kuttippuram sub district Archives - Valanchery Online

ഗാന്ധിദർശൻ സമിതി കുറ്റിപ്പുറം ഉപജില്ലാ കലോത്സവം മാറാക്കര എ.യു.പി. സ്‌കൂളിൽ നടന്നു

വളാഞ്ചേരിക്കാരൻ — Sat, 25 Nov 2023 01:26:12 +0000

മാറാക്കര: ഗാന്ധിദർശൻ സമിതി കുറ്റിപ്പുറം ഉപജില്ലാ കലോത്സവം മാറാക്കര എ.യു.പി. സ്‌കൂളിൽ നടന്നു. പഞ്ചായത്ത് പ്രസിഡന്റ് സജിത നന്നേങ്ങാടൻ ഉദ്ഘാടനംചെയ്തു. പി.ടി.എ. പ്രസിഡന്റ് മുഹമ്മദ് പള്ളിമാലിൽ അധ്യക്ഷതവഹിച്ചു. ഗാന്ധിദർശൻ ജില്ലാസമിതി കൺവീനർ നാരായണൻ ഗാന്ധിസന്ദേശം നൽകി. ടി. വൃന്ദ, വാർഡ് അംഗം കെ.പി. അനീസ്, കുറ്റിപ്പുറം എ.ഇ.ഒ. വി.കെ. ഹരീഷ്, ഷംല ബഷീർ, ബി.പി.സി. ടി. സലീം, നസീർ തിരൂർക്കാട്, നാരായണൻ, ടി.എം. കൃഷ്ണദാസ് എന്നിവർ പ്രസംഗിച്ചു. വിവിധ മത്സരങ്ങളുമുണ്ടായി. സമാപനസമ്മേളനം പഞ്ചായത്ത് വൈസ് പ്രസിഡന്റ് ഒ.പി. കുഞ്ഞിമുഹമ്മദ് ഉദ്ഘാടനംചെയ്തു.

The post ഗാന്ധിദർശൻ സമിതി കുറ്റിപ്പുറം ഉപജില്ലാ കലോത്സവം മാറാക്കര എ.യു.പി. സ്‌കൂളിൽ നടന്നു appeared first on Valanchery Online.

കുറ്റിപ്പുറം ഉപജില്ല കലാമേള; ക്ലസ്റ്റർ ബുക്ക് പ്രകാശനം ചെയ്തു

വളാഞ്ചേരിക്കാരൻ — Mon, 13 Nov 2023 00:55:53 +0000

മാറാക്കര:കുറ്റിപ്പുറം ഉപജില്ല കലോത്സവത്തിൻ്റെ പ്രോഗ്രാം കമ്മിറ്റി പ്രസിദ്ധീകരണമായ “കലയോളം പടർന്നൊരു ആകാശത്തുണ്ട്..” വർക്കിങ്ങ് ചെയർമാൻ കെ.പി രമേഷ് സ്കൂൾ മാനേജർ ചോലയിൽ ബഷീറിന് നല്കി പ്രകാശനം ചെയ്തു. ചടങ്ങിൽ പ്രോഗ്രാം കൺവീനർ സുന്ദരൻ കെ സ്വാഗതം പറഞ്ഞു. പ്രോഗ്രാം ചെയർമാനും വാർഡ് മെമ്പറുമായ കെ.പി അനീസ്, ബ്ലോക്ക് മെമ്പർ ഒ.കെ സുബൈർ, പി.എ ഗോപാലകൃഷ്ണൻ, മുഹമ്മദ് ഷെരീഫ് കെ, വി.മധുസൂധനൻ, എ.പി.മൊയ്തീൻ കുട്ടി, ജനറൽ കൺവീനർ റഷീദ് വട്ടപ്പറമ്പിൽ, സുരേഷ് കുമാർ കടവത്ത്, റസാഖ് ഒ.കെ., ശശി.ഇ.എം, ,അഹമ്മദ് മാസ്റ്റർ എന്നിവർ സംസാരിച്ചു.

The post കുറ്റിപ്പുറം ഉപജില്ല കലാമേള; ക്ലസ്റ്റർ ബുക്ക് പ്രകാശനം ചെയ്തു appeared first on Valanchery Online.

