literacy mission Archives - Valanchery Online

സാക്ഷരതാ മിഷനും വ്യാപാരി വ്യവസായി ഏകോപന സമിതിയും സംയുക്തമായി വളാഞ്ചേരിയിൽ വാക്സിൻ ബോധവൽകരണ ക്യാമ്പ് സംഘടിപ്പിച്ചു

വളാഞ്ചേരിക്കാരൻ — Mon, 26 Apr 2021 16:22:57 +0000

വളാഞ്ചേരി:കേരള സാക്ഷരതാ മിഷന്‍ കുറ്റിപ്പുറം ബ്ലോക്ക് പഞ്ചായത്ത് വ്യാപാരി വ്യവസായി ഏകോപന സമിതി യൂത്ത് വിംഗ് വളാഞ്ചേരി യൂണിറ്റും സംയുക്തമായി സംഘടിപ്പിച്ച ബോധവല്‍ക്കരണ ക്യാമ്പയിന്‍ കുറ്റിപ്പുറം ബ്ലോക്ക് പഞ്ചായത്ത് പ്രസിഡണ്ട് വസിമ വെളേരി ഉദ്ഘാടനം ചെയ്തു.കോവിഡ് വാക്‌സിന്‍ ബോധവല്‍ക്കരണ നിര്‍ദ്ദേശങ്ങള്‍ പൊതുജനങ്ങള്‍ക്ക് വ്യാപാരികള്‍ക്കും ആയി വിതരണം വളാഞ്ചേരി ബസ് സ്റ്റാന്‍ഡില്‍ തുടക്കം കുറിച്ചു.വ്യാപാരി വ്യവസായി ഏകോപന സമിതി വളാഞ്ചേരി യൂണിറ്റ് പ്രസിഡണ്ട് ടി എം പത്മകുമാര്‍, വളാഞ്ചേരി ഹെല്‍ത്ത് സെന്റര്‍ ഹെല്‍ത്ത് ഇന്‍സ്‌പെക്ടര്‍ ബഷീര്‍ ച , വി.പി.എം സാലിഹ്, ഡോ റിയാസ് (ഐഎംഎ വളാഞ്ചേരി) കെ മുഹമ്മദലി, നസീര്‍ തിരൂര്‍ കാട് ,കെ ടി നിസാര്‍ ബാബു ,നൂറുല്‍ ആബിദ് (പ്രസ് ക്ലബ്ബ്) ഷാജഹാന് എന്ന മണി ,മഹബൂബ് തോട്ടത്തില്‍ ,ബഷീര്‍ പി പി, അലി നിള , അനീഷ് സി കെ തുടങ്ങിയവര്‍ പങ്കെടുത്തു

The post സാക്ഷരതാ മിഷനും വ്യാപാരി വ്യവസായി ഏകോപന സമിതിയും സംയുക്തമായി വളാഞ്ചേരിയിൽ വാക്സിൻ ബോധവൽകരണ ക്യാമ്പ് സംഘടിപ്പിച്ചു appeared first on Valanchery Online.

ഇംഗ്ലീഷ് ഗുഡ് ആയി; കുറ്റിപ്പുറം ബ്ലോക്കിൽ 37 പേർ രണ്ടാം ബാച്ച് പരീക്ഷ എഴുതി

വളാഞ്ചേരിക്കാരൻ — Sun, 30 Jun 2019 11:22:26 +0000

വളാഞ്ചേരി: കേരള സംസ്ഥാന സാക്ഷരതാ മിഷൻ അതോറിറ്റി നടപ്പാക്കുന്ന ഗുഡ് ഇംഗ്ലീഷ് ഭാഷ സർട്ടിഫികറ്റ് കോഴ്‌സിന്റെ രണ്ടാം ബാച്ച് പരീക്ഷ കഴിഞ്ഞപ്പോൾ പഠിതാക്കളുടെ മുഖത്ത്‌ ഇംഗ്ലീഷ് ഭാഷ ഗുഡ് ആയതിന്റെ ആത്മവിശ്വാസം. ചോദ്യങ്ങൾക്കെല്ലാം ഉത്തരം എഴുതാൻ മാത്രമല്ല സംസാരിക്കാനും പഠിച്ചതിന്റെ നിർവൃതിയിലായിരുന്നു അവർ.

പ്രായവും തൊഴിലും വക വെക്കാതെ ഞായറാഴ്ചകളിൽ നടക്കുന്ന സമ്പർക്ക പഠന ക്ലാസുകളിൽ അധ്യാപകർ മുതൽ കൂലി പണിക്കാർ വരെയുള്ളയാളുകളാണ് എത്തിയിരുന്നത്. തൊഴിൽ സാധ്യതയേക്കാൾ തങ്ങളുടെ കുട്ടികളുടെ പഠനത്തിൽ സഹായിക്കാനാണ് ഭാഷ പഠനമെന്നാണ് മിക്കയാളുകളുടെയും പ്രതികരണം. വളാഞ്ചേരി ഹയർ സെക്കന്ററി സ്കൂളിൽ നടന്ന കുറ്റിപ്പുറം ബ്ലോക്ക് തല പരീക്ഷയുടെ ചോദ്യപേപ്പർ വിതരണം വളാഞ്ചേരി മുനിസിപ്പാലിറ്റി വൈസ് ചെയർമാൻ കെ എം ഉണ്ണികൃഷ്ണൻ നിർവഹിച്ചു.

