insurance Archives - Valanchery Online

ഇൻഷ്വറൻസ് ആനുകൂല്യം നിഷേധിച്ചു: വളാഞ്ചേരി സ്വദേശിനിക്ക് തുകയും 15,000 രൂപ നഷ്ടപരിഹാരവും നൽകാൻ വിധി

വളാഞ്ചേരിക്കാരൻ — Sun, 15 Sep 2024 11:17:23 +0000

മലപ്പുറം: ആരോഗ്യ ഇൻഷ്വറൻസ് എടുത്ത വ്യക്തിക്ക് ഇൻഷ്വറൻസ് തുക നിഷേധിച്ച സംഭവത്തിൽ ഇൻഷ്വറൻസ് തുകയും 15,000 രൂപ നഷ്ടപരിഹാരവും നൽകാൻ മലപ്പുറം ജില്ലാ ഉപഭോക്തൃ കമ്മിഷൻ വിധി. തൊഴുവാനൂർ സ്വദേശി കളത്തിൽ വീട്ടിൽ എം. മിനി സമർപ്പിച്ച ഹരജിയിലാണ് കമ്മിഷൻ വിധി. പരാതിക്കാരിയുടെ ഇടതുകാലിന് അസുഖം വന്നതിനെ തുടർന്ന് തൃശൂർ ദയാ ഹോസ്പിറ്റലിൽ അഡ്മിറ്റ് ചെയ്ത് ചികിത്സ നടത്തി. ആശുപത്രിയിൽ ഇൻഷ്വറൻസ് കമ്പനി നേരിട്ട് പണം അടയ്ക്കാൻ ബാദ്ധ്യസ്ഥരായിരുന്നെങ്കിലും പണം അടച്ചില്ല. പകരം ബില്ലുമായി ഇൻഷ്വറൻസ് കമ്പനിയെ സമീപിക്കാൻ നിർദ്ദേശിച്ചു. അപ്രകാരം ബില്ലുകൾ സമർപ്പിച്ചെങ്കിലും കമ്പനി പണം നിഷേധിച്ചു. ഇൻഷ്വറൻസ് പോളിസി എടുക്കുന്നതിനു മുമ്പു തന്നെ പരാതിക്കാരിക്ക് അസുഖമുണ്ടായിരുന്നുവെന്നും അത് മറച്ച് വച്ചാണ് പോളിസി എടുത്തതെന്നും പറഞ്ഞാണ് ആനുകൂല്യം നിഷേധിച്ചത്. രേഖകൾ പരിശോധിച്ച കമ്മിഷൻ കമ്പനിയുടെ വാദം നിരാകരിച്ചു. ഇൻഷ്വറൻസ് പോളിസി എടുക്കും മുമ്പ് ഹരജിക്കാരിക്ക് രോഗമുണ്ടായിരുന്നുവെന്നും ചികിത്സ തേടിയിരുന്നെന്നും തെളിയിക്കാൻ കഴിയാതെ ആനുകൂല്യം നിഷേധിച്ച ഇൻഷ്വറൻസ് കമ്പനിയുടെ നടപടി സേവനത്തിലെ വീഴ്ചയാണെന്നും കമ്മിഷൻ നിരീക്ഷിച്ചു. ബില്ലു പ്രകാരമുള്ള ചികിത്സാ തുക 2,13,708 രൂപയും നഷ്ടപരിഹാരമായി 15,000 രൂപയും കോടതിച്ചെലവായി 10,000 രൂപയും ഒരു മാസത്തിനകം ഹർജിക്കാരിക്ക് നൽകണമെന്നും കമ്മിഷൻ ഉത്തരവിട്ടു. വീഴ്ച വരുത്തിയാൽ വിധി തീയതി മുതൽ ഒമ്പതു ശതമാനം പലിശയും നൽകണമെന്ന് കെ.മോഹൻദാസ് പ്രസിഡന്റും പ്രീതി ശിവരാമൻ, സി.വി. മുഹമ്മദ് ഇസ്മായിൽ എന്നിവർ അംഗങ്ങളുമായ ജില്ലാ ഉപഭോക്തൃ കമ്മിഷന്റെ വിധിയിൽ പറയുന്നു.

The post ഇൻഷ്വറൻസ് ആനുകൂല്യം നിഷേധിച്ചു: വളാഞ്ചേരി സ്വദേശിനിക്ക് തുകയും 15,000 രൂപ നഷ്ടപരിഹാരവും നൽകാൻ വിധി appeared first on Valanchery Online.

