jeep Archives - Valanchery Online

ഓപറേഷൻ റൈസ്; കോട്ടക്കൽ പുത്തൂർ ബൈപാസിൽ രൂപമാറ്റം വരുത്തിയ ജീപ്പ് മോട്ടോർ വാഹന വകുപ്പ്

വളാഞ്ചേരിക്കാരൻ — Thu, 14 Jul 2022 01:06:42 +0000

രൂപമാറ്റംവരുത്തി അപകടകരമായ രീതിയിൽ റൈസിങ് നടത്തിയ ജീപ്പ് മോട്ടോർ വാഹന വകുപ്പ് എൻഫോഴ്സ്മെന്റ് വിഭാഗം കസ്റ്റഡിയിലെടുത്ത്‌ പിഴചുമത്തി. കോട്ടക്കൽ പുത്തൂർ ബൈപാസിൽനിന്നാണ് വാഹനം പിടികൂടിയത്. ജീപ്പിന്റെ ബോഡി, ടയർ, സീറ്റ് തുടങ്ങി വിവിധ തരം രൂപമാറ്റങ്ങൾ വരുത്തിയും കണ്ണഞ്ചിപ്പിക്കുന്ന കളർ ലൈറ്റുകൾ സ്ഥാപിച്ചും റൈസിങ് നടത്തിയതിലാണ് നടപടി. 33,000 രൂപയാണ്‌ പിഴചുമത്തിയത്. ഡ്രൈവറുടെ ലൈസൻസ് സസ്പെൻഡ് ചെയ്തു. എഎംവി‌ഐമാരായ എബിൻ ചാക്കോ, വിജീഷ് വാലേരി, പി ബോണി എന്നിവരാണ്‌ ജീപ്പ്‌ കസ്റ്റഡിയിലെടുത്തത്‌.

The post ഓപറേഷൻ റൈസ്; കോട്ടക്കൽ പുത്തൂർ ബൈപാസിൽ രൂപമാറ്റം വരുത്തിയ ജീപ്പ് മോട്ടോർ വാഹന വകുപ്പ് appeared first on Valanchery Online.

എടരിക്കോട് ജീപും കാറും കൂട്ടിയിടിച്ചു; ഇരിമ്പിളിയം സ്വദേശികളടക്കം 13 പേർക്ക് പരിക്ക്

വളാഞ്ചേരിക്കാരൻ — Mon, 14 Mar 2022 01:16:43 +0000

എടരിക്കോട്: എടരിക്കോട് ദേശീയപാത 66 -ൽ കാറും ജീപ്പും കൂട്ടിയിടിച്ചുണ്ടായ അപകടത്തിൽ 13 പേർക്ക് പരിക്കേറ്റു. ഇവരെ ചങ്കുവെട്ടിയിലെ സ്വകാര്യ ആശുപത്രിയിൽ പ്രവേശിപ്പിച്ചു. ഞായറാഴ്ച ഉച്ചകഴിഞ്ഞ് 3.30-നായിരുന്നു അപകടം. വെണ്ടല്ലൂർ സ്വദേശികളായ ശിവശങ്കരൻ (62), ഗിരിജ (56), സുമതി (47), െെവലത്തൂർ സ്വദേശികളായ ഷാഹിദ (29), ഫാത്തിമ നിസ്‍ഫ (9), ബീവി (48), ഹംസ (57), സാനിബ (19), നൈഷാ ഫാത്തിമ (10 മാസം), ബീപ്പാത്തു (75), ഹനാൻ (ആറുമാസം), ഫിനാന (17), കുമ്പിടി സ്വദേശി ദേവയാനി (50) എന്നിവർക്കാണു പരിക്കേറ്റത്. അപകടത്തിൽപ്പെട്ട വാഹനത്തിൽനിന്ന് ഒഴുകിപ്പരന്ന ഓയിൽ തിരൂർ അഗ്നിരക്ഷാനിലയത്തിൽനിന്നെത്തിയ ഉദ്യോഗസ്ഥർ നീക്കി.

