local body election Archives - Valanchery Online

തദ്ദേശ സ്വയംഭരണ തെരഞ്ഞെടുപ്പ്: മാസ്റ്റര്‍ ട്രെയിനര്‍മാര്‍ക്കുള്ള രണ്ടാംഘട്ട പരിശീലനം നല്‍കി

വളാഞ്ചേരിക്കാരൻ — Sun, 29 Nov 2020 09:02:44 +0000

തദ്ദേശ തെരഞ്ഞെടുപ്പ് പ്രവര്‍ത്തനങ്ങള്‍ കാര്യക്ഷമമായി ഏകോപിപ്പിക്കുന്നതിന് സംസ്ഥാന തെരഞ്ഞെടുപ്പ് കമ്മീഷന്‍ ഏര്‍പ്പെടുത്തിയ പോള്‍ മാനേജര്‍ മൊബൈല്‍ ആപ്പിനെ കുറിച്ച് ഉദ്യോഗസ്ഥര്‍ക്ക് രണ്ടാംഘട്ട പരീശീലനം നല്‍കി. നവംബര്‍ 30 മുതല്‍ ഡിസംബര്‍ അഞ്ച് വരെ വിവിധ ബ്ലോക്ക്തല മാസ്റ്റര്‍ ട്രെയിനര്‍മര്‍ക്കുള്ള രണ്ടാംഘട്ട പരിശീലനമാണ് നടക്കുന്നത്. പോള്‍ ആക്ടിവിറ്റികള്‍ റിപ്പോര്‍ട്ട് ചെയുന്നതിനായാണ് ആപ്പിന്റെ മാസ്റ്റര്‍ ട്രെയിനര്‍മാര്‍ക്ക് പരിശീലനം നല്‍കുന്നത്. പെരിന്തല്‍മണ്ണ താലൂക്ക് ഓഫീസ് ഡെപ്യൂട്ടി തഹസില്‍ദാര്‍ എം.വേണുഗോപാല്‍, കെ.സദാനന്ദന്‍ (ഡിഡിപി സീനിയര്‍ സൂപ്രണ്ട്), കെ.അബ്ദുല്‍ നാസര്‍ (ഡെപ്യൂട്ടി തഹസില്‍ദാര്‍ കലക്ട്രേറ്റ്), എ അബ്ദുല്‍ ഗഫൂര്‍ (ഡിഡിപി സീനിയര്‍ സൂപ്രണ്ട് പെര്‍ഫോമന്‍സ് ആന്‍ഡ് ഓഡിറ്റ് വിഭാഗം) എന്നിവര്‍ പരിശീലന പ്രവര്‍ത്തനങ്ങള്‍ക്ക് നേതൃത്വം നല്‍കി.
തദ്ദേശ തെരഞ്ഞെടുപ്പ് പ്രവര്‍ത്തനങ്ങള്‍ കാര്യക്ഷമമായി ഏകോപിപ്പിക്കുന്നതിന് സംസ്ഥാന തെരഞ്ഞെടുപ്പ് കമ്മീഷന്‍ ഏര്‍പ്പെടുത്തിയ മൊബൈല്‍ ആപ്പായ പോള്‍ മാനേജര്‍ വോട്ടെടുപ്പുമായി ബന്ധപ്പെട്ട പ്രധാന വിവരങ്ങള്‍ വേഗത്തില്‍ ജില്ലാ തലത്തില്‍ ലഭ്യമാക്കും. വോട്ടെടുപ്പ് ദിവസവും അതിന് തലേ ദിവസവുമാണ് പോള്‍ മാനേജര്‍ ആപ്പ് ഉപയോഗിക്കുക. വോട്ടിംഗ് യന്ത്രങ്ങള്‍ ഏറ്റുവാങ്ങുന്നതുമുതല്‍ വോട്ടെടുപ്പ് കഴിഞ്ഞ് തിരിച്ച് ഏല്‍പ്പിക്കുന്നതുവരെയുള്ള എല്ലാ വിവരങ്ങളും ആപ്പില്‍ രേഖപ്പെടുത്തും. വോട്ടെടുപ്പ് ദിവസം കൃത്യമായ ഇടവേളകളില്‍ എല്ലാ ബൂത്തുകളില്‍ നിന്നും വോട്ടിംഗ് ശതമാനം ആപ്പിലൂടെ ഉദ്യോഗസ്ഥര്‍ക്ക് നല്‍കാം. നാഷണല്‍ ഇന്‍ഫര്‍മാറ്റിക്സ് സെന്ററാണ് ആപ്പ് വികസിപ്പിച്ചെടുത്തത്.
മുന്‍കൂട്ടി നിശ്ചയിച്ച 21 ചോദ്യാവലികളാണ് ആപ്പിലുള്ളത്. ഇതിലൂടെ പോളിംഗ് സ്റ്റേഷനിലേക്ക് നിയമിക്കപ്പെട്ട ഉദ്യോഗസ്ഥര്‍ പുറപ്പെട്ട് തിരിച്ചെത്തുന്നതു വരെയുള്ള വിവരങ്ങള്‍ ആപ്പില്‍ രേഖപ്പെടുത്തും. പ്രിസൈഡിംഗ് ഓഫീസര്‍, ഫസ്റ്റ് പോളിംഗ് ഓഫീസര്‍, സെക്ടറല്‍ ഓഫീസര്‍ എന്നിവര്‍ക്കാണ് ആപ്പ് ഉപയോഗിക്കാന്‍ സാധിക്കുക. ഉദ്യോഗസ്ഥരുടെ മൊബൈല്‍ ഫോണിലേക്ക് വരുന്ന ഒ ടി പി നമ്പര്‍ ഉപയോഗിച്ചാണ് ആപ്പ് ഓപ്പണ്‍ ചെയ്യുന്നത്. ബൂത്തുകളിലേക്ക് പുറപ്പെടുന്നതിന് മുന്‍പ് ഉദ്യോഗസ്ഥര്‍ക്ക് നമ്പര്‍ അപ്ഡേറ്റ് ചെയ്യാനുള്ള സംവിധാനം തിരഞ്ഞെടുപ്പ് സാമഗ്രികള്‍ വിതരണം ചെയ്യുന്ന കേന്ദ്രങ്ങളില്‍ ലഭിക്കും. ജില്ലാതല നോഡല്‍ ഓഫീസര്‍മാര്‍ക്കാണ് പോള്‍ മാനേജര്‍ ആപ്പ് ഉപയോഗിക്കുന്ന ഉദ്യോഗസ്ഥരുടെ വിവരങ്ങള്‍ ശേഖരിക്കേണ്ട ചുമതല

