iuml Archives - Valanchery Online

എടയൂർ പഞ്ചായത്ത് എംഎസ്എഫ് സമ്മേളനം പൂക്കാട്ടിരിയിൽ നടന്നു

വളാഞ്ചേരിക്കാരൻ — Sun, 18 May 2025 00:05:43 +0000

എടയൂർ: എടയൂർ പഞ്ചായത്ത് എംഎസ്എഫ് സമ്മേളനം പൂക്കാട്ടിരിയിൽ സംസ്ഥാന ജനറൽ സെക്രട്ടറി സി.കെ. നജാഫ് ഉദ്ഘാടനം ചെയ്തു. ജാഫർ സാദിഖ് അധ്യക്ഷത വഹിച്ചു. ജില്ലാ ജനറൽ സെക്രട്ടറി വി.എ. വഹാബ് മുഖ്യപ്രഭാഷണം നിർവഹിച്ചു. ജലീൽ കാടാമ്പുഴ, ഒ.പി. റഹൂഫ്, സിദ്ദിഖ് പാലാറ, ശരീഫ്, കെ.ടി. മജീദ്, എ.കെ. മുസ്തഫ, ഷാഫി വള്ളൂരാൻ, എടയൂർ ഗ്രാമപ്പഞ്ചായത്ത് പ്രസിഡന്റ് ഹസീന ഇമ്പ്രാഹിം, റിഫാകത്ത് അലി, ഷാഫി പാറമ്മൽ, അബ്ദുൽഖാദിർ അത്തിപ്പറ്റ, അബൂതാഹിർ കരേക്കാട് എന്നിവർ പ്രസംഗിച്ചു. പൂക്കാട്ടിരിയിൽനിന്ന് തുടങ്ങിയ പ്രകടനം ടി.ടി. പടിയിൽ സമാപിച്ചു. എംഎസ്എഫ് സംസ്ഥാനവിങ് കൺവീനർ സമീർ എടയൂർ ലഹരിവിരുദ്ധ പ്രതിജ്ഞ ചൊല്ലിക്കൊടുത്തു.

The post എടയൂർ പഞ്ചായത്ത് എംഎസ്എഫ് സമ്മേളനം പൂക്കാട്ടിരിയിൽ നടന്നു appeared first on Valanchery Online.

പേരശ്ശനൂർ-മുക്കിലപ്പീടിക റോഡിന്റെ പുനർനിർമാണ പ്രവർത്തനങ്ങളിലെ മന്ദഗതി; സി.പി.എം. സമരം നടത്തേണ്ടത്‌ എൽ.ഡി.എഫ്. സർക്കാരിനെതിരെയെന്ന് പ്രൊഫ. ആബിദ്ഹുസൈൻ തങ്ങൾ

