islam Archives - Valanchery Online

ബറാഅത്ത് നോമ്പ് ഒൻപതിന്

വളാഞ്ചേരിക്കാരൻ — Sun, 05 Apr 2020 06:05:40 +0000

മലപ്പുറം : ശഅബാൻ മാസപ്പിറവിയുടെ അടിസ്ഥാനത്തിൽ എട്ടിന് രാത്രി ബറാഅത്ത് രാവും ഒൻപതിന് സുന്നത്ത് നോമ്പും ആയിരിക്കുമെന്ന് മലപ്പുറം ഖാസി ഒ.പി.എം. മുത്തുക്കോയ തങ്ങൾ അറിയിച്ചു. രോഗഭീതിയുടെ സാഹചര്യത്തിൽ കഴിയുന്നത്ര വീടുകളിൽ നോമ്പനുഷ്ഠിച്ച് പ്രത്യേക പ്രാർത്ഥനകൾ നടത്താൻ വിശ്വാസികൾ ശ്രദ്ധിക്കണമെന്ന് അദ്ദേഹം അഭ്യർത്ഥിച്ചു.

The post ബറാഅത്ത് നോമ്പ് ഒൻപതിന് appeared first on Valanchery Online.

ഇന്ന് ബദര്‍ ദിനം; പള്ളികളില്‍ പ്രത്യേക പ്രാര്‍ഥന

വളാഞ്ചേരിക്കാരൻ — Wed, 22 May 2019 13:38:02 +0000

അവിശ്വാസികളുടെ മേല്‍ വിശ്വാസികള്‍ നേടിയ വിജയത്തിന്റെ ഓര്‍മ പുതുക്കി ഇന്ന് ബദര്‍ ദിനം ആഘോഷിക്കും. ബദര്‍ ദിനത്തോടനുബന്ധിച്ച് പള്ളികളില്‍ പ്രത്യേകപ്രാര്‍ഥനയും ബദര്‍ മൗലീദ് പാരായണവും അന്നദാനവും നടക്കും.

ഇസ്ലാമികചരിത്രത്തിലെ നാഴികക്കല്ലായാണ് ബദര്‍ അറിയപ്പെടുന്നത്. പരിശുദ്ധ റംസാന്‍ 17-നാണ് പ്രവാചകന്‍ മുഹമ്മദ് നബിയുടെ അനുയായികളായ 313 പേര്‍ ആയിരത്തോളം വരുന്ന അവിശ്വാസികളോട് പോരാടി വിജയം നേടിയത്. മക്കയ്ക്കും മദീനയ്ക്കും ഇടയിലുള്ള ബദറെന്ന സ്ഥലത്തു വെച്ചാണ് ഇരു വിഭാഗങ്ങളും ഏറ്റുമുട്ടിയത്. ഇതില്‍ വിശ്വാസികള്‍ വിജയിച്ചതോടെയാണ് ഇസ്ലാമിക ചരിത്രത്തില്‍ ബദറിന് പ്രാധാന്യമേറിയത്. ഇതിന്റെ ഓര്‍മ പുതുക്കുന്ന ബദര്‍ദിനത്തിനെ ബദരീങ്ങളുടെ ആണ്ടായും ആചരിക്കുന്നു.

ബദര്‍ദിനത്തിന്റെ ഭാഗമായി പള്ളികളില്‍ പ്രത്യേക പ്രാര്‍ഥനയും അന്നദാനവും നടക്കും.

The post ഇന്ന് ബദര്‍ ദിനം; പള്ളികളില്‍ പ്രത്യേക പ്രാര്‍ഥന appeared first on Valanchery Online.

