപ്പാറയിൽ ഗ്യാസ് ടാങ്കർ മറിഞ്ഞു; ഗതാഗതം തടസ്സപ്പെട്ടു

വളാഞ്ചേരിക്കാരൻ — Wed, 12 Sep 2018 01:57:43 +0000

വളാഞ്ചേരി: ദേശീയ പാത 66ലെ വളാഞ്ചേരി വട്ടപ്പാറയിൽ വീണ്ടും ടാങ്കർ ളോറി മറിഞ്ഞു. കൊഴിക്കോട് ഭാഗത്ത് നിന്ന് പാചകവാതകവുമായി വരികയായിരുന്ന ടാങ്കർ ലോറിയാണ് വട്ടപ്പാറ മുടിപിൻ വളവിലെ പള്ളിക്കു മുന്നിൽ നിയന്ത്രണം വിട്ട് മറിഞ്ഞത്. ആളപായമില്ല.

ലോറിയിൽ ഉണ്ടായിരുന്ന 2 പേർ നിസാര പരിക്കുകളോടെ രക്ഷപ്പെട്ടു. ഗ്യാസ് ചോർച്ച ഇല്ലെന്ന് അധികൃതർ പറഞ്ഞു. രാവിലെ 5:00 ഓടെയാണ് സംഭവം. അപകടത്തെ തുടർന്ന് ഇതു വഴിയുള്ള ഗതാഗതം നിരോധിച്ചു. വളാഞ്ചേരി പോലീസും തിരൂരിൽ നിന്ന് ഫയർ ഫോഴ്സും സ്ഥലത്തെത്തി സ്ഥിതിഗതികൾ നിയന്ത്രിക്കുന്നു.

ഇതുവഴി ഗതാഗത നിരോധനം ഏർപ്പെടുത്തിയതോടെ വാഹനങ്ങൾ കഞ്ഞിപ്പുര-മൂടാൽ ബൈപാസിലൂടെയോ താണിയപ്പൻകുന്ന് റോഡ് വഹിയോ പോകാവുന്നതാണ്.

The post വട്ടപ്പാറയിൽ ഗ്യാസ് ടാങ്കർ മറിഞ്ഞു; ഗതാഗതം തടസ്സപ്പെട്ടു appeared first on Valanchery Online.

പാചകവാതകത്തിന് 2.71 രൂപ വർദ്ധിപ്പിച്ചു; പുതുക്കിയ വില അറിയാം

വളാഞ്ചേരിക്കാരൻ — Mon, 02 Jul 2018 16:55:06 +0000

പാചകവാതകത്തിന് 2.71 രൂപ വർദ്ധിപ്പിച്ചു; പുതുക്കിയ വില നിലവരം അറിയാം. ജൂലൈ മാസത്തെ ഗ്യാസിന്‍റെ വിലനിലവാരം താഴെ ചേർക്കുന്നു.
5 KM വരെ : 764
5 മുതല്‍ 10KM വരെ : 795.50
10 മുതൽ15KM വരെ : 800.75
15Km മുകളില്‍ : 811.25

മുകളിലെ ചാർട്ട് പ്രകാരമുള്ള തുകക്കുള്ള ബില്ല് നിർബന്ധമായും ചോദിച്ച് വാങ്ങുക. ഗ്യാസ് സിലിണ്ടര്‍ റിഫിൽ ചെയ്യുന്നതിന് മുമ്പ് നിർബന്ധമായും ഗ്യാസ് ബുക്ക് ചെയ്തിരിക്കണം. അല്ലാത്തപക്ഷം സബ്സിഡി ലഭിക്കില്ല. ഈ മാസത്തെ സബ്സിഡി : 256.00. ഗ്യാസ് ബുക്ക് ചെയ്യുവാന്‍ നിങ്ങള്‍ ഏജൻസിയിൽ റജിസ്ററർ ചെയ്ത നമ്പറിൽ നിന്നും വിളിക്കുക

The post പാചകവാതകത്തിന് 2.71 രൂപ വർദ്ധിപ്പിച്ചു; പുതുക്കിയ വില അറിയാം appeared first on Valanchery Online.