kt nisar babu Archives - Valanchery Online

വൈറ്റ് ഗാർഡ്; നിസാർ ബാബു ക്യാപ്റ്റൻ

വളാഞ്ചേരിക്കാരൻ — Sun, 12 Aug 2018 03:36:33 +0000

വളാഞ്ചേരി: സാമൂഹ്യ സേവനം ലക്ഷ്യമാക്കി മുസ്ലിം യൂത്ത് ലീഗിന്റെ ദുരന്ത നിവാരണ സേനയായ വൈറ്റ് ഗാർഡിന്റെ ക്യാപ്റ്റനായി കെ.ടി നിസാർ ബാബുവിനെ തെരെഞ്ഞടുത്തു. ഒരു പഞ്ചായത്തിൽ നിന്നും 31 പേർ വീതമാണ് സേനയിൽ ഉണ്ടാകുക. നിയോജക മണ്ഡലതല പരിശീലനം വരും ദിവസങ്ങളിൽ മണ്ഡലത്തിന്ടെ വിവിധ ഭാഗങ്ങളിൽ വെച്ചു നടക്കും.

The post വൈറ്റ് ഗാർഡ്; നിസാർ ബാബു ക്യാപ്റ്റൻ appeared first on Valanchery Online.

അക്ഷരലക്ഷം ക്ലാസ്സുകൾക്ക് കുറ്റിപ്പുറം ബ്ലോക്കിൽ തുടക്കമായി: ലക്‌ഷ്യം പരിപൂർണ്ണ സാക്ഷരത

വളാഞ്ചേരിക്കാരൻ — Tue, 30 Jan 2018 13:37:48 +0000

വളാഞ്ചേരി: സംസ്ഥാന സാക്ഷരതാ മിഷൻ നടപ്പിലാക്കുന്ന പരിപൂർണ്ണ നിരക്ഷരത പരിപാടിയുടെ ഭാഗമായി കുറ്റിപ്പുറം ബ്ലോക്ക് സാക്ഷരതാ മിഷൻടെ ആഭിമുഖ്യത്തിൽ അക്ഷരലക്ഷം പഠിതാക്കളുടെ സംഗമവും പാഠപുസ്തക വിതരണവും നടന്നു. ചടങ്ങിന്ടെ ഉത്ഘാടനം തിരൂർ ആർ.ഡി.ഒ ജെ മോബി നിർവഹിച്ചു . കുറ്റിപ്പുറം ബ്ലോക്ക് പഞ്ചായത്ത് പ്രസിഡന്റ് ആതവനാട് മുഹമ്മദ് കുട്ടി അധ്യക്ഷനായിരുന്നു.
കുറ്റിപ്പുറം ബ്ലോക്ക് പഞ്ചായത്ത് വൈസ് പ്രസിഡന്റ് കദീജ പാറോളി, കുറ്റിപ്പുറം ബ്ലോക്ക് പഞ്ചായത്ത് വിദ്യാഭ്യാസ സ്ഥിരം സമിതി ചെയർമാൻ കെ ടി സിദ്ദിക്ക്, തിരൂർ താസിൽദാർ വർഗീസ് , കുറ്റിപ്പുറം ബ്ലോക്ക് പഞ്ചായത്ത് സാക്ഷരതാ മിഷൻ നോഡൽ പ്രേരക് കെ ടി നിസാർ ബാബു, കെ ആശാമണി തുടങ്ങിയവർ സംസാരിച്ചു.

The post അക്ഷരലക്ഷം ക്ലാസ്സുകൾക്ക് കുറ്റിപ്പുറം ബ്ലോക്കിൽ തുടക്കമായി: ലക്‌ഷ്യം പരിപൂർണ്ണ സാക്ഷരത appeared first on Valanchery Online.

