law college Archives - Valanchery Online

കുറ്റിപ്പുറം കെ.എം.സി.ടി ലോ കോളേജിലെ സമരം; നിരാഹാരമിരുന്ന വിദ്യാർഥികളെ അശുപത്രിയിലേക്ക് മാറ്റി

വളാഞ്ചേരിക്കാരൻ — Sat, 01 Dec 2018 17:32:04 +0000

വളാഞ്ചേരി: അധ്യാപകൻ മാനസികമായി പീഢിപ്പിക്കുന്നുവെന്നാരോപിച്ച് കഴിഞ്ഞ മൂന്നു ദിവസങ്ങളായി കുറ്റിപ്പുറം കെ.എം.സി.ടി ലോ കോളേജിൽ നിരാഹാര സമരം നടത്തി വന്ന വിദ്യാർഥികളെ അശുപത്രിയിലേക്ക് മാറ്റി.

ആരോഗ്യസ്ഥിതി അപകടനിലയിലായതിനെ തുടർന്ന് നിരാഹാരം കിടന്നിരുന്ന ആഗ്നേയ് നന്ദൻ, അബ്ദുൽ ഹനാൻ, സായൂജ്, നിഷ്വിൻ എന്നിവരെ കുറ്റിപ്പുറം ബ്ലോക്ക് പഞ്ചായത്ത് മെമ്പർ കെ.ടി സിദ്ദീഖിന്റെ നേതൃത്വത്തിൽ നാട്ടുകാർ കുറ്റിപ്പുറം താലൂക്ക് അശുപത്രിയിലേക്ക് മാറ്റി. വിദ്യാർഥികളുടെ സമരം അവസാനിപ്പിക്കുവാനോ ചർച്ചക്കു വിളിക്കുവാനോ തയ്യാറാകാത്ത മാനേജ്മെന്റിന്റെ നടപടിയിൽ പ്രധിഷേധം രേഖപ്പെടുത്തുന്നതായി കെ.ടി സിദ്ധീഖ് പറഞ്ഞു.

ഇതേ തുടർന്ന് രണ്ടാം ഘട്ടമായി പകരം മൂന്ന് പേർ നിരാഹാരം തുടങ്ങി. അമീൻ യാസിർ, ഫാഇസ് തേവലക്കര, അർഷദ് തരുവറ എന്നിവരാണ് നിരാഹാരം ആരംഭിച്ചത്.

വിദ്യാർഥിനിയുടെ പരാതിയും വിദ്യാർഥികൾ ഉപരോധിച്ചതായി അധ്യാപകന്റെ പരാതിയും ലഭിച്ചതായി പോലീസ് പറഞ്ഞു. തിങ്കളാഴ്ച കോളേജിലെത്തി വിശധമായി അന്വേഷിക്കുമെന്നും പരാതി കഴമ്പുള്ളതാണെന്ന് കണ്ടാൽ എഫ്.ഐ.ആർ റജിസ്റ്റർ ചെയ്യുമെന്നും പോലീസ് അറിയിച്ചു. എന്നാൽ അധ്യാപകനെതിരെയുള്ള ആരോപണങ്ങൾ അടിസ്ഥാനരഹിതമെന്നാണ് പ്രിൻസിപ്പലിന്റെ വിശദീകരണം. വിദ്യാർഥി സമരത്തെത്തുടർന്ന് കോളേജ് അനിശ്ചിതകാലത്തേക്ക് അടച്ചിട്ടിരിക്കുകയാണ്.

The post കുറ്റിപ്പുറം കെ.എം.സി.ടി ലോ കോളേജിലെ സമരം; നിരാഹാരമിരുന്ന വിദ്യാർഥികളെ അശുപത്രിയിലേക്ക് മാറ്റി appeared first on Valanchery Online.

വിദ്യാർഥി സമരം മൂന്നാം ദിവസത്തിൽ; കുറ്റിപ്പുറം കെ.എം.സി.ടി ലോ കോളേജ് അനിശ്ചിതകാലത്തേക്ക് അടച്ചു

വളാഞ്ചേരിക്കാരൻ — Fri, 30 Nov 2018 18:09:02 +0000

കുറ്റിപ്പുറം: വിദ്യാർഥികളെ മാനസികമായി പീഢിപ്പിക്കുകയും പ്രതികാര ബുദ്ധിയോടെ പെരുമാറുകയും ചെയ്യുന്ന കുറ്റിപ്പുറം കെ.എം.സി.ടി ലോ കോളേജ് മാനേജ്മെന്റിന്റെ നടപടിയിലെ പ്രതിഷേധിച്ച് വിദ്യാർഥികൾ നടത്തിവരുന്ന സമരം മൂന്നാം ദിവസത്തേക്ക് കടന്നു.