കുറ്റിപ്പുറം ഉപജില്ലാ കലോത്സവം സമാപിച്ചു

വളാഞ്ചേരിക്കാരൻ — Fri, 25 Nov 2022 02:08:09 +0000

കുറ്റിപ്പുറം : കുറ്റിപ്പുറം ഗവ. ഹയർസെക്കൻഡറി സ്കൂളിൽ നടന്ന ഉപജില്ലാ കലോത്സവം സമാപിച്ചു. ഹയർസെക്കൻഡറി വിഭാഗത്തിൽ ജി.എച്ച് എസ്.എസ്. ഇരിമ്പിളിയം 232 പോയിന്റ് നേടി ജേതാക്കളായി. 214 പോയിന്റ് നേടിയ ജി.എച്ച്.എസ്.എസ്. കുറ്റിപ്പുറം രണ്ടാം സ്ഥാനവും 209 പോയിന്റ് നേടി എം.ഇ.എസ്. എച്ച്.എസ്.എസ്. ഇരിമ്പിളിയം മൂന്നാം സ്ഥാനവും നേടി.

ഹൈസ്കൂൾ വിഭാഗത്തിൽ എം.ഇ.എസ്.എച്ച്.എസ്.എസ്. ഇരിമ്പിളിയം 222 പോയിന്റ് നേടി ഒന്നാം സ്ഥാനം നേടി. 158 പോയിന്റ് നേടിയ ജി.എച്ച്.എസ്.എസ്. കുറ്റിപ്പുറം രണ്ടാം സ്ഥാനവും 147 പോയിന്റ് നേടിയ എം.എസ്.എം.എച്ച്.എസ്.എസ്. കല്ലിങ്ങപ്പാറ മൂന്നാംസ്ഥാനവും നേടി.

യു.പി. വിഭാഗത്തിൽ ടി.ആർ.കെ.യു.പി.എസ്. വളാഞ്ചേരി 80 പോയിന്റ് നേടി ഒന്നാംസ്ഥാനത്തെത്തി. 78 പോയിന്റ് നേടിയ എ.യു.പി.എസ്. കാടാമ്പുഴയും എ.എം.യു.പി.എസ്. ഇരുമ്പിളിയവും രണ്ടാംസ്ഥാനം പങ്കിട്ടു. 76 പോയിന്റ് നേടിയ എ.യു.പി.എസ്. വടക്കുംപുറത്തിനാണ് മൂന്നാംസ്ഥാനം. എൽ.പി. വിഭാഗത്തിൽ എ.എം.എൽ.പി.എസ്. പുത്തനത്താണിയും എ.എം.എൽ.പി.എസ്. എടയൂർ നോർത്തും 55 പോയിന്റുകൾ നേടി ഒന്നാംസ്ഥാനം പങ്കിട്ടു. 54 പോയിന്റ് നേടിയ ജി.എൽ.പി.എസ് ചെല്ലൂർ, 52 പോയിന്റ് നേടിയ ജി.എൽ.പി.എസ്. കാരക്കാട് എന്നിവർ മൂന്നാംസ്ഥാനവും നേടി.

അറബിക് കലോത്സവത്തിൽ എൽ.പി. വിഭാഗത്തിൽ എച്ച്.എ.എൽ.പി.എസ്. എടയൂർ, യു.പി. വിഭാഗത്തിൽ ഐ.ആർ.എച്ച്.എസ്. പൂക്കാട്ടിരി, ഹൈസ്കൂൾ വിഭാഗത്തിൽ ജി.വി.എച്ച്.എസ്.എസ്. കല്പകഞ്ചേരി എന്നിവ ജേതാക്കളായി. സംസ്കൃത കലാമേളയിൽ യു.പി. വിഭാഗത്തിൽ എ.യു.പി.എസ്. മാറാക്കരയും ഹൈസ്കൂൾ വിഭാഗത്തിൽ വി.വി.എം. എച്ച്.എസ്.എസ്. മാറാക്കരയും ഒന്നാംസ്ഥാനം നേടി. സമാപന സമ്മേളനം പി.ടി.എ. പ്രസിഡന്റ്‌ സി.കെ. ജയകുമാർ ഉദ്ഘാടനം ചെയ്തു. ജനറൽ കൺവീനർ എം. ഷീബ അധ്യക്ഷയായി. കുറ്റിപ്പുറം എസ്.ഐ. വാസുണ്ണി, എ.ഇ.ഒ. വി.കെ. ഹരീഷ് കേശവൻ തുടങ്ങിയവർ പ്രസംഗിച്ചു.