വളാഞ്ചേരിക്കാരൻ — Sat, 19 Oct 2024 01:22:43 +0000

കുറ്റിപ്പുറം : പേരശ്ശനൂർ-മുക്കിലപ്പീടിക റോഡിന്റെ പുനർനിർമാണ പ്രവർത്തനങ്ങൾ മന്ദഗതിയിലാകുന്നതിൽ പ്രതിഷേധിച്ച് സി.പി.എം. സമരം നടത്തേണ്ടത് എൽ.ഡി.എഫ്. സർക്കാരിനെതിരേയാണെന്ന് പ്രൊഫ. ആബിദ്ഹുസൈൻ തങ്ങൾ എം.എൽ.എ. പറഞ്ഞു. യു.ഡി.എഫ്. മേഖലാ കമ്മിറ്റി പൈങ്കണ്ണൂരിൽ നടത്തിയ വിശദീകരണയോഗവും ബഹുജന പ്രതിഷേധസംഗമവും ഉദ്ഘാടനം ചെയ്യുകയായിരുന്നു അദ്ദേഹം. പേരശ്ശനൂർ-മുക്കിലപ്പീടിക റോഡിന്റെ രണ്ടാംഘട്ടം പൂർത്തീകരിക്കുന്നതിന് വിവിധ വകുപ്പുകളുമായി ബന്ധപ്പെട്ട് നിരന്തരമായ ഇടപെടലുകളാണ് നടത്തിയിട്ടുള്ളതെന്നും ജൽജീവൻ പദ്ധതിയുടെ പൈപ്പ്‌ലൈൻ സ്ഥാപിച്ച കിടങ്ങുകൾ പഴയപടിയാക്കുന്നതിനും റോഡ് റബ്ബറൈസ് ചെയ്യുന്നതിനുമുള്ള സാങ്കേതികാനുമതി കഴിഞ്ഞദിവസം ലഭിച്ചിട്ടുണ്ടെന്നും എം.എൽ.എ. പറഞ്ഞു. മുസ്‌ലിംലീഗ് പഞ്ചായത്ത് പ്രസിഡന്റ് പി.കെ. കരീം അധ്യക്ഷതവഹിച്ചു. സലാം വളാഞ്ചേരി, സിദ്ദീഖ് പരപ്പാര, ബഷീർ പാറക്കൽ, മഠത്തിൽ ശ്രീകുമാർ, വി.പി. അബ്ദുറഹിമാൻ, വി.എ. മുസ്തഫ, മൊയ്തുട്ടി വേളേരി, വി.ടി. റസാഖ്, വസീമ വേളേരി തുടങ്ങിയവർ പ്രസംഗിച്ചു.

The post പേരശ്ശനൂർ-മുക്കിലപ്പീടിക റോഡിന്റെ പുനർനിർമാണ പ്രവർത്തനങ്ങളിലെ മന്ദഗതി; സി.പി.എം. സമരം നടത്തേണ്ടത്‌ എൽ.ഡി.എഫ്. സർക്കാരിനെതിരെയെന്ന് പ്രൊഫ. ആബിദ്ഹുസൈൻ തങ്ങൾ appeared first on Valanchery Online.

ഇടതുപക്ഷത്തിന് തിരിച്ചടി; പെരിന്തല്‍മണ്ണ മണ്ഡലത്തിൽ നജീബ് കാന്തപുരത്തിന്റെ തിരഞ്ഞെടുപ്പ് വിജയം ശരിവെച്ച് ഹൈക്കോടതി

വളാഞ്ചേരിക്കാരൻ — Thu, 08 Aug 2024 05:11:19 +0000

കൊച്ചി: പെരിന്തല്‍മണ്ണ മണ്ഡലത്തിലെ മുസ്ലിം ലീഗ് സ്ഥാനാര്‍ഥിയായിരുന്ന നജീബ് കാന്തപുരത്തിന്റെ തിരഞ്ഞെടുപ്പുവിജയം ഹൈക്കോടതി ശരിവെച്ചു. വിജയം ചോദ്യംചെയ്ത് ഇടത് സ്ഥാനാര്‍ഥിയായിരുന്ന കെ.പി. മുഹമ്മദ് മുസ്തഫ നല്‍കിയ തിരഞ്ഞെടുപ്പ് ഹര്‍ജി ഹൈക്കോടതി തള്ളി. ജസ്റ്റിസ് സി.എസ്. സുധയാണ് ഹര്‍ജി പരിഗണിച്ചത്. നജീബ് കാന്തപുരം 38 വോട്ടുകള്‍ക്കാണ് നിയമസഭാ തിരഞ്ഞെടുപ്പില്‍ പെരിന്തല്‍മണ്ണയില്‍ ജയിച്ചത്. നജീബ് കാന്തപുരത്തിന്റെ തിരഞ്ഞെടുപ്പ് റദ്ദാക്കണമെന്നും തന്നെ വിജയിയായി പ്രഖ്യാപിക്കണമെന്നും ആവശ്യപ്പെട്ടാണ് മുസ്തഫ ഹര്‍ജി നല്‍കിയത്. 348 തപാല്‍ വോട്ടുകള്‍ എണ്ണാതെ മാറ്റിവെച്ചെന്നും ഇത് തിരഞ്ഞെടുപ്പ് ഫലത്തെ ബാധിച്ചെന്നുമായിരുന്നു ഹര്‍ജിയിലെ വാദം. തപാല്‍ വോട്ടുകളില്‍ 300-ല്‍ കുറയാത്ത വോട്ടുകള്‍ തനിക്ക് ലഭിച്ചെന്നും ഹര്‍ജിക്കാരന്‍ വാദിച്ചിരുന്നു.

