kunhalikutty Archives - Valanchery Online

പൊന്നാനിയില്‍ യു ഡി എഫ് കണ്‍വെന്‍ഷന് വന്‍ പങ്കാളിത്തം

വളാഞ്ചേരിക്കാരൻ — Mon, 18 Mar 2019 22:49:50 +0000

കോട്ടക്കല്‍: പ്രവര്‍ത്തകര്‍ക്ക് ആത്മവിശ്വാസവും ആവേശവും ഉയര്‍ത്തി പൊന്നാനി പാര്‍ലമെന്റ് മണ്ഡലം യു ഡി എഫ് കണ്‍വെന്‍ഷന്‍. ആയിരക്കണക്കിന് പ്രവര്‍ത്തകര്‍ പങ്കെടുത്ത കണ്‍വെന്‍ഷന്‍ എടപ്പാള്‍ രാജീവ്ജി നഗറില്‍ പാണക്കാട് സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം ചെയ്തു.

സ്ഥാനാര്‍ഥിയുടെ വ്യക്തിത്വവും, ഗുണവും മനസ്സിലാക്കി ബാലറ്റ് വിനിയോഗിക്കണമെന്ന് ഹൈദരലി തങ്ങള്‍ പറഞ്ഞു. തൊഴിലാളി പാര്‍ട്ടി മുതലാളി പാര്‍ട്ടിയായി മാറിയിരിക്കുകയാണെന്നും അദ്ദേഹം പറഞ്ഞു. സേച്ഛ്വാധിപത്യവും, ജനാധിപത്യവും തമ്മില്‍ ഈ തെരഞ്ഞെടുപ്പില്‍ രാജ്യത്ത് മത്സരിക്കുന്നത്. ഏത് വേണമെന്ന് ജനങ്ങള്‍ തീരുമാനിക്കുമെന്നും തങ്ങള്‍ പറഞ്ഞു.

പൊന്നാനിയില്‍ ഇ. ടി മുഹമ്മദ് ബഷീറിന്റെ ഭൂരിപക്ഷം ഒരു ലക്ഷം കവിയുമെന്ന് പി കെ കുഞ്ഞാലിക്കുട്ടി പറഞ്ഞു. ട്രെന്‍ഡ് അങ്ങനെയാണ് ചെറുപ്പക്കാര്‍ അരുംകൊല ചെയ്യപ്പെടുന്ന വെള്ളരിക്കാപ്പട്ടണമായി കേരളം മാറിയിരിക്കുകയാണ്. ഇത് കണ്ട് കേരളത്തിലെ ജനങ്ങള്‍ ഇടതുപക്ഷത്തിന് വോട്ട് ചെയ്യുമോ എന്ന് കുഞ്ഞാലിക്കുട്ടി ചോദിച്ചു. വടകരയിലെ ഇടത് സ്ഥാനാര്‍ഥിത്വം ജനങ്ങള്‍ക്ക് ഇടതുപക്ഷം നല്‍കിയ ശിക്ഷയാണെന്നും കുഞ്ഞാലിക്കുട്ടി അഭിപ്രായപ്പെട്ടു. മലപ്പുറം ജില്ലയില്‍ യു ഡി എഫ് ഭരിച്ചപ്പോഴുള്ള റോഡുകള്‍ ഇപ്പോഴുമുണ്ട്. ശീഘ്രഗതിയില്‍ കുടിവെള്ള പദ്ധതികള്‍ യു ഡി എഫ് സര്‍ക്കാര്‍ നടപ്പാക്കിയിരുന്നു. എന്ത് വികസനമാണ് ഇപ്പോഴത്തെ സംസ്ഥാന സര്‍ക്കാറിന്റെതായി കാണാനുള്ളത് എന്നും കുഞ്ഞാലിക്കുട്ടി ചോദിച്ചു.