The post കുറ്റിപ്പുറം ഉപജില്ലാ കലോത്സവം സമാപിച്ചു appeared first on Valanchery Online.

കുറ്റിപ്പുറം ഉപജില്ലാ കായികമേള; അഞ്ചാംതവണയും കല്ലിങ്ങൽപ്പറമ്പ്‌ എം.എസ്.എം.എച്ച്.എസ്.എസ്. ജേതാക്കൾ

വളാഞ്ചേരിക്കാരൻ — Sat, 19 Nov 2022 01:18:11 +0000

കുറ്റിപ്പുറം: മർക്കസ് ഹയർ സെക്കൻഡറി സ്കൂളിൽ നടന്ന കുറ്റിപ്പുറം ഉപജില്ലാ കായികമേളയിൽ 318 പോയിന്റുകളുമായി കല്ലിങ്ങൽപ്പറമ്പ്‌ എം.എസ്.എം. ഹയർസെക്കൻഡറി സ്കൂൾ ജേതാക്കളായി. തുടർച്ചയായി അഞ്ചാംതവണയാണ് ഇവർ ഓവറോൾ ജേതാക്കളാകുന്നത്. 102 പോയിന്റോടെ ജി.വി.എച്ച്.എസ്.എസ്. കൽപ്പകഞ്ചേരി രണ്ടാംസ്ഥാനം നേടി. 79പോയിന്റോടെ അതവനാട് ജി.എച്ച്.എസ്.എസിനാണ് മൂന്നാംസ്ഥാനം. തിരൂർ നിയോജകമണ്ഡലം എം.എൽ.എ. കുറുക്കോളി മൊയ്തീൻ ട്രോഫികൾ വിതരണംചെയ്തു. കുറ്റിപ്പുറം ബ്ലോക്ക് പ്രസിഡന്റ് വസീമ വേളേരി, വൈസ് പ്രസിഡന്റ് കെ.ടി. ആസാദ്, ഹരീഷ്, അബ്ദുൽവഹാബ്, വിജയകുമാർ, അബ്ദുൽസലീം, പി.എൻ. രാജീവ്, വി.പി. സുമേഷ്, സാജിദ് എന്നിവർ പ്രസംഗിച്ചു.

The post കുറ്റിപ്പുറം ഉപജില്ലാ കായികമേള; അഞ്ചാംതവണയും കല്ലിങ്ങൽപ്പറമ്പ്‌ എം.എസ്.എം.എച്ച്.എസ്.എസ്. ജേതാക്കൾ appeared first on Valanchery Online.

കുറ്റിപ്പുറം ഉപജില്ലാ സ്കൂൾ കലോത്സവം 19-ന് തുടങ്ങും; ലോഗോ പ്രകാശനം ചെയ്തു

വളാഞ്ചേരിക്കാരൻ — Fri, 11 Nov 2022 00:45:09 +0000

കുറ്റിപ്പുറം : ഉപജില്ലാ സ്കൂൾ കലോത്സവം 19 മുതൽ 23 വരെ കുറ്റിപ്പുറം ഗവ. ഹയർസെക്കൻഡറി സ്കൂൾ, ജൂനിയർ ടെക്നിക്കൽ ഹൈസ്കൂൾ, പേരശ്ശന്നൂർ ഹയർസെക്കൻഡറി സ്കൂൾ എന്നിവിടങ്ങളിലായി നടക്കുമെന്ന് സ്വാഗതസംഘം ഭാരവാഹികൾ പത്രസമ്മേളനത്തിൽ അറിയിച്ചു. ഒൻപത് വേദികളിലായാണ് മത്സരങ്ങൾ. 20-ന് നടക്കുന്ന പ്രീ പ്രൈമറി കുട്ടികളുടെ കലോത്സവത്തോടൊപ്പം ഭിന്നശേഷി വിദ്യാർഥികളുടെ കലാപരിപാടികളും അരങ്ങേറും. 21-ന് രാവിലെ 9 മണിക്ക് ജൂനിയർ ടെക്നിക്കൽ ഹൈസ്കൂളിൽനിന്ന്‌ ഹയർസെക്കൻഡറി സ്കൂളിലേക്ക് വിളംബരജാഥ നടക്കും. വൈകുന്നേരം നാലുമണിക്ക് കെ.കെ. ആബിദ് ഹുസൈൻ തങ്ങൾ എം.എൽ.എ. കലാമേള ഉദ്ഘാടനം ചെയ്യും. പൂർണമായും ഗ്രീൻ പ്രോട്ടോക്കോൾ പാലിച്ച് നടത്തുന്ന മേളയിൽ കുറ്റിപ്പുറം ഗവ. ഹയർസെക്കഡറി സ്കൂളിലെ വിദ്യാർഥികൾ ഭക്ഷണ പവിലിയനും ലഹരിവിരുദ്ധ കോർണറും ഒരുക്കും. കരിപ്പോൾ സ്കൂളിലെ അധ്യാപകൻ ശ്രീനിവാസൻ വരച്ച കലോത്സവ ലോഗോയുടെ പ്രകാശനം സ്വാഗതസംഘം ചെയർപേഴ്സൺ കൂടിയായ ഗ്രാമപ്പഞ്ചായത്ത് പ്രസിഡന്റ് ഫസീന അഹമ്മദ്കുട്ടി നിർവഹിച്ചു. എ.ഇ.ഒ. വി.കെ. ഹരീഷ്, പി.ടി.എ. പ്രസിഡന്റ് സി.കെ. ജയകുമാർ, എം. ഷീബ, ശാരദാമണി തുടങ്ങിയവർ പത്രസമ്മേളനത്തിൽ പങ്കെടുത്തു.