The post ഇടതുപക്ഷത്തിന് തിരിച്ചടി; പെരിന്തല്‍മണ്ണ മണ്ഡലത്തിൽ നജീബ് കാന്തപുരത്തിന്റെ തിരഞ്ഞെടുപ്പ് വിജയം ശരിവെച്ച് ഹൈക്കോടതി appeared first on Valanchery Online.

പണം കിട്ടിയാൽ എന്തുംചെയ്യുന്ന കൊള്ളക്കാരുടെ സംഘമാണ് സംസ്ഥാനം ഭരിക്കുന്നത്- വി.ഡി. സതീശൻ

വളാഞ്ചേരിക്കാരൻ — Wed, 27 Dec 2023 22:59:07 +0000

വളാഞ്ചേരി : പണം കിട്ടിയാൽ എന്തുംചെയ്യുന്ന കൊള്ളക്കാരുടെ സംഘമാണ് സംസ്ഥാനം ഭരിക്കുന്നതെന്ന് പ്രതിപക്ഷനേതാവ് വി.ഡി. സതീശൻ. പിണറായി സർക്കാരിന്റെ അഴിമതിക്കും കെടുകാര്യസ്ഥതയ്ക്കും ദുർഭരണത്തിനുമെതിരേ യു.ഡി.എഫ്. കോട്ടയ്ക്കൽ നിയോജകമണ്ഡലം കമ്മിറ്റി വളാഞ്ചേരിയിൽ സംഘടിപ്പിച്ച കുറ്റവിചാരണസദസ്സ് ഉദ്ഘാടനം ചെയ്യുകയായിരുന്നു അദ്ദേഹം.

സർക്കാർ ദുർഭരണവും ധൂർത്തുമാണ് നടത്തുന്നത്. അഞ്ചുമാസമായി സാമൂഹികസുരക്ഷാ പെൻഷൻ കിട്ടാതെ മരുന്നുവാങ്ങുന്നതിനുപോലും പണമില്ലാതെ പാവപ്പെട്ട ജനങ്ങൾ വലയുകയാണ്. സപ്ലൈകോ, മാവേലി, കെ.എസ്.ആർ.ടി.സി. ഉൾപ്പെടെ സാധാരണക്കാരന്റെ ആശ്രയമെല്ലാം അടച്ചുപൂട്ടലിന്റെ വക്കിലാണ്. ലൈഫ് ഭവനപദ്ധതിയിൽ ഒൻപതുലക്ഷം അപേക്ഷകർ രണ്ട്, മൂന്ന് ഗഡുക്കൾ കിട്ടാതെ അധികൃതരുടെ മുന്നിൽ യാചിക്കുന്നു.

സർക്കാർ ജീവനക്കാർക്കും പെൻഷർകാർക്കും അർഹമായ ആനുകൂല്യങ്ങൾ നൽകുന്നില്ല. എന്നിട്ടും യാതോരു ജാള്യതയുമില്ലാതെ മുഖ്യമന്ത്രിയും മന്ത്രിമാരും പരിവാരങ്ങളും ഉല്ലാസയാത്ര നടത്തുന്നു. ഇക്കാരണങ്ങൾകൊണ്ടാണ് പ്രതിപക്ഷം കേരളജനതയുടെ മനഃസാക്ഷിയുടെ കോടതിയിൽ സംസ്ഥാനസർക്കാരിനെ വിചാരണ നടത്തി മുന്നോട്ടുപോകുന്നത്‌ -വി.ഡി. സതീശൻ പറഞ്ഞു. മുഖ്യമന്ത്രി പിണറായി വിജയൻ സംസ്ഥാനംകണ്ട ഏറ്റവുംവലിയ ഭീരുവാണെന്നും സ്വന്തം നിഴലിനെപ്പോലും പേടിക്കുന്നുണ്ടെന്നും അദ്ദേഹം പറഞ്ഞു.

