kanmanam Archives - Valanchery Online

തുവ്വക്കാട് കാറും ബൈക്കും കൂട്ടിയിടിച്ച് വിദ്യാർഥിക്ക് പരിക്ക്

വളാഞ്ചേരിക്കാരൻ — Sun, 05 Dec 2021 15:21:09 +0000

കല്പകഞ്ചേരി : കന്മനം തുവ്വക്കാട് ബൈക്കും കാറും കൂട്ടിയിടിച്ച് ബൈക്ക് യാത്രക്കാരനായ വിദ്യാർഥിക്ക് പരിക്ക്. ശനിയാഴ്ച രാവിലെയായിരുന്നു അപകടം. തിരൂർ ഭാഗത്തുനിന്ന് വരികയായിരുന്ന ബൈക്ക് മറ്റൊരു വാഹനത്തെ മറികടക്കാൻ ശ്രമിക്കുന്നതിനിടെ എതിർവശത്തുകൂടി പോകുകയായിരുന്ന കാറുമായി കൂട്ടിയിടിക്കുകയായിരുന്നു. ഏഴൂർ സ്വദേശിയായ വിദ്യാർഥിക്കാണ് പരിക്കേറ്റത്. പരിക്ക് സാരമുള്ളതല്ല.

The post തുവ്വക്കാട് കാറും ബൈക്കും കൂട്ടിയിടിച്ച് വിദ്യാർഥിക്ക് പരിക്ക് appeared first on Valanchery Online.

കാർഷിക യന്ത്രങ്ങൾ പകുതി വിലക്ക്; കന്മനം പാറക്കല്ലിൽ കാർഷിക യന്ത്രങ്ങളുടെ പ്രദർശനവും വിൽപ്പനയും

വളാഞ്ചേരിക്കാരൻ — Mon, 19 Jul 2021 12:56:25 +0000

കൽപകഞ്ചേരി: ട്രാക്ടർ മുതൽ വീൽ ബാരോ (അർബാന ) വരെ നമ്മുടെ കർഷകർ ഉപയോഗിക്കുന്ന കാർഷിക ഉപകരണങ്ങൾ പകുതി വിലക്ക് ( 50% സബ്സീഡി )നൽകി കേരളത്തിന്ന് തന്നെ മാതൃകയാവുകയാണ് പൂത്തനത്താണി Total tools ഉം വളവന്നൂർ പഞ്ചായത്തിലെ കൻമനം എനർജി പാറക്കൽ ക്ഷീര സംഘവും.കേന്ദ്ര , കേരള സർക്കാർ സംയുക്തമായി നടപ്പിലാക്കുന്ന SMAM പദ്ധതിയുടെ ഭാഗമായി വ്യത്യസ്ഥ സർക്കാർ ഏജൻസികളുടെ സഹകാരണത്തോടെ കാർഷിക യന്ത്രങ്ങൾ നിങ്ങളുടെ കൺ മുന്നിൽ പ്രദശിപ്പിച്ച് ആവശ്യമായതു തെരെഞ്ഞെടുക്കാനുള്ള സൗകര്യം ഈ പ്രദശന ഹാളിൽ ഒരുക്കിയിട്ടുണ്ട്.ട്രാക്ടർ , കാട് വെട്ട് യന്ത്രം പവർ ട്രില്ലർ, തെങ്ങ് മാന്തി യന്ത്രം ,നടീൽ യന്ത്രം കൊയ്ത്തുമെതി യന്ത്രം, തെങ്ങ്കയറ്റ യന്ത്രം തോട്ടം നനക്കുന്നതിനുള്ള പമ്പുസെറ്റുകൾ ക്ഷീര കർഷകർക്കുള്ള പുൽവെട്ടി യന്ത്രം (ബുഷ് കട്ടർ), പുൽ മുറിക്കുന്ന യന്ത്രം (ഷാഫ് കട്ടർ), അറബാന , വെത്തില, കമുങ്ങ്, കുരുമുളക് കർഷകർ ഉപയോഗിക്കുന്ന അലൂമിനിയം ഏണി തുടങ്ങി എല്ലാ യന്ത്രങ്ങളും നിങ്ങൾക്ക് നേരിട്ട് കണ്ട് തെരെഞ്ഞെടുക്കുകയും ശേഷം ബുക്ക് ചെയ്തു സബ്സീഡി ഉറപ്പ് വരുത്തി വാങ്ങിക്കുന്നതിന്നും ഞങ്ങൾ നിങ്ങളെ സഹായിക്കുന്നു.ഭാരത് സർക്കാർ കൃഷി മന്ത്രാലയത്തിന്റേയും കേരള കാർഷിക വികസന കർഷക ക്ഷേമ വകുപ്പിന്റേയും സംയുക്താഭിമുഖ്യത്തിൽ നമ്മുടെ കർഷകർക്കിടയിൽ കാർഷിക യന്ത്രങ്ങളുടെ ഉപയോഗം വർദ്ധിപ്പിക്കുക എന്ന ലക്ഷ്യത്തോടെയാണ് ഈ പദ്ധതി നടപ്പിലാക്കുന്നതു. യന്ത്രങ്ങളുടെ പ്രദർശനം കുറുക്കോളി മൊയ്തീൻ എം.എൽ.എ ഉദ്ഘാടനം ചെയ്തു.