The post കുറ്റിപ്പുറം ഉപജില്ലാ സ്കൂൾ കലോത്സവം 19-ന് തുടങ്ങും; ലോഗോ പ്രകാശനം ചെയ്തു appeared first on Valanchery Online.

കുറ്റിപ്പുറം ഉപജില്ലാ ശാസ്ത്രോത്സവം ശനിയാഴ്ച തുടങ്ങും; സ്വാഗത സംഘം രൂപീകരിച്ചു

വളാഞ്ചേരിക്കാരൻ — Thu, 20 Oct 2022 10:07:17 +0000

വളാഞ്ചേരി : കുറ്റിപ്പുറം ഉപജില്ലാ സ്‌കൂൾ ശാസ്ത്രോത്സവം ശനിയാഴ്ച ആരംഭിക്കും. വളാഞ്ചേരി ഹയർസെക്കൻഡറി സ്‌കൂൾ, ഗേൾസ് ഹയർസെക്കൻഡറി സ്‌കൂൾ, മാറാക്കര വി.വി.എം. ഹയർസെക്കൻഡറി സ്‌കൂൾ എന്നിവിടങ്ങളിലായാണ് മേള നടക്കുക. വളാഞ്ചേരി എച്ച്.എസ്.എസിൽ നടന്ന സ്വാഗതസംഘം രൂപവത്കരണയോഗം നഗരസഭാധ്യക്ഷൻ അഷറഫ് അമ്പലത്തിങ്ങൽ ഉദ്ഘാടനം ചെയ്തു. പി.ടി.എ. പ്രസിഡന്റ് നസീർ തിരൂർക്കാട് അധ്യക്ഷത വഹിച്ചു. പ്രിൻസിപ്പൽ എം.പി. ഫാത്തിമക്കുട്ടി, കൗൺസിലർമാരായ കെ.വി. ഉണ്ണിക്കൃഷ്ണൻ, സാജിത, കുറ്റിപ്പുറം എ.ഇ.ഒ. വി.കെ. ഹരീഷ്, അബ്ദുൾസലാം കവറൊടി, കെ.പി. അബ്ദുൽകരീം, കരീം നാലകത്ത്, യു. ശിഹാബ്, ഗേൾസ് എച്ച്.എസ്.എസ്. പ്രിൻസിപ്പൽ വി.കെ. പ്രീത തുടങ്ങിയവർ പ്രസംഗിച്ചു. ഭാരവാഹികൾ: അഷറഫ് അമ്പലത്തിങ്ങൽ(ചെയർ.), എം.പി. ഫാത്തിമക്കുട്ടി(ജന. കൺ.).

The post കുറ്റിപ്പുറം ഉപജില്ലാ ശാസ്ത്രോത്സവം ശനിയാഴ്ച തുടങ്ങും; സ്വാഗത സംഘം രൂപീകരിച്ചു appeared first on Valanchery Online.