അക്ഷരലക്ഷം സർവ്വേ ഏകദിന സർവ്വേ ഇന്ന് നടക്കും

വളാഞ്ചേരിക്കാരൻ — Sun, 14 Jan 2018 05:24:40 +0000

വളാഞ്ചേരി : സംസ്ഥാനത്ത്‌ നിരക്ഷരതാ നിർമാർജ്ജന പരിപാടിയുടെ ആദ്യഘട്ടം നടപ്പാക്കുന്നതിന് വേണ്ടി അവശേഷിക്കുന്ന മുഴുവൻ പേരെയും സാക്ഷരരാക്കി കേരളത്തെ പരിപൂർണ്ണ സാക്ഷരതാ സംസ്ഥാനമാക്കി മാറ്റുക എന്ന ലക്ഷ്യത്തോടെയാണ് അക്ഷര ലക്ഷം പരിപാടി നടപ്പിലാക്കുന്നത്
ഇതിന്ടെ ഭാഗമായി നടത്തുന്ന ഏകദിന സർവ്വേ ഇന്ന് കുറ്റിപ്പുറം ബ്ലോക്ക് സാക്ഷരതാ മിഷന്റെ ആഭിമുഖ്യത്തിൽ നടക്കും. കുറ്റിപ്പുറം ബ്ലോക്ക് പഞ്ചായത്ത് പരിധിയിലെ വിദ്യാ കേന്ദ്രങ്ങൾ നിലകൊള്ളുന്ന 8 വാർഡുകളിലാണ് ആദ്യഘട്ട സർവ്വേയും തുടർ പരിപാടികളും നടപ്പിലാക്കുക . വാർഡ് തല നിരക്ഷരത നിർമാർജ്ജന സമിതികളുടെ നേതൃത്വത്തിലാണ് സർവ്വേ നടക്കുക . വീടുകളിൽ കയറി ഇറങ്ങി നടത്തുന്ന സർവ്വേയിൽ നിരക്ഷരരെ കൂടാതെ വിവിധ കാരണങ്ങളാൽ സ്കൂളിൽ നിന്നും കൊഴിഞ്ഞു പോയവരുടെ കണക്കെടുപ്പും നടത്തും .2011 ലെ സെൻസസ് പ്രകാരം സംസ്ഥാനത്ത്‌ പതിനെട്ടു ലക്ഷം നിരക്ഷരൻ ഉണ്ടെന്നാണ് കണക്ക്. സർവ്വേ ഫോമിന്റെ വിതരണോത്ഘാടനം കുറ്റിപ്പുറം ബ്ലോക്ക് പഞ്ചായത്ത് പ്രസിഡന്റ് ആതവനാട് മുഹമ്മദ് കുട്ടി ഇരിമ്പ്ളിയം ഗ്രാമ പഞ്ചായത്ത് പ്രേരക് കെ പി സാജിതക്ക് നൽകി നിർവഹിച്ചു. കുറ്റിപ്പുറം ബ്ലോക്കിൽ പരിപൂർണ്ണ സാക്ഷരതാ ഘട്ടം ഘട്ടമായി നടപ്പാക്കും എന്ന അദ്ദേഹം പറഞ്ഞു എ. ഗംഗാധരൻ അധ്യക്ഷത വഹിച്ച യോഗത്തിൽ . കുറ്റിപ്പുറം ബ്ലോക്ക് പഞ്ചായത്ത് നോഡൽ പ്രേരക് കെ ടി നിസാർ ബാബു ,കെ മുജീബ് . കെ സീനത്ത്‌ എന്നിവർ സംബന്ധിച്ചു. ജനപ്രതിനിധികൾ , സാക്ഷരത പ്രവർത്തകർ , അധ്യാപകർ , സന്നദ്ധപ്രവർത്തകർ ,കുടുംബശ്രീ പ്രവർത്തകർ , വിദ്യാർത്ഥികൾ , തുല്യത പഠിതാക്കൾ എൻ എസ് എസ് , സി എസ് എസ് വളണ്ടിയർമാർ തുടങ്ങിയവരാണ് വിവിധ ഇടങ്ങളിൽ സർവ്വേ നടത്തുന്നത് . സർവ്വേക്കുള്ള അംഗങ്ങളുടെ പരിശീലനം ഇന്നലത്തോടെ അവസാനിച്ചിരുന്നു

The post അക്ഷരലക്ഷം സർവ്വേ ഏകദിന സർവ്വേ ഇന്ന് നടക്കും appeared first on Valanchery Online.