The post തദ്ദേശ സ്വയംഭരണ തെരഞ്ഞെടുപ്പ്: മാസ്റ്റര്‍ ട്രെയിനര്‍മാര്‍ക്കുള്ള രണ്ടാംഘട്ട പരിശീലനം നല്‍കി appeared first on Valanchery Online.

ഇരിമ്പിളിയം ഗ്രാമപഞ്ചായത്ത്; 16 വാർഡുകളിൽ ബി. ജെ. പി സ്ഥാനാർഥികൾ മത്സര രംഗത്ത്

വളാഞ്ചേരിക്കാരൻ — Mon, 23 Nov 2020 00:14:32 +0000

ഇരിമ്പിളിയം: ഇരിമ്പിളിയം ഗ്രാമപ്പഞ്ചായത്തിലെ 17 വാർഡുകളിൽ 16 വാർഡുകളിലേക്കുമുള്ള ബി.ജെ.പി. സ്ഥാനാർഥികളായി. തുടർന്ന് വലിയകുന്നിൽ പാർട്ടിയുടെ തിരഞ്ഞെടുപ്പുകമ്മിറ്റി ഓഫീസ് പാലക്കാട് മേഖലാ പ്രസിഡന്റ് വി. ഉണ്ണിക്കൃഷ്ണൻ ഉദ്ഘാടനംചെയ്തു. എൻ. സുബ്രഹ്മണ്യൻ അധ്യക്ഷതവഹിച്ചു. സജീഷ് പൊന്മള, ബാബു കാർത്തല, ഇ. അനൂപ്, എം. ഹരികൃഷ്ണൻ, വാസു കോട്ടപ്പുറം എന്നിവർ പ്രസംഗിച്ചു.
സ്ഥാനാർഥികളും മത്സരിക്കുന്ന വാർഡും
1. കനകവല്ലി (അമ്പാൾ)
2. വി.പി. ശോഭന (വലിയകുന്ന് നീലാടപ്പാറ)
3. പി. വിജിൽ (വലിയകുന്ന് തെക്ക്)
4. സജിത (കൊടുമുടി)
5. പോക്കാട്ടുകുഴി ഉണ്ണിക്കൃഷ്ണൻ (പുറമണ്ണൂർ)
6. ജയശ്രീ (പുറമണ്ണൂർ വടക്ക്)
7. ഉണ്ണിക്കൃഷ്ണൻ (പുറമണ്ണൂർ തെക്ക്)
8. രാജേഷ് (ഇരിമ്പിളിയം)
9. രജനി (മോസ്‌കോ)
11. വിനയചന്ദ്രൻ കാളിയത്ത് (മങ്കേരി)
12. സുമന വാസുദേവൻ (വട്ടപ്പറമ്പ്)
13. പി. ഭാവനകുമാർ (കളരിക്കൽ)
14. പ്രീത ദാസൻ (വെണ്ടല്ലൂർ പടിഞ്ഞാറ്)
15. ജലജ (വെണ്ടല്ലൂർ തെക്ക്)
16. അരുൺകുമാർ (വലിയകുന്ന് ആലുംകൂടം)
17. സുധ (കോട്ടപ്പുറം).
കുറ്റിപ്പുറം ബ്ലോക്ക്പഞ്ചായത്ത് വെണ്ടല്ലൂർ ഡിവിഷനിൽ ആളൂർ സോമസുന്ദരനും വലിയകുന്ന് ഡിവിഷനിൽ വാസു കോട്ടപ്പുറവും നാമനിർദേശപത്രിക നൽകി.