അഞ്ച് ലക്ഷം രൂപയുടെ കോവിഡ് സഹായ പദ്ധതിയുമായി കെ.പി.എസ്.ടി.എ കുറ്റിപ്പുറം ഉപ ജില്ല കമ്മിറ്റി

വളാഞ്ചേരിക്കാരൻ — Sun, 30 May 2021 06:38:59 +0000

വളാഞ്ചേരി:കുറ്റിപ്പുറം ഉപ ജില്ലയിലെ കെ.പി.എസ്.ടിയുടെ 5 ലക്ഷം രൂപയുടെ കോവിഡ് സഹായ പദ്ധതി. സംസ്ഥാന കമ്മിറ്റി നൽകുന്ന മൂന്നു കോടി രൂപയുടെ ഗുരു സ്പർശം രണ്ടാംഘട്ട കോവിഡ് സഹായ പദ്ധതിയുടെ ഭാഗമായാണിത്. കുറ്റിപ്പുറം താലൂക്ക് ഹോസ്പിറ്റലിലേക്ക് ഓക്സിജൻ കോൺസൻട്രേറ്റർ നൽകി കൊണ്ട് ഉപജില്ലാതല പരിപാടികളുടെ ഉദ്ഘാടനം കോട്ടക്കൽ നിയോജക മണ്ഡലം എംഎൽഎ ആബിദ് ഹുസൈൻ തങ്ങൾ നിർവഹിച്ചു ഉപജില്ല പ്രസിഡന്റ് സൻജീദ് അധ്യക്ഷത വഹിച്ചു.

ബ്ലോക്ക് പഞ്ചായത്ത് പ്രസിഡന്റ് വസീമ വേളേരി, വൈസ് പ്രസിഡന്റ് എ പി ആസാദ് , മോഹനൻ സി.പി,ഷഫീഖ് വി.കെ, എ.പി നാരയണൻ , ടി വി രഘുനാഥ്, ബെന്നി തോമസ്, ഷഹനാസ് , മൻസൂർ, രാമകൃഷ്ണൻ, അബൂബക്കർ ,ഷാഹുൽ ഹമീദ് , ധനേഷ് പി , മൻസൂർ, യഹ്‌യ , ആയിഷ ചിറ്റത്ത്, പി.സി.എ നൂർ, റിംഷാനി, ഡോ. ആലിയാമു എന്നിവർ സംബന്ധിച്ചു.
ഹെൽത്ത് സെൻററുകൾക്ക് 35,000 രൂപയുടെ മെഡിക്കൽ ഉപകരണങ്ങൾ അടങ്ങിയ കിറ്റുകൾ, ശമ്പളമില്ലാതെ ദുരിതത്തിലായ പ്രീ പ്രൈമറി അധ്യാപകർക്ക് സഹായധനം, ബുദ്ധിമുട്ടനുഭവിക്കുന്ന അന്യസംസ്ഥാന തൊഴിലാളികൾക്ക് ഭക്ഷ്യകിറ്റുകൾ, പൊതിച്ചോറുകളുടെ വിതരണം, ബുദ്ധിമുട്ട് അനുഭവിക്കുന്നവർക്കുള്ള മരുന്നുകളുടെ വിതരണം, അണുനശീകരണ ഉപകരണങ്ങളുടെ വിതരണം തുടങ്ങിയ പദ്ധതികളാണ് ഉപജില്ലയിൽ അധ്യാപക കൂട്ടായ്മയിൽ നടപ്പിലാക്കുന്നത്.

The post അഞ്ച് ലക്ഷം രൂപയുടെ കോവിഡ് സഹായ പദ്ധതിയുമായി കെ.പി.എസ്.ടി.എ കുറ്റിപ്പുറം ഉപ ജില്ല കമ്മിറ്റി appeared first on Valanchery Online.