ചുമട്ടു തൊഴിലാളികള്‍ക്ക് ഇന്‍ഷൂറന്‍സ്

വളാഞ്ചേരിക്കാരൻ — Fri, 10 May 2024 06:55:17 +0000

സംസ്ഥാന ചുമട്ടുതൊഴിലാളി ക്ഷേമ ബോർഡിന്റെ ആഭിമുഖ്യത്തില്‍ അസംഘടിത വിഭാഗം തൊഴിലാളികൾക്ക് ഇന്ത്യാ പോസ്റ്റ് പേയ്‍മെന്റ്സ് ബാങ്ക് മുഖേന ഇൻഷൂർ ചെയ്യാനുളള അവസരം ഒരുക്കുന്നു. 18 നും 25 നും പ്രായമുള്ളവർക്ക് പോളിസിയിൽ അംഗമാകാം. 755 രൂപ പ്രീമിയം തുകയിൽ 15 ലക്ഷം രൂപ വരെ കവറേജ് ലഭിക്കും. താത്പര്യമുള്ളവർ അടുത്തുള്ള പോസ്റ്റോഫീസുമായി (പോസ്റ്റ്മാൻ) ബന്ധപ്പെടണം. കൂടുതല്‍ വിവരങ്ങള്‍ക്ക് ഫോണ്‍: 0483 2768243, 9846922329.

The post ചുമട്ടു തൊഴിലാളികള്‍ക്ക് ഇന്‍ഷൂറന്‍സ് appeared first on Valanchery Online.

രേഖകൾ പൂർണ്ണമല്ലെന്ന് പറഞ്ഞ് ഇൻഷൂറൻസ് നിഷേധിച്ചു: വളാഞ്ചേരി സ്വദേശിക്ക് അനുകൂല വിധി

വളാഞ്ചേരിക്കാരൻ — Mon, 20 Nov 2023 12:11:06 +0000

രേഖകൾ പൂർണ്ണമല്ലെന്ന് പറഞ്ഞ് ഇൻഷൂറൻസ് നിഷേധിച്ച കമ്പനിക്കെതിരെ ചികിത്സാ ചെലവും പിഴയും വിധിച്ച് ജില്ലാ ഉപഭോക്തൃ കമ്മീഷൻ. വളാഞ്ചേരിയിലെ ചേണ്ടിക്കുഴിയിൽ അബ്ദുൾ സലാം ഓറിയന്റൽ ഇൻഷൂറൻസ് കമ്പനിക്കെതിരെ സമർപ്പിച്ച പരാതിയിലാണ് ജില്ലാ ഉപഭോക്തൃ കമ്മീഷന്റെ വിധി. 2016 മുതൽ ആരോഗ്യ ഇൻഷൂറൻസ് പദ്ധതിയിൽ അംഗമാണ് പരാതിക്കാരൻ. പോളിസി പ്രാബല്യത്തിലിരിക്കെ ഹൃദയ സംബന്ധമായ അസുഖത്തിന് കോട്ടയ്ക്കലിലെ സ്വകാര്യ ആശുപത്രിയിൽ പ്രവേശിപ്പിച്ച് ചികിത്സ തേടി. അഞ്ചു ദിവസത്തെ ചികിത്സക്ക് 1,57,841 രൂപ ചെലവ് വന്നു. തുടർന്ന് ഇൻഷൂറൻസ് കമ്പനിയെ സമീപിച്ചപ്പോൾ ആനുകൂല്യം നിഷേധിക്കുകയായിരുന്നു. ചികിത്സയുടെ രേഖകൾ പൂർണ്ണമല്ലെന്ന് പറഞ്ഞാണ് ആനുകൂല്യം നിഷേധിച്ചത്. ചികിത്സയുടെ എല്ലാ രേഖകളും സമർപ്പിച്ചിട്ടും മതിയായ കാരണമില്ലാതെ അനുകൂല്യം നിഷേധിക്കുകയായിരുന്നുവെന്ന് കണ്ടാണ് ഉപഭോക്തൃ കമ്മീഷന്റെ വിധി. ചികത്സാ ചിലവായ 1,52,841 രൂപയും സേവനത്തിൽ വീഴ്ച വരുത്തിയതിന് 25,000 രൂപ നഷ്ടപരിഹാരവും കോടതി ചെലവായി 10,000 രൂപയും പരാതിക്കാരന് നൽകാനാണ് കെ. മോഹൻദാസ് പ്രസിഡന്റും പ്രീതി ശിവരാമൻ സി.വി. മുഹമ്മദ് ഇസ്മായിൽ എന്നിവർ അംഗങ്ങളുമായ കമ്മീഷൻ വിധിച്ചത്. ഒരു മാസത്തിനകം വിധിസംഖ്യ നൽകാത്ത പക്ഷം വിധിസംഖ്യക്ക് ഒമ്പത് ശതമാനം പലിശ നൽകണമെന്നും വിധിയിൽ പറഞ്ഞു.