യു.ഡി.എഫ്. ചെയർമാൻ വി. മധുസൂദനൻ അധ്യക്ഷതവഹിച്ചു. ആബിദ്ഹുസൈൻ തങ്ങൾ എം.എൽ.എ. വിചാരണാപത്രം വായിച്ചു. അഡ്വ. കെ.എൻ.എ. ഖാദർ മുഖ്യപ്രഭാഷണം നടത്തി. യൂത്ത്‌ കോൺഗ്രസ് സംസ്ഥാനസെക്രട്ടറി റിജിൽ മാക്കുറ്റി, ഡി.സി.സി. പ്രസിഡന്റ് വി.എസ്. ജോയി, ഇ.ടി. മുഹമ്മദ്‌ബഷീർ എം.പി., പി. ഇഫ്ത്തിക്കാറുദ്ദീൻ, ഉമർ ഗുരുക്കൾ, ബഷീർ രണ്ടത്താണി, മുഹമ്മദ് പാറയിൽ, വസീമ വേളേരി തുടങ്ങിയവർ പ്രസംഗിച്ചു.

The post പണം കിട്ടിയാൽ എന്തുംചെയ്യുന്ന കൊള്ളക്കാരുടെ സംഘമാണ് സംസ്ഥാനം ഭരിക്കുന്നത്- വി.ഡി. സതീശൻ appeared first on Valanchery Online.

വൈദ്യുതി നിരക്കുവർധന: വളാഞ്ചേരി കെ.എസ്.ഇ.ബി. ഓഫീസിനു മുൻപിൽ ധർണ നടത്തി മുസ്‌ലിംലീഗ്

വളാഞ്ചേരിക്കാരൻ — Fri, 10 Nov 2023 02:01:04 +0000

വളാഞ്ചേരി : വൈദ്യുതി നിരക്കുവർധനയിൽ പ്രതിഷേധിച്ച് വളാഞ്ചേരി മുനിസിപ്പൽ മുസ്‌ലിംലീഗ് കമ്മിറ്റിയുടെ നേതൃത്വത്തിൽ വളാഞ്ചേരി കെ.എസ്.ഇ.ബി. ഓഫീസിനു മുൻപിൽ ധർണ നടത്തി. മുസ്‌ലിംലീഗ് ജില്ലാസെക്രട്ടറി കെ.എം. ഗഫൂർ ഉദ്ഘാടനംചെയ്തു. ടി.കെ. ആബിദലി അധ്യക്ഷതവഹിച്ചു. സലാം വളാഞ്ചേരി, മുഹമ്മദാലി നീറ്റുകാട്ടിൽ, അഷറഫ് അമ്പലത്തിങ്ങൽ, മാനു ഹാജി, സി. അബ്ദുൽനാസർ, പി.പി. ഷാഫി എന്നിവർ പ്രസംഗിച്ചു.

The post വൈദ്യുതി നിരക്കുവർധന: വളാഞ്ചേരി കെ.എസ്.ഇ.ബി. ഓഫീസിനു മുൻപിൽ ധർണ നടത്തി മുസ്‌ലിംലീഗ് appeared first on Valanchery Online.