കൽപ്പകഞ്ചേരി പി.എച്.സിക്ക് പൾസ് ഓക്സിമീറ്റർ കൈമാറി കെ.എസ്.ടി.യു കുറ്റിപ്പുറം സബ് ജില്ലാ കമ്മറ്റി

വളാഞ്ചേരിക്കാരൻ — Tue, 18 May 2021 09:13:51 +0000

കൽപ്പകഞ്ചേരി: കോവിഡ് മഹാമാരി രാജ്യമൊട്ടുക്കും പ്രതിസന്ധി തീർത്ത ഈ സമയത്ത് കുറ്റിപ്പുറം സബ് ജില്ലാ കെ.എസ്.ടി.യു കൽപ്പകഞ്ചേരി പി.എച്.സിക്ക് പൾസ് ഓക്സിമീറ്റർ കൈമാറി. കോവിഡ് രോഗികളുടെ രക്തത്തിലെ പ്രാണവായുവിൻ്റെ അളവും ഹൃദയമിടിപ്പിൻ്റെ എണ്ണവും അറിയുന്നതിന് ഈ ഉപകരണം അത്യാവശ്യമാണ്. ഈ സാഹചര്യത്തിലാണ് അധ്യാപക സംഘടനയായ കെ.എസ്.ടി.യു ഇത്തരമൊരു സൽപ്രവൃത്തിയുമായി വന്നതെന്ന് ഗ്രാമപഞ്ചായത്ത് പ്രസിഡണ്ട് പറഞ്ഞു.

കെ.എസ്.ടി.യു നൽകിയ പൾസ് ഒക്സോ മീറ്റർ ഏറ്റുവാങ്ങി മെഡിക്കൽ ഓഫീസർക്ക് കൈമാറിയ ശേഷം സംസാരിക്കുകയായിരുന്നു അവർ. കോവിഡ് പ്രോട്ടോകോൾ പാലിച്ച് നടന്ന പരിപാടിയിൽ കെ.എസ്.ടി.യു ഭാരവാഹികൾ, ഗ്രാമപഞ്ചായത്ത് പ്രതിനിധികൾ, പി.എച്ച്.സി ഉദ്യോഗസ്ഥർ എന്നിവർ പങ്കെടുത്തു.

The post കൽപ്പകഞ്ചേരി പി.എച്.സിക്ക് പൾസ് ഓക്സിമീറ്റർ കൈമാറി കെ.എസ്.ടി.യു കുറ്റിപ്പുറം സബ് ജില്ലാ കമ്മറ്റി appeared first on Valanchery Online.

കെ.എസ്.ആർ.ടി.സി ബസ് യാത്രക്കാർക്ക് ഉപയോഗിക്കാനുള്ള സാനിറ്റൈസർ കൈമാറി എ.കെ.എസ്.ടി.യു കുറ്റിപ്പുറം ഉപജില്ലാ കമ്മിറ്റി

വളാഞ്ചേരിക്കാരൻ — Wed, 03 Jun 2020 16:26:22 +0000

വളാഞ്ചേരി: ആൾ കേരള സ്കൂൾ ടീച്ചേഴ്സ് യൂണിയൻ (എ.കെ.എസ്.ടി.യു ) കുറ്റിപ്പുറം ഉപജില്ലാ കമ്മിറ്റിയുടെ ആഭിമുഖ്യത്തിൽ കെ.എസ്.ആർ.ടി.സി ബസ് യാത്രക്കാർക്ക് ഉപയോഗിക്കാനുള്ള സാനിറ്റൈസർ കൈമാറി.എ.കെ.എസ്.ടി.യു ജില്ലാ പ്രസിഡണ്ട് പി.എം. സുരേഷ്, ഉപജില്ല സെക്രട്ടറി ബി.പി. ശ്രീജിത്ത് എന്നിവർ ചേർന്ന് സാനിറ്റൈസർ കെ.എസ്.ആർ.ടി.സി ഡയറക്ടർ ബോർഡ് അംഗം കെ.കെ. ഫൈസൽ തങ്ങൾക്ക് കൈമാറിയത്. സാമ്പത്തിക പ്രതിസന്ധിയെ തുടർന്ന് കോവിഡ് പ്രതിരോധ പ്രവർത്തനങ്ങളുടെ ഭാഗമായി കെ.എസ്.ആർ.ടി.സി ബസ്സുകളിൽ യാത്ര ചെയ്യുന്നവർക്ക് ഉപയോഗിക്കുന്നതിനുള്ള സാനിറ്റൈസറിൽ ക്ഷാമം നേരിട്ടു കൊണ്ടിരിക്കുകയാണ്. ഇതിനെ തുടർന്നാണ് പ്രവർത്തകർ സാനിറ്റൈസർ കൈമാറിയത്. വിവിധ സർക്കാർ ഓഫീസുകളിൽ എത്തുന്നവർക്ക് നൽകുന്നതിനായി മാസ്ക്കുകളും, ആരോഗ്യ പ്രവർത്തകർക്ക് പി.പി.ഇ കിറ്റുകളും എ.കെ.എസ്.ടി.യു പ്രവർത്തകർ നേരത്തെ കൈമാറിയിരുന്നു. സംഘടനകളിൽ നിന്നും പൊതുജനങ്ങളിൽ നിന്നും ശേഖരിക്കുന്ന സാനിറ്റൈസർ ജില്ലയിലെ വിവിധ ഡിപ്പോകൾക്ക് കൈമാറുമെന്ന് ഡയറക്ടർ ബോർഡ് അംഗം പറഞ്ഞു.