The post ഇരിമ്പിളിയം ഗ്രാമപഞ്ചായത്ത്; 16 വാർഡുകളിൽ ബി. ജെ. പി സ്ഥാനാർഥികൾ മത്സര രംഗത്ത് appeared first on Valanchery Online.

തദ്ദേശ തെരഞ്ഞെടുപ്പ് ഡിസംബർ ആദ്യ ആഴ്ച; ഏഴ് ജില്ലകൾ വീതം രണ്ട് ഘട്ടമായി

വളാഞ്ചേരിക്കാരൻ — Wed, 21 Oct 2020 07:57:34 +0000

തിരുവനന്തപുരം: തദ്ദേശ സ്വയംഭരണ സ്ഥാപനങ്ങളിലേക്കുള്ള തെരഞ്ഞെടുപ്പ് ഡിസംബർ ആദ്യവാരം നടത്തും. രണ്ടു ഘട്ടമായി തെരഞ്ഞെടുപ്പ് നടത്താനാണ് ഉദ്ദേശിക്കുന്നത്. ഏഴു ജില്ലകളിൽ ആദ്യഘട്ടത്തിലും ശേഷിക്കുന്ന ഏഴു ജില്ലകൾ രണ്ടാംഘട്ടത്തിലും എന്ന വിധത്തിലായിരിക്കും വോട്ടെടുപ്പ്. നിലവിലെ ഭരണസമിതിയുടെ കാലാവധി നവംബര്‍ 11 നാണ് അവസാനിക്കുന്നത്. കോവിഡിന്‍റെ പശ്ചാത്തലത്തിലാണ് തെരഞ്ഞെടുപ്പ് നീട്ടിവെച്ചത്.

തദ്ദേശ തെരഞ്ഞെടുപ്പുമായി ബന്ധപ്പെട്ട പ്രക്രിയകൾ സംസ്ഥാനത്ത് പുരോഗമിക്കുകയാണ്. സംവരണ വാർഡുകളുടെ നറുക്കെടുപ്പ് പൂർത്തിയായി. പ്രസിഡന്‍റ് സ്ഥാനത്തേക്കുള്ള സംവരണം സീറ്റുകൾ നിശ്ചയിക്കുന്നത് അടക്കമുള്ളവ അന്തിമഘട്ടത്തിലാണ്. കോവിഡ് പ്രോട്ടോക്കോൾ പാലിച്ചായിരിക്കും തെരഞ്ഞെടുപ്പ് നടക്കുക. ഡിസംബർ മധ്യത്തോടെ പുതിയ ഭരണസമിതി നിലവിൽ വരുന്ന രീതിയിൽ തെരഞ്ഞെടുപ്പ് നടത്തണമെന്ന തരത്തിലാണ് സംസ്ഥാന തെരഞ്ഞെടുപ്പ് കമ്മീഷൻ ആലോചിക്കുന്നത്. തെരഞ്ഞെടുപ്പ് ഒരു മാസം നീട്ടിവെക്കാൻ നേരത്തേ സർവക്ഷിയോഗം തീരുമാനിച്ചിരുന്നു.

1200 വോട്ടര്‍മാരില്‍ കൂടുതലുള്ള ബൂത്തുകള്‍ രണ്ടായി വിഭജിക്കും. തെരഞ്ഞെടുപ്പ് സമയത്ത് കോവിഡ് രോഗികളായവര്‍ക്ക് പോസ്റ്റല്‍ വോട്ട് നടപ്പാക്കാന്‍ നേരത്തെ തീരുമാനിച്ചിരുന്നു. തെരഞ്ഞെടുപ്പിന്‍റെ തലേ ദിവസങ്ങളില്‍ കോവിഡ് ബാധിക്കുന്നവര്‍ക്കും പോസ്റ്റല്‍ വോട്ട് തന്നെ നടപ്പാക്കാനാണ് ആലോചന.

