jeelani Archives - Valanchery Online

മങ്കേരി ശൈഖ് ജീലാനി ഇസ്‌ലാമിക് അക്കാദമിയിൽ നടന്ന ജീലാനി സമ്മേളനം സമാപിച്ചു

വളാഞ്ചേരിക്കാരൻ — Wed, 08 Nov 2023 00:32:12 +0000

ഇരിമ്പിളിയം: മങ്കേരി ശൈഖ് ജീലാനി ഇസ്‌ലാമിക് അക്കാദമിയിൽ നടന്ന ജീലാനി സമ്മേളനം സമാപിച്ചു. സമാപനസംഗമം ശൈഖ് മുഹമ്മദ് അബ്ദുറഹീം മുസ്‌ലിയാർ വളപുരം ഉദ്ഘാടനം ചെയ്തു. അബ്ദുള്ള മുസ്‌ലിയാർ കാരപറമ്പ് അധ്യക്ഷത വഹിച്ചു. ഫസലുല്ല ഫൈസി വലിയോറ മുഖ്യപ്രഭാഷണം നടത്തി. ശൈഖ് സൈനുൽ ആബിദീൻ തങ്ങൾ ഇയ്യാട്, ശൈഖ് ഹംസ മുസ്‌ലിയാർ മൂന്നാക്കൽ, ശൈഖ് എസ്.എ. മൗലവി കോട്ടപ്പുറം, അബ്ദുൽ മജീദ് ഹുദവി പൂങ്ങോട്, സുലൈമാൻ ഹുദവി അഞ്ചച്ചവടി, ഹിദായത്തുള്ള മെഹബൂബി, അബ്ദുൽ നാസർ മെഹബൂബി തുടങ്ങിയവർ പ്രസംഗിച്ചു. തുടർന്ന് പഠനസംഗമത്തിൽ അബ്ദുൽ മജീദ് ഹുദവി പൂങ്ങോട, മുസ്തഫ ബാഖവി പുറമണ്ണൂർ എന്നിവർ വിവിധ വിഷയങ്ങൾ അവതരിപ്പിച്ചു.

The post മങ്കേരി ശൈഖ് ജീലാനി ഇസ്‌ലാമിക് അക്കാദമിയിൽ നടന്ന ജീലാനി സമ്മേളനം സമാപിച്ചു appeared first on Valanchery Online.

വളാഞ്ചേരി ജീലാനി മസ്ജിദിൽ ബദർ അനുസ്മരണവും സമൂഹ നോമ്പുതുറയും സംഘടിപ്പിച്ചു

വളാഞ്ചേരിക്കാരൻ — Thu, 21 Apr 2022 00:10:45 +0000

വളാഞ്ചേരി: ജീലാനി സ്റ്റഡീസ് സെന്റർ ഏരിയ കമ്മിറ്റിക്ക് കീഴിൽ ബദർ അനുസ്മരണവും സമൂഹ നോമ്പുതുറയും സംഘടിപ്പിച്ചു. വളാഞ്ചേരി ജീലാനി മസ്ജിദിൽ നടന്ന മൗലിദ് പ്രാർത്ഥനാ സംഗമത്തിന് ഗൗസിയ സുന്നി ജംഇയ്യത്തുൽ ഉലമ പ്രസിഡൻറ് ശൈഖ് അബ്ദുറഹീം മുസ്‌ലിയാർ വളപുരം നേതൃത്വം നൽകി.ശൈഖ് ഹംസ ഉസ്താദ് മൂന്നാക്കൽ, ശൈഖ് എസ്.എ.മൗലവി, ഉസ്താദ് അബ്ദുല്ല മുസ്‌ലിയാർ കാരാപറമ്പ്, ശൈഖ് അബ്ദുൽ മജീദ് ഹുദവി പൂങ്ങോട്, ശൈഖ് സുലൈമാൻ ഹുദവി അഞ്ചച്ചവിടി തുടങ്ങിയവർ പങ്കെടുത്തു.

ഉച്ചക്ക് നടന്ന അനുസ്മരണ സംഗമത്തിൽ മുസ്തഫ ബാഖവി പുറമണ്ണൂർ മുഖ്യപ്രഭാഷണം നടത്തി. ജീലാനി സ്റ്റഡീസ് സെന്റർ സെൻട്രൽ കമ്മിറ്റി പ്രസിഡൻ്റ് ശൈഖ് ഫസ്‌ലുല്ല ഫൈസി വലിയോറ ഉദ്ഘാടനം ചെയ്തു. സൈതലവി മാസ്റ്റർ പൂക്കാട്ടിരി സ്വാഗതവും അബ്ദുറഹ്മാൻ മുസ്‌ലിയാർ നന്ദിയും പറഞ്ഞു.
സമൂഹ നോമ്പുതുറയോടെ സംഗമം സമാപിച്ചു.