ചടങ്ങിൽ കുറ്റിപ്പുറം ബ്ലോക്ക് പഞ്ചായത്ത് സാക്ഷരതാ മിഷൻ നോഡൽ പ്രേരക്‌ കെ ടി നിസാർ ബാബു അധ്യക്ഷനായിരുന്നു. പരീക്ഷയിൽ 12 പുരുഷന്മാരും 25 സ്ത്രീകളും ഉൾപ്പടെ 37 പേർ പരീക്ഷ എഴുതി ഇതിൽ 10 പേർ പട്ടിക ജാതി വിഭാഗത്തിൽ പെട്ടവരാണ്. പ്രേരക്മാരായ കെ പ്രിയ, കെ.പി സാജിത, കെ.ടി അക്ബറലി തുടങ്ങിയവർ പരിപാടിയിൽ സംബന്ധിച്ചു.
Summary: 37 candidates wrote good english exam in kuttippuram block

The post ഇംഗ്ലീഷ് ഗുഡ് ആയി; കുറ്റിപ്പുറം ബ്ലോക്കിൽ 37 പേർ രണ്ടാം ബാച്ച് പരീക്ഷ എഴുതി appeared first on Valanchery Online.

അക്ഷര യാത്ര മലപ്പുറം ജില്ലയിൽ 145 കോളനികളിൽ സംഘടിപ്പിക്കും

വളാഞ്ചേരിക്കാരൻ — Wed, 26 Jun 2019 00:11:46 +0000

വളാഞ്ചേരി – കേരള സംസ്ഥാന സാക്ഷരതാ മിഷന്റെ ആഭിമുഖ്യത്തിൽ സാക്ഷരത-തുല്യത പ്രവർത്തനങ്ങളും സാമൂഹ്യ സാക്ഷരത പ്രവർത്തനങ്ങളും വ്യാപിപ്പിക്കുന്നതിന്റെ ഭാഗമായി തദ്ദേശസ്വയംഭരണ സ്ഥാപനങ്ങളുടെ നേതൃത്വത്തിൽ അക്ഷര യാത്ര വിപുലമായി സംഘടിപ്പിക്കാൻ തീരുമാനിച്ചു. സാക്ഷരത പദ്ധതി നടപ്പിലാക്കുന്ന സംസ്ഥാനത്തെ 2000 കോളനി പ്രദേശങ്ങളിലാണ് യാത്ര സംഘടിപ്പിക്കുക മലപ്പുറം ജില്ലയിൽ 145 കോളനികളിലാണ് യാത്ര സംഘടിപ്പിക്കുന്നത്. ഇതിന്റെ മുന്നോടിയായി എല്ലാ തദ്ദേശസ്വയം ഭരണ സ്ഥാപനങ്ങളിലും സ്വാഗത സംഘം യോഗം ചേരാൻ തീരുമാനിച്ചു.

പദ്ധതികൾക്ക് ആവശ്യമായ കർമപരിപാടികൾ നടപ്പിലാക്കനും വിശദീകരിക്കുന്നതിനായി കുറ്റിപ്പുറം ബ്ലോക്ക് കോൺഫ്രൻസ് ഹാളിൽ ചേർന്ന സാക്ഷരത മിഷൻ മേഖല തല യോഗത്തിന്റെ ഉത്ഘാടനം കുറ്റിപ്പുറം ബ്ലോക്ക് പഞ്ചായത്ത്‌ പ്രസിഡന്റ്‌ ആതവനാട് മുഹമ്മദ്‌ കുട്ടി നിർവഹിച്ചു. ചടങ്ങിൽ സാക്ഷരത മിഷൻ ജില്ലാ കോ-ഓർഡിനേറ്റർ സജി തോമസ് അദ്ധ്യക്ഷയായിരുന്നു. സാക്ഷരത മിഷൻ ജില്ലാ അസിസ്റ്റന്റ് കോ-ഓർഡിനേറ്റർ ആർ രമേശ്‌ കുമാർ പദ്ധതി വിശദീകരിച്ചു. ചടങ്ങിൽ കുറ്റിപ്പുറം ബ്ലോക്ക് പഞ്ചായത്ത്‌ നോഡൽ പ്രേരക് കെ ടി നിസാർ ബാബു, തിരൂരങ്ങാടി ബ്ലോക്ക് പഞ്ചായത്ത്‌ നോഡൽ പ്രേരക് ടി ശ്രീധരൻ, താനൂർ ബ്ലോക്ക് പഞ്ചായത്ത്‌ നോഡൽ പ്രേരക് കെ ശോഭന, തീരുർ ബ്ലോക്ക് പഞ്ചായത്ത്‌ നോഡൽ പ്രേരക് പി സതി എന്നിവർ സംസാരിച്ചു.
Summary: aksharayatra-to be conducted in 145 colonies of malappuram district

The post അക്ഷര യാത്ര മലപ്പുറം ജില്ലയിൽ 145 കോളനികളിൽ സംഘടിപ്പിക്കും appeared first on Valanchery Online.

