kochuveli Archives - Valanchery Online

കൊച്ചുവേളി-നിലമ്പൂർ രാജ്യറാണി എക്സ്പ്രസിൽ ജനറൽ കമ്പാർട്ടുമെന്‍റുകൾ

വളാഞ്ചേരിക്കാരൻ — Sat, 19 Mar 2022 03:30:47 +0000

നിലമ്പൂർ: കൊച്ചുവേളി-നിലന്പൂർ രാജ്യറാണി എക്സ്പ്രസിൽ ഇന്നലെ മുതൽ അണ്‍ റിസർവ്ഡ് കോച്ചുകൾ (ജനറൽ കമ്പാർട്ട്മെന്‍റ്) തുടങ്ങി. ഇതോടെ പഴയതു പോലെ യാത്രക്കാർക്ക് റിസർവേഷൻ ഇല്ലെങ്കിലും യാത്ര ചെയ്യാം. കോവിഡ് നിയന്ത്രണങ്ങൾ വന്നതോടെയാണ് തീവണ്ടികളിൽ മുഴുവൻ സീറ്റുകളും റിസർവ്ഡ് ആക്കിയിരുന്നത്. കോവിഡ് നിയന്ത്രണങ്ങൾ ഓരോന്നായി മാറ്റിത്തുടങ്ങുന്നതിന്‍റെ ഭാഗമായാണ് ഇപ്പോൾ അണ്‍ റിസർവഡ് കോച്ചുകൾ തുടങ്ങിയത്. കഴിഞ്ഞ ഒന്നു മുതലാണ് രണ്ടു വർഷത്തോളമായി നിർത്തിവച്ചിരുന്ന നിലമ്പൂർ-ഷൊർണൂർ വണ്ടി പുന:സ്ഥാപിച്ചത്. രാജ്യറാണി നിലവിൽ നിലമ്പൂർ, വാണിയന്പലം, അങ്ങാടിപ്പുറം എന്നിവിടങ്ങളിൽ മാത്രമാണ് നിർത്തുന്നത്.

The post കൊച്ചുവേളി-നിലമ്പൂർ രാജ്യറാണി എക്സ്പ്രസിൽ ജനറൽ കമ്പാർട്ടുമെന്‍റുകൾ appeared first on Valanchery Online.

നിലമ്പൂർ -കൊച്ചുവേളി സ്പെഷ്യൽ എക്സ്‌പ്രസ് തീവണ്ടി വീണ്ടും ഓടിത്തുടങ്ങി

വളാഞ്ചേരിക്കാരൻ — Thu, 03 Jun 2021 05:51:19 +0000

നിലമ്പൂർ :കോവിഡ് വ്യാപനത്തെത്തുടർന്ന് യാത്രക്കാർ കുറഞ്ഞതോടെ നിർത്തിയ നിലമ്പൂർ -കൊച്ചുവേളി സ്പെഷ്യൽ എക്സ്‌പ്രസ് തീവണ്ടി ഓടിത്തുടങ്ങി. ചൊവ്വാഴ്ചരാവിലെ കൊച്ചുവേളിയിൽനിന്നുള്ള വണ്ടി നിലമ്പൂർ റെയിൽവേസ്റ്റേഷനിലെത്തി. നിലമ്പൂരിൽനിന്നുള്ള വണ്ടി ചൊവ്വാഴ്ച രാത്രി 9.30-ന് കൊച്ചുവേളിയിലേക്കും പുറപ്പെട്ടു. കൊച്ചുവേളിയിൽനിന്ന് രാത്രി 8.50-നാണ് വണ്ടി നിലമ്പൂരിലേക്കു പുറപ്പെടുന്നത്. കഴിഞ്ഞ മേയ് 14 മുതലാണ് ഈ രണ്ടു സർവീസുകളും നിർത്തിവെച്ചത്.

The post നിലമ്പൂർ -കൊച്ചുവേളി സ്പെഷ്യൽ എക്സ്‌പ്രസ് തീവണ്ടി വീണ്ടും ഓടിത്തുടങ്ങി appeared first on Valanchery Online.