‘പരിപൂർണ്ണ നിരക്ഷരതാ നിർമാർജ്ജനം’ കുറ്റിപ്പുറം ബ്ലോക്ക് സാക്ഷരതാ മിഷന്റെ ആഭിമുഖ്യത്തിൽ വിപുലമായ ഒരുക്കങ്ങൾ സർവ്വേ പരിശീലനം ഇന്ന് അവസാനിക്കും

വളാഞ്ചേരിക്കാരൻ — Sat, 13 Jan 2018 04:23:52 +0000

വളാഞ്ചേരി: സംസ്ഥാനത്ത്‌ പരിപൂർണ്ണ സാക്ഷരത നടപ്പിലാക്കുകയെന്ന ലക്ഷ്യത്തോടെ സംസ്ഥാന സാക്ഷരതാ മിഷൻ ആവിഷ്കരിച്ച ‘ അക്ഷരലക്ഷം’ പരിപൂർണ്ണ നിരക്ഷരതാ നിർമാർജ്ജന പരിപാടിയുടെ ആദ്യഘട്ടം തുടങ്ങുന്നതിന്ടെ മുന്നോടിയായി കുറ്റിപ്പുറം ബ്ലോക്ക് സാക്ഷരതാ മിഷന്റെ ആഭിമുഖ്യത്തിൽ നിരക്ഷരരെ കണ്ടെത്തുന്നതിനുള്ള സർവ്വേക്കുള്ള അംഗങ്ങളുടെ പരിശീലനം ആരംഭിച്ചു. വിവിധ പഞ്ചായത്തുകളിലായി സർവ്വേ പരിശീലനം ഇന്നത്തോടെ (13 /1 /18, ശനി ) പൂർത്തീകരിക്കും. വളാഞ്ചേരി മുനിസിപ്പാലിറ്റിലെ (വാർഡ് 5 കാരാട് , 28 മീമ്പാറ) എടയൂർ പഞ്ചായത്തിലെ മുക്കിലപ്പീടിക ( വാർഡ് 19 ), ഇരിമ്പിളിയം പഞ്ചായത്തിലെ പുറമണ്ണൂർ ( വാർഡ് 7 ) കുറ്റിപ്പുറം പഞ്ചായത്തിലെ കുറ്റിപ്പുറം (വാർഡ് 17 ) മാറാക്കര പഞ്ചായത്തിലെ എ സി നിരപ്പ് (വാർഡ് 16 ), കൽപകഞ്ചേരി പറവന്നൂർ ചോല ( വാർഡ് 8) ആതവനാട് പഞ്ചായത്തിലെ ചോറ്റൂർ (വാർഡ് 8 ) എന്നിവിടങ്ങളിലാണ് ആദ്യഘട്ട സർവ്വേയും അതിനാവശ്യമായുള്ള പരിശീലനം നടക്കുകന്നത് സർവ്വേയുടെ കുറ്റിപ്പുറം ബ്ലോക്ക് തല പരിശീലനത്തിന്റെ ഉത്ഘാടനം ബ്ലോക്ക് പഞ്ചായത്ത് പ്രസിഡന്റ് ആതവനാട് മുഹമ്മദ് കുട്ടി നിർവ്വഹിച്ചു. ചടങ്ങിൽ കുറ്റിപ്പുറം ബ്ലോക്ക് പഞ്ചായത്ത് ജനറൽ എക്സ്റ്റൻഷൻ ഓഫീസർ എ. ഗംഗാധരൻ യോഗം നിയന്ത്രിച്ചു. കുറ്റിപ്പുറം ബ്ലോക്ക് പഞ്ചായത്ത് നോഡൽ പ്രേരക കെ ടി നിസാർ ബാബു, ക്ലാസ് എടുത്തു. ഇരിമ്പിളിയം ഗ്രാമ പഞ്ചായത്ത്‌ പ്രേരക് സാജിത, കെ മുജീബ് , കെ പി മിയാദ, എന്നിവർ സംസാരിച്ചു.
ജനപ്രതിനിധികൾ, സാക്ഷരത പ്രവർത്തകർ, അധ്യാപകർ, സന്നദ്ധപ്രവർത്തകർ, കുടുംബശ്രീ പ്രവർത്തകർ, വിദ്യാർത്ഥികൾ, തുല്യത പഠിതാക്കൾ എൻ എസ് എസ് , സി എസ് എസ് വളണ്ടിയർമാർ തുടങ്ങിയവരാണ് വിവിധ ഇടങ്ങളിൽ സർവ്വേ പരിശീലനത്തിൽ പങ്കെടുക്കുന്നത് .