കുറ്റിപ്പുറം പഞ്ചായത്ത് പ്രസിഡന്റായി നസീറയെ തിരഞ്ഞെടുത്തു

വളാഞ്ചേരിക്കാരൻ — Fri, 29 Sep 2023 07:14:44 +0000

കുറ്റിപ്പുറം: പ്രതിപക്ഷാംഗങ്ങൾ ബഹിഷ്കരിച്ച പ്രസിഡന്റ് തിരഞ്ഞെടുപ്പിൽ മുസ്ലിം ലീഗിലെ നസീറയെ കുറ്റിപ്പുറം പഞ്ചായത്ത് പ്രസിഡന്റായി തിരഞ്ഞെടുത്തു. നാലാം വാർഡായ പകരനെല്ലൂരിൽ നിന്നുള്ള അംഗമാണ് നസീറ.
o
ഭരണകക്ഷിക്കെതിരായ വിമർശനങ്ങൾ ഉയർത്തി
പ്രതിപക്ഷ അംഗങ്ങൾ തിരഞ്ഞെടുപ്പിൽ നിന്ന് വിട്ടു നിന്നപ്പോൾ എതിരില്ലാതെയായിരുന്നു നസീറയെ തിരഞ്ഞെടുപ്പ്. നിലവിലുള്ള ഭരണകക്ഷിയുടെ നാലാമത്തെ പ്രസിഡന്റാണ് നസീറ. അന്തരിച്ച റംല കറുത്തേടത്ത്, ഫസീന അഹമ്മദ്കുട്ടി, റിജിത ഷലീജ് തുടങ്ങിയവായിരുന്നു മുൻ പ്രസിഡന്റുമാർ.

The post കുറ്റിപ്പുറം പഞ്ചായത്ത് പ്രസിഡന്റായി നസീറയെ തിരഞ്ഞെടുത്തു appeared first on Valanchery Online.

മുസ്ലിം ലീഗ് നേതാവ് സി.എച് അബു യൂസഫ് ഗുരുക്കൾ അന്തരിച്ചു

വളാഞ്ചേരിക്കാരൻ — Tue, 29 Aug 2023 13:43:10 +0000

വളാഞ്ചേരി: ഇന്ത്യൻ യൂണിയൻ മുസ്ലിം ലീഗ് നേതാവും വളാഞ്ചേരിയിലെ പൗര പ്രമുഖനുമായിരുന്ന സി.എച്ച്. അബു യൂസഫ് ഗുരുക്കൾ അന്തരിച്ചു. കോട്ടക്കലിലെ സ്വകാര്യ അശുപത്രിയിൽ ഇന്ന് വൈകീട്ടായിരുന്നു അന്ത്യം. കുറ്റിപ്പുറം ബ്ലോക്ക് പഞ്ചായത്ത് പ്രസിഡന്റ്, വളാഞ്ചേരി ഗ്രാമ പഞ്ചായത്ത് പ്രസിഡന്റ്, കുറ്റിപ്പുറം നിയോജക മണ്ഡലം മുസ്ലിം ലീഗ് ട്രഷറർ, കുറ്റിപ്പുറം നിയോജക മണ്ഡലം മുസ്ലിം ലീഗ് പ്രസിഡന്റ്, കോട്ടക്കൽ നിയോജക മണ്ഡലം മുസ്ലിം ലീഗ് പ്രസിഡന്റ് എന്നീ പദവികൾ അദ്ദേഹം വഹിച്ചിരുന്നു. മലബാറിലെ പ്രശസ്ത വൈദ്യ കുടുംബമാംഗമാണ്. വളാഞ്ചേരി കേന്ദ്രമായി പ്രവർത്തിക്കുന്ന ചങ്ങമ്പള്ളി ആയുർവേദ വൈദ്യശാല ആന്റ് നഴ്സിങ്ങ് ഹോം എന്ന‌ സ്ഥാപനത്തിന്റെ പാർടണർമാരിൽ ഒരാളാണ്.

The post മുസ്ലിം ലീഗ് നേതാവ് സി.എച് അബു യൂസഫ് ഗുരുക്കൾ അന്തരിച്ചു appeared first on Valanchery Online.