കുറ്റിപ്പുറം ബ്ലോക്ക് സാക്ഷരതാ മിഷൻ പുതിയ ഓഫീസ് തുറന്നു

വളാഞ്ചേരിക്കാരൻ — Wed, 21 Nov 2018 16:18:11 +0000

കേരള സംസ്ഥാന സാക്ഷരതാ മിഷൻ അതോറിറ്റി നടപ്പിലാകുന്നതും കുറ്റിപ്പുറം ബ്ലോക്ക് പഞ്ചായത്തിന് കീഴിൽ പ്രവർത്തിക്കുന്നതുമായ സാക്ഷരതാ മിഷൻ വികസന വിദ്യാകേന്ദ്രത്തിൻടെ പുതിയ ഓഫീസ് ഉത്ഘാടനം കുറ്റിപ്പുറം ബ്ലോക്ക് പഞ്ചായത്ത് പ്രസിഡണ്ട് ആതവനാട് മുഹമ്മദ് കുട്ടി നിർവഹിച്ചു.

കുറ്റിപ്പുറം ബ്ലോക്ക് പഞ്ചായത്ത് വൈസ് പ്രസിഡന്റ് പി ഷംല ടീച്ചർ അധ്യക്ഷത വഹിച്ച ചടങ്ങിൽ കുറ്റിപ്പുറം ബ്ലോക്ക് പഞ്ചായത്ത് വിദ്യാഭ്യാസ ആരോഗ്യ സ്ഥിരം സമിതി അധ്യക്ഷ പാറോളി കദീജ മുഖ്യാതിഥി ആയിരുന്നു.

മെമ്പർമാരായ കൈപ്പള്ളി അബ്ദുല്ല കുട്ടി, മൊയ്‌തു എടയൂർ, ടി കെ റസീന, കുറ്റിപ്പുറം ബ്ലോക്ക് പഞ്ചായത്ത് സെക്രട്ടറി കെ അജിത, ജോയിന്റ് ബി.ഡി.ഒ പി നളിനി, സാക്ഷരതാ മിഷൻ ജില്ലാ കോ ഓർഡിനേറ്റർ സജി തോമസ്, കുറ്റിപ്പുറം ബ്ലോക്ക് പഞ്ചായത്ത് നോഡൽ പ്രേരക് കെ.ടി നിസാർ ബാബു, എം ജംഷീറ തുടങ്ങിയവർ സംസാരിച്ചു

The post കുറ്റിപ്പുറം ബ്ലോക്ക് സാക്ഷരതാ മിഷൻ പുതിയ ഓഫീസ് തുറന്നു appeared first on Valanchery Online.

സാക്ഷരത മിഷൻ പ്രേരക്മാരുടെ മേഖല തല സംഗമങ്ങൾ സമാപിച്ചു

വളാഞ്ചേരിക്കാരൻ — Fri, 01 Jun 2018 15:30:51 +0000

വളാഞ്ചേരി: ജില്ലയുടെ വിവിധ ഭാഗങ്ങളിലായി നടന്നുകൊണ്ടിരിക്കുന്ന സാക്ഷരത മിഷൻ പ്രേരക്മാരുടെ മേഖല തല സംഗമങ്ങൾ സമാപിച്ചു . കേരള സംസ്ഥാന സാക്ഷരത മിഷൻ നടപ്പിലാക്കുന്ന പച്ച മലയാളം, ഗുഡ് ഇംഗ്ലീഷ്, അച്ചി ഹിന്ദി തുടങ്ങിയ സർട്ടിഫിക്കറ്റ് കോഴ്സുകളുടെ രെജിസ്ട്രഷൻ ഊർജ്ജിതപെടുത്താൻ വേണ്ടി യോഗം തീരുമാനിച്ചു. വിദ്യാർത്ഥികൾ ഉൾപ്പടെയുള്ള ഏതൊരാൾക്കും കോഴ്സിൽ ചേരാവുന്നതാണ്. തുല്യത പഠിതാക്കൾക്കും വിദ്യാർത്ഥികൾക്കും ഫീസ് ഇനത്തിൽ പ്രത്യക ഇളവും അനുവദിച്ചട്ടുണ്ട്. കുറ്റിപ്പുറം മേഖല തല ഉത്ഘാടനം കുറ്റിപ്പുറം ബ്ലോക്ക് പഞ്ചായത്ത്‌ ജി ഇ ഒ എം.ഗംഗാധരൻ നിർവഹിച്ചു. ചടങ്ങിൽ സാക്ഷരത മിഷൻ ജില്ലാ കോ-ഓർഡിനേറ്റർ ആർ രമേശ് കുമാർ പദ്ധതികളും പ്രവർത്തനങ്ങളും വിശദീകരിച്ചു. കുറ്റിപ്പുറം ബ്ലോക്ക് പഞ്ചായത്ത്‌ സാക്ഷരത മിഷൻ നോഡൽ പ്രേരക് കെ ടി നിസാർ ബാബു, വി ജയശ്രീ, എന്നിവർ സംസാരിച്ചു. കുറ്റിപ്പുറം, പൊന്നാനി, പെരുമ്പടപ്പ് ബ്ലോക്കുകളിലെ പ്രേരക് മാരാണ് പരിപാടിയിൽ സംബന്ധിച്ചത്.

