karipur Archives - Valanchery Online

കരിപ്പൂർ വിമാനത്താവളത്തിൽ അത്യാധുനിക സംവിധാനങ്ങളോടു കൂടിയ പുത്തൻ കവാടവും ബാഗേജ് കൗണ്ടറുകളും വരുന്നു

വളാഞ്ചേരിക്കാരൻ — Tue, 30 Apr 2024 05:58:40 +0000

കരിപ്പൂർ: കരിപ്പൂർ അന്താരാഷ്ട്ര വിമാനത്താവളത്തിൽ അത്യാധുനിക സംവിധാനങ്ങളോടുകൂടിയ പ്രവേശനകവാടവും ചെക്കിങ് കൗണ്ടറുകളും വരുന്നു. ഇതോടൊപ്പം 18 പുതിയ ബാഗേജ് ചെക്കിങ് കൗണ്ടറുകളും വൈകാതെ പ്രവർത്തനക്ഷമമാകും. ഇതോടെ വിമാനത്താവളത്തിലെ അന്താരാഷ്ട്ര ബാഗേജ് ചെക്കിങ് കൗണ്ടറുകൾ 40 ആകും. ബയോമെട്രിക് സാങ്കേതികവിദ്യ ഉപയോഗിക്കുന്നവയാണ് ഈ ഗേറ്റുകൾ. ഓട്ടോമേറ്റഡ്‌ ബോർഡർ കൺട്രോൾ സിസ്റ്റം എന്നറിയപ്പെടുന്ന ഇവ പാസ്പോർട്ട് സ്കാൻ ചെയ്യുന്നതോടൊപ്പം മുഖത്തിന്റെ ചിത്രമെടുത്ത് ഫോട്ടോ താരതമ്യം ചെയ്യും. പാസ്പോർട്ടിലെ മൈക്രാചിപ്പിൽ സൂക്ഷിച്ച ഫോട്ടോയുടെ ഡിജിറ്റൽ കോപ്പിയാണ് ഇവ സ്കാനിങ്ങിന് ഉപയോഗിക്കുന്നത്. അതിനാൽ വ്യാജ പാസ്പോർട്ടുമായി വിമാനത്താവളത്തിൽ കടക്കുക അസാധ്യമാകും. രാജ്യത്തെ അന്താരാഷ്ട്ര വിമാനത്താവളങ്ങളിൽ ആദ്യമായാണ് ഇത്തരം ഒരു സംവിധാനം പരീക്ഷിക്കുന്നത്. സുരക്ഷാക്രമീകരണങ്ങളിൽ വിട്ടുവീഴ്ചയില്ലാത്ത നടപടികളാണ് ഇതുവഴി എയർപോർട്ട് അതോറിറ്റി നടപ്പാക്കുന്നത്. 18 പുതിയ കൗണ്ടറുകളുടെ നിർമ്മാണപ്രവർത്തനങ്ങൾ അവസാനഘട്ടത്തിലാണ്. കൂടുതൽ വിമാനക്കമ്പനികൾ കരിപ്പൂരിലെത്തുമെന്ന സൂചനയെത്തുടർന്നാണ് ഇത്. ടെർമിനലിലെ പഴയ ടൈലുകൾ മാറ്റുന്നതും നടക്കുന്നുണ്ട്. ചോർന്നൊലിക്കുന്ന ആഭ്യന്തര ടെർമിനൽ കെട്ടിടവും നവീകരിക്കുന്നുണ്ട്.

The post കരിപ്പൂർ വിമാനത്താവളത്തിൽ അത്യാധുനിക സംവിധാനങ്ങളോടു കൂടിയ പുത്തൻ കവാടവും ബാഗേജ് കൗണ്ടറുകളും വരുന്നു appeared first on Valanchery Online.

കരിപ്പൂർ-റാസൽഖൈമ സർവീസ് തുടങ്ങി റാക്ക് എയർ

വളാഞ്ചേരിക്കാരൻ — Fri, 24 Nov 2023 01:21:43 +0000

കരിപ്പൂർ : റാസൽഖൈമയിൽനിന്ന് കോഴിക്കോട്ടേക്കുള്ള റാക്ക് എയർ സർവീസിന് തുടക്കമായി. കേരളത്തിലേക്ക് ആഴ്ചയിൽ 10 സർവീസുകൾ നടത്താനാണ് റാക്ക് എയറിന് കേന്ദ്രസർക്കാർ അനുമതി നൽകിയിരിക്കുന്നത്. ഇതിൽ ആദ്യ പടിയായായി മൂന്ന് സർവീസുകളാണ് തുടങ്ങിയത്.