നിലമ്പൂർ – കൊച്ചുവേളി രാജ്യറാണി എക്സ്പ്രസ് റദ്ദാക്കി

വളാഞ്ചേരിക്കാരൻ — Thu, 13 May 2021 23:55:09 +0000

നിലമ്പൂർ:കോവിഡ് മഹാമാരിയും,ലോക്ക്ഡൗണും കാരണം യാത്രക്കാരുടെ തിരക്ക് കുറഞ്ഞത് കൊണ്ട്, ദക്ഷിണ റെയില്‍വേ, കൊച്ചുവേളി – നിലമ്പൂര്‍ – കൊച്ചുവേളി രാജ്യറാണി സ്പെഷ്യല്‍, തിരുവനന്തപുരം – മധുര – തിരുവനന്തപുരം അമൃത സ്പെഷ്യല്‍ എന്നിവ ഉള്‍പ്പെടെ 4 ജോഡി എക്സ്പ്രസ് ട്രെയിനുകള്‍ താല്‍ക്കാലികമായി രണ്ടാഴ്ചത്തേക്ക് റദ്ദാക്കി.

2021 മെയ് 15 മുതല്‍ 2021 മെയ് 31 വരെ 06349 കൊച്ചുവേളി – നിലമ്പൂര്‍, 06343 തിരുവനന്തപുരം -മധുര സ്പെഷ്യല്‍ എക്സ്പ്രസ്സുകളും, 2021 മെയ് 16 മുതല്‍ 2021 ജൂണ്‍ 1 വരെ 06350 നിലമ്പൂര്‍-കൊച്ചുവേളി, 06344 മധുര – തിരുവനന്തപുരം സ്പെഷ്യല്‍ എക്സ്പ്രസ്സുകളും ആണ് റദ്ദാക്കിയത്.ചെന്നൈ-രാമേശ്വരം -ചെന്നൈ, മൈസൂര്‍-കൊച്ചുവേളി- മൈസൂര്‍ എക്സ്പ്രസ് വണ്ടികളും റദ്ദാക്കി.

The post നിലമ്പൂർ – കൊച്ചുവേളി രാജ്യറാണി എക്സ്പ്രസ് റദ്ദാക്കി appeared first on Valanchery Online.

കൊച്ചുവേളി – നിലമ്പൂർ സ്‌പെഷ്യൽ എക്സ്പ്രസ് നാളെ മുതൽ

വളാഞ്ചേരിക്കാരൻ — Mon, 07 Dec 2020 01:31:25 +0000

മലപ്പുറം: കൊച്ചുവേളി- നിലമ്പൂർ സ്‌പെഷ്യൽ എക്സ്പ്രസ് നാളെ മുതൽ സർവീസ് ആരംഭിക്കും. കൊച്ചുവേളിയിൽ നിന്ന് രാത്രി 8.50ന് പുറപ്പെടുന്ന ട്രെയിൻ പുലർച്ചെ 5.45ന് നിലമ്പൂരിൽ എത്തും. നിലമ്പൂരിൽ നിന്നുള്ള സർവീസ് 9ന് തുടങ്ങും. രാത്രി 9.30ന് പുറപ്പെടുന്ന ട്രെയിൻ പുലർച്ചെ 5.50ന് കൊച്ചുവേളിയിലെത്തും. രാജ്യറാണിയെ അപേക്ഷിച്ച് സ്‌പെഷ്യൽ ട്രെയിനിന്റെ സമയക്രമത്തിലും സ്റ്റോപ്പുകളിലും മാറ്റമുണ്ട്. രാത്രി 8.50നാണ് രാജ്യറാണി നിലമ്പൂരിൽ നിന്നും സർവീസ് നടത്തിയിരുന്നത്. കൊവിഡ് പശ്ചാത്തലത്തിൽ യാത്രക്കാർ കൂടുതലുെള്ള സെക്ടറുകളിലാണ് റെയിൽവേ സ്‌പെഷ്യൽ എക്സ്പ്രസ് സർവീസ് തുടങ്ങുന്നത്. മുൻകൂട്ടി ബുക്ക് ചെയ്തവർക്ക് മാത്രമാണ് യാത്രാനുമതി. കൊവിഡ് സ്‌ക്രീനിംഗ്, റിസർവേഷൻ സൗകര്യങ്ങളുള്ള ബ്ലോക്ക് സ്‌റ്റേഷനുകളിൽ മാത്രമാണ് സ്റ്റോപ്പുള്ളതെന്നതിനാൽ ഷൊർണ്ണൂരിനും നിലമ്പൂരിനുമിടയിൽ വല്ലപ്പുഴ, ചെറുകര, പട്ടിക്കാട്, മേലാറ്റൂർ, തുവ്വൂർ എന്നീ ഹാൾട്ട് സ്റ്റേഷനുകളിൽ ട്രെയിൻ നിർത്തില്ല.
കൊവിഡ് പശ്ചാത്തലത്തിൽ സാമുഹിക അകലം നിലനിർത്താൻ ട്രെയിനിലെ സീറ്റുകളുടെ എണ്ണം കുറച്ചിട്ടുണ്ട്. ട്രെയിനിൽ ഒരേ സമയം 461 പേർക്ക് യാത്ര ചെയ്യാം. എ.സി. കോച്ചുകളിൽ 57 പേർക്കും സ്ലീപ്പർ കമ്പാർട്ട്‌മെന്റിൽ 251 പേർക്കും യാത്ര ചെയ്യാം. 153 പേർക്ക് റിസർവേഷനോടെ ഇരുന്ന് യാത്ര ചെയ്യാം. ജനറൽ സിറ്റിംഗിന് – 150, സ്ലീപ്പർ ബർത്തിൽ – 245, തേഡ് എ.സി. – 660, സെക്കന്റ് എസി – 935 എന്നിങ്ങനെയാണ് നിലമ്പൂരിൽ നിന്നു കൊച്ചുവേളിയിലേക്കുള്ള ടിക്കറ്റ് നിരക്കുകൾ.