പാര്‍ലമെന്റ് മണ്ഡലം യു ഡി എഫ് ചെയര്‍മാന്‍ പി. ടി അജയ്‌മോഹന്‍ അധ്യക്ഷത വഹിച്ചു. പ്രതിപക്ഷ നേതാവ് രമേശ് ചെന്നിത്തല, പാണക്കാട് സയ്യിദ് സാദിഖലി ശിഹാബ് തങ്ങള്‍, സ്ഥാനാര്‍ഥി ഇ. ടി മുഹമ്മദ് ബഷീര്‍, പി കെ കുഞ്ഞാലിക്കുട്ടി, പി വി അബ്ദുല്‍ വഹാബ് എം പി , ആര്യാടന്‍ മുഹമ്മദ്, സി പി ജോണ്‍, എം എല്‍ എമാരായ വി ടി ബല്‍റാം, എ പി അനില്‍കുമാര്‍, സി മമ്മുട്ടി, പി കെ അബ്ദുറബ്ബ്, ആബിദ് ഹുസൈന്‍ തങ്ങള്‍, ടി എ അഹമ്മദ് കബീര്‍, എന്‍ ശംസുദ്ദീന്‍, നേതാക്കളായ സി ഹരിദാസ്, സി വി ബാലചന്ദ്രന്‍, യു എ ലത്തീഫ്, പി എം എ സലാം, കാടാമ്പുഴ മോഹന്‍, വെന്നിയൂര്‍ മുഹമ്മദ് കുട്ടി തുടങ്ങിയവര്‍ പ്രസംഗിച്ചു.

The post പൊന്നാനിയില്‍ യു ഡി എഫ് കണ്‍വെന്‍ഷന് വന്‍ പങ്കാളിത്തം appeared first on Valanchery Online.

മുത്തലാഖ് വിഷയം; കുഞ്ഞാലിക്കുട്ടിയുടെ വസതിയിലേക്ക് പിഡിപി ബഹുജന മാർച്ച് നടത്തി

വളാഞ്ചേരിക്കാരൻ — Sun, 30 Dec 2018 11:00:25 +0000

മലപ്പുറം: മുത്തലാഖ് വിഷയത്തിൽ സമുദായവഞ്ചന കാട്ടിയെന്നാരോപിച്ച് പി.കെ. കുഞ്ഞാലിക്കുട്ടിക്കെതിരെ പി‌ഡിപി‌യും. എം.പി സ്ഥാനം രാജിവെക്കണമെന്നാവശ്യപ്പെട്ട് പി.ഡി.പി. കുഞ്ഞാലിക്കുട്ടിയുടെ വസതിയിലേക്ക് ബഹുജനമാർച്ച് നടത്തി രാവിലെ 10-ന് കാരാത്തോട് അങ്ങാടിയിൽനിന്ന് ആരംഭിച്ച മാർച്ച് കുഞ്ഞാലിക്കുട്ടിയുടെ വീട്ടുപടിക്കൽ പോലീസ് തടഞ്ഞു.

നിസാർ മേത്തർ, പിഡിപി സംസ്ഥാന ജനറൽസെക്രട്ടറി മാർച്ച് ഉദ്ഘാടനം ചെയ്തു ഇബ്രാഹിം തിരുരങ്ങാടി, വേലായുധൻ വെന്നിയൂർ, സക്കീർ പരപ്പനങ്ങാടി, സലാം മൂന്നിയൂർ, മൊയ്തീൻകുട്ടി ചുള്ളിപ്പാറ തുടങ്ങിയവർ മാർച്ചിന് നേതൃത്വം നൽകി

The post മുത്തലാഖ് വിഷയം; കുഞ്ഞാലിക്കുട്ടിയുടെ വസതിയിലേക്ക് പിഡിപി ബഹുജന മാർച്ച് നടത്തി appeared first on Valanchery Online.

ഒടുവില്‍ തീരുമാനമായി: രണ്ടാഴ്ച്ചക്കുള്ളില്‍ കരിപ്പൂരില്‍നിന്നും വലിയ വിമാനം

വളാഞ്ചേരിക്കാരൻ — Thu, 01 Feb 2018 12:59:29 +0000

മലപ്പുറം: വലിയ വിമാനങ്ങള്‍ കരിപ്പൂരില്‍ നിന്ന് വീണ്ടും പറന്നുയരാന്‍ ഇനി രണ്ടാഴ്ച്ച മാത്രം. ഇന്ന് ഡയറക്ടര്‍ ജനറല്‍ ഓഫ് സിവില്‍ ഏവിയേഷനുമായി ഡല്‍ഹിയില്‍ നടത്തിയ ചര്‍ച്ചയില്‍ ഇത് സംബന്ധിച്ച് തീരുമാനമായതായി പി.കെ കുഞ്ഞാലിക്കുട്ടി എം.പി അറിയിച്ചു.