സർവീസ് ഇങ്ങനെ:
ബുധൻ, വെള്ളി, ഞായർ എന്നീ ദിവസങ്ങളിലായി ആഴ്ചയിൽ മൂന്നു സർവീസുകളുണ്ടാകും. ബുധൻ, വെള്ളി ദിവസങ്ങളിൽ ഉച്ചയ്ക്ക് 2.55 -ന് റാസൽഖൈമയിൽനിന്ന് പുറപ്പെടും. ഇന്ത്യൻ സമയം രാത്രി 8. 10 -ന് കരിപ്പൂരെത്തും. ഇവിടെനിന്ന് 8.20 -ന് പുറപ്പെടും. 11.25 -ന് റാസൽഖൈമയിൽ എത്തും. ഞായറാഴ്ച രാവിലെ 10.55 -ന് റാസൽ ഖൈമയിൽനിന്ന് പുറപ്പെടും. വൈകീട്ട് 4.10 -ന് ഇവിടെയെത്തും. 4.50 -ന് കോഴിക്കോടുനിന്ന് തിരിക്കും. 7.25 -ന് റാസൽ ഖൈമയിലെത്തും.

The post കരിപ്പൂർ-റാസൽഖൈമ സർവീസ് തുടങ്ങി റാക്ക് എയർ appeared first on Valanchery Online.

ഹജ്ജ് – 2023; ഹജ്ജ്‌ ട്രെയിനര്‍മാരായി പ്രവര്‍ത്തിക്കുവാന്‍ താത്പര്യമുള്ളവർക്ക് ഇപ്പോൾ അപേക്ഷിക്കാം

വളാഞ്ചേരിക്കാരൻ — Wed, 15 Feb 2023 00:51:23 +0000

കരിപ്പൂർ : ഹജ്ജ്‌ – 2023 ഹജ്ജ്‌ ട്രെയിനര്‍മാരായി പ്രവര്‍ത്തിക്കുവാന്‍ താത്പര്യമുള്ളവരില്‍ നിന്ന്‌ അപേക്ഷ ക്ഷണിച്ചു. താഴെ പറയുന്ന ജോലികള്‍ യാതൊരു പ്രതിഫലവും കൂടാതെ നിര്‍വ്വഹി
ക്കാന്‍ താത്പര്യമുള്ളവര്‍ 2023 ഫെബ്രുവരി 20നകം ഓണ്‍ലൈന്‍ മുഭഖന അപേക്ഷ സാര്‍ഷിക്കേണ്ടതാണ്‌. ഓണ്‍ലൈന്‍ അപേക്ഷയുടെ ലിങ്ക്‌ കേരള സംസ്ഥാന ഹജ്ജ്‌ കമിറ്റിയൂടെ
keralahajcommittee.org എന്ന വെബ്സൈറ്റില്‍ ലഭ്യമാണ്‌. 2023 ഫെബ്രുവരി 20നകം ഓണ്‍ലൈന്‍ അപേക്ഷ സമര്‍ഷിച്ചവരില്‍ നിന്നും നിശ്ചിത യോഗ്യതയുള്ളവരെ
മാത്രമേ ഇന്റര്‍വ്യൂവിന്‌ പരിഗണിക്കുകയുള്ളൂ.

യോഗ്യതഃ
1 അപേക്ഷകരുടെ പ്രായം 10/02/2023ന്‌ 25 വയസ്സിനും 58 വയസ്സിനുമിടയിലായിരിക്കണം. (വയസ്സ്‌ തെളിയിക്കുന്ന രേഖ സമര്‍പ്പിക്കണം).
2. ഹജ്ജ്‌ കര്‍മ്മം നിര്‍വ്വഹിച്ചവരായിരിക്കണം. (ഹജ്ജ്‌ കര്‍മ്മം നിര്‍വ്വഹിച്ചതിനുള്ള രേഖ സമര്‍പ്പിക്കണം).
3. കമ്പ്യൂട്ടര്‍ പരിജ്ഞാനമുണ്ടായിരിക്കണം.