The post സാക്ഷരത മിഷൻ പ്രേരക്മാരുടെ മേഖല തല സംഗമങ്ങൾ സമാപിച്ചു appeared first on Valanchery Online.

പത്താം തരം തുല്യതാ പഠിതാക്കളുടെ ഏകദിന സംഗമം ഇന്ന് വളാഞ്ചേരിയിൽ

വളാഞ്ചേരിക്കാരൻ — Wed, 11 Oct 2017 00:41:09 +0000

വളാഞ്ചേരി: ജില്ലാ സാക്ഷരതാ മിഷന്റെ ആബിമുഖ്യത്തിൽ നടക്കുന്ന ‘അക്ഷരശ്രീ‘ തുടർവിദ്യാഭ്യാസ പദ്ധതിയിലെ പത്താം ക്ലാസ് തുല്യതാ പഠിതാക്കളുടെ ഏകദിന സംഗമം ഇന്ന് (11/10/2017) വളാഞ്ചേരി പെരിന്തൽമണ്ണ റോഡിലുള്ള നധാസ് ഓഡിറ്റോറിയത്തിൽ വച്ച് നടക്കും. പത്താം തരം തുല്യതയുടെ പരീക്ഷ സംബന്ധിചുള്ള മോട്ടിവേഷൻ ക്യാമ്പ് രണ്ട് സെഷനുകളിലായി നടക്കും. രാവിലെ 9:30 മുതൽ വൈകീട്ട് 4:30 വരെയാണ് പരിപാടി. എല്ലാ പഠിതാക്കളും കൃത്യസമയത്ത് തന്നെ വേദിയിൽ എത്തിച്ചേരണമെന്ന് സംഘാടകർ അറിയിക്കുന്നു.

Save

The post പത്താം തരം തുല്യതാ പഠിതാക്കളുടെ ഏകദിന സംഗമം ഇന്ന് വളാഞ്ചേരിയിൽ appeared first on Valanchery Online.

പച്ചമലയാളം – സര്‍ട്ടിഫിക്കറ്റ് കോഴ്‌സിലേക്ക് ഇപ്പോൾ അപേക്ഷിക്കാം

വളാഞ്ചേരിക്കാരൻ — Tue, 10 Oct 2017 02:02:18 +0000

കേവലമായ അക്ഷരജ്ഞാനത്തിനപ്പുറം ലോകത്തെ അറിയുവാനും മാറ്റിത്തീര്‍ക്കുവാനുമുള്ള ശേഷി നേടലാണ് സാക്ഷരത. എന്നാല്‍, കേവല സാക്ഷരതയ്ക്കപ്പുറത്തേക്ക് വലിയതോതില്‍ സാക്ഷരതാസങ്കല്പത്തെ വളര്‍ത്തുവാന്‍ നമുക്ക് കഴിഞ്ഞില്ല എന്നതാണ് യാഥാര്‍ഥ്യം. ഭാഷാപഠനം ഗൗരവത്തോടെ പരിഗണിക്കേണ്ടതുണ്ട്. സമസ്തമേഖലകളിലുമുള്ളവര്‍ക്ക് ഒരേപോലെ പ്രയോജനകരമാകുന്ന നിലയില്‍ ഭാഷാപഠന കോഴ്‌സുകള്‍ ആരംഭിക്കുന്നത് സാക്ഷരകേരളത്തെ സമ്പുഷ്ടമാക്കും. ഭരണഭാഷ മലയാളമായ സാഹചര്യത്തില്‍, ആ നിലയിലും ഇതിന് ഏറെ പ്രാധാന്യമുണ്ട്. ‘പച്ചമലയാളം’ സര്‍ട്ടിഫിക്കറ്റ് കോഴ്‌സ് സാക്ഷരകേരളത്തിലെ മികച്ച കാല്‍വയ്പാണ്.

ലക്ഷ്യങ്ങള്‍

ഇതര മീഡിയങ്ങള്‍ വഴി വിദ്യാഭ്യാസം നേടിയവര്‍ക്ക് ഭരണഭാഷ മനസ്സിലാക്കുന്നതിനും ഉപയോഗിക്കുന്നതിനുമുള്ള ശേഷി നേടുക.
സ്വന്തം ഭാഷയില്‍ ആത്മവിശ്വാസത്തോടെ ചിന്തിക്കുന്നതിനും ഇടപെടുന്നതിനും സമൂഹത്തെ പ്രാപ്തമാക്കുക.
കലാസാഹിത്യസൃഷ്ടികള്‍ ആസ്വദിക്കുന്നതിനും വിലയിരുത്തുന്നതിനുമുള്ള ശേഷി നേടുക. അതുവഴി ഉയര്‍ന്ന മാനവികതാബോധത്തോടെ സമൂഹത്തില്‍ ഇടപെടല്‍ നടത്തുവാന്‍ കഴിയുന്ന ജനതയെ വാര്‍ത്തെടുക്കുക.
ഭാഷാശാസ്ത്രം പഠിക്കുന്നതിലൂടെ മികച്ച ഭാഷാപ്രയോഗശീലം സാധ്യമാക്കുക. സംസ്‌കാര കേരളമെന്ന വിശേഷണം യാഥാര്‍ഥ്യമാക്കുക.
മലയാളം കംപ്യൂട്ടിങ് വ്യാപിപ്പിക്കുക.
സ്മാര്‍ട്ട് ഫോണുകളിലടക്കം മലയാളം ഉപയോഗിക്കുന്നതിന് ശേഷി വര്‍ധിപ്പിക്കുക.
ഭാഷാന്യൂനപക്ഷങ്ങള്‍ക്ക് മലയാള ഭാഷയില്‍ പ്രാവീണ്യം സാധ്യമാക്കുക.
ഭരണഭാഷ മാതൃഭാഷ ആക്കിയത് വഴി ഓഫീസ് നിര്‍വഹണം നടത്താന്‍ ബുദ്ധിമുട്ട് അനുഭവിക്കുന്ന സര്‍ക്കാര്‍/അര്‍ധസര്‍ക്കാര്‍ സ്ഥാപനങ്ങളിലെ ജീവനക്കാര്‍ക്ക് സുഗമമായ ഓഫീസ് പ്രവര്‍ത്തനം സാധ്യമാക്കുക.