The post രേഖകൾ പൂർണ്ണമല്ലെന്ന് പറഞ്ഞ് ഇൻഷൂറൻസ് നിഷേധിച്ചു: വളാഞ്ചേരി സ്വദേശിക്ക് അനുകൂല വിധി appeared first on Valanchery Online.

ഖത്തർ കെഎംസിസി കോട്ടക്കൽ മണ്ഡലം കമ്മിറ്റിയുടെ ICBF ഇൻഷൂറൻസ്‌ അംഗത്വ അപേക്ഷകൾ കൈമാറി

വളാഞ്ചേരിക്കാരൻ — Sat, 26 Aug 2023 00:47:53 +0000

കോട്ടക്കൽ:ഖത്തർ കെഎംസിസി കോട്ടക്കൽ മണ്ഡലം കമ്മിറ്റിയുടെ പ്രവാസി ഭദ്രത ക്യാമ്പയിനിന്റെ ഭാഗമായി കോട്ടക്കൽ മണ്ഡലത്തിലെ കെ.എം.സി.സി പ്രവർത്തകരുടെ ICBF ‌ ഇൻഷൂറൻസ്‌ അംഗത്വ അപേക്ഷകൾ ICBF പ്രസിഡന്റ് ഷാനവാസ് ബാവക്ക് കോട്ടക്കൽ മണ്ഡലം പ്രസിഡണ്ട് അബൂബക്കർ തയ്യിൽ , ജന : സെക്രട്ടറി ഇബ്രാഹിം കല്ലിങ്ങൽ , ട്രഷറർ ജാബിർ കൈനിക്കര സെക്രട്ടറി ശുഐബ് കാട്ടികുളങ്ങര , ഇരിമ്പിളിയം പഞ്ചായത്ത് കെഎംസിസി സെക്രട്ടറി നസീഫ് , ഷറഫുദ്ധീൻ കാവുങ്ങൽ എന്നിവർ ചേർന്ന് കൈമാറുന്നു. ചടങ്ങിൽ ICBF ‌ ഭാരവാഹികളായ ജനറൽ സെക്രട്ടറി വർക്കി ബോബൻ, ട്രഷറർ കുൽദീപ്‌ കൗർ ബഹ്‌ൽ, സെക്രട്ടറി മുഹമ്മദ്‌ കുഞ്ഞി, ഇൻഷൂറൻസ്‌ ഹെഡ്‌ അബ്‌ദുൽ റഊഫ്‌ കൊണ്ടോട്ടി, മാനേജ്‌മന്റ്‌‌ കമ്മറ്റി അംഗങ്ങളായ സമീർ അഹമ്മദ്‌, ശങ്കർ ഗൗഡ്‌, സറീന അഹദ്‌ എന്നിവർ പങ്കെടുത്തു.

The post ഖത്തർ കെഎംസിസി കോട്ടക്കൽ മണ്ഡലം കമ്മിറ്റിയുടെ ICBF ഇൻഷൂറൻസ്‌ അംഗത്വ അപേക്ഷകൾ കൈമാറി appeared first on Valanchery Online.