കരിപ്പൂരില്‍ നിന്നുള്ള വലിയ വിമാനങ്ങളുടെ ചിറകടിയൊച്ച നിലച്ചിട്ട് മൂന്നു വര്‍ഷത്തിനടുത്ത് ആകുന്നു. അടുത്ത വേനല്‍ക്കാല ഷെഡ്യൂള്‍ നിലവില്‍ വരുന്നതിന് മുമ്പ് വലിയ വിമാനങ്ങളുടെ സര്‍വീസ് പുനരാരംഭിക്കാനുള്ള ശ്രമം എം പിയെന്ന ചുമതല ഏറ്റെടുത്തത് മുതല്‍ തുടങ്ങിയതാണെന്നും കുഞ്ഞാലിക്കുട്ടി പറഞ്ഞു. വ്യോമയാന മന്ത്രിഅശോക് ഗജപതി രാജുവുമായിട്ടായിരുന്നു ഔദ്യോഗികമായ ആദ്യ ചര്‍ച്ച തന്നെ. ഈ പരിശ്രമങ്ങള്‍ക്കെല്ലാം ശുഭപര്യവസ്യാനം ആകുന്നുവെന്നതാണ് ഇന്ന് ഡയറക്ടര്‍ ജനറല്‍ ഓഫ് സിവില്‍ ഏവിയേഷന്‍ ഡയറക്ടര്‍ ജനറല്‍ ശ്രീ വി എസ് ബുല്ലാറുമായി നടന്ന ചര്‍ച്ചയില്‍ വ്യക്തമാകുന്നത്.

വലിയ വിമാനങ്ങളുടെ സര്‍വീസ് പുനരാരംഭിക്കണമെന്ന റിപ്പോര്‍ട്ടിന് എയര്‍പോര്‍ട്ട് അതോറിറ്റിയുടെ അനുമതി ലഭിച്ചു കഴിഞ്ഞു. സാങ്കേതികമായും, അടിസ്ഥാന സൗകര്യത്താലും വലിയ വിമാനങ്ങള്‍ക്ക് ഇറങ്ങാനുള്ള സൗകര്യം റണ്‍വേയില്‍ ആയി കഴിഞ്ഞു. റിസയുടെ നീളം 90 മീറ്ററില്‍ നിന്ന് 240 മീറ്ററാക്കി വര്‍ധിപ്പിച്ച് സുരക്ഷ കൂട്ടാനുള്ള പ്രവര്‍ത്തിയും പുരോഗമിക്കുകയാണ്. കഴിഞ്ഞ ദിവസം ചേര്‍ന്ന വിമാനത്താവള ഉപദേശക സമിതിയുടെ യോഗം വലിയ വിമാനങ്ങളുടെ സര്‍വീസ് പുനര്‍ ആരംഭിക്കുന്നത്തിനുള്ള ദൗത്യം പൂര്‍ത്തിയാക്കാനുള്ള ഉത്തരവാദിത്വവും എന്നെ ഏല്‍പ്പിച്ചിരുന്നു.

ഡി ജി സി എ ഡയറക്ടര്‍ ജനറല്‍ ശ്രീ ബി എസ് ബുല്ലാറുമായി ഇന്ന് നടത്തിയ ചര്‍ച്ച ഫലപ്രദം ആയിരിക്കുകയാണ്. വര്‍ഷങ്ങളായി പലരിലൂടെ തുടരുന്ന ദൗത്യം യാഥാര്‍ത്ഥ്യമാകുന്നതായും കുഞ്ഞാലിക്കുട്ടി അറിയിച്ചു.

The post ഒടുവില്‍ തീരുമാനമായി: രണ്ടാഴ്ച്ചക്കുള്ളില്‍ കരിപ്പൂരില്‍നിന്നും വലിയ വിമാനം appeared first on Valanchery Online.