ഗുണഭോക്താക്കള്‍

മലയാളം ഒഴികെയുള്ള വിവിധ മാധ്യമങ്ങള്‍ വഴി വിദ്യാഭ്യാസം പൂര്‍ത്തിയാക്കിയവര്‍.
മലയാളം ഒഴികെയുള്ള വിവിധ മാധ്യമങ്ങള്‍ വഴി ഉന്നതവിദ്യാഭ്യാസം പൂര്‍ത്തീകരിച്ചുകൊണ്ടിരിക്കുന്നവര്‍. ഭരണഭാഷ മാതൃഭാഷയാക്കിയതിനുശേഷം ഓഫീസ് നിര്‍വഹണം ബുദ്ധിമുട്ടായി തോന്നുന്ന വിവിധ സര്‍ക്കാര്‍/അര്‍ധസര്‍ക്കാര്‍ സ്ഥാപനങ്ങളിലെ ജീവനക്കാര്‍.
മലയാള ഭാഷ പഠിക്കാന്‍ താല്‍പ്പര്യമുള്ളവര്‍.
ഭാഷാന്യൂനപക്ഷ വിഭാഗത്തില്‍പ്പെട്ടവര്‍.

സംഘാടനം/നിര്‍വഹണം

152 ബ്ലോക്ക് പഞ്ചായത്ത് ആസ്ഥാനങ്ങളാണ് സമ്പര്‍ക്ക പഠന കേന്ദ്രങ്ങള്‍.
ബ്ലോക്ക് സാക്ഷരതാമിഷന്‍ നോഡല്‍ പ്രേരക് സെന്റര്‍ കോ-ഓര്‍ഡിനേറ്ററായും ഭാഷാ അധ്യാപകന്‍ ഇന്‍സ്ട്രക്ടറുമായുള്ള സംവിധാനം ബ്ലോക്ക് പഞ്ചായത്ത് ആസ്ഥാനത്തുള്ള ഹൈസ്‌കൂള്‍ കേന്ദ്രീകരിച്ച് പ്രവര്‍ത്തിച്ച് പദ്ധതിയെ ലക്ഷ്യത്തിലെത്തിക്കും.

പ്രവര്‍ത്തനകാലയളവ്/കോഴ്‌സ് സമയക്രമം

2017 കലണ്ടര്‍ വര്‍ഷമാണ് പദ്ധതിയുടെ പ്രവര്‍ത്തന കാലയളവ്. 4 മാസമാണ് കോഴ്‌സിന്റെ കാലാവധി. ഞായറാഴ്ചകളിലും പൊതുഅവധി ദിവസങ്ങളിലും മൂന്ന് മണിക്കൂര്‍ വീതം ക്ലാസ് നടത്തും. ആകെ 60 മണിക്കൂര്‍. പൊതു അവധി ദിവസങ്ങളില്‍ അധികപഠനസമയം ഉപയോഗിക്കുന്നുണ്ട്. ക്ലാസിന്റെ ആദ്യ 1 1/2 മണിക്കൂര്‍ യൂണിറ്റ് ഒന്നിനും അടുത്ത 1 1/2 മണിക്കൂര്‍ യൂണിറ്റ് രണ്ടിനും ഉപയോഗിക്കും.

മൂല്യനിര്‍ണയം/സര്‍ട്ടിഫിക്കറ്റ്

കേന്ദ്രീകൃത മൂല്യനിര്‍ണയം നടത്തും. മാതൃകാപരീക്ഷ, പൊതുപരീക്ഷ എന്നിവ നടത്തും.

വിജയികള്‍ക്ക് കോഴ്‌സ് സര്‍ട്ടിഫിക്കറ്റ് വിതരണം ചെയ്യും.

Application form for Pachamalayalam Certificate course: Download application form and registration certificate

കൂടുതൽ വിവരങ്ങൾക്കും അഡ്മിഷനും വിളിക്കുക. 9995882699

Save

The post പച്ചമലയാളം – സര്‍ട്ടിഫിക്കറ്റ് കോഴ്‌സിലേക്ക് ഇപ്പോൾ അപേക്ഷിക്കാം appeared first on Valanchery Online.