സംസ്ഥാനത്തെ ആദ്യ സമ്പൂര്‍ണ വഖഫ് ട്രൈബ്യൂണല്‍ നിലവിൽ വന്നു

വളാഞ്ചേരിക്കാരൻ — Sat, 19 Jan 2019 11:13:07 +0000

കോഴിക്കോട്: സംസ്ഥാനത്ത് പ്രഥമമായി നിലവിൽ വരുന്ന വഖഫ് കേസുകൾ മാത്രം കൈകാര്യം ചെയ്യാനുള്ള മൂന്നംഗ വഖഫ് ട്രിബ്യൂണൽ കോഴിക്കോട്ട് നിലവിൽ വന്നു. കെ ടി ജലീൽ ഉദ്ഘാടനം നിർവഹിച്ചു.മതവും വിശ്വാസവും വേഷത്തിലും ആചാരത്തിലും മാത്രം ഒതുങ്ങേണ്ടതല്ല. മറ്റുള്ളവരോടുള്ള ബഹുമാനത്തിലൂടേയും പെരുമാറ്റത്തിലൂടെയും വ്യക്തിബന്ധത്തിലൂടെയുമാണ് അത് തെളിയിക്കേണ്ടത്. നിര്‍ഭാഗ്യവശാല്‍ അത് ഇല്ലാതാവുന്ന കാഴ്ചയാണ് കണ്ടുവരുന്നതെന്നും മന്ത്രി പറഞ്ഞു.

കോഴിക്കോട് സമ്പൂര്‍ണ വഖഫ് ട്രൈബ്യൂണല്‍ നിലവില്‍ വന്നതോടെ മൂന്ന് ജില്ലകളിലായി ചിതറിക്കിടക്കുന്ന മേഖലാ വഖഫ് ട്രൈബ്യൂണലുകള്‍ ഇനി ഇല്ലാതാകും. മുസ്‌ലിം പള്ളികളുമായി ബന്ധപ്പെട്ട എല്ലാ കേസുകളും കൈകാര്യം ചെയ്യുന്ന ആസ്ഥാനമായി പുതിയ ട്രൈബ്യൂണല്‍ പ്രവര്‍ത്തിക്കുകയും ചെയ്യും.

വഖഫ് ബോര്‍ഡിന്റെ തീരുമാനങ്ങളിലുള്ള അപ്പീലുകളില്‍ തീര്‍പ്പ് കല്‍പ്പിക്കാനും മറ്റു വഖഫ് കേസുകള്‍ കൈകാര്യം ചെയ്യുന്നതിനുമുള്ള അധികാരം ട്രൈബ്യൂണലിനാണ്. കേന്ദ്ര വഖഫ് ആക്ടില്‍ 2013ല്‍ വരുത്തിയ ഭേദഗതിയെ തുടര്‍ന്നാണ് സിംഗിള്‍ ട്രൈബ്യൂണലില്‍ മൂന്ന് അംഗങ്ങളാക്കിയത്. കഴിഞ്ഞ സര്‍ക്കാറിന്റെ കാലത്ത് മൂന്ന് മേഖലകളിലായി ട്രൈബ്യൂണലിനെ നിയോഗിച്ചെങ്കിലും പ്രവര്‍ത്തനം കാര്യക്ഷമമായിരുന്നില്ല.

കോഴിക്കോട് അഡീഷണല്‍ ജില്ലാ ജഡ്ജ് കെ.സോമനാണ് പുതിയ വഖഫ് ട്രൈബ്യുണലിന്റെ ചെയര്‍മാന്‍. ഹൈക്കോടതി അഭിഭാഷകന്‍ അഡ്വ.ടി.കെ ഹസന്‍, ധനകാര്യ അണ്ടര്‍ സെക്രട്ടറി എ.സി ഉബൈദുള്ള എന്നിവരാണ് മറ്റ് വഖഫ് ബോര്‍ഡ് അംഗങ്ങള്‍. 29 പേരെ ജീവനക്കാരായും നിയമിച്ചിട്ടുണ്ട്.

The post സംസ്ഥാനത്തെ ആദ്യ സമ്പൂര്‍ണ വഖഫ് ട്രൈബ്യൂണല്‍ നിലവിൽ വന്നു appeared first on Valanchery Online.