The post വളാഞ്ചേരി ജീലാനി മസ്ജിദിൽ ബദർ അനുസ്മരണവും സമൂഹ നോമ്പുതുറയും സംഘടിപ്പിച്ചു appeared first on Valanchery Online.

മങ്കേരി ശൈഖ് ജീലാനി ഇസ്‍ലാമിക് അക്കാദമിയിലെ ജീലാനി സമ്മേളനം സമാപിച്ചു

വളാഞ്ചേരിക്കാരൻ — Wed, 24 Nov 2021 01:34:16 +0000

ഇരിമ്പിളിയം : ദീനിന്റെ നവോത്ഥാനം സാധ്യമാക്കിയ അതുല്യ വ്യക്തിത്വമാണ് ശൈഖ് അബ്ദുൽ ഖാദിർ ജീലാനിയെന്ന് ഗൗസിയ സുന്നി ജംഇയ്യത്തുൽ ഉലമ പ്രസിഡന്റ് ശൈഖ് അബ്ദുറഹീം മുസ്‍ലിയാർ വളപുരം പറഞ്ഞു. ഇരിമ്പിളിയം മങ്കേരി ശൈഖ് ജീലാനി ഇസ്‍ലാമിക് അക്കാദമിയിൽ ജീലാനി സമ്മേളനത്തിന്റെ സമാപനസംഗമം ഉദ്ഘാടനം ചെയ്യുകയായിരുന്നു അദ്ദേഹം.

അബ്ദുല്ല മുസ്‍ലിയാർ കാരാപറമ്പ് അധ്യക്ഷത വഹിച്ചു. ഫസ്‌ലുള്ള ഫൈസി വലിയോറ മുഖ്യപ്രഭാഷണം നടത്തി. അബ്ദുൽ മജീദ് ഹുദവി പൂങ്ങോട്, കാസിം തങ്ങൾ തിരുവനന്തപുരം, ഹംസ മുസ്‍ലിയാർ മൂന്നാക്കൽ, അബ്ബാസ് ഫൈസി വഴിക്കടവ്, മുഹമ്മദ് മുസ്തഫ മന്നാനി പുല്ലൂർ, റഫീഖ് ഹുദവി കൊണ്ടോട്ടി, മുസ്തഫ ഹുദവി കോട്ടുമല തുടങ്ങിയവർ പങ്കെടുത്തു. രാവിലെ 10-ന് നടന്ന തസ്‌കിയത്ത് ക്യാമ്പിൽ സുലൈമാൻ ഹുദവി അഞ്ചച്ചവടി, അബ്ദുള്ള പൂക്കാട്ടിരി, ഹാഫിദ് അബ്ദുൽ ഷുക്കൂർ ജീലാനി തുടങ്ങിയവർ സംസാരിച്ചു.

The post മങ്കേരി ശൈഖ് ജീലാനി ഇസ്‍ലാമിക് അക്കാദമിയിലെ ജീലാനി സമ്മേളനം സമാപിച്ചു appeared first on Valanchery Online.

മങ്കേരി ശൈഖ് ജീലാനി ഇസ്‌ലാമിക് അക്കാദമിയിൽ ജീലാനി സമ്മേളനത്തിന് കൊടിയേറി

വളാഞ്ചേരിക്കാരൻ — Tue, 16 Nov 2021 02:51:06 +0000

ഇരിമ്പിളിയം: ജീലാനി സ്റ്റഡീസ് സെന്റർ സംഘടിപ്പിക്കുന്ന ജീലാനി സമ്മേളനത്തിൻ്റെ കൊടിയേറ്റം ഗൗസിയ സുന്നി ജംഇയ്യത്തുൽ ഉലമ പ്രസിഡൻ്റ് ശൈഖ് അബ്ദുറഹീം മുസ്‌ലിയാർ വളപുരം നിർവഹിച്ചു. മങ്കേരി ശൈഖ് ജീലാനി ഇസ്‌ലാമിക് അക്കാദമിയിൽ നടന്ന സംഗമത്തിൽ ശൈഖ് ഹംസ മുസ്‌ലിയാർ മൂന്നാക്കൽ ആദ്ധ്യക്ഷം വഹിച്ചു. ശൈഖ് ഫസ്ലുള്ള ഫൈസി വലിയോറ, ശൈഖ് അബ്ദുൽ മജീദ് ഹുദവി പൂങ്ങോട്, മുസ്തഫ ബാഖവി പുറമണ്ണൂർ, മുഹമ്മദ് മുസ്തഫ മന്നാനി പുല്ലൂർ, ഹാഫിള് അബ്ദുൽ ശുക്കൂർ ജീലാനി, റഫീഖ് ഹുദവി കൊണ്ടോട്ടി, മുസ്തഫ ഹുദവി കോട്ടുമല തുടങ്ങിയവർ പങ്കെടുത്തു.