ട്രെയിനേഴ്സിനുള്ള ചുമതലകൾ:
1) ഹജ്ജ്‌ അപേക്ഷകര്‍ക്ക്‌ വേണ്ടുന്ന എല്ലാ മാര്‍ഗ നിര്‍ദ്ദേശങ്ങളും നല്‍കലും അപേക്ഷയും അപേക്ഷയോടൊഷം സമർപ്പിക്കേണ്ട രേഖകളും കൃത്യമായും സമയ ബന്ധിതമായും ഹജ്ജ്‌
കമിറ്റി ഓഫീസ്സില്‍ എത്തിക്കാനാവശ്യമായ നിര്‍ദേശങ്ങള്‍ നല്‍കലുമാണ്‌ പ്രഥമവും പ്രധാനവുമായ കര്‍ത്തവ്യം. ഹജ്ജ്‌ അപേക്ഷ ലഭ്യമാക്കലും പൂരിപ്പിച്ച് നൽകലും ആവശ്യമായ രേഖകളെക്കുറിച്ച്‌
വിവരം നല്‍കലുമെല്ലാം ഇതിലുൾപ്പെടും.
2) ഹജ്ജിന്‌ സെലക്ഷന്‍ ലഭിച്ചവര്‍ക്ക്‌ ആവശ്യമായ നിര്‍ദ്ദേശങ്ങള്‍ നല്‍കുകയും രേഖകൾ സമർപ്പിക്കുന്നതിനും മറ്റും സഹായിക്കുകയും തെരഞ്ഞെടുക്കചെട്ടവര്‍ക്ക്‌ സന്നദ്ധ സംഘടനകളു
ടേയും വ്യക്തികളുടെയും സഹായത്തോടെ മൂന്ന്‌ ഘട്ടങ്ങളിലായി പരിശീലന ക്ലാസ്സുകള്‍ നല്‍കുകയും മെഡിക്കല്‍ ക്യാമ്പും കുത്തിവെപ്പ് ക്യാമ്പും സംഘടിചിക്കുകയും ചെയ്യുക.
3) ഹജ്ജ്‌ യാത്രക്ക്‌ വേണ്ട തയ്യാറെടുഷ്‌ നടത്താന്‍ സഹായിക്കുകയും ഹജ്ജ്‌ കമ്മിറ്റിയില്‍ നിന്ന്‌ ലഭിക്കുന്ന വിവരങ്ങൾ അപ്പപ്പോൾ ഹാജിമാരെ അറിയിക്കുകയും ചെയ്യുക.
Application link: https;//keralahajcommittee.org/application.php

The post ഹജ്ജ് – 2023; ഹജ്ജ്‌ ട്രെയിനര്‍മാരായി പ്രവര്‍ത്തിക്കുവാന്‍ താത്പര്യമുള്ളവർക്ക് ഇപ്പോൾ അപേക്ഷിക്കാം appeared first on Valanchery Online.

ശരീരത്തിനുള്ളില്‍ ഒളിപ്പിച്ച് 47 ലക്ഷം രൂപയുടെ സ്വർണ്ണം കടത്തിയ വളാഞ്ചേരി സ്വദേശി കരിപ്പൂരിൽ പിടിയിൽ

വളാഞ്ചേരിക്കാരൻ — Mon, 09 Jan 2023 09:39:32 +0000

കരിപ്പൂർ: ദുബായില്‍ നിന്നും കരിപ്പൂര്‍ വിമാനത്താവളം വഴി കസ്റ്റംസിനെ വെട്ടിച്ച് കടത്താന്‍ ശ്രമിച്ച 47 ലക്ഷം രൂപയുടെ സ്വര്‍ണ്ണം പോലീസ് പിടിച്ചു. ദുബായില്‍ നിന്നും കരിപ്പൂര്‍ വിമാനത്താവളത്തിലെത്തിയ മലപ്പുറം വളാഞ്ചേരി സ്വദേശി ജംഷീര്‍ (26) ആണ് 854 ഗ്രാം 24 ക്യാരറ്റ് സ്വര്‍ണ്ണം സഹിതം എയര്‍പോര്‍ട്ടിന് പുറത്ത് വെച്ച് പോലീസ് പിടിയിലായത്. മിശ്രിത രൂപത്തില്‍ മൂന്ന് കാപ്‌സ്യൂളുകളാക്കി ശരീരത്തിനുള്ളില്‍ ഒളിപ്പിച്ച് കടത്താന്‍ ശ്രമിക്കുകയായിരുന്നു. പിടിച്ചെടുത്ത സ്വര്‍ണ്ണത്തിന് അഭ്യന്തര വിപണിയില്‍ 47 ലക്ഷം രൂപ വില വരും.

ഞായറാഴ്ച വൈകുന്നേരം 6.42-ന് ദുബായില്‍ നിന്നെത്തിയ സ്‌പൈസ് ജെറ്റ് വിമാനത്തിലാണ് ഇയാള്‍ കരിപ്പൂരെത്തിയത്. കസ്റ്റംസ് പരിശോധനയ്ക്ക് ശേഷം പുറത്തിറങ്ങിയ ജംഷീറിനെ, മലപ്പുറം ജില്ലാ പോലീസ് മേധാവിക്ക് ലഭിച്ച രഹസ്യവിവരത്തിന്റെ അടിസ്ഥാനത്തില്‍ പോലീസ് കസ്റ്റഡിയിലെടുക്കുകയായിരുന്നു. ചോദ്യം ചെയ്യലില്‍ പക്ഷേ തന്റെ പക്കല്‍ സ്വര്‍ണ്ണമുണ്ടെന്ന കാര്യം നിഷേധിച്ചു. ഇയാളുടെ ലഗ്ഗേജ് ബോക്‌സുകള്‍ തുറന്ന് വിശദമായി പരിശോധിച്ചിട്ടും സ്വര്‍ണ്ണം കണ്ടെത്താനായില്ല. തുടര്‍ന്ന് ഇയാളെ വിശദമായ വൈദ്യ പരിശോധനക്ക് വിധേയമാക്കുകയായിരുന്നു. എക്‌സ്- റേ പരിശോധനയിലാണ് വയറിനകത്ത് മൂന്ന് കാപ്‌സ്യൂളുകള്‍ ദൃശ്യമായത്.