സമസ്ത മദ്രസ പൊതുപരീക്ഷ: വിജയത്തിൽ മലപ്പുറം മുന്നിൽ

വളാഞ്ചേരിക്കാരൻ — Fri, 01 Jun 2018 00:48:44 +0000

തേഞ്ഞിപ്പലം: സമസ്ത കേരള ഇസ്‌ലാം മത വിദ്യാഭ്യാസ ബോർഡ് നടത്തിയ മദ്രസാ പൊതു പരീക്ഷയിൽ കേരളത്തിൽ ഏറ്റവും കൂടുതൽ കുട്ടികൾ പങ്കെടുത്തതും ജയിച്ചതും മലപ്പുറം ജില്ലയിൽനിന്ന്. ജില്ലയിലെ വിജയികൾ– 85,994. കേരളത്തിനു പുറത്ത് ഇന്ത്യയിൽ‍ കർണാടകയിലെ ദക്ഷിണ കന്നഡിലാണ് കൂടുതൽ പേർ എഴുതിയത്. അവിടെ 7,259 പേർ ജയിച്ചു. വിദേശത്ത് യുഎഇ ആണു മുന്നിൽ. വിജയികൾ– 749. കേരളം, കർണാടക, പോണ്ടിച്ചേരി, തമിഴ്നാട്, ആൻഡമാൻ നിക്കോബാർ ദ്വീപുകൾ, ലക്ഷദ്വീപ്, യുഎഇ, ഖത്തർ, സൗദി അറേബ്യ, ബഹ്റൈൻ, ഒമാൻ, മലേഷ്യ എന്നിവിടങ്ങളിൽ നടത്തിയ പരീക്ഷയുടെ ഫലമാണ് പ്രസിദ്ധീകരിച്ചത്.
റാങ്ക് ഒഴിവാക്കിയശേഷമുള്ള ആദ്യ പൊതു പരീക്ഷാ ഫലമാണ് ഇത്. റാങ്കിനു പകരം ഏർപ്പെടുത്തിയ ടോപ് പ്ലസ് പട്ടികയിൽ 97% മാർക്കെങ്കിലും ലഭിച്ച എല്ലാ വിദ്യാർഥികളേയും ഉൾപ്പെടുത്തിയതായി ഭാരവാഹികൾ പറഞ്ഞു. പത്താം ക്ലാസിൽ കൂടുതൽ കുട്ടികൾ പരീക്ഷ എഴുതിയതും ജയിച്ചതും മലപ്പുറം എടരിക്കോട് പുതുപ്പറമ്പ് ബയാനുൽ ഇസ്‌ലാം മദ്രസയിലാണ്. അവിടെ 61ൽ 59 പേരും ജയിച്ചു. പ്ലസ് ടു പരീക്ഷാർഥികളിൽ കൂടുതൽ പേർ മലപ്പുറം ചാപ്പനങ്ങാടി തലകാപ്പ് മസ്‌ലകുൽ മദ്രസയിലാണ്. അവിടെ 26ൽ 25 പേരും ജയിച്ചു.

The post സമസ്ത മദ്രസ പൊതുപരീക്ഷ: വിജയത്തിൽ മലപ്പുറം മുന്നിൽ appeared first on Valanchery Online.

ഇരിമ്പിളിയം മങ്കേരിയിൽ ജീലാനി സമ്മേളനം യൂസുഫ് സുൽത്താൻ ശാഹ് ഖാദിരി ചിശ്തി ഉദ്ഘാടനം ചെയ്തു

വളാഞ്ചേരിക്കാരൻ — Tue, 16 Jan 2018 02:54:31 +0000

ഇരിമ്പിളിയം: ഇസ്‍ലാമിന്റെ പേരിൽ ലോകത്ത് അക്രമവും ഭീകരതയും വളരാൻ കാരണം സൂഫിസത്തെ അവഗണിച്ചതാണെന്ന് ഗൗസിയ്യ സുന്നി ജംഇയ്യത്തുൽ ഉലമ രക്ഷാധികാരി യൂസുഫ് സുൽത്താൻ ശാഹ് ഖാദിരി ചിശ്തി. മതത്തിന്റെ ആത്മാവും അന്തഃസത്തയും നിലകൊള്ളുന്നത് സൂഫിസത്തിലാണെന്ന് അദ്ദേഹം പറഞ്ഞു.

ഇരിമ്പിളിയം മങ്കേരി ജീലാനി ഇസ്‍ലാമിക് അക്കാദമിയിൽ ജീലാനി സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. ഗൗസിയ്യ സുന്നി ജംഇയ്യത്തുൽ ഉലമ പ്രസിഡന്റ് വി.എം.അബ്ദുറഹീം മുസല്യാർ വളപുരം ആധ്യക്ഷ്യം വഹിച്ചു. മുസ്തഫ ഹുദവി കോട്ടുമല, മുസ്തഫ വേങ്ങര എന്നിവർ പ്രസംഗിച്ചു.

The post ഇരിമ്പിളിയം മങ്കേരിയിൽ ജീലാനി സമ്മേളനം യൂസുഫ് സുൽത്താൻ ശാഹ് ഖാദിരി ചിശ്തി ഉദ്ഘാടനം ചെയ്തു appeared first on Valanchery Online.