വളാഞ്ചേരി മുനിസിപ്പൽ മുസ്‌ലിംലീഗ് പ്രത്യേക കൺവെൻഷൻ

വളാഞ്ചേരിക്കാരൻ — Tue, 22 Aug 2023 01:15:03 +0000

വളാഞ്ചേരി : മുനിസിപ്പൽ മുസ്‌ലിംലീഗ് പ്രത്യേക കൺവെൻഷൻ ജില്ലാ മുസ്‌ലിംലീഗ് സെക്രട്ടറി കെ.എം. ഗഫൂർ ഉദ്ഘാടനം ചെയ്തു. ടി.കെ. ആബിദലി അധ്യക്ഷത വഹിച്ചു. ദേശീയ ആസ്ഥാനമന്ദിര ഫണ്ട് സമാഹരണത്തിൽ ഒന്നും രണ്ടും മൂന്നും നേടിയവരെ അനുമോദിച്ചു. സലാം വളാഞ്ചേരി, ആതവനാട് മുഹമ്മദ്കുട്ടി, നഗരസഭാധ്യക്ഷൻ അഷറഫ് അമ്പലത്തിങ്ങൽ, മുഹമ്മദാലി നീറ്റുകാട്ടിൽ, സി. അബ്ദുൽനാസർ, സി. ദാവൂദ്, യു. യൂസഫ്, മൂർക്കത്ത് മുസ്തഫ തുടങ്ങിയവർ പ്രസംഗിച്ചു.

The post വളാഞ്ചേരി മുനിസിപ്പൽ മുസ്‌ലിംലീഗ് പ്രത്യേക കൺവെൻഷൻ appeared first on Valanchery Online.

രാഹുൽ ഗാന്ധിക്കു ഐക്യദാർഢ്യം പ്രഖ്യാപിച്ചു യൂത്ത് ലീഗ് വളാഞ്ചേരിയി നൈറ്റ് മാർച്ച് നടത്തി

വളാഞ്ചേരിക്കാരൻ — Sun, 02 Apr 2023 09:03:51 +0000

വളാഞ്ചേരി: എം.പി സ്ഥാനത്ത് നിന്നു അയോഗ്യനാക്കിയ രാഹുൽ ഗാന്ധിക്കു ഐക്യദാർഢ്യം പ്രഖ്യാപിച്ചു വളാഞ്ചേരി മുനിസിപ്പൽ യൂത്ത് ലീഗ് കമ്മറ്റിയുടെ ആഭിമുഖ്യത്തിൽ കാവുംപുറത്ത് നിന്നു വളാഞ്ചേരിയിലേക്ക് നൈറ്റ് മാർച്ച് നടത്തി. യൂത്ത് ലീഗ് മുനിസിപ്പൽ നേതാക്കളായ സി.എം.റിയാസ്, മുജീബ് വാലാ സി, അൻവർ മുളമുക്കിൽ, ഹാഷിം തങ്ങൾ, ഷിഹാബ് പാറക്കൽ, കെ.ടി.നിസാർ ബാബു, ജാഫർ മാരാത്ത്, അൻസാർ, അഡ്വ.പി.പി.ഹമീദ്, അഡ്വ.ഒ.പി.റഊഫ്, മുസ്‌ലിം ലീഗ് ജില്ലാ സെക്രട്ടറി കെ.എം.ഗഫൂർ, മണ്ഡലം ജനറൽ സെക്രട്ടറി സലാം വളാഞ്ചേരി, മുനിസിപ്പൽ നേതാക്കളായ ടി.കെ.ആബിദലി, മുഹമ്മദലി നീറ്റുകാട്ടിൽ, സി.ദാവൂദ്, അഷറഫ് അമ്പലത്തിങ്ങൽ, യു.യൂസഫ്, സി.അബ്ദുൽ നാസർ, മൂർക്കത്ത് മുസ്തഫ, ടി.കെ.സലിം, പി.പി.ഷാഫി, ജലാൽ മാനു, പി.പി.ഹമീദ്, പി.നസീറലി നേതൃത്യം നൽകി.

The post രാഹുൽ ഗാന്ധിക്കു ഐക്യദാർഢ്യം പ്രഖ്യാപിച്ചു യൂത്ത് ലീഗ് വളാഞ്ചേരിയി നൈറ്റ് മാർച്ച് നടത്തി appeared first on Valanchery Online.