കൊടിയേറ്റ ത്തോടനുബന്ധിച്ച് ദിക്റ് ദുആ മജ്‌ലിസും മൗലിദ് പാരായണവും നടന്നു. 21 ഞായറാഴ്ച നടക്കുന്ന സമാപന സമ്മേളനത്തോടനുബന്ധിച്ച് രാവിലെ 10 മണിക്ക് ആരംഭിക്കുന്ന തസ്കിയത്ത് ക്യാമ്പിൽ ശൈഖ് അബ്ദുൽ മജീദ് ഹുദവി പൂങ്ങോട്, ശൈഖ് സുലൈമാൻ ഹുദവി അഞ്ചച്ചവടി, അബ്ദുല്ല മുസ്‌ലിയാർ കാരാപറമ്പ്, ഹാഷിം മന്നാനി തിരുവനന്തപുരം, അബ്ദുള്ള പൂക്കാട്ടിരി തുടങ്ങിയവർ വിഷയാവതരണം നടത്തും. വൈകിട്ട് 7 മണിക്ക് നടക്കുന്ന സമാപന സംഗമത്തിൽ ശൈഖ് അബ്ദുറഹീം മുസ്ലിയാർ വളപുരം, ശൈഖ് സൈനുൽ ആബിദീൻ തങ്ങൾ ഇയ്യാട് , ഖാസിം തങ്ങൾ തിരുവനന്തപുരം, ശൈഖ് അബ്ദുൽ റസാഖ് സഖാഫി മംഗലാപുരം, ശൈഖ് ഹംസ മുസ്ലിയാർ മൂന്നാക്കൽ തുടങ്ങിയവർ പങ്കെടുക്കും.

The post മങ്കേരി ശൈഖ് ജീലാനി ഇസ്‌ലാമിക് അക്കാദമിയിൽ ജീലാനി സമ്മേളനത്തിന് കൊടിയേറി appeared first on Valanchery Online.

ഖുത്ബുസ്സമാൻ ശൈഖ് യൂസുഫ് സുൽത്താൻ ശാഹ് ഖാദിരി ചിശ്തിയുടെ രണ്ടാം ഉറൂസ്; സന്ദേശ പ്രചരണ പാക്ഷിക സമാപന സംഗമം മങ്കേരിയിൽ നടന്നു

വളാഞ്ചേരിക്കാരൻ — Tue, 05 Jan 2021 02:24:05 +0000

ഇരിമ്പിളിയം: മതത്തിന്റെ അകവും പുറവും ദർശിച്ചവരും അതിനനുസരിച്ച് ജീവിതം ചിട്ടപ്പെടുത്തിയവരുമാണ് യഥാർഥ സൂഫികളെന്ന് ഗൗസിയ്യ സുന്നി ജംഇയ്യത്തുൽ ഉലമാ പ്രസിഡന്റ് ശൈഖ് അബ്ദുറഹീം വളപുരം മുസ്‌ലിയാർ പറഞ്ഞു. ഖുത്ബുസ്സമാൻ ശൈഖ് യൂസുഫ് സുൽത്താൻ ശാഹ് ഖാദിരി ചിശ്തിയുടെ രണ്ടാം ഉറൂസിനോടനുബന്ധിച്ച് നടന്ന സന്ദേശ പ്രചാരണത്തിന്റെ സമാപനസമ്മേളനം മങ്കേരിയിൽ ഉദ്ഘാടനം ചെയ്യുകയായിരുന്നു അദ്ദേഹം.

ഹംസ ഉസ്താദ് മൂടാൽ അധ്യക്ഷത വഹിച്ചു. അബ്ദുൾ മജീദ് ഹുദവി പൂങ്ങോട്, ഹാഫിള് അബ്ദു ഷുക്കൂർ ജീലാനി മഞ്ചേരി, ഫസലുല്ല ഫൈസി വലിയോറ, ജലീൽ പാണക്കാട്, അബ്ദുറഹ്‌മാൻ മുസ്‌ലിയാർ പുതുപ്പറമ്പ് എന്നിവർ പ്രസംഗിച്ചു. എസ്.എ. മൗലവി കോട്ടപ്പുറത്തിന്റെ അധ്യക്ഷതയിൽ നടന്ന പഠനസംഗമം അബ്ദുല്ല മുസ്‌ലിയാർ കാരാപറമ്പ് ഉദ്ഘാടനംചെയ്തു.

The post ഖുത്ബുസ്സമാൻ ശൈഖ് യൂസുഫ് സുൽത്താൻ ശാഹ് ഖാദിരി ചിശ്തിയുടെ രണ്ടാം ഉറൂസ്; സന്ദേശ പ്രചരണ പാക്ഷിക സമാപന സംഗമം മങ്കേരിയിൽ നടന്നു appeared first on Valanchery Online.