ജംഷീറിനെ വിശദമായി ചോദ്യം ചെയ്തു വരികയാണ്. സ്വര്‍ണ്ണകടത്തിന് പിന്നില്‍ പ്രവര്‍ത്തിച്ചവരെ കണ്ടെത്താനുള്ള ശ്രമം തുടരുകയാണെന്ന് പോലീസ് അറിയിച്ചു. പിടിച്ചെടുത്ത സ്വര്‍ണ്ണം കോടതിയില്‍ സമര്‍പ്പിക്കും. തുടരന്വേഷണത്തിനായി വിശദമായ റിപ്പോര്‍ട്ട് കസ്റ്റംസിനും നല്‍കും. കരിപ്പൂര്‍ വിമാനത്താവളത്തിന് പുറത്ത് വെച്ച് ഈ വര്‍ഷം പോലീസ് പിടികൂടുന്ന നാലാമത്തെ സ്വര്‍ണ്ണക്കടത്ത് കേസാണിത്.

The post ശരീരത്തിനുള്ളില്‍ ഒളിപ്പിച്ച് 47 ലക്ഷം രൂപയുടെ സ്വർണ്ണം കടത്തിയ വളാഞ്ചേരി സ്വദേശി കരിപ്പൂരിൽ പിടിയിൽ appeared first on Valanchery Online.

ഹജ്ജിനുള്ള അപേക്ഷ തുടങ്ങി; കരിപ്പൂരിനെ ഇത്തവണയും പരിഗണിച്ചിട്ടില്ല.

വളാഞ്ചേരിക്കാരൻ — Tue, 02 Nov 2021 00:24:46 +0000

മുംബൈ : അടുത്ത വർഷത്തെ ഹജ്ജ് തീർഥാടനത്തിന് അപേക്ഷ സ്വീകരിച്ചുതുടങ്ങിയതായി കേന്ദ്ര ന്യൂനപക്ഷക്ഷേമ മന്ത്രി മുഖ്താർ അബ്ബാസ് നഖ്‌വി അറിയിച്ചു. കൊച്ചിയടക്കം 10 കേന്ദ്രങ്ങളിൽ നിന്നുമാത്രമാണ് ഹജ്ജ് വിമാനങ്ങൾ പുറപ്പെടുക.

പൂർണമായും ഓൺലൈനായിട്ടായിരിക്കും ഹജ്ജിനുള്ള അപേക്ഷ സ്വീകരിക്കുകയെന്ന് തിങ്കളാഴ്ച സൗത്ത് മുംബൈയിലെ ഹജ്ജ് ഹൗസിൽ നടന്ന ചടങ്ങിൽ മന്ത്രി നഖ്‌വി അറിയിച്ചു. പോർട്ടൽ വഴിയും ഹജ്ജ് മൊബൈൽ ആപ്പ് വഴിയും അപേക്ഷ നൽകാം. 2022 ജനുവരി 31 ആണ് അവസാന തീയതി. ഇന്ത്യ, സൗദി അറേബ്യ സർക്കാരുകൾ നിശ്ചയിക്കുന്ന കോവിഡ് മാനദണ്ഡങ്ങൾ പാലിച്ചാവും തീർഥാടനം. കരിപ്പൂരിനെ ഉൾപ്പെടുത്തണമെന്ന ആവശ്യം ഇത്തവണയും പരിഗണിച്ചിട്ടില്ല.

The post ഹജ്ജിനുള്ള അപേക്ഷ തുടങ്ങി; കരിപ്പൂരിനെ ഇത്തവണയും പരിഗണിച്ചിട്ടില്ല. appeared first on Valanchery Online.

കരിപ്പൂര്‍ വിമാനാപകടം; പൈലറ്റിന്റെ പിഴവ് മൂലമെന്ന് അന്വേഷണ റിപ്പോര്‍ട്ട്

വളാഞ്ചേരിക്കാരൻ — Sun, 12 Sep 2021 08:53:22 +0000

കരിപ്പൂര്‍: കരിപ്പൂര്‍ വിമാനപകടം പൈലറ്റിന്റെ പിഴവ് മൂലമെന്ന് അന്വേഷണ റിപ്പോർട്ട്. എയർക്രാഫ്റ്റ് ആക്സിഡന്റ് ഇൻവെസ്റ്റിഗേഷൻ ബ്യൂറോ വ്യോമയാന മന്ത്രാലയത്തിന് സമർപ്പിച്ച റിപ്പോർട്ടിലാണ് ഇക്കാര്യം വ്യക്തമാക്കുന്നത്. വിമാനം റൺവെയുടെ പകുതി കഴിഞ്ഞ്, സുരക്ഷാ മേഖലയും കഴിഞ്ഞ ശേഷമാണ് ലാൻഡ് ചെയ്തത്. മുന്നറിയിപ്പുകൾ നൽകിയിട്ടും വിമാനം അമിത വേഗത്തിൽ മുന്നോട്ട് പോയെന്നും റിപ്പോർട്ടിൽ പറയുന്നു.