വാഹനാപകടം; വളാഞ്ചേരി സ്വദേശിനിക്ക് അരക്കോടി നഷ്ടപരിഹാരം

വളാഞ്ചേരിക്കാരൻ — Tue, 23 May 2023 00:47:27 +0000

വളാഞ്ചേരി: വാഹനാപകടത്തിൽ ഗുരുതര പരിക്കേറ്റ യുവതിക്ക് 50,69,000 രൂപ നഷ്ടപരിഹാരം നൽകാൻ വിധി. വളാഞ്ചേരി എംഇഎസ് കോളേജിൽ ഗസ്റ്റ് ലക്ചററായിരുന്ന വളാഞ്ചേരി സ്വദേശി പ്രിമയ്ക്കാണ് നഷ്ടപരിഹാരം നൽകാൻ തിരൂർ മോട്ടോർ ആക്സിഡന്റ്‌ ക്ലെയിംസ് ട്രിബ്യൂണൽ ജഡ്ജി വിധിച്ചത്. 2017 ജനുവരി 25ന് ജോലികഴിഞ്ഞ് സ്കൂട്ടറിൽ പോകുമ്പോൾ വളാഞ്ചേരി കോട്ടപ്പുറം സ്കൂളിന് മുന്നിൽ ഗുഡ്സ് വാഹനം തട്ടിയാണ് പരിക്കേറ്റത്. ന്യൂ ഇന്ത്യ അഷ്വറൻസ് കമ്പനി നഷ്ടപരിഹാരം നൽകണം.

The post വാഹനാപകടം; വളാഞ്ചേരി സ്വദേശിനിക്ക് അരക്കോടി നഷ്ടപരിഹാരം appeared first on Valanchery Online.

പ്രധാനമന്ത്രി വിള ഇൻഷുറൻസിന്‌ ഇപ്പോൾ അപേക്ഷിക്കാം

വളാഞ്ചേരിക്കാരൻ — Tue, 14 Jun 2022 09:20:29 +0000

മലപ്പുറം : പ്രധാനമന്ത്രി വിള ഇൻഷുറൻസ്, കാലാവസ്ഥാധിഷ്ഠിത വിള ഇൻഷുറൻസ് പദ്ധതികളിലേക്ക് അപേക്ഷ ക്ഷണിച്ചു. www.pmfby.gov.in എന്ന വെബ് സൈറ്റിലൂടെ ജൂലായ് 31 വരെ ഓൺലൈനായി അപേക്ഷിക്കാം. സി.എസ്.സി. ഡിജിറ്റൽ സേവാകേന്ദ്രങ്ങൾ, ഇൻഷുറൻസ് ബ്രോക്കർ പ്രതിനിധികൾ, മൈക്രോ ഇൻഷുറൻസ് പ്രതിനിധികൾ എന്നിവിടങ്ങളിൽനിന്ന് അപേക്ഷിക്കാനുള്ള സഹായം ലഭിക്കും. ഫോൺ: 0471 -2334493, 1800425:7064.

The post പ്രധാനമന്ത്രി വിള ഇൻഷുറൻസിന്‌ ഇപ്പോൾ അപേക്ഷിക്കാം appeared first on Valanchery Online.

പ്രാദേശിക മാധ്യമ പ്രവർത്തകർക്ക് സർക്കാർ ആരോഗ്യ സുരക്ഷയും പെൻഷൻ സമ്പ്രദായവും ഏർപ്പെടുത്തണം-അഷ്റഫ് അമ്പലത്തിങ്ങൽ

വളാഞ്ചേരിക്കാരൻ — Sat, 19 Mar 2022 12:55:55 +0000

വളാഞ്ചേരി: പ്രാദേശിക മാധ്യമ പ്രവർത്തകർക്ക് സർക്കാർ ആരോഗ്യ സുരക്ഷയും പെൻഷൻ സമ്പ്രദായവും ഏർപ്പെടുത്തണമെന്ന് വളാഞ്ചേരി നഗരസഭാ ചെയർമാൻ അഷ്റഫ് അമ്പലത്തിങ്ങൽ പറഞ്ഞു. കേരളത്തിലെ പത്ര ദൃശ്യ ഡിജിറ്റൽ മേഖലകളിൽ പ്രവർത്തിച്ചു വരുന്ന മാധ്യമ പ്രവർത്തകരുടെ ട്രേഡ് യൂണിയൻ സംഘടനയായ കേരളാ റിപ്പോർട്ടേഴ്സ് & മീഡിയ പേഴ്സൺസ് യൂണിയൻ വളാഞ്ചേരി മേഖല അംഗങ്ങൾക്കുള്ള ട്രേഡ് യൂണിയൻ തിരിച്ചറിയൽ കാർഡ് വിതരണോദ്ഘാടനം നടക്കാവിൽ ആശുപത്രി കോൺഫ്രൻസ് ഹാളിൽ വെച്ച് നിർവ്വഹിച്ച് സംസാരിക്കുകയായിരുന്നു അദ്ദേഹം. അംഗങ്ങൾക്കും കുടുംബങ്ങൾക്കുമായി നടക്കാവിൽ ആശുപത്രിയുമായി സഹകരിച്ച് നടപ്പിലാക്കുന്ന ആരോഗ്യ കാർഡിൻ്റെ വിതരണം ഐ.എം.എ.വളാഞ്ചേരി യൂണിറ്റ് പ്രസിഡൻ്റ് ഡോ.എൻ.മുഹമ്മദലി നിർവ്വഹിച്ചു.