The post എടരിക്കോട് ജീപും കാറും കൂട്ടിയിടിച്ചു; ഇരിമ്പിളിയം സ്വദേശികളടക്കം 13 പേർക്ക് പരിക്ക് appeared first on Valanchery Online.

അത്തിപ്പറ്റയിൽ ടാങ്കർ ലോറിയും ജീപ്പും കൂട്ടിയിടിച്ച് ജീപ്പ് ഡ്രൈവർക്ക് പരുക്ക്

വളാഞ്ചേരിക്കാരൻ — Mon, 13 May 2019 18:46:27 +0000

പൂക്കാട്ടിരി: പൂക്കാട്ടിരി അത്തിപ്പറ്റയിൽ ടാങ്കർ ലോറിയും ജീപ്പും കൂട്ടിയിടിച്ച് ജീപ്പ് ഡ്രൈവർക്ക് പരുക്ക്. തിങ്കളാഴ്ച്ച രാത്രി 10.30 ഓടേയാണ് അപകടം നടന്നത്. ജീപ്പ് ഡ്രൈവറായ ചോർണിയിൽ അബ്ദുറഷീദിനാണ് പരുക്ക് പറ്റിയത്. വളാഞ്ചേരിയിലെ സ്വകാര്യ ആശുപത്രിയിൽ പ്രവേശിപ്പിച്ച റഷീദിന്റെ പരുക്ക് ഗുരുതരമല്ല.

അത്തിപ്പറ്റയിൽ നിന്നും പലചരക്ക് കടയടച്ച് പഴയ ചന്തയിലുള്ള വീട്ടിലേക്ക് പോവുമ്പോൾ എതിരെ വന്ന ടാങ്കർ ലോറി ഇടിക്കുകയായുന്നു. ഇടിയുടെ ആഘാതത്തിൽ ജീപ്പ് 2 തവണ മറിഞ്ഞാണ് തൊട്ടടുത്തുള്ള ട്രാൻസ്ഫോമറിന്റെ അടുത്ത് വന്ന് നിന്നത്. ട്രാൻസ്ഫോമറിൽ വന്നിടിക്കാത്തതിനാൽ വൻ ദുരന്തമാണ് ഒഴിവായത്. അമിത വേഗതയിലായിരുന്നു ടാങ്കർ ലോറി വന്നിരുന്നതെന്ന് ദൃക്സാക്ഷി പറഞ്ഞു. അപകടം നടന്ന സ്ഥലത്ത് നിന്നും ഏറെ ദുരം ചെന്നാണ് ടാങ്കർ ലോറി നിർത്തിയത്.

The post അത്തിപ്പറ്റയിൽ ടാങ്കർ ലോറിയും ജീപ്പും കൂട്ടിയിടിച്ച് ജീപ്പ് ഡ്രൈവർക്ക് പരുക്ക് appeared first on Valanchery Online.