കുറ്റിപ്പുറം ബ്ലോക്ക് പഞ്ചായത്ത് സാക്ഷരതാ മിഷൻ ഓണാഘോഷ പരിപാടികൾക്ക് തുടക്കമായി

വളാഞ്ചേരിക്കാരൻ — Sat, 26 Aug 2017 15:53:28 +0000

വളാ‍ഞ്ചേരി: കുറ്റിപ്പുറം ബ്ലോക്ക് പഞ്ചായത്ത് സാക്ഷരതാ മിഷന്റെ ആഭിമുഖ്യത്തിൽ ടാഗോർ കോളേജിന്റെ സഹകരണത്തോടെ ഓണാഘോഷ പരിപാടികൾ സംഘടിപ്പിച്ചു .

കുറ്റിപ്പുറം ബ്ലോക്ക് പഞ്ചായത്തു സാക്ഷരതാ മിഷന്റെ ആഭിമുഖ്യത്തിൽനടന്ന ഓണാഘോഷ പരിപാടികളുടെ ഉത്ഘാടനം കുറ്റിപ്പുറം ബ്ലോക്ക് പഞ്ചായത്ത് പ്രസിഡന്റ് ആതവനാട് മുഹമ്മദ് കുട്ടി നിർവഹിക്കുന്നു

വാദ്യ മേളങ്ങളുടെ അകമ്പടിയോടെ രാവിലെ നടന്ന ഓണാഘോഷയാത്രയിൽ യാത്രയിൽ ജന പ്രതിനിധികളും സാമൂഹ്യ സാംസ്‌കാരിക സാക്ഷരതാ പ്രവര്ത്തകരും വിദ്യാർത്ഥികളും ഉൾപ്പടെ നിരവധി പേരാണ് പങ്കെടുത്തത് . ശേഷം നടന്ന ഓണാഘോഷ പരിപാടികളുടെ ഉത്ഘാടനം കുറ്റിപ്പുറം ബ്ലോക്ക് പഞ്ചായത്ത് പ്രസിഡന്റ് ആതവനാട് മുഹമ്മദ് കുട്ടി നിർവഹിച്ചു. കുറ്റിപ്പുറം പഞ്ചായത്ത് പ്രസിഡന്റ് വസീമ വെളേരി അദ്യക്ഷത വഹിച്ചു .

കുറ്റിപ്പുറം ബ്ലോക്ക് പഞ്ചായത്തു സാക്ഷരതാ മിഷന്റെ ആഭിമുഖ്യത്തിൽ നടന്ന ഓണാഘോഷ യാത്ര

കുറ്റിപ്പുറം ബ്ലോക്ക് പഞ്ചായത്ത് വികസന കാര്യ സ്ഥിരം സമിതി ചെയര്മാന് എ പി സബാഹ്, ബ്ലോക്ക് പഞ്ചായത്ത് വിദ്യാഭ്യാസ സ്ഥിര സമിതി ചെയര്മാന് കെ.ടി. സിദ്ദിഖ് , കുറ്റിപ്പുറം ബ്ലോക്ക് പഞ്ചായത്ത് അംഗം കൈപ്പള്ളി അബ്ദുല്ല കുട്ടി കുറ്റിപ്പുറം ബ്ലോക്ക് പഞ്ചായത്ത് ബ്ലോക്ക് നോഡൽ പ്രേരക് കെ.ടി. നിസാർ ബാബു പ്രേരക്മാരായ കെ പി പുഷ്പ , കെ പി സിദ്ധീഖ് കോളേജ് പ്രിൻസിപ്പൽ ഷമീർ കുമ്പിടി , മാനേജിങ് ഡയറക്ടർ മുസ്തഫ എം മുനീർ സി തുടങ്ങിയവർ സംസാരിച്ചു .500 ഓളം പേർക് ഓണസദ്യയും നൽകി . ഇന്ന് (27 /8 /17 ) കരിപ്പോൾ തുല്യത പഠന കേന്ദ്രത്തിൽ വെച്ചു ഓണ സദ്യയും പഠിതാക്കളുടെ ഓണ മത്സര പരിപാടികളും നടക്കും.

The post കുറ്റിപ്പുറം ബ്ലോക്ക് പഞ്ചായത്ത് സാക്ഷരതാ മിഷൻ ഓണാഘോഷ പരിപാടികൾക്ക് തുടക്കമായി appeared first on Valanchery Online.