വട്ടപ്പാറയിലെ അപകടങ്ങൾ: അടിയന്തര നടപടിയുണ്ടായില്ലെങ്കിൽ സെക്രട്ടേറിയറ്റിലേക്ക് സമരം വ്യാപിപ്പിക്കുമെന്ന് മുസ്‌ലിംലീഗ്

വളാഞ്ചേരിക്കാരൻ — Wed, 22 Mar 2023 01:16:15 +0000

വളാഞ്ചേരി : ദേശീയപാത 66-ലെ അപകടക്കെണിയായ വട്ടപ്പാറയിൽ തുടരുന്ന അപകടങ്ങൾക്ക് ശാശ്വതപരിഹാരം കാണണമെന്നാവശ്യപ്പെട്ട് കോട്ടയ്ക്കൽ നിയോജകമണ്ഡലം മുസ്‌ലിംലീഗ് കമ്മിറ്റി സമരത്തിനൊരുങ്ങുന്നു. സമരത്തിന് മുന്നോടിയായി കഞ്ഞിപ്പുരയിൽ സംഘടിപ്പിച്ച ധർണയിൽ ദുരന്തം അവസാനിപ്പിക്കാൻ അടിയന്തര നടപടിയുണ്ടായില്ലെങ്കിൽ സമരം സെക്രട്ടേറിയറ്റിനു മുന്നിലേക്ക് വ്യാപിപ്പിക്കുമെന്നും കമ്മിറ്റി കൂട്ടിച്ചേർത്തു.

മണ്ഡലം പ്രസിഡന്റ് ബഷീർ രണ്ടത്താണി ധർണ ഉദ്ഘാടനം ചെയ്തു. സിദ്ദിഖ് പരപ്പാര അധ്യക്ഷത വഹിച്ചു. ജനറൽ സെക്രട്ടറി സലാം വളാഞ്ചേരി, ഭാരവാഹികളായ എ.പി. മൊയ്തീൻകുട്ടി, വി.എ. റഹ്മാൻ, അമാന മാനുഹാജി, കെ.എം. കുഞ്ഞിപ്പ, പി. ഷെരീഫ്, സലീം ചാപ്പനങ്ങാടി, അഹമ്മദ് മേലേതിൽ, മൊയ്തു എടയൂർ തുടങ്ങിയവർ പ്രസംഗിച്ചു. ഗ്രാമപ്പഞ്ചായത്ത് പ്രസിഡന്റുമാരായ കെ. മാനുപ്പ, എം.പി. ഹസീന ഇബ്രാഹിം, ബ്ലോക്ക് പ്രസിഡന്റ് വസീമ വേളേരി, സുലൈഖാബി, ഷരീഫ ബഷീർ, ടി.കെ. ആബിദലി, മുഹമ്മദലി നീറ്റുകാട്ടിൽ തുടങ്ങിയവർ ധർണയ്ക്ക് നേതൃത്വം നൽകി.

The post വട്ടപ്പാറയിലെ അപകടങ്ങൾ: അടിയന്തര നടപടിയുണ്ടായില്ലെങ്കിൽ സെക്രട്ടേറിയറ്റിലേക്ക് സമരം വ്യാപിപ്പിക്കുമെന്ന് മുസ്‌ലിംലീഗ് appeared first on Valanchery Online.

പാണക്കാട് ഹൈദരലി ശിഹാബ് തങ്ങൾ അനുസ്മരണം സംഘടിപ്പിച്ചു കോട്ടയ്ക്കൽ മണ്ഡലം മുസ്‍ലിംലീഗ് കമ്മിറ്റി

വളാഞ്ചേരിക്കാരൻ — Wed, 08 Mar 2023 09:46:34 +0000

വളാഞ്ചേരി : പാണക്കാട് ഹൈദരലി ശിഹാബ് തങ്ങളുടെ മാതൃക പിൻപറ്റിയാൽ മുസ്‍ലിംലീഗ് അജയ്യമായി തുടരുമെന്ന് സാഹിത്യകാരൻ ആലങ്കോട് ലീലാകൃഷ്ണൻ. കോട്ടയ്ക്കൽ നിയോജകമണ്ഡലം മുസ്‍ലിംലീഗ് കമ്മിറ്റി വളാഞ്ചേരിയിൽ സംഘടിപ്പിച്ച പാണക്കാട് ഹൈദരലി ശിഹാബ് തങ്ങൾ അനുസ്മരണ ചടങ്ങിൽ മുഖ്യപ്രഭാഷണം നടത്തുകയായിരുന്നു അദ്ദേഹം.