The post ‘പരിപൂർണ്ണ നിരക്ഷരതാ നിർമാർജ്ജനം’ കുറ്റിപ്പുറം ബ്ലോക്ക് സാക്ഷരതാ മിഷന്റെ ആഭിമുഖ്യത്തിൽ വിപുലമായ ഒരുക്കങ്ങൾ സർവ്വേ പരിശീലനം ഇന്ന് അവസാനിക്കും appeared first on Valanchery Online.

കുറ്റിപ്പുറം ബ്ലോക്ക് പഞ്ചായത്ത് സാക്ഷരതാ മിഷൻ ഓണാഘോഷ പരിപാടികൾക്ക് തുടക്കമായി

വളാഞ്ചേരിക്കാരൻ — Sat, 26 Aug 2017 15:53:28 +0000

വളാ‍ഞ്ചേരി: കുറ്റിപ്പുറം ബ്ലോക്ക് പഞ്ചായത്ത് സാക്ഷരതാ മിഷന്റെ ആഭിമുഖ്യത്തിൽ ടാഗോർ കോളേജിന്റെ സഹകരണത്തോടെ ഓണാഘോഷ പരിപാടികൾ സംഘടിപ്പിച്ചു .

കുറ്റിപ്പുറം ബ്ലോക്ക് പഞ്ചായത്തു സാക്ഷരതാ മിഷന്റെ ആഭിമുഖ്യത്തിൽനടന്ന ഓണാഘോഷ പരിപാടികളുടെ ഉത്ഘാടനം കുറ്റിപ്പുറം ബ്ലോക്ക് പഞ്ചായത്ത് പ്രസിഡന്റ് ആതവനാട് മുഹമ്മദ് കുട്ടി നിർവഹിക്കുന്നു

വാദ്യ മേളങ്ങളുടെ അകമ്പടിയോടെ രാവിലെ നടന്ന ഓണാഘോഷയാത്രയിൽ യാത്രയിൽ ജന പ്രതിനിധികളും സാമൂഹ്യ സാംസ്‌കാരിക സാക്ഷരതാ പ്രവര്ത്തകരും വിദ്യാർത്ഥികളും ഉൾപ്പടെ നിരവധി പേരാണ് പങ്കെടുത്തത് . ശേഷം നടന്ന ഓണാഘോഷ പരിപാടികളുടെ ഉത്ഘാടനം കുറ്റിപ്പുറം ബ്ലോക്ക് പഞ്ചായത്ത് പ്രസിഡന്റ് ആതവനാട് മുഹമ്മദ് കുട്ടി നിർവഹിച്ചു. കുറ്റിപ്പുറം പഞ്ചായത്ത് പ്രസിഡന്റ് വസീമ വെളേരി അദ്യക്ഷത വഹിച്ചു .