ഇ-സാക്ഷരത:മുഴുവൻ സേവനങ്ങളും സുതാര്യമാക്കാൻ കഴിയുമെന്ന് ആർ ടി ഒ

വളാഞ്ചേരിക്കാരൻ — Wed, 15 Jan 2014 14:27:15 +0000

മോട്ടോർ വാഹനങ്ങളുമായി ബന്ധപ്പെട്ട മുഴുവൻ സേവനങ്ങളും പൊതുജനങ്ങൾക്ക് സുതാര്യമായി കുറ്റിപ്പുറം ബ്ലോക്ക് പഞ്ചായത്തും സാക്ഷരതാമിഷനും നടപ്പിലാക്കുന്ന ഇ-സാക്ഷരതാ പരിപാടിയിലൂടെ സാധ്യമാകുമെന്ന് മലപ്പുറം റീജ്യണൽ ട്രാൻസ്പോർട്ട് ഓഫീസർ എം‌വി അജിത്‌കുമാർ പറഞ്ഞു. ബ്ലോക്ക് സാക്ഷരതാ മിഷൻ നടപ്പിലാക്കുന്ന ഇ-സാക്ഷരതാ പദ്ധതിയുടെ ഭാഗമായുള്ള പഠനപ്രചരണകേന്ദ്രത്തിന്റെ ഫ്ലാഗ്കർമ്മം നിർവഹിച്ച് സംസാരിക്കുകയായിരുന്നു അദ്ദേഹം. ചടങ്ങിൽ ബ്ലോക്ക് പഞ്ചായത്ത് പ്രസിഡന്റ് കെ‌പി വഹീദ അദ്യക്ഷനായിരുന്നു.

വൈസ്‌ പ്രസിഡന്റ് കെ‌പി സുരേന്ദ്രൻ, ബ്ലോക്ക് മെമ്പർമാരായ കൈപള്ളി അബ്ദുള്ളക്കുട്ടി, ഖൈറുന്നീസ ചിറ്റകത്ത്, രമണി, റുബീന സക്കറിയ, ബ്ലോക്ക് ബിഡിഒ ടി യൂസഫ്, ജോയ്ന്റ് ബിഡിഒ എ‌‌കെ ശങ്കർ, ജി‌ഇ‌ഒ ശശിധരൻ, ബ്ലോക്ക് കോ-ഓർഡിനേറ്റർ കെടി നിസാർ‌ബാബു, പി‌വി ബദറുന്നീസ, കെ പ്രിയ, എം ഷൈലജ, യു വസന്ത, ടി സുജിത, എം‌പി റുഖിയ തുടങ്ങിയവർ സംസാരിച്ചു.

The post ഇ-സാക്ഷരത:മുഴുവൻ സേവനങ്ങളും സുതാര്യമാക്കാൻ കഴിയുമെന്ന് ആർ ടി ഒ appeared first on Valanchery Online.

പതതാംതരം തുല്യത എട്ടാം ബാച്ചിന്റെ ഉദ്ഘാടനം രണ്ടത്താണിയിൽ നടന്നു

വളാഞ്ചേരിക്കാരൻ — Sun, 29 Dec 2013 15:09:29 +0000

കുറ്റിപ്പുറം ബ്ലോക്ക്‌ സാക്ഷരതമിഷന്‍ പതതാംതരം തുല്യത എട്ടാം ബാച്ചിന്റെ ഉദ്ഘാടനം രണ്ടത്താണിയിൽ വച്ച് നടന്നു. രണ്ടത്താണി വ്യാപാര ഭവനിൽ വച്ച് നടന്ന ചടങ്ങിൽ കുറ്റിപ്പുറം ബ്ലോക്ക് പഞ്ചായത്ത് പ്രസിഡന്റ് സി പി വഹീദ ഉദ്ഘാടനം നിർവഹിച്ചു. വൈസ് പ്രസിഡന്റ് കെ‌പി സുരേന്ദ്രൻ അദ്യക്ഷനായിരുന്നു. ജില്ലാ സാക്ഷരതാ മിഷൻ കോ-ഓർഡിനേറ്റർ കെ അബ്ദുൾ ‌റഷീദ് മുഖ്യ പ്രഭാഷണം നടത്തി.

വിദ്യാഭ്യാസ ആരോഗ്യ കാര്യ ചെയർ‌പേഴ്സൺ അഴുപുറം കദിയാമ്മു പുസ്തകവിതരണം നടത്തി. ബ്ലോക്ക് മെമ്പർമാരായ സി‌എച്ച് ജലീൽ, കൈപള്ളി അബ്ദുള്ളക്കുട്ടി, മാറാക്കര പ്രസിഡന്റ് ഒറ്റകത്ത് ജമീല, കല്പകഞ്ചേരി ഗ്രാമ പഞ്ചായത്ത് ക്ഷേമകാര്യ ചെയർമാൻ തൈക്കാടൻ അബ്ദു, കെടി നിസാർ ബാബു, മൊയ്തീൻ‌കുട്ടി മാസ്റ്റർ എന്നിവർ സംസാരിച്ചു.

The post പതതാംതരം തുല്യത എട്ടാം ബാച്ചിന്റെ ഉദ്ഘാടനം രണ്ടത്താണിയിൽ നടന്നു appeared first on Valanchery Online.

കുറ്റിപ്പുറം ബ്ലോക്ക് പഞ്ചായത്തിൽ ഇ-സാക്ഷരത പദ്ധതിയിലെ വിവിധ തസ്തികകളിലേക്ക് അപേക്ഷ ക്ഷണിച്ചു.

വളാഞ്ചേരിക്കാരൻ — Tue, 24 Dec 2013 15:32:23 +0000

കുറ്റിപ്പുറം ബ്ലോക്ക് പഞ്ചായത്തിലെ സാക്ഷരതാ മിഷൻ നടത്തുന്ന ഇ-സാക്ഷരത പദ്ധതിയിലെ വിവിധ തസ്തികകളിലേക്ക് അപേക്ഷ ക്ഷണിച്ചു.