താഴേത്തട്ടിലുള്ളവരുമായാണ് തങ്ങൾ സംവദിച്ചത്. ആത്മീയബലംകൊണ്ട് അദ്ദേഹം ജനമനസ്സുകളെ കീഴടക്കി-ആലങ്കോട് പറഞ്ഞു. ജില്ലാ മുസ്‍ലിംലീഗ് സെക്രട്ടറി കെ.എം. ഗഫൂർ ഉദ്ഘാടനംചെയ്തു. ബഷീർ രണ്ടത്താണി അധ്യക്ഷത വഹിച്ചു. ജനറൽ സെക്രട്ടറി സലാം വളാഞ്ചേരി, സിദ്ദിഖ് പരപ്പാര, എ.പി. മൊയ്തീൻകുട്ടി, യു.എ. ബഷീർ, വി.എ. റഹ്‌മാൻ, കെ.എം. കുഞ്ഞിപ്പ, നടക്കവിൽ മാനുഹാജി, പി. ഷരീഫ്, സലീം ചാപ്പനങ്ങാടി തുടങ്ങിയവർ പ്രസംഗിച്ചു.

The post പാണക്കാട് ഹൈദരലി ശിഹാബ് തങ്ങൾ അനുസ്മരണം സംഘടിപ്പിച്ചു കോട്ടയ്ക്കൽ മണ്ഡലം മുസ്‍ലിംലീഗ് കമ്മിറ്റി appeared first on Valanchery Online.

ലൈഫ് പദ്ധതി; സംസ്ഥാന സർക്കാർ വഞ്ചിച്ചെന്നാരോപിച്ച് മുസ്ലിം ലീഗ് കുറ്റിപ്പുറത്ത് സായാഹ്ന ധർണ്ണ നടത്തി

വളാഞ്ചേരിക്കാരൻ — Wed, 25 Jan 2023 01:11:56 +0000

കുറ്റിപ്പുറം: സംസ്ഥാന സർക്കാരിന്റെ ലൈഫ് ഭവന പദ്ധതിയിൽ വഞ്ചനക്കെതിരെ കുറ്റിപ്പുറം പഞ്ചായത്ത് മുസ്ലിം ലീഗ് സായാഹ്ന ധർണ്ണ നടത്തി. കുറ്റിപ്പുറം സിവിൽ സേറ്റഷന്റെ മുൻപിൽ നടന്ന ധർണ്ണ കോട്ടക്കൽ നിയോജക മണ്ഡലം എം എൽ എ ആബിദ് ഹുസൈൻ തങ്ങൾ ഉദ്ഘാടനം ചെയ്തു. വി പി അബ്ദു റഹ്മാൻ മാസ്റ്റർ സ്വാഗതവും പറഞ്ഞു. പി കെ അബ്ദുൽ കരീം അദ്ധ്യക്ഷത വഹിച്ചു. ബ്ലോക്ക് പ്രസിഡണ്ട് വസീമ വേളരി, പരപ്പര സിദ്ദീഖ്, സയ്യിദ് ഫസൽ സഖാഫ് തങ്ങൾ, കെ ടി ഹമീദ്, മുസ്ലീം ലീഗ് ട്രഷറർ കടവണ്ടി ഉമ്മർ നന്ദിയും പറഞ്ഞു.

The post ലൈഫ് പദ്ധതി; സംസ്ഥാന സർക്കാർ വഞ്ചിച്ചെന്നാരോപിച്ച് മുസ്ലിം ലീഗ് കുറ്റിപ്പുറത്ത് സായാഹ്ന ധർണ്ണ നടത്തി appeared first on Valanchery Online.