The post കൊച്ചുവേളി – നിലമ്പൂർ സ്‌പെഷ്യൽ എക്സ്പ്രസ് നാളെ മുതൽ appeared first on Valanchery Online.

കൊച്ചുവേളി-നിലമ്പൂർ സ്പെഷൽ എക്സ്പ്രസ് ബുക്കിംഗ് തുടങ്ങി

വളാഞ്ചേരിക്കാരൻ — Sat, 05 Dec 2020 05:13:18 +0000

നിലമ്പൂർ: കൊച്ചുവേളി-നിലമ്പൂർ സ്പെഷൽ എക്സ്പ്രസ് വണ്ടിയുടെ ബുക്കിങ് തുടങ്ങി. എട്ടുമുതൽ ഓടിത്തുടങ്ങുന്ന വണ്ടിയിൽ മുഴുവൻ സീറ്റുകളും ബുക്ക് ചെയ്ത് മാത്രമേ ഉപയോഗിക്കാൻ കഴിയു. കോവിഡ് പശ്ചാത്തലത്തിൽ സാമൂഹിക അകലം ഉറപ്പുവരുത്താൻ വണ്ടിയിലെ സീറ്റുകളുടെ എണ്ണം പകുതിയോളമായി കുറച്ചിട്ടുണ്ട്.

അതനുസരിച്ച് 461 യാത്രക്കാർ മാത്രമാണുണ്ടാവുക. എ.സി.കോച്ചുകളിൽ 57 പേർക്കും സ്ലീപ്പർ കോച്ചുകളിൽ 251 പേർക്കും യാത്ര ചെയ്യാം. ഇരുന്ന് യാത്ര ചെയ്യാനുള്ളവരുടെ എണ്ണം 153 ആയും നിജപ്പെടുത്തിയിട്ടുണ്ട്. ഇതും റിസർവ്വ് ചെയ്യണം. ജനറൽ സിറ്റിങ്ങിന് 150 രൂപയാണ് നിലമ്പൂർ നിന്ന് കൊച്ചുവേളിയിലേക്കുള്ളത്. സ്ലീപ്പർ ബർത്ത്- 245, തേർഡ് എ.സി.-660, സെക്കൻഡ് എ.സി. 935 എന്നിങ്ങനെയാണ് യാത്രാ നിരക്ക്.

കൊച്ചുവേളിയിൽ നിന്ന് ദിവസവും രാത്രി 8.50-ന് പുറപ്പെട്ട് പുലർച്ചെ 5.45ന് നിലമ്പൂരിലെത്തും. നിലമ്പൂർ നിന്ന് രാത്രി 9.30ന് പുറപ്പെട്ട് പുലർച്ചെ 5.5.0ന് കൊച്ചുവേളിയിലുമെത്തും. സ്പെഷൽ തീവണ്ടിക്ക് നിലമ്പൂരിനും ഷൊർണൂരിനുമിടയിൽ വാണിമ്പലത്തും അങ്ങാടിപ്പുറത്തും മാത്രമാണ് സ്റ്റോപ്പുള്ളത്.

The post കൊച്ചുവേളി-നിലമ്പൂർ സ്പെഷൽ എക്സ്പ്രസ് ബുക്കിംഗ് തുടങ്ങി appeared first on Valanchery Online.