രാമക്കൽമേട്ടിൽ 300 അടി താഴ്ചയിലേക്ക് ജീപ്പ് മറിഞ്ഞ് പട്ടാമ്പി സ്വദേശി മരിച്ചു

വളാഞ്ചേരിക്കാരൻ — Sun, 07 Apr 2019 01:54:53 +0000

രാമക്കൽമേട്ടിൽ 300 അടി താഴ്ചയിലേക്ക് ജീപ്പ് മറിഞ്ഞ് പട്ടാമ്പി സ്വദേശി മരിച്ചു. നിരവധി പേർക്ക് പരിക്ക്. തൃശൂര്‍ കുന്നംകുളം ഗുഡ്‌ഷെപ്പേര്‍ഡ് ഐടിഐ വിദ്യാര്‍ത്ഥികള്‍ സഞ്ചരിച്ച ഓഫ് റോഡ് ജീപ്പ് ഇടുക്കി രാമക്കല്‍മേട് നൂറടി താഴ്ചയിലേക്ക് മറിഞ്ഞ് സഞ്ചാരികൾക്ക് പരിക്കേൽക്കുകയും ഒരാൾ മരണപ്പെടുകയും ചെയ്തു. ഗുരുതരമായി പരുക്കേറ്റ ശ്രീജിത്തിനെ (19) കട്ടപ്പനയിലെ സ്വകാര്യ ആശുപത്രിയില്‍ പ്രവേശിപ്പിച്ചെങ്കിലും മരണം സംഭവിയ്ക്കുകയായിരുന്നു. സംഭവത്തില്‍ ഡ്രൈവര്‍ ഗിരീഷ്, കോ ഓര്‍ഡിനേറ്റര്‍ അഖില്‍,ഐ.ടി.ഐ വിദ്യാര്‍ത്ഥികളായ അഭിജിത്ത്(20), സോനു(19), ഷെഫീഖ്(22), ഹാബിന്‍(19), രാഹുല്‍(18), എന്നിവര്‍ക്ക് പരുക്കേറ്റു. പട്ടാമ്പി മരുതൂര്‍ വടക്കേപാട്ട് കുടുംബാംഗമാണ് മരിച്ച ശ്രിജീത്ത്‌.

രാമക്കല്‍മേട്ടില്‍ അനധികൃത ഓഫ് റോഡ് സവാരി നടത്തിയ ജീപ്പ് 300 അടി താഴ്ചയിലേക്ക് മറിഞ്ഞ് ഏഴ് വിദ്യാര്‍ത്ഥികള്‍ക്കും ഡ്രൈവര്‍ക്കും പരുക്കേറ്റത്. രാമക്കല്‍മേട് കുരുവിക്കാനം കാറ്റാടിപ്പാടത്തിന് സമീപമാണ് അപകടം നടന്നത്. തൃശൂര്‍ കുന്നംകുളം ഗുഡ്‌ഷെപ്പേര്‍ഡ് ഐ.ടി.ഐയില്‍ നിന്നും എത്തിയ 28 വിദ്യാര്‍ത്ഥികള്‍ നാല് ജീപ്പുകളിലായാണ് ഓഫ് റോഡ് സവാരിക്കായി പോയത്. ആദ്യത്തെ ജീപ്പ് ചെങ്കുത്തായ പാറയുടെ മുനമ്പില്‍ എത്തിയശേഷം വാഹനം ഉപയോഗിച്ചുള്ള അഭ്യാസപ്രകടനങ്ങള്‍ നടത്തുന്നതിനിടെ നിയന്ത്രണം നഷ്ടപ്പെടുകയായിരുന്നു.

150 അടിയോളം നിരങ്ങിനീങ്ങിയശേഷം അഗാധമായ കൊക്കയിലേക്ക് തലകുത്തനെ മറിയുകയായിരുന്നു. അപകടത്തില്‍ പരുക്കേറ്റവരെ നെടുങ്കണ്ടം, തൂക്കുപാലം എന്നിവിടങ്ങളിലെ സ്വകാര്യ ആശുപത്രികളില്‍ പ്രാഥമിക ചികിത്സ നല്‍കിയതിന് ശേഷം കട്ടപ്പനയിലെ സ്വകാര്യ ആശുപത്രിയില്‍ പ്രവേശിപ്പിച്ചു. വൈകുന്നേരം മൂന്നരയോടെയാണ് അപകടം നടന്നത്. കോളേജില്‍ നിന്നും കൊടൈക്കനാല്‍ സന്ദര്‍ശിച്ചശേഷം രാമക്കല്‍മേട്ടില്‍ എത്തിയതായിരുന്നു ഇവര്‍. രാമക്കല്‍മേട് സന്ദര്‍ശിച്ചശേഷം വൈകുന്നേരത്തോടെ തൃശൂരിലേക്ക് മടങ്ങാനിരിക്കുകയായിരുന്നു. പാറക്കെട്ടില്‍ നിന്നും ജീപ്പ് നിരങ്ങി നീങ്ങുന്നതിനിടെ പുറത്തേക്ക് ചാടിയവര്‍ പരുക്കേല്‍ക്കാതെ രക്ഷപെടുകയായിരുന്നു.