ഉപരോധസമരം രണ്ടാം ദിനം മുതൽ നിരാഹാര സമരമായി മാറിയിട്ടുണ്ട്. ദളിത് വിദ്യാർഥിനിയെ ജാതിപേര് വിളിച്ച് അപമാനിച്ഛതായും മറ്റൊരു വിദ്യാർഥിനിയുടെ കൈയിൽ കയറിപിടിച്ചതായും യു.യു.സിയോട അപമര്യാദമായി പെരുമാറിയതായും വിദ്യാർഥികൾ ആരോപിക്കുന്നു. കൂടാതെ, യാതൊരു തെളിവും ലഭിക്കാതെ കോപ്പിയടിച്ചെന്ന് ആരോപിച്ച് വിദ്യാർഥികളെ പരിക്ഷ എഴുതാൻ പോലും അനുവദിച്ചില്ലെന്നും ഇവർ പറയുന്നു.

വിദ്യാർഥിനികളെ അപമാനിച്ച അധ്യാപകനെതിരെ നടപടി ആവശ്യപ്പെട്ട് രഷ്ട്രീയഭേദമന്യെ വിദ്യാർഥികൾ ഒന്നടങ്കം സമരത്തിൽ പങ്കെടുക്കുന്നുണ്ട്. ഇവർ നടത്തി വന്ന അനിശ്ചിതകാല നിരാഹാര സമരം രണ്ടാം ദിവസത്തിലേക്ക് കടന്നപ്പോഴാണ് കോളേജ് അനിശ്ചിതകാലത്തേക്ക് അടച്ചിടാൻ മാനേജ്മെന്റ് തീരുമാനമെടുത്തത്. എന്നാൽ സമരമുഖത്തുനിന്ന് പിന്നോട്ടില്ലെന്ന തീരുമാനത്തിലാണ് വിദ്യാർഥികൾ.

The post വിദ്യാർഥി സമരം മൂന്നാം ദിവസത്തിൽ; കുറ്റിപ്പുറം കെ.എം.സി.ടി ലോ കോളേജ് അനിശ്ചിതകാലത്തേക്ക് അടച്ചു appeared first on Valanchery Online.

കെ.എം.സി.ടി. ലോ കോളേജിൽ വിദ്യാർഥികൾ നിരാഹാരസമരം തുടങ്ങി

വളാഞ്ചേരിക്കാരൻ — Fri, 30 Nov 2018 00:00:37 +0000

കുറ്റിപ്പുറം: അധ്യാപകനെതിരേ നടപടിയാവശ്യപ്പെട്ട് കെ.എം.സി.ടി. ലോ കോളേജിൽ വിദ്യാർഥികൾ നിരാഹാരസമരം തുടങ്ങി. അധ്യാപകനെതിരേ ഒട്ടേറെ പരാതികൾ ഉയർന്നിട്ടും നടപടിയെടുക്കാൻ മാനേജ്‌മെന്റ് തയ്യാറാകാത്തതിൽ പ്രതിഷേധിച്ചാണ് സമരം.

മാനേജ്‌മെന്റ് നടപടിയിൽ പ്രതിഷേധിച്ച് ഏതാനും ദിവസങ്ങളായി യൂണിയന്റെ നേതൃത്വത്തിൽ വിദ്യാർഥികൾ പഠിപ്പുമുടക്ക് സമരത്തിലായിരുന്നു. സമരം ശക്തിപ്പെടുത്തുന്നതിന്റെ ഭാഗമായാണ് നിരാഹാരസമരം. ആരോപണവിധേയനായ അധ്യാപകൻ മുൻവൈരാഗ്യം തീർക്കാൻ അവസാനവർഷ വിദ്യാർഥിനിയെ കോപ്പിയടിച്ചു എന്നാരോപിച്ച് പരീക്ഷയെഴുതാൻ അനുവദിക്കാതെ ഹാളിൽനിന്ന് ഇറക്കിവിട്ടെന്നാണ് വിദ്യാർഥികളുടെ പരാതി.

അതേസമയം അധ്യാപകനെതിരായ പരാതികൾ കെട്ടിച്ചമച്ചതാണെന്നാണ് മാനേജ്‌മെന്റ് പറയുന്നത്. പരീക്ഷയ്ക്കിടയിൽ മറ്റു വിദ്യാർഥികളോട് ചോദിച്ചെഴുതുന്നത് പിടികൂടിയതിന്റെ വൈരാഗ്യം തീർക്കാനാണ് അധ്യാപകനെതിരേ വിദ്യാർഥികൾ പരാതിയുമായി രംഗത്തെത്തിയിരിക്കുന്നതെന്നും മാനേജ്‌മെന്റ് കുറ്റപ്പെടുത്തി. ഇക്കാര്യങ്ങളെല്ലാം രക്ഷിതാക്കളെ ബോധ്യപ്പെടുത്തിയിട്ടുണ്ടെന്നും മാനേജ്‌മെന്റ് അധികൃതർ അറിയിച്ചു.

The post കെ.എം.സി.ടി. ലോ കോളേജിൽ വിദ്യാർഥികൾ നിരാഹാരസമരം തുടങ്ങി appeared first on Valanchery Online.