ഡ്രൈവർ:1 എണ്ണം, പുരുഷൻ

ഇന്റർനെറ്റ് ട്യൂട്ടർ: 2 എണ്ണം, സ്ത്രീകൾക്ക് മുൻ‌ഗണന

യോഗ്യതയുള്ള ഉദ്യോഗാർഥികളിൽ നിന്നുള്ള അപേക്ഷകൾ ഡിസംബർ 31നകം
കോ-ഓർഡിനേറ്റർ,
സാക്ഷരതാ മിഷൻ,
കുറ്റിപ്പുറം ബ്ലോക്ക്,
വളാഞ്ചേരി.
എന്ന വിലാസത്തിൽ ലഭിക്കണം. വിശദ വിവരങ്ങൾക്കായി ബന്ധപ്പെടുക: 9995882699

The post കുറ്റിപ്പുറം ബ്ലോക്ക് പഞ്ചായത്തിൽ ഇ-സാക്ഷരത പദ്ധതിയിലെ വിവിധ തസ്തികകളിലേക്ക് അപേക്ഷ ക്ഷണിച്ചു. appeared first on Valanchery Online.

കുറ്റിപ്പുറം ബ്ലോക്ക് പഞ്ചായത്ത് സാക്ഷരതാ മിഷൻ ഇ-സാക്ഷരതാ വിജ്ഞാന ജാലകത്തിലൂടെ രണ്ടാം ഘട്ട പരിപാടികൾക്ക് തുടക്കമായി

വളാഞ്ചേരിക്കാരൻ — Thu, 19 Dec 2013 14:10:47 +0000

കുറ്റിപ്പുറം ബ്ലോക്ക് പഞ്ചായത്ത് സാക്ഷരതാ മിഷൻ നടപ്പിലാക്കുന്ന സമ്പൂർണ്ണ ഇ-സർവ്വീസ് സ്വയമ്പര്യാപ്തതായജ്ഞത്തിന്റെയും ഇന്റർനെറ്റ് തുടർസാക്ഷരതാ പരിപാടിയുടെയും രണ്ടാംഘട്ട പ്രചരണപരിപാടിയുടെ തുടക്കമായി. ഇതിന്റെ ഭാഗമായി നടന്ന ഇ-സാക്ഷരതാ വിജ്ഞാനജാലകയോഗത്തിന്റെ ഉദ്ഘാടനം ബ്ലോക്ക് പഞ്ചായത്ത് പ്രസിഡന്റ് കെ പി വഹീദ നിർ‌വഹിച്ചു.

ബ്ലോക്ക് വൈസ് പ്രസിഡന്റ് കെ പി സുരേന്ദ്രൻ അദ്യക്ഷനായിരുന്നു. ബ്ലോക്ക് വിദ്യാഭ്യാസ സ്റ്റാന്റിങ്ങ് കമ്മിറ്റി ചെയർ‌പേഴ്സൺ അഴുപ്പുറം കദിയാമ്മു, ഇരിമ്പിളിയം ഗ്രാമ പഞ്ചായത്ത് വൈസ് പ്രസിഡന്റ് ബുഷ്‌റ, സ്റ്റാന്റിങ്ങ് കമ്മിറ്റി ചെയർ‌പേഴ്സൺ ഉമ്മുകുത്സു, ബ്ലോക്ക് മെമ്പർമാരായ ഖൈറുന്നീസ ചിറ്റകത്ത്, കൈപള്ളി അബ്ദുള്ളക്കുട്ടി, കുറ്റിപ്പുറം എ‌ഇ‌ഒ കെ ശ്രീധരൻ, ബി‌ഡിഒ സുബൈദ, ബ്ലോക്ക് ബി‌ഡി‌ഒ എ‌‌കെ ശങ്കർ, കെ അജിത, കെ മൊയ്തീൻ‌കുട്ടി മാസ്റ്റർ തുടങ്ങിയവർ സംസാരിച്ചു.

ബ്ലോക്ക് നോഡൽ പ്രേരക് കെ ടി നിസാർ ബാബു വിഷായവതരണം നടത്തി. പദ്ധതിയുടെ നടത്തിപ്പിനായി ഏഴു പ്രൊജക്റ്റ് ട്രൈനിങ്ങ് സെന്ററുകളും ഒരു സഞ്ചരിക്കുന്ന ഇന്റർനെറ്റ് പഠന കേന്ദ്രവും ഉൾപ്പെടുത്തിയിട്ടുണ്ടെന്നും അടുത്ത തിങ്കൾ ചൊവ്വ ദിവസങ്ങളിൽ വിവിധ സബ്‌കമ്മിറ്റികളുടെ പ്രത്യേക യോഗങ്ങൾ ഉണ്ടായിരിക്കുമെന്ന് പ്രശിഡന്റ് കെ പി വഹീദ പറഞ്ഞു.

The post കുറ്റിപ്പുറം ബ്ലോക്ക് പഞ്ചായത്ത് സാക്ഷരതാ മിഷൻ ഇ-സാക്ഷരതാ വിജ്ഞാന ജാലകത്തിലൂടെ രണ്ടാം ഘട്ട പരിപാടികൾക്ക് തുടക്കമായി appeared first on Valanchery Online.