കുറ്റിപ്പുറം ബ്ലോക്ക് പഞ്ചായത്തു സാക്ഷരതാ മിഷന്റെ ആഭിമുഖ്യത്തിൽ നടന്ന ഓണാഘോഷ യാത്ര

കുറ്റിപ്പുറം ബ്ലോക്ക് പഞ്ചായത്ത് വികസന കാര്യ സ്ഥിരം സമിതി ചെയര്മാന് എ പി സബാഹ്, ബ്ലോക്ക് പഞ്ചായത്ത് വിദ്യാഭ്യാസ സ്ഥിര സമിതി ചെയര്മാന് കെ.ടി. സിദ്ദിഖ് , കുറ്റിപ്പുറം ബ്ലോക്ക് പഞ്ചായത്ത് അംഗം കൈപ്പള്ളി അബ്ദുല്ല കുട്ടി കുറ്റിപ്പുറം ബ്ലോക്ക് പഞ്ചായത്ത് ബ്ലോക്ക് നോഡൽ പ്രേരക് കെ.ടി. നിസാർ ബാബു പ്രേരക്മാരായ കെ പി പുഷ്പ , കെ പി സിദ്ധീഖ് കോളേജ് പ്രിൻസിപ്പൽ ഷമീർ കുമ്പിടി , മാനേജിങ് ഡയറക്ടർ മുസ്തഫ എം മുനീർ സി തുടങ്ങിയവർ സംസാരിച്ചു .500 ഓളം പേർക് ഓണസദ്യയും നൽകി . ഇന്ന് (27 /8 /17 ) കരിപ്പോൾ തുല്യത പഠന കേന്ദ്രത്തിൽ വെച്ചു ഓണ സദ്യയും പഠിതാക്കളുടെ ഓണ മത്സര പരിപാടികളും നടക്കും.

The post കുറ്റിപ്പുറം ബ്ലോക്ക് പഞ്ചായത്ത് സാക്ഷരതാ മിഷൻ ഓണാഘോഷ പരിപാടികൾക്ക് തുടക്കമായി appeared first on Valanchery Online.

ഹയർ സെക്കണ്ടറി തുല്യതാ ബാച്ച് ഉദ്ഘാടനം ചെയ്തു

വളാഞ്ചേരിക്കാരൻ — Thu, 13 Oct 2016 13:32:48 +0000

സംസ്ഥാന പൊതു വിദ്യാഭ്യാസ വകുപ്പിനു കീഴിൽ സംസ്ഥാന സാക്ഷരതാ മിഷൻ നടപ്പിലാക്കുന്ന ഹയർ സെക്കണ്ടറി തുല്യത കോഴ്സിന്റെ ഉദ്ഘാടനവും പാഠപുസ്തകങ്ങളുടെ വിതരണവും കോട്ടക്ക്ൽ നിയോജക മണ്ഡലം എം.എൽ.എ പ്രൊ. ആബിദ് ഹുസൈൻ തങ്ങൾ നിർവഹിച്ചു. ചടങ്ങിൽ കുറ്റിപ്പുറം ബ്ലോക്ക് പഞ്ചായത്ത് പ്രസിഡന്റ് ആതവനാട് മുഹമ്മദ് കുട്ടി അദ്യക്ഷനായിരുന്നു. വൈസ് പ്രസിഡന്റ് കദീജ പാറോളി, പഞ്ചായത്ത് പ്രസിഡന്റുമാരായ ടി മുഹമ്മദ് ഇസ്മായീൽ, വസീമ വേളേരി, സി പി ഉമ്മുഖുൽ‌സു, സ്ഥിരം സമിതി അദ്യക്ഷന്മാരായ കെ ടി സിദ്ധീഖ്, എ പി സബാഹ്, ഫസീല ടീച്ചർ, മൊയ്തു എടയൂർ, പരീത് കരേക്കാട്, റസീന കെ പി, ഷം‌ല പി, എം മാണിക്യൻ, ബ്ലോക്ക് കോ-ഓർഡിനേറ്റർ കെ ടി നിസാർ ബാബു, എം പി ഇബ്രാഹിം മാസ്റ്റർ, അഷ്‌റഫ് രാങ്ങാട്ടൂർ, ടി പി സുജിത, കെ പി സാജിത, കെ അഷ്‌റഫ്, എം പി റുഖിയ ടീച്ചർ, പി വി ബദറുന്നീസ എന്നിവർ സംസാരിച്ചു.