The post കെ.എസ്.ആർ.ടി.സി ബസ് യാത്രക്കാർക്ക് ഉപയോഗിക്കാനുള്ള സാനിറ്റൈസർ കൈമാറി എ.കെ.എസ്.ടി.യു കുറ്റിപ്പുറം ഉപജില്ലാ കമ്മിറ്റി appeared first on Valanchery Online.

വി.പി ചന്ദ്രശേഖരൻ നായർ വേറിട്ട വഴിയിലെ കമ്മ്യൂണിസ്റ്റ്-എ.കെ.എസ്.ടി.യു കുറ്റിപ്പുറം ഉപജില്ലാ കമ്മിറ്റി

വളാഞ്ചേരിക്കാരൻ — Sun, 19 Apr 2020 10:00:52 +0000

വളാഞ്ചേരി: ജനകീയ പ്രശനങ്ങളിൽ സജീവമായി ഇടപെടുകയും, അർഹരായ‌ജനവിഭാഗങ്ങളുടെ അവകാശപ്പൊരാട്ടത്തിൽ മുന്നണി പോരാളിയായി പ്രവർത്തിക്കുകയും ചെയ്ത കമ്മ്യൂണിസ്റ്റായിരുന്നു വി.പി ചന്ദ്രശേഖരൻ മാസ്റ്ററെന്ന് ആൾ കേരള സ്കൂൾ ടീച്ചേഴ്സ് യൂണിയൻ (എ.കെ.എസ്.ടി.യു) കുറ്റിപ്പുറം ഉപജില്ലാ കമ്മിറ്റി ഓൺലൈൻ സംവിധാനത്തിൽ നടത്തിയ അനുശോചന യോഗത്തിൽ അഭിപ്രായപ്പെട്ടു. മികച്ച അധ്യാപകൻ കൂടിയായ ചന്ദ്രശേഖരൻ മാസ്റ്റർ അധ്യാപകരുടെ പ്രശ്നങ്ങൾ ഉയർത്തി ആദ്യ കാല പോരാട്ടങ്ങളിൽ നിറ സാനിധ്യമായിരുന്നു. നിസ്വാർഥ സേവനത്തിന്റെ ഉടമയായ അദ്ധേഹം അഴിമതിക്കെതിരെ വിട്ടുവീഴ്ചയില്ലാത്ത പോരാട്ടത്തിന് നേതൃത്വം വഹിച്ചിരുന്നു. എ.കെ.എസ്.ടി.യു ഉപജില്ല സെക്രട്ടറി ബി.പി ശ്രീജിത്ത് അധ്യക്ഷത വഹിച്ചു. സംസ്ഥാന സെക്രട്ടറി എം. വിനോദ്, ജില്ലാ പ്രസിഡണ്ട് പി.എം. സുരേഷ്, ടി.ജെ രാജേഷ്, സുബോദ്,എം.ഡി. മഹേഷ് എന്നിവർ സംസാരിച്ചു.

The post വി.പി ചന്ദ്രശേഖരൻ നായർ വേറിട്ട വഴിയിലെ കമ്മ്യൂണിസ്റ്റ്-എ.കെ.എസ്.ടി.യു കുറ്റിപ്പുറം ഉപജില്ലാ കമ്മിറ്റി appeared first on Valanchery Online.