കെ.ആർ.എം.യു മേഖല പ്രസിഡൻ്റ് കബീർ പാണ്ടികശാല അധ്യക്ഷനായി.സംസ്ഥാന ജനറൽ സെക്രട്ടറി പി.ആർ.ഹരികുമാർ മുഖ്യാതിഥിയായിരുന്നു. ജില്ലാ സെക്രട്ടറി സൈഫുദ്ദീൻ പാടത്ത്,മേഖലാ സെക്രട്ടറി നൂറുൽ ആബിദ് നാലകത്ത്,സംസ്ഥാന കൗൺസിൽ അംഗങ്ങളായ മുഹമ്മദ് അബ്ദുറഹ്മാൻ,നാസർ ഇരിമ്പിളിയം, സലാം വളാഞ്ചേരി,രാജേഷ് കാർത്തല, ഹസ്നയഹ് യ, സി.വി.റഫീഖ് എന്നിവർ സംസാരിച്ചു.പരിപാടിയുടെ ഭാഗമായി അംഗങ്ങൾക്ക് സൗജന്യ രക്ത പരിശോധനാ ക്യാമ്പും മെഡിക്കൽ ക്യാമ്പും സംഘടിപ്പിച്ചിരുന്നു.ഹംസ കൊട്ടാരം, ലിയാഖത്ത് പൂക്കാട്ടിരി, മുഹ്സിൻ വടക്കുമുറി, കെ.പി.മുഹമ്മദ് ഷമീർ, കെ.പി.മിനി, മുഹമ്മദ് സലാഹുദ്ദീൻ എന്നിവർ നേതൃത്വം നൽകി

The post പ്രാദേശിക മാധ്യമ പ്രവർത്തകർക്ക് സർക്കാർ ആരോഗ്യ സുരക്ഷയും പെൻഷൻ സമ്പ്രദായവും ഏർപ്പെടുത്തണം-അഷ്റഫ് അമ്പലത്തിങ്ങൽ appeared first on Valanchery Online.

തപാൽവകുപ്പ് ഏജന്റുമാരെ നിയമിക്കുന്നു

വളാഞ്ചേരിക്കാരൻ — Thu, 22 Jul 2021 06:20:45 +0000

തിരൂർ : പോസ്റ്റൽ ലൈഫ് ഇൻഷുറൻസ്, ഗ്രാമീണ തപാൽ ലൈഫ് ഇൻഷുറൻസ് എന്നീ പോളിസികൾ ചേർക്കുന്നതിനുള്ള ഏജന്റുമാരെ നിയമിക്കുന്നു. അപേക്ഷകർ 18-നും 50-നും ഇടയിൽ പ്രായമുള്ളവർ ആയിരിക്കണം. പത്താംക്ലാസ് നിർബന്ധമായും പാസായിരിക്കണം. തൊഴിൽരഹിതർ, സ്വയം തൊഴിൽ കണ്ടെത്തിയ വിദ്യാസമ്പന്നർ, ഏതെങ്കിലും ഇൻഷുറൻസ് കമ്പനിയിൽ എജൻറ്റുമാരായി ജോലി ചെയ്തിരുന്നവർ, വിമുക്തഭടന്മാർ, അങ്കണവാടി ജീവനക്കാർ, വിരമിച്ച അധ്യാപകർ, മഹിളാ മണ്ഡൽ ജീവനക്കാർ, സ്വയം സഹായ സഹകരണസംഘങ്ങളിൽ പ്രവർത്തിക്കുന്നവർ തുടങ്ങിയവർക്ക് അപേക്ഷിക്കാം. അപേക്ഷകർ പരിചയവും മറ്റു യോഗ്യതകളും തെളിയിക്കുന്ന രേഖകൾസഹിതം രണ്ട് പാസ്പോർട്ട് സൈസ് ഫോട്ടോയോടുകൂടി ബയോേഡറ്റ തയ്യാറാക്കി അയയ്ക്കണം. അപേക്ഷകൾ ഓഫീസിൽ ലഭിക്കേണ്ട അവസാന തീയതി ജൂലായ് 30. ഫോൺ- 0494-2422490, 9447919997.