ഇരുവശങ്ങളിലെ ടാങ്കുകളിൽ നിന്നും ഇന്ധന ചോർച്ചയുണ്ടായി. എന്നാൽ ആഘാത്തിന് ശേഷം തീപിടിത്തമുണ്ടാകാനുളള സാധ്യത ഉണ്ടായിരുന്നില്ല. വിമാനത്തിൽ സാങ്കേതിക പിഴവും തള്ളിക്കളയാനാവില്ലെന്ന് റിപ്പോർട്ട്. പൈലറ്റിന് ഗോ എറൗണ്ട് നിർദ്ദേശം ഉണ്ടായിരുന്നിട്ടും അത് പാലിക്കുന്നതിൽ പരാജയപ്പെട്ടുവെന്നും അന്വേഷണ റിപ്പോർട്ടിൽ പറയുന്നു.

The post കരിപ്പൂര്‍ വിമാനാപകടം; പൈലറ്റിന്റെ പിഴവ് മൂലമെന്ന് അന്വേഷണ റിപ്പോര്‍ട്ട് appeared first on Valanchery Online.

കരിപ്പൂർ വിമാനാപകട വാർഷികം: മലബാർ ഡവലപ്മെന്റ് ഫോറം ദുരന്ത സ്ഥലത്ത് അനുസ്മരണ സംഗമം നടത്തുന്നു

വളാഞ്ചേരിക്കാരൻ — Sat, 07 Aug 2021 02:51:28 +0000

കരിപ്പൂർ വിമാനപകടം സംഭിച്ച് ഒരു വർഷം തികയുന്ന ഓഗസ്റ്റ് 7ന് ശനിയാഴ്ച രാവിലെ 9 മണി മുതൽ എംഡിഎഫിന്റെ ആഭിമുഖ്യത്തിൽ വിമാനാപകടത്തിൽ രക്ഷപ്പെട്ട യാത്രക്കാരും മരണമടഞ്ഞവരുടെ ഉറ്റ ബന്ധുക്കളും അപടമറിഞ്ഞ് മഹാമാരികാലത്തും ദുരന്ത സ്ഥലത്ത് ഓടിയെത്തിയ കോണ്ടോട്ടിലെ ലോകത്തിനു മുമ്പിൽ അഭിമാനമായി മാറിയ നാട്ടുകാരും ഒരുമിച്ച് ചേരുന്നു. കോവിഡ് പ്രാട്ടോക്കാൾ കൃത്യമായി പാലിച്ചായിരിക്കും പരിപാടി. കേന്ദ്ര വിദേശകാര്യ സഹ മന്ത്രി വി മുരളീധരൻ, സംസ്ഥാന പൊതുമാരാമത്ത് മന്ത്രി അഡ്വ.പിഎ മുഹമ്മദ് റിയാസ്, അബ്ദുസമദ് സമദാനി എം.പി, ശശിതരുർ എം പി എന്നിവർ ഓൺലെനായി സംഗമത്തെ അഭിസംഭോധന ചെയ്യും. എം ഡി.ഫ് ചെയർമാൻ യു എ നസീറിൻ്റെ അദ്യക്ഷതയിൽ എംകെ രാഘവൻ എംപി സംഗമം ഉൽഘാടനം ചെയ്യും.