നിരവധി തവണ മലക്കം മറിഞ്ഞ ജീപ്പ് മരങ്ങളില്‍ തട്ടി നില്‍ക്കുകയായിരുന്നു. ജീപ്പ് പൂര്‍ണമായും തകര്‍ന്നു.അപകടത്തെത്തുടര്‍ന്ന് മറ്റ് വിദ്യാര്‍ത്ഥികളുടെ കരച്ചില്‍ കേട്ട് ഓടിയെത്തിയ നാട്ടുകാരും മറ്റ് വിനോദസഞ്ചാരികളും ചേര്‍ന്നാണ് പരുക്കേറ്റവരെ വാഹനത്തില്‍ നിന്നും പുറത്തെടുത്ത് ആശുപത്രിയില്‍ എത്തിച്ചത്. തോപ്പില്‍ ബിജു എന്നയാളുടെ ഉടമസ്ഥതയിലുള്ളതാണ് അപകടത്തില്‍ പെട്ട ജീപ്പ്. രാമക്കല്‍മേട്ടില്‍ മൂന്ന് മാസം മുമ്പാണ് ഓഫ് റോഡ് സവാരി പുനരാരംഭിച്ചത്. മുമ്പ് എല്ലാ മലനിരകളിലേക്കും ജീപ്പുകള്‍ സവാരി നടത്തിയിരുന്നു. അപകടങ്ങള്‍ പതിവായതിനെത്തുടര്‍ന്ന് ജില്ലാ ഭരണകൂടം ഇടപെട്ട് രാമക്കല്‍മേട് ഉള്‍പ്പടെയുള്ള സ്ഥലങ്ങളിലെ ഓഫ് റോഡ് സവാരി നിര്‍ത്തലാക്കിയിരുന്നു. രാമക്കല്‍മേട്ടില്‍ ആമപ്പാറയിലേക്ക് മാത്രമാണ് സവാരി നടത്താന്‍ ഡി.ടി.പി.സി അനുമതി നല്‍കിയിരുന്നത്.

The post രാമക്കൽമേട്ടിൽ 300 അടി താഴ്ചയിലേക്ക് ജീപ്പ് മറിഞ്ഞ് പട്ടാമ്പി സ്വദേശി മരിച്ചു appeared first on Valanchery Online.

ഓണപ്പുടയിൽ ജീപ്പും പിക്കപ്പ് വാനും കൂട്ടിയിടിച്ചു യാത്രികർക്ക് പരിക്കേറ്റു

വളാഞ്ചേരിക്കാരൻ — Wed, 11 Jul 2018 02:06:06 +0000

ഓണപ്പുട: അങ്ങാടിപ്പുറം-ഓണപ്പുട റോഡിൽ ഓണപ്പുട അംഗനവാടിക്ക് സമീപം ബൊലേറൊ ജീപ്പും പിക്കപ്പും കൂട്ടിയിടിച്ചു. ജീപ്പിൽ യാത്രചെയ്തിരുന്നവർക്ക് പരിക്കേറ്റു. പരിക്കുകൾ സാരമുള്ളതല്ല. കൊളത്തൂർ ഭാഗത്തേക്ക് വരികയായിരുന്ന പിക്കപ്പ് വാനും അങ്ങാടിപ്പുറം ഭാഗത്തേക്ക് പോവുകയായിരുന്ന ജീപ്പും തമ്മിലാണ് അപകടമുണ്ടായത്. ഇന്നലെവൈകിട്ടായിരുന്നു സംഭവം.

The post ഓണപ്പുടയിൽ ജീപ്പും പിക്കപ്പ് വാനും കൂട്ടിയിടിച്ചു യാത്രികർക്ക് പരിക്കേറ്റു appeared first on Valanchery Online.