The post തപാൽവകുപ്പ് ഏജന്റുമാരെ നിയമിക്കുന്നു appeared first on Valanchery Online.

കൃഷിനാശമുണ്ടായാൽ നഷ്ടപരിഹാരം: കർഷകർ 10 ദിവസത്തിനകം അപേക്ഷിക്കണം

വളാഞ്ചേരിക്കാരൻ — Mon, 17 May 2021 07:56:57 +0000

കുറ്റിപ്പുറം : മഴയും കാറ്റും മൂലം കൃഷിനാശമുണ്ടായാൽ വിള ഇൻഷൂറൻസ്, പ്രകൃതിക്ഷോഭ ദുരിതാശ്വാസം എന്നിവയ്ക്കായി 10 ദിവസത്തിനകം ഓൺലൈൻ ആയി അപേക്ഷ സമർപ്പിക്കണമെന്ന് കുറ്റിപ്പുറം കൃഷി ഓഫീസർ എം.കെ. മുഹ്‌സിന അറിയിച്ചു. കാർഷിക വിള നഷ്ടം ഉണ്ടായാൽ അവയുടെ ചിത്രം എടുത്തുവെയ്ക്കണം. www.aims.kerala.gov.in എന്ന സൈറ്റ് വഴിയാണ് അപേക്ഷിക്കേണ്ടത്. ഫോൺ: 8129435865, 9747395900, 9995079186.

The post കൃഷിനാശമുണ്ടായാൽ നഷ്ടപരിഹാരം: കർഷകർ 10 ദിവസത്തിനകം അപേക്ഷിക്കണം appeared first on Valanchery Online.

പ്രധാനമന്ത്രി വിള ഇൻഷ്വറൻസ് പദ്ധതി: അവസാന തീയതി 31

വളാഞ്ചേരിക്കാരൻ — Sat, 12 Dec 2020 01:21:48 +0000

തിരുവനന്തപുരം: 2020 റാബി സീസണിൽ കർഷകർക്ക് പ്രധാനമന്ത്രി വിള ഇൻഷ്വറൻസ് പദ്ധതിയിലും കാലാവസ്ഥാധിഷ്ഠിത വിള ഇൻഷ്വറൻസ് പദ്ധതിയിലും ചേരാനുള്ള അവസാന തീയതി 31. പദ്ധതികളിൽ ഇനിയും അംഗമാകാത്ത കർഷകർ അക്ഷയ കേന്ദ്രങ്ങൾ, അംഗീകൃത മൈക്രോ ഇൻഷ്വറൻസ് ഏജന്‍റുമാർ/ബ്രോക്കിംഗ് പ്രതിനിധികൾ എന്നിവരുമായി ബന്ധപ്പെട്ട് അപേക്ഷ സമർപ്പിക്കണം. കർഷകന് നേരിട്ട് ഓണ്‍ലൈനായും (http://www.pmfby.gov.in ) ചേരാം. അപേക്ഷയോടൊപ്പം നിശ്ചിത പ്രീമിയവും ആധാർകാർഡ്, ബാങ്ക് പാസ്ബുക്ക്, നികുതി/പാട്ടച്ചീട്ട് എന്നിവയുടെ കോപ്പികളും സമർപ്പിക്കണം.

വിജ്ഞാപിത വിളകൾക്ക് വായ്പ എടുത്തിട്ടുള്ള കർഷകരെ അതാതു ബാങ്കുകൾക്ക് പദ്ധതിയിൽ ചേർക്കാം. ഇതിനു കർഷകർ പ്രത്യേകം അപേക്ഷ സമർപ്പിക്കേണ്ട. കൂടുതൽ വിവരങ്ങൾക്ക് അതാത് കൃഷിഭവനുമായോ അഗ്രിക്കൾച്ചർ ഇൻഷ്വറൻസ് കന്പനിയുടെ റീജണൽ ഓഫീസുമായോ ബന്ധപ്പെടുക. ടോൾഫ്രീ നന്പർ: 1800-425-7064.

The post പ്രധാനമന്ത്രി വിള ഇൻഷ്വറൻസ് പദ്ധതി: അവസാന തീയതി 31 appeared first on Valanchery Online.