കുറ്റിപ്പുറം ഉപജില്ലാ തല പഠനോത്സവം പൈങ്കണ്ണൂർ ALP സ്കൂളിൽ നടന്നു

വളാഞ്ചേരിക്കാരൻ — Sun, 08 Mar 2020 09:03:59 +0000

കുറ്റിപ്പുറം ഉപജില്ലാ തല പഠനോത്സവം പൈങ്കണ്ണൂർ ALP സ്കൂളിൽ നടന്നു. MLA പ്രൊഫസർ ആബിദ് ഹുസൈൻ തങ്ങൾ ഉദ്ഘാടനം നിർവ്വഹിച്ചു. കുറ്റിപ്പുറം പഞ്ചായത്ത് പ്രസിഡൻ്റ് ഫസീന അഹമ്മദ് കുട്ടി അധ്യക്ഷം വഹിച്ചു. വാർഡ് മെമ്പർ വസീമ വേളേരി സ്വാഗതം പറഞ്ഞു. LSS വിജയികൾക്കുള്ള സർട്ടിഫിക്കറ്റ് വിതരണവും നടന്നു. ചടങ്ങിൽ പഞ്ചായത്തംഗം
റംല കറത്തൊടിയിൽ കുറ്റിപ്പുറം സഹരണ ബേങ്ക് പ്രസിഡൻ്റ് മoത്തിൽ ശ്രീകുമാർ എൻ.അബ്ദുൽ റഷീദ് (മാനേജർALP സ്കൂൾ) കെ ഗീത ലക്ഷ്മി (എ.ജെ.ഒ കുറ്റിപ്പുറം ഡയറക്ടർ മലപ്പുറം) പി ഉബൈദുള്ള (അസി ഡയറക്ടർ വിച്ച് എസ് സി), ബഷീർ (സീനിയർ ലക്ചർ), പി.ഗോപാല കൃഷ്ണൻ (ബിപിഒ കുറ്റിപ്പുറം), കെ.പി സലാമുദ്ദീൻ (പിടിഎ പ്രസിഡൻ്റ്) എന്നിവർ സംസാരിച്ചു.

The post കുറ്റിപ്പുറം ഉപജില്ലാ തല പഠനോത്സവം പൈങ്കണ്ണൂർ ALP സ്കൂളിൽ നടന്നു appeared first on Valanchery Online.

കുറ്റിപ്പുറം സബ്‌ജില്ലാ ഫുട്ബോൾ; കൽപ്പകഞ്ചേരി ജേതാക്കൾ

വളാഞ്ചേരിക്കാരൻ — Wed, 08 Jan 2020 00:27:49 +0000

കൽപ്പകഞ്ചേരി: എ.പി. അസ്‌ലം എവർ റോളിങ് വിന്നേഴ്സ് ട്രോഫിക്കും 88 സൂപ്പർസ്റ്റാർ റണ്ണേഴ്സ് ട്രോഫിക്കും വേണ്ടിയുള്ള കുറ്റിപ്പുറം സബ്‌ജില്ലാ ജൂനിയർ ഫുട്ബോൾ ടൂർണമെന്റിൽ ജി.എച്ച്.എസ്. പേരശ്ശനൂരിനെ പരാജയപ്പെടുത്തി ജി.വി.എച്ച്.എസ്. കൽപ്പകഞ്ചേരി ജേതാക്കളായി.

ജി.വി.എച്ച്.എസ്. കൽപ്പകഞ്ചേരിയുടെ ഫാദിൽ തങ്ങൾ മികച്ച കളിക്കാരനായി. കൽപ്പകഞ്ചേരി പഞ്ചായത്ത് പ്രസിഡന്റ് കൊടപ്പനയ്ക്കൽ ബാവ, ദുബായ്‌ റീജൻസി ഗ്രൂപ്പ് ചെയർമാൻ എ.പി. ഷംസുദ്ദീൻ ബിൻ മുഹ്‌യുദ്ദീൻ എന്നിവർ ട്രോഫികൾ വിതരണംചെയ്തു. പി.ടി. കുഞ്ഞിമുഹമ്മദ്, സി.പി. രാധാകൃഷ്ണൻ, വി. രാജീവ്, രാമചന്ദ്രൻ നെല്ലിക്കുന്ന് തുടങ്ങിയവർ പ്രസംഗിച്ചു. സംസ്ഥാന മാസ്റ്റേഴ്സ് മീറ്റിൽ വ്യക്തിഗത ചാമ്പ്യനായ തെയ്യമ്പാട്ടിൽ സിറാജുദ്ദീനെ ചടങ്ങിൽ അനുമോദിച്ചു.

The post കുറ്റിപ്പുറം സബ്‌ജില്ലാ ഫുട്ബോൾ; കൽപ്പകഞ്ചേരി ജേതാക്കൾ appeared first on Valanchery Online.