എളമരം കരിം എം.പി മുഖ്യ പ്രഭാഷണം നടത്തും. ടി വി ഇബ്രാഹിം എംൽഎ അനുസ്മരണ പ്രഭാഷണവും നടത്തും. കൊണ്ടോട്ടി മുൻസിപ്പൽ ചെയർപേഴ്സൺ ഫാത്തിമത്ത് സുഹറാബി സി ടി
കൗൺസിലർമാരായ ഇഞ്ചിനിയർ ബിച്ചു, സുഹൈർ ,സി കെ .പി ഫിറോസ്, കെ.കെ ഷിദ് ,ബബിത .വി , സൽമാൻ കെ.പി, എംഡിഎഫ് പ്രസിണ്ടണ്ട് എസ്.എ അബൂബക്കർ, വൈസ് പ്രസിഡന്റ് അഡ്വ.സുജാത വർമ്മ, രക്ഷാധികാരിമാരായ ഗുലാം ഹുസൈൻ, സഹദ് പുറക്കാട്, കൊളക്കാടൻ, ജനറൽ സിക്രട്ടറി അബ്ദുറഹിമാൻ ഇടക്കുനി, ഓർഗനൈസിങ്ങ് സെക്രട്ടറി പി. അബ്ദുൾ കലാം ആസാദ്
ട്രഷറർ സന്തോഷ് വലിയപറമ്പത്ത്, ആക്ക്ഷൻ ഫോറം കോഡിനേറ്റർ ഒ.കെ മൻസൂർ ബേപ്പൂർ ട്രഷറർ എം.കെ താഹ, എം ഡി ഫ് ഉന്നതാധികാര സമിതി അംഗം സിന്ധു പുഴക്കൽ, നാട്ടുകാരുടെ പ്രതീനിധികളായ ജുനൈദ് മുക്കോടൻ , യാസിർ ചെങ്ങോടൻ, യാത്രക്കാരുടെ പ്രതിനിഥികളായ ആഷിക്ക് എടപ്പാൾ , മുഫീദ പേരാമ്പ്ര, മരിച്ചവരുടെ ബന്ധുവായ ഡോ: സജാദ് എന്നിവർ സംസാരിക്കും. ചടങ്ങിൽ പ്രശസ്ത പ്രഭാഷകൻ പി.എം എ ഗഫൂർ സ്വാന്തന പ്രഭാഷണം നടത്തും. തുടർന്ന് യാത്രക്കാരും മരിച്ചവരുടെ ആശ്രിതരും അതിജീവനത്തിൻ്റെ ഒരു വർഷം; അനുഭവങ്ങൾ പങ്ക് വെക്കും. എം ഡി ഫ് സെൻട്രൽ കമ്മിറ്റി ഭാരവാഹികളായ പി.കെ കബീർ സലാല ,പ്രത്യുരാജ് നാറാത്ത് ,അഷറഫ് കളിത്തങ്കൽ പാറ, കരിം വളാഞ്ചേരി, മിനി എസ്സ് നായർ എം.എ ഷഹനാസ് ,ഫസ് ല ബാനു , മൊയ്തുപ്പ ഹാജി നിസ്താർ ചെറുവണ്ണൂർ, വാസൻ നെടുങ്ങാടി ഫ്രിഡാ പോൾ ,അബ്ബാസ് കളത്തിൽ, സലിം പറമ്പിൽ ,സജ്ന വേങ്ങേരി, അഫ്സൽ ബാബു, ഷെബിർ കോട്ടക്കൽ എന്നിവർ നേതൃത്വം നൽകും. ഒരു വർഷമായിട്ടും അപകടത്തിൻ്റെ അന്വേഷണ റിപ്പോർട്ട് പ്രസിദ്ദികരിക്കാത്തതും എയർ ഇന്ത്യയും എയർ ഇന്ത്യ നിയോഗിച്ച വക്കിൽ യാത്രക്കാരോടും മരപ്പെട്ടവരുടെ ആശ്രിത രോടും പുലർത്തുന്ന മനുഷ്യത്ത രഹിതമായ സമീപനത്തിനെതിരെയുള്ള ശക്തമായ താക്കീതായിരിക്കും ഈ സംഗമമെന്നും നഷ്ടപരിഹാരം നൽകുന്നതിൽ അമാന്തം കാണി ച്ച് നീതി നിഷേധിച്ചാൽ
ശക്തമായ പ്രക്ഷോഭം സംഘടിപ്പിക്കുമെന്നും മലബാർ ഡവലെപ്പ്മെൻ്റ് ഫോറം ജന:സെക്രട്ടറി അബ്ദുറഹിമാൻ ഇടക്കുനി പറഞ്ഞു.

The post കരിപ്പൂർ വിമാനാപകട വാർഷികം: മലബാർ ഡവലപ്മെന്റ് ഫോറം ദുരന്ത സ്ഥലത്ത് അനുസ്മരണ സംഗമം നടത്തുന്നു appeared first on Valanchery Online.

കരിപ്പൂർ വിമാനത്താവളത്തിൽ ഇന്നുമുതൽ ആഭ്യന്തരയാത്രക്കാർക്കും ആർ.ടി.പി.സി.ആർ പരിശോധന

വളാഞ്ചേരിക്കാരൻ — Sun, 06 Jun 2021 03:05:04 +0000

കരിപ്പൂർ : കോഴിക്കോട് വിമാനത്താവളത്തിലെത്തുന്ന ആഭ്യന്തരയാത്രക്കാർക്ക് ഞായറാഴ്ചമുതൽ കോവിഡ് പരിശോധന ഏർപ്പെടുത്തി. മറ്റു സംസ്ഥാനങ്ങളിൽനിന്ന് കോഴിക്കോട്ടെത്തുന്ന യാത്രക്കാരെയാണ് ആർ.ടി.പി.സി.ആർ. പരിശോധനയ്ക്ക് വിധേയമാക്കുക. ഇത്തരത്തിലുള്ള യാത്രക്കാർ സമ്പർക്കവിലക്കിൽ പോകേണ്ടിയുംവരും.