The post തദ്ദേശ തെരഞ്ഞെടുപ്പ് ഡിസംബർ ആദ്യ ആഴ്ച; ഏഴ് ജില്ലകൾ വീതം രണ്ട് ഘട്ടമായി appeared first on Valanchery Online.

തദ്ദേശ തിരഞ്ഞെടുപ്പ് 2020; കോട്ടയ്ക്കൽ നഗരസഭയിലെ സംവരണ വാർഡുകൾ തീരുമാനിച്ചു.

വളാഞ്ചേരിക്കാരൻ — Sun, 04 Oct 2020 04:41:46 +0000

കോട്ടയ്ക്കൽ: നഗരസഭയിലെ സംവരണ വാർഡുകൾ തീരുമാനിച്ചു. 32 വാർഡുകളിൽ 16 എണ്ണം വനിതാ സംവരണമാണ്. കഴിഞ്ഞതവണ ജനറൽ സീറ്റായ മുഴുവൻ വാർഡും വനിതാ സംവരണമാണ്. വാർഡ് 6 മൈത്രിനഗർ എസ്.സി. സംവരണമായി പ്രഖ്യാപിച്ചു. പൊതുവിഭാഗത്തിൽ 15 സീറ്റുകളാണുളളത്.

വനിതാസംവരണം: ചങ്കുവെട്ടി (1), ചുണ്ട (2), കോട്ടയ്ക്കൽ ടൗൺ (3) , കോട്ടയ്ക്കൽ താഴെ അങ്ങാടി (4) , കാവതികളം ഈസ്റ്റ് (10), വലിയ പറമ്പ് (11), വെസ്റ്റ് വില്ലൂർ (12 ), ഈസ്റ്റ് വില്ലൂർ (14), ഇന്ത്യനൂർ (18), മുളിയൻ കോട്ട (19), കുറ്റിപ്പുറം (24), കോട്ടക്കുളം (28), പുളിങ്കോട് (29), തോക്കാമ്പാറ (30), ചങ്കുവെട്ടിക്കുണ്ട് ( 31 ), കുർബാനി (32).

The post തദ്ദേശ തിരഞ്ഞെടുപ്പ് 2020; കോട്ടയ്ക്കൽ നഗരസഭയിലെ സംവരണ വാർഡുകൾ തീരുമാനിച്ചു. appeared first on Valanchery Online.

തദ്ദേശ സ്ഥാപനങ്ങളിലെ തെരഞ്ഞെടുപ്പിനുള്ള വോട്ടർ പട്ടിക പ്രസിദ്ധീകരിച്ചു

വളാഞ്ചേരിക്കാരൻ — Thu, 18 Jun 2020 02:30:14 +0000

മലപ്പുറം: തദ്ദേശ സ്ഥാപനങ്ങളിലെ തെരഞ്ഞെടുപ്പിനുള്ള വോട്ടർ പട്ടിക പ്രസിദ്ധീകരിച്ചു. ജില്ലയിലെ 94 പഞ്ചായത്തുകളിൽ 92 പഞ്ചായത്തുകളിലെയും 12 നഗരസഭകളിലെയും പട്ടികയാണ് പ്രസിദ്ധീകരിച്ചത്. കോവിഡ്‌ സാഹചര്യത്തിൽ ഓഫീസ്‌ തുറക്കാനാകാത്തതിനാൽ എടയൂർ, എടപ്പാൾ പഞ്ചായത്തുകളിലെ വോട്ടർ പട്ടിക പ്രസിദ്ധീകരിക്കാനായില്ല.
പഞ്ചായത്തുകളിലും നഗരസഭകളിലും വില്ലേജ് ഓഫീസുകളിലും വോട്ടർമാർക്ക് പട്ടിക പരിശോധിക്കാം. പേര് ചേർക്കാൻ തെരഞ്ഞെടുപ്പിനുമുമ്പ് രണ്ട് അവസരംകൂടി നൽകും. കൂട്ടിച്ചേര്‍ക്കലിനും തിരുത്തലിനുംശേഷം ആഗസ്‌തിൽ അന്തിമ പട്ടിക പ്രസിദ്ധീകരിക്കും. അതിനുശേഷവും തിരുത്തലിന്‌ സമയം അനുവദിക്കും.

The post തദ്ദേശ സ്ഥാപനങ്ങളിലെ തെരഞ്ഞെടുപ്പിനുള്ള വോട്ടർ പട്ടിക പ്രസിദ്ധീകരിച്ചു appeared first on Valanchery Online.