The post ഹയർ സെക്കണ്ടറി തുല്യതാ ബാച്ച് ഉദ്ഘാടനം ചെയ്തു appeared first on Valanchery Online.

വളാഞ്ചേരി ബസ്സ്റ്റാന്റിൽ ഇനി ഹൈമാസ്റ്റ് പ്രഭചൊരിയും

വളാഞ്ചേരിക്കാരൻ — Fri, 19 Dec 2014 02:55:24 +0000

ഇരുട്ടിൽ തപ്പി നടക്കേണ്ടി വന്നിരുന്ന അവസ്തക്കു മോചനമായി ഇനി ഹൈമാസ്റ്റ് വിളക്കിന്റെ വെളിച്ചം. കുറ്റിപ്പുറം ബ്ലോക്ക് പഞ്ചായത്ത് വികസന പദ്ധതിയിലുൾപ്പെടുത്തി 5.5 ലക്ഷം രൂപ ചിലവഴികച്ച‍ാണ് ലൈറ്റ് സ്ഥാപിച്ചിരിക്കുന്നത്. ലൈറ്റിന്റെ സ്വിച്ച്‌ഓൺ കർമ്മം ജില്ലാ പഞ്ചായത്ത് പ്രസിഡന്റ് സുഹ്‌റ മമ്പ്‍ാട് നിർവഹിച്ചു. ബ്ലോക്ക് പഞ്ചായത്ത് പ്രസിഡന്റ് കെ.പി വഹീദ അദ്യക്ഷത വഹിച്ചു.

വളാഞ്ചേരി ഗ്രാമപഞ്ചായത്ത് പ്രസിഡന്റ് ടി.പി അബ്ദുൾ‌ഗഫൂർ, ബ്ലോക്ക് പഞ്ചായത്ത് അംഗം സി,കെ നാസർ, കെ,വി ഉണ്ണികൃഷ്ണൻ, ടി,പി പത്മകൂമാർ, പറശ്ശേരി അസ്സൈനാർ, മുഹമ്മദാലി നീറ്റുകാട്ടിൽ, ബി.ഡി.ഒ ടി യൂസഫ്, വി.പി.എം സ്വാലിഹ് എന്നിവർ പ്രസംഗിച്ചു.

The post വളാഞ്ചേരി ബസ്സ്റ്റാന്റിൽ ഇനി ഹൈമാസ്റ്റ് പ്രഭചൊരിയും appeared first on Valanchery Online.

കലോത്സവം 2014-15: ലോഗോ പ്രകാശനം ചെയ്തു

വളാഞ്ചേരിക്കാരൻ — Wed, 17 Dec 2014 11:47:02 +0000

വളാഞ്ചേരി ഗ്രാമപഞ്ചായത്ത് യൂത്ത് സെന്ററിൻന്െ ആഭിമുഖ്യത്തിൽ നടക്കുന്ന കലോത്സവത്തിന്റെ ലോഗോ വളാഞ്ചേരി ഗ്രാമപഞ്ചായത്ത് പ്രസിഡന്റ് ടി.പി അബ്ദുൾ ഗഫൂർ പ്രകാശനം ചെയ്തു. ചടങ്ങിൽ സ്റ്റാന്റിങ്ങ് കമ്മറ്റി ചെയർമാൻ ശംസു പാറക്കൽ അധ്യക്ഷനായിരുന്നു. കെ.ടി. നിസാർ ബാബു, സൈഫു പാടത്ത് തുടങ്ങിയവർ സംസാരിച്ചു. ലോഗൊ ഡിസൈൻ ചെയ്ത പ്രസന്റേഷൻ ഇൻഫോടെക്കിനുള്ള പുരസ്കാരം കലോത്സവ വേദിയിൽ വച്ച് വിതരണം ചെയ്യുമെന്ന് പ്രസിഡന്റെ അറിയിച്ചു.

The post കലോത്സവം 2014-15: ലോഗോ പ്രകാശനം ചെയ്തു appeared first on Valanchery Online.