kattipparuthy Archives - Valanchery Online

കാഴ്ചയുടെ നിറക്കൂട്ടൊരുക്കി കല്യാണഒറു വെള്ളച്ചാട്ടം

വളാഞ്ചേരിക്കാരൻ — Thu, 21 Jun 2018 04:32:50 +0000

വളാഞ്ചേരി: “കല്യാണ ഉറവിലെ വെള്ളവും ആര്യനെല്ലിന്റെ ചോറും കാട്ടിപ്പരുത്തിക്കാരുടെ സ്വകാര്യ അഹങ്കാരം”. ഇത് പഴമക്കാരുടെ ഒരു വാഴ്മൊഴി. പ്രകൃതി രമണീയമായ “കല്ല്യാണഒറു”. വളാഞ്ചേരി മുൻസിപ്പാലിറ്റിയിലെ ഒന്നാം ഡിവിഷൻ തോണിക്കലിൽപ്പെട്ട സ്ഥലം. ആറുമാസക്കാലം തുടർച്ചയായി ഒരു ഉറവയിൽ നിന്ന് ഒഴുകി പൂർവ്വീകമായ പാറാഭട്ടി മനക്ക് മുമ്പിലൂടെ ഒഴുകി തൊഴുവാനൂർ തോട്ടിലൂടെ, ചങ്ങമ്പള്ളിയെ തഴുകി കാട്ടിപ്പരുത്തി വില്ലേജിലെ വിവിധങ്ങളായ സ്ഥലങ്ങളിലേക്ക് വെള്ളം പോകുന്ന വളരെ പ്രധാനപ്പെട്ട നിരുറവ.

താണിയപ്പൻകുന്നിനു മുകളിലെ നീരുറവകൾ സംഗമിച്ച് വടക്കേക്കുളമ്പ്, ചീരാനി ഭാഗത്തേക്ക് ഒഴുകിയെത്തി താഴെ കാവുംപുറംതോട്ടിൽ ചേരുന്ന കല്യാണ ഒറുവിൽ മുൻപൊരു തടയണയുണ്ടായിരുന്നു. അതിന്റെ അവശിഷ്ടങ്ങൾ ഇന്നും ഇവിടെ കാണാം. മലബാർ സംസ്ഥാനം നിലവിലുണ്ടായിരുന്ന കാലത്താണ് ഇവിടെ അണ നിർമിച്ചത്. മേഖലയിലെ നൂറുകണക്കിനു ഏക്കർ കൃഷിയിടങ്ങൾക്ക് അണ അന്നു പ്രയോജനകരമായിരുന്നു.

ഈ നീരുറവയെ പ്രകൃതിക്ക് കോട്ടം തട്ടാത്ത രീതിയിൽ സംരക്ഷിച്ച് പുതിയ ചെക്ക് ഡാം പോലെയുള്ളവ നിർമ്മിച്ചാൽ പ്രദേശത്തെ കുടിവെള്ള ക്ഷാമത്തിന് ഏറെ പരിഹാരമാകും. കൂടാതെ ടൂറിസം സാധ്യത ഏറെയുള്ള പ്രദേശം കൂടിയാണ്. മഴക്കാലത്ത് വെള്ളച്ചാട്ടം കാണുന്നതിന് വിവിധ പ്രദേശങ്ങളിൽ നിന്നും നിരവധി ആളുകൾ വരുന്ന സ്ഥലം കൂടിയാണ്.

വിവിധയിനം പക്ഷികൾ വസിക്കുന്ന ഒരു സ്ഥലം കൂടിയാണ് “കല്യാണഒറു”. കല്ല്യാണഒറു-ഒക്കാൻപാറ നീരൊഴുക്കിനെ നിലനിർത്തി സമൂഹത്തിന് ഉപകാര പ്രദമായ രീതിയിൽ നിലനിർത്തി സംരക്ഷിക്കാൻ അധികൃതരുടെ ഭാഗത്തു നിന്നും നടപടികൾ ഉണ്ടാകണമെന്ന അഭ്യർത്ഥനയാണ് നാട്ടുകാർക്ക്.
Pic courtesy: shahid valasi

The post കാഴ്ചയുടെ നിറക്കൂട്ടൊരുക്കി കല്യാണഒറു വെള്ളച്ചാട്ടം appeared first on Valanchery Online.