ജില്ലാ പഞ്ചായത്തംഗം മയ്യേരി നസീബ അസീസ്, വളവന്നൂർ പഞ്ചായത്ത് വൈസ് പ്രസിഡൻ്റ് എ.കെ.മുജീബ് റഹ്മാൻ, ബ്ലോക്ക് വൈസ് പ്രസിഡൻ്റ് പി.സി.അഷ്റഫ്, ബ്ലോക്ക് മെമ്പർ ടി.കെ.നസീജ, വാർഡ് മെമ്പർ വി.പി.ഖൈറുന്നീസ,താനൂർ എ.ഡി.എ, കൃഷി അസിസ്റ്റൻ്റ് ഷിനോജ്, എനർജി പ്രസിഡൻ്റ് മുഹമ്മദുണ്ണി
എന്നിവർ പങ്കെടുത്തു.
തികച്ചും സൗജന്യമായ പ്രദർശനം യന്ത്രങ്ങളുടെ പ്രവർത്തനങ്ങൾ മനസ്സിലാക്കുന്നതിനു നിങ്ങളെ സഹായിക്കന്നു. കൃഷി വികസന വകുപ്പ്, ക്ഷീര വികസന വകുപ്പ് , ആത്മ, മൃഗസംരക്ഷണ വകുപ്പ് , തവനൂർ കൃഷി വിജ്ഞാന കേന്ദ്രം, നബാഡ് ,വളവന്നൂർ കർഷക സഭ എന്നിവരുടെ സഹകരണത്തോടെയാണ് പദ്ധതി നടപ്പാക്കുന്നത്. ഫോൺ: 9946091500,9061350350

The post കാർഷിക യന്ത്രങ്ങൾ പകുതി വിലക്ക്; കന്മനം പാറക്കല്ലിൽ കാർഷിക യന്ത്രങ്ങളുടെ പ്രദർശനവും വിൽപ്പനയും appeared first on Valanchery Online.

വളവന്നൂർ കൻമനത്ത് കുറുക്കന്റെ കടിയേറ്റ് രണ്ടുപേർക്ക് പരിക്ക്

വളാഞ്ചേരിക്കാരൻ — Wed, 05 May 2021 01:27:41 +0000

കല്പകഞ്ചേരി : വളവന്നൂർ കൻമനത്ത് കുറുക്കന്റെ കടിയേറ്റ് രണ്ടുപേർക്ക് പരിക്ക്. കന്മനം കല്ലുപാലം കായലിനടുത്തുള്ള തയ്യിൽ കോതളത്ത് വീട്ടിൽ കോയ, കല്ലുപാലം ടി.വി. ആഷിർ എന്നിവർക്കാണ് പരിക്കേറ്റത്.

കോയയുടെ കാലിനും ആഷിറിന്റെ കൈക്കുമാണ് കടിയേറ്റത്. ഇരുവരും തിരൂർ ജില്ലാ ആശുപത്രിയിൽ ചികിത്സതേടി.കായൽപ്പാടത്ത് പച്ചക്കറിക്കൃഷി ചെയ്യുന്ന കോയ വൈകുന്നേരം പച്ചക്കറി നനയ്ക്കുന്നതിനിടെയാണ് കടിയേൽക്കുന്നത്. ആഷിറിന് സ്വന്തം വീട്ടുമുറ്റത്തുനിന്നും. ഈ ഭാഗത്ത് കുറുക്കന്റെ ശല്യംവർധിച്ചതായി നാട്ടുകാർ പറഞ്ഞു. വീട്ടിൽവളർത്തുന്ന പക്ഷിമൃഗാദികൾക്കു നേരെയും ആക്രമം ഉണ്ടാവാറുണ്ട്. പ്രശ്നത്തിന് പരിഹാരംകാണണമെന്നാണ് നാട്ടുകാരുടെ ആവശ്യം.

The post വളവന്നൂർ കൻമനത്ത് കുറുക്കന്റെ കടിയേറ്റ് രണ്ടുപേർക്ക് പരിക്ക് appeared first on Valanchery Online.