നിലവിൽ അന്താരാഷ്ട്ര യാത്രക്കാർക്ക് വിമാനത്താവളത്തിൽ സൗജന്യമായി ആർ.ടി.പി.സി.ആർ. ടെസ്റ്റ് നടത്തുന്നുണ്ട്. എന്നാൽ ആഭ്യന്തരയാത്രക്കാർക്ക് ഇതുവരെ പരിശോധന നടത്തിയിരുന്നില്ല. വിമാനത്താവളത്തിന് പുറത്തുകടക്കുന്നതോടെ യാത്രക്കാർ നേരെ വീട്ടിലെത്തണമെന്ന നിയമമുള്ളതിനാൽ ഇവർക്ക് കോവിഡ് പരിശോധന ബുദ്ധിമുട്ടായിരുന്നു. ഇത് പരിഗണിച്ചാണ് ഇപ്പോൾ ആഭ്യന്തരയാത്രക്കാർക്കും കോവിഡ് പരിശോധന ഏർപ്പെടുത്തിയിരിക്കുന്നത്.

The post കരിപ്പൂർ വിമാനത്താവളത്തിൽ ഇന്നുമുതൽ ആഭ്യന്തരയാത്രക്കാർക്കും ആർ.ടി.പി.സി.ആർ പരിശോധന appeared first on Valanchery Online.

സാങ്കേതിക തകരാർ; കരിപ്പൂരിൽ എയർ ഇന്ത്യ വിമാനം തിരിച്ചിറക്കി

വളാഞ്ചേരിക്കാരൻ — Fri, 09 Apr 2021 07:26:20 +0000

കരിപ്പൂർ :കരിപ്പൂർ വിമാനത്താവളത്തിൽനിന്ന് പറന്നുയർന്ന എയർ ഇന്ത്യ എക്‌സ്പ്രസ് വിമാനം അടിയന്തരമായി തിരിച്ചിറക്കി. ഇന്ന് രാവിലെ ഒമ്പതരയോടെ കുവൈത്തിലേക്കു പറന്നുയർന്ന വിമാനമാണ് ഏതാനും മിനിറ്റുകൾക്കകം തിരിച്ചിറക്കിയത്. വിമാനത്തിലെ കാർഗോ വസ്തുക്കൾ വയ്ക്കുന്ന ഭാഗത്തുനിന്ന് അടിയന്തര സ്വഭാവമുള്ള സിഗ്‌നൽ ലഭിച്ചതായാണ് വിവരം. യാത്രക്കാരും വിമാന ജീവനക്കാരും സുരക്ഷിതരാണെന്ന് അധികൃതർ അറിയിച്ചു. തുടർന്ന് സാങ്കേതിക പ്രശ്നങ്ങൾ പരിഹരിച്ചതിനു ശേഷം വിമാനം യാത്ര തിരിച്ചു.

The post സാങ്കേതിക തകരാർ; കരിപ്പൂരിൽ എയർ ഇന്ത്യ വിമാനം തിരിച്ചിറക്കി appeared first on Valanchery Online.

കരിപ്പൂർ വിമാനാപകടം: മൊത്തം നഷ്ടപരിഹാരം 660 കോടി രൂപ, യാത്രക്കാർക്ക് 282.49 കോടി

വളാഞ്ചേരിക്കാരൻ — Fri, 30 Oct 2020 11:38:06 +0000

കരിപ്പൂർ: കരിപ്പൂർ വിമാനാപകടത്തിൽ നൽകുന്നത് ഇന്ത്യൻ ഏവിയേഷൻ ചരിത്രത്തിലെ ഏറ്റവും ഉയർന്ന ഇൻഷുറൻസ് നഷ്ടപരിഹാരം. 660 കോടി രൂപയുടെ നഷ്ടപരിഹാരത്തിന് തീരുമാനമായത്. ഇന്ത്യൻ ഇൻഷുറൻസ് കമ്പനികളും ആഗോള ഇൻഷുറൻസ് കമ്പനികളും ചേർന്നാണ് തുക നൽകുന്നത്. ക്ലെയിമിന്റെ ഭൂരിഭാഗവും വഹിക്കുന്നത് ആഗോള ഇൻഷൂറൻസ് കമ്പനിയാണ്.

നഷ്ടപരിഹാരത്തിൽ 378.83 കോടി രൂപ വിമാനത്തിനുണ്ടായ നഷ്ടം നികത്താനും, 282.49 കോടി രൂപ യാത്രക്കാർക്ക് നഷ്ടപരിഹാരം നൽകാനുമാണ് ഉപയോഗിക്കുക.ക്ലെയിമിന്റെ ഭൂരിഭാഗവും വഹിക്കുന്നത് ആഗോള ഇൻഷുറൻസ് കമ്പനികളാണ്. യാത്രക്കാർക്ക് നൽകേണ്ട പ്രാഥമിക നഷ്ടപരിഹാരമെന്ന നിലയിൽ മൂന്നരക്കോടി ന്യൂ ഇന്ത്യാ ഇൻഷുറൻസ് നൽകിയിട്ടുണ്ട്. ബാക്കി തുക വിശദാംശങ്ങൾ പരിശോധിച്ച ശേഷം പിന്നീട് നൽകും.