കാട്ടിപ്പരുത്തി ഡിവിഷന്‍ 23നോടുള്ള അവഗണനയ്‌ക്കെതിരെ ഡി‌വൈ‌എഫ്‌ഐ പ്രതിഷേധം

വളാഞ്ചേരിക്കാരൻ — Thu, 01 Feb 2018 10:00:03 +0000

വളാഞ്ചേരി: കാട്ടിപ്പരുത്തി ഡിവിഷന്‍ 23നോടുള്ള അവഗണനയ്ക്ക്ഡി എതിരെ ഡി‌വൈ‌എഫ്‌ഐ പ്രതിഷേധം. മൂച്ചിക്കൽ–കാർത്തല ചുങ്കം റോഡിൽ മുണ്ടിയൻതറയ്ക്കു സമീപം അപകടാവസ്ഥയിലുള്ള കിണർ മൂടണമെന്നും കറ്റട്ടിക്കുളത്തിനടുത്തുള്ള ജീർണാവസ്ഥയിലായ പാലം നന്നാക്കണമെന്നും ഡിവൈഎഫ്ഐ കാട്ടിപ്പരുത്തി യൂണിറ്റ് യോഗം ആവശ്യപ്പെട്ടു. നഗരസഭ അധികൃതരെ വിവരം അറിയിച്ചിട്ടും ഗുണകരമായ നടപടിയൊന്നുമുണ്ടായില്ലെന്നു പ്രവർത്തകർ ആരോപിച്ചു.

The post കാട്ടിപ്പരുത്തി ഡിവിഷന്‍ 23നോടുള്ള അവഗണനയ്‌ക്കെതിരെ ഡി‌വൈ‌എഫ്‌ഐ പ്രതിഷേധം appeared first on Valanchery Online.

കുറ്റിപ്പുറം സബ് റജിസ്റ്റാർ ഓഫീസിൽ ജില്ലാ റജിസ്റ്റാറുടെ അദാലത്ത് നടത്തുന്നു

വളാഞ്ചേരിക്കാരൻ — Sun, 19 Nov 2017 05:07:59 +0000

കുറ്റിപ്പുറം: കുറ്റിപ്പുറം സബ് റജിസ്റ്റാർ ഓഫീസിൽ റജിസ്റ്റർ ചെയ്തിട്ടുള്ള ആധാരങ്ങളിൽ വില കുറച്ച് വച്ച് അണ്ടർ വാല്യൂവേഷൻ നടപടിയിലിരിക്കുന്ന ആധാരങ്ങളിന്മേൽ റവന്യൂ റിക്കവറി നടപടികൽ നടത്തുന്നതിന്റെ ഭാഫമായി 2017 നവംബർ 23ന് ജില്ലാ റജിസ്ട്രാറുടെ അദാലത്ത് നടത്തപ്പെടുന്നു. കുറ്റിപ്പുറം, ആതവനാട്, ഇരിമ്പിളിയം, നടുവട്ടം, എടയൂർ, കാട്ടിപ്പരുത്തി എന്നീ വില്ലേജുകളിൽ‌പ്പെട്ട അണ്ടർ വാല്യൂവേഷൻ നടപടിയിലിരിക്കുന്ന ആധാരങ്ങൾ, 23ന് കുറ്റിപ്പുറം സബ് റജിസ്ട്രാർ ഓഫീസിൽ ഹാജരാക്കി ആവശ്യമായ തുക അടച്ച് റവന്യൂ റിക്കവറി ഉൾപ്പെടെയുള്ള തുടർ നടപടിയിൽ നിന്നും ഒഴിവാകാവുന്നതാണെന്ന് കുറ്റിപ്പൂറം സബ് റജിസ്ട്രാർ അറിയിച്ചു. കൂടുതൽ വിവരങ്ങൾക്ക് കുറ്റിപ്പുറം സബ് റജിസ്ട്രാർ ഓഫീസുമായി ബന്ധപ്പെടുക.

Content highlight: settlement scheme kuttippuram sub registrar office kuttippuram

The post കുറ്റിപ്പുറം സബ് റജിസ്റ്റാർ ഓഫീസിൽ ജില്ലാ റജിസ്റ്റാറുടെ അദാലത്ത് നടത്തുന്നു appeared first on Valanchery Online.