ഇരിമ്പിളിയം ഗ്രാമപ്പഞ്ചായത്തിലെ ആരോഗ്യ ഇൻഷുറൻസ് കാർഡ് പുതുക്കുന്നു

വളാഞ്ചേരിക്കാരൻ — Thu, 13 Jun 2019 02:36:19 +0000

ഇരിമ്പിളിയം ഗ്രാമപ്പഞ്ചായത്തിലെ ആരോഗ്യ ഇൻഷുറൻസ് പദ്ധതിയിലെ ഗുണഭോക്താക്കളുടെ ഇൻഷുറൻസ് കാർഡ് പുതുക്കുന്നു. 17,18,19 തീയതികളിൽ പ്രാഥമികാരോഗ്യകേന്ദ്രത്തിലാണ് കാർഡ് പുതുക്കൽ.

റേഷൻകാർഡിലെ മുഴുവൻ അംഗങ്ങളും റേഷൻകാർഡ്, ആധാർ, അമ്പത് രൂപ, കഴിഞ്ഞവർഷം പുതുക്കിയ ഇൻഷുറൻസ് കാർഡ് എന്നിവയും കൊണ്ടുവരണം.
Summary: rsby insurance to renewed in irimbiliyam panchayath

The post ഇരിമ്പിളിയം ഗ്രാമപ്പഞ്ചായത്തിലെ ആരോഗ്യ ഇൻഷുറൻസ് കാർഡ് പുതുക്കുന്നു appeared first on Valanchery Online.

അപകടത്തിൽപെട്ട ബൈക്കിന് പകരം മറ്റൊന്ന് ഹാജരാക്കി; മൂന്നു പേർ അറസ്റ്റിൽ

വളാഞ്ചേരിക്കാരൻ — Wed, 29 May 2019 00:28:25 +0000

മഞ്ചേരി: അപകടത്തിൽപ്പെട്ട വാഹനം മാറ്റി മറ്റൊരു വാഹനം ഹാജരാക്കി ഇൻഷൂറൻസ് തുക തട്ടിയെടുക്കാൻ ശ്രമിച്ച സംഭവത്തിൽ മൂന്നുപേരെ മഞ്ചേരി പൊലീസ് അറസ്റ്റ് ചെയ്തു. മൊറയൂർ കുന്നത്തേരി പാറക്കൽ മുഹമ്മദ് മൻസൂർ (25), കൂട്ടിലങ്ങാടി മേലേക്കളം നിസാറുദ്ദീൻ (32), മൊറയൂർ തിരുവാലിപ്പറമ്പ് ഫഹദ് (20) എന്നിവരെയാണ് മഞ്ചേരി എസ്.ഐ ബൈജു ഇ.ആർ, സിവിൽ പൊലീസ് ഓഫീസർ സുഭാഷ് ചന്ദ്രബോസ് എന്നിവർ അറസ്റ്റ് ചെയ്തത്. രണ്ടു വാഹനങ്ങളും പൊലീസ് കസ്റ്റഡിയിലെടുത്തിട്ടുണ്ട്.

ഇക്കഴിഞ്ഞ പത്തിനാണ് കേസിന്നാസ്പദമായ അപകടം നടന്നത്. മുഹമ്മദ് മൻസൂർ ഓടിച്ച ട്വിസ്റ്റർ ബൈക്കിൽ മറ്റൊരു ബൈക്ക് ഇടിക്കുകയായിരുന്നു. അപകടത്തിൽ മൻസൂറിന് പരിക്കേറ്റിരുന്നു. എന്നാൽ ട്വിസ്റ്റർ ബൈക്കിന് ഇൻഷൂറൻസ് പരിരക്ഷയില്ലാത്തതിനാൽ പകരം പൾസർ ബൈക്കാണ് സ്റ്റേഷനിൽ ഹാജരാക്കിയത്. എന്നാൽ പൊലീസ് നടത്തിയ അന്വേഷണത്തിൽ മൂന്നംഗ സംഘം നടത്തിയ തട്ടിപ്പ് വെളിവാവുകയായിരുന്നു.
Summary: three arrested for replacing the vehicle to do fraud

The post അപകടത്തിൽപെട്ട ബൈക്കിന് പകരം മറ്റൊന്ന് ഹാജരാക്കി; മൂന്നു പേർ അറസ്റ്റിൽ appeared first on Valanchery Online.