ഇക്കഴിഞ്ഞ ഓഗസ്റ്റ് ഏഴിനാണ് ലാൻഡിംഗിനിടെ വിമാനം തെന്നിനീങ്ങി അപകമുണ്ടായത്. രണ്ട് പൈലറ്റുമാരുൾപ്പടെ 21 പേരാണ് അപകടത്തിൽ മരിച്ചത്. നിരവധിപേർക്ക് പരിക്കേറ്റു.

The post കരിപ്പൂർ വിമാനാപകടം: മൊത്തം നഷ്ടപരിഹാരം 660 കോടി രൂപ, യാത്രക്കാർക്ക് 282.49 കോടി appeared first on Valanchery Online.

കരിപ്പൂരിൽ തകർന്ന വിമാനത്തിന്റെ ഭാഗങ്ങൾ മാറ്റാനാരംഭിച്ചു

വളാഞ്ചേരിക്കാരൻ — Sat, 24 Oct 2020 02:08:42 +0000

കരിപ്പൂർ : കോഴിക്കോട് വിമാനത്താവളത്തിൽ അപകടത്തിൽപ്പെട്ട എയർഇന്ത്യ എക്സ്പ്രസ് വിമാനത്തിന്റെ ഭാഗങ്ങൾ കൂട്ടാലുങ്ങൽ ഭാഗത്ത് പ്രത്യേകമായി ഒരുക്കിയ സ്ഥലത്തേക്ക് മാറ്റി. അപകടത്തിൽ മൂന്നായി തകർന്ന വിമാനത്തിന്റെ കോക്ക്പിറ്റ് ഉൾപ്പെടുന്ന ഭാഗവും മധ്യഭാഗവും കഷണങ്ങളാക്കിയാണ് മാറ്റിയത്.

മുംബൈയിൽനിന്നുള്ള എയർഇന്ത്യ ഉദ്യോഗസ്ഥരുടെ സാന്നിധ്യത്തിലായിരുന്നു വിമാനഭാഗം ഉയർത്തിയത്. കഴിഞ്ഞദിവസം കോക്ക്പിറ്റിന്റെ അടിഭാഗം വിമാനാപകടം അന്വേഷിക്കുന്ന വിദഗ്‌ധസംഘം പരിശോധിച്ച് ലോറിയിൽ കയറ്റിയിരുന്നു. എന്നാൽ പരിശോധന പൂർത്തിയാകാത്തതിനാൽ സംഘം മാറ്റാൻ അനുമതി നൽകിയിരുന്നില്ല. വെള്ളിയാഴ്ച അനുമതി ലഭിച്ചതോടെയാണ് മാറ്റിയത്.

The post കരിപ്പൂരിൽ തകർന്ന വിമാനത്തിന്റെ ഭാഗങ്ങൾ മാറ്റാനാരംഭിച്ചു appeared first on Valanchery Online.

കരിപ്പൂർ വിമാനാപകടം: ചികിത്സയിൽ കഴിയുന്നത് 115 പേർ

വളാഞ്ചേരിക്കാരൻ — Mon, 10 Aug 2020 23:54:41 +0000

മലപ്പുറം: കരിപ്പൂർ വിമാനാപകടത്തിൽ പരിക്കേറ്റ 115 പേർ വിവിധ ആശുപത്രികളിൽ ചികിത്സയിൽ തുടരുന്നതായി കളക്ടർ കെ. ഗോപാലകൃഷ്ണൻ അറിയിച്ചു. ഇതിൽ 14 പേരുടെ നില ഗുരുതരമായി തുടരുന്നു. 57 പേർ വിദഗ്ധചികിത്സയ്ക്കുശേഷം വീട്ടിലേക്കു മടങ്ങി.

ആശുപത്രിയും ചികിത്സയിലുള്ളവുടെ എണ്ണവും:കോട്ടയ്ക്കൽ അൽമാസ് (2) പെരിന്തൽമണ്ണ അൽഷിഫ (16), മഞ്ചേരി കൊരമ്പയിൽ (1), മഞ്ചേരി മലബാർ (1), കോഴിക്കോട് മിംസ് (32), കോട്ടയ്ക്കൽ മിംസ് (5), പെരിന്തൽമണ്ണ മൗലാന (2), കോഴിക്കോട് മൈത്ര (10), കോഴിക്കോട് ബേബി മെമ്മോറിയൽ (22), കോഴിക്കോട് ഇഖ്‌റ (5), പെരിന്തൽമണ്ണ എം.ഇ.എസ്. (3), കോഴിക്കോട് മെഡിക്കൽകോളേജ് ആശുപത്രി (9), കോഴിക്കോട് ബീച്ച് ആശുപത്രി (7).

The post കരിപ്പൂർ വിമാനാപകടം: ചികിത്സയിൽ കഴിയുന്നത് 115 പേർ appeared first on Valanchery Online.