ifthar Archives - Valanchery Online

വളാഞ്ചേരി ഒമാന്‍ കൂട്ടായ്മ ഇഫ്താര്‍ സംഗമം മാർച്ച് ആറിന്

വളാഞ്ചേരിക്കാരൻ — Tue, 24 Feb 2026 06:22:22 +0000

വളാഞ്ചേരി: ഒമാനില്‍ പ്രവര്‍ത്തിക്കുന്ന വളാഞ്ചേരി സ്വദേശികളും പരിസര പ്രദേശങ്ങളിലെ നിവാസികളും ചേര്‍ന്നുള്ള കൂട്ടായ്മയായ വളാഞ്ചേരി ഒമാന്‍ കൂട്ടായ്മയുടെ നേതൃത്വത്തില്‍ ഈ വര്‍ഷവും ഇഫ്താര്‍ കുടുംബ സംഗമം സംഘടിപ്പിക്കുന്നു. ഭാരവാഹികള്‍ അറിയിച്ചതനുസരിച്ച്, മാര്‍ച്ച് 6-ാം തീയതി വെള്ളിയാഴ്ച ഒമാനിലെ ബര്‍ക്ക ഫാം ഹൗസില്‍ വൈകുന്നേരം 4.30 മുതല്‍ പരിപാടികള്‍ ആരംഭിക്കും. കൂട്ടായ്മയിലെ അംഗങ്ങളും കുടുംബാംഗങ്ങളും ഉള്‍പ്പെടെ നിരവധി പേര്‍ സംഗമത്തില്‍ പങ്കെടുക്കുമെന്ന് പ്രതീക്ഷിക്കുന്നു. ഇഫ്താര്‍ സംഗമത്തില്‍ പങ്കെടുക്കാന്‍ താല്‍പര്യമുള്ളവര്‍ താഴെപ്പറയുന്ന നമ്പറുകളില്‍ ബന്ധപ്പെടണമെന്ന് ഭാരവാഹികള്‍ അഭ്യര്‍ത്ഥിച്ചു.
ഹഫ്‌സല്‍ അരീക്കാട്‌ന്‍: 99859782
കെ വി എം ഷരീഫ്: 96353513
അബു താഹിര്‍: 79040368

The post വളാഞ്ചേരി ഒമാന്‍ കൂട്ടായ്മ ഇഫ്താര്‍ സംഗമം മാർച്ച് ആറിന് appeared first on Valanchery Online.

പ്രഭേട്ടന്റെ വീട്ടിലെ നോമ്പു‌തുറയുടെ നല്ല ഓര്‍മ്മകള്‍ പറഞ്ഞ് ലാൽ ജോസ്; വീഡിയോ വൈറൽ

വളാഞ്ചേരിക്കാരൻ — Fri, 22 Jun 2018 23:28:24 +0000

പുണ്യ റമളാനില്‍ മാനവസാഹോദര്യത്തിന്റെയും ഐക്യത്തിന്റെയും ഓര്‍മ്മപ്പെടുത്തല്‍ കൂടിയാണ് ലോകമെമ്പാടും. ലോകത്തെവിടെയും നടക്കപ്പെടുന്നതുപോലെ ഇഫ്താറുകളാല്‍ സമ്പന്നമായിരുന്നു മലബാറിലെ മുപ്പത് ദിനങ്ങളും. ഈ വര്‍ഷവും അതിന് മാറ്റമില്ലാതെ നടന്നു. വളാഞ്ചേരിക്കാര്‍ക്ക് സുപരിചിതനായ പ്രഭേട്ടന്‍ എന്ന വെസ്‌റ്റേണ്‍ പ്രഭാ‍കരന്‍
മുടങ്ങാതെ റമളാന്‍ വൃതം അനുഷ്ടിക്കുകയും ഇഫ്താര്‍ വിരുന്നൊരുക്കുകയും ചെയ്യുന്ന വ്യക്തിയാണ്.

കഴിഞ്ഞ മുപ്പത് വര്‍ഷമായി മുടങ്ങാതെ എല്ലാ വര്‍ഷത്തെയും മുപ്പത് നോമ്പെടുത്ത പ്രഭേട്ടന്‍ ഈ വര്‍ഷം നടത്തിയ ഇഫ്താര്‍ വിരുന്ന് വീണ്ടും ശ്രദ്ധാകേന്ദ്രമാകുന്നു. സമൂഹത്തിന്റെ നാനാതുറകളില്‍ നിന്നുള്ളവര്‍ പങ്കെടുത്ത ഈ വിരുന്നിന്റ്റെ വാര്‍ത്ത അതില്‍ പങ്കുകൊണ്ട പ്രമുഖ വ്യക്തികളുടെ ഫേസ്‌ബുക് പോസ്റ്റുകള്‍ വഴി ചടങ്ങിന്റ്റെ തൊട്ടടുത്ത ദിവസങ്ങളില്‍ തന്നെ വൈറലായിരുന്നു. എന്നാല്‍ കഴിഞ്ഞ ദിവസം ഈ വാ‍ര്‍ത്ത ഒരിക്കല്‍ കൂടി ജനമനസ്സുകളിലേക്ക് എത്തിയിരിക്കുകയാണ്. അതും ചടങ്ങില്‍ പങ്കെടുത്ത പ്രശസ്ത സംവിധായകന്‍ ലാല്‍ ജോസ് വഴി.
മഴവില്‍ മനോരമയിലെ റിയാലിറ്റി ഷോയായ നായികാ നായകനില്‍ വിധികര്‍ത്താവായി എത്തിയതായിരുന്നു അദ്ദേഹം. ഈദ് സ്പെഷ്യല്‍ ആയി ചിത്രീകരിച്ച എപിസോഡ് വൈകിയ വേളയിലാണ് പ്രേക്ഷരിലേക്ക് എത്തിയതെങ്കിലും അവതാരകരില്‍ ഒരാളായ പേര്‍ളി മാണി ലാല്‍ ജോസിനോട് തന്റെ റമളാന്‍ ഓര്‍മ്മകളും വിശേഷങ്ങളും ആരായുന്നു.

ഈ അവസരത്തിലാണ് ലാല്‍ ജോസ് പ്രഭേട്ടന്റെ വീട്ടിലെ നോമ്പ്തുറയെ കുറിച്ച് പറഞ്ഞത്. പ്രഭേട്ടൻ കഴിഞ്ഞ 30 വർഷമായി നോമ്പ് നോൽക്കുന്ന ആളാണ്. ഒരു നായർ കുടുംബം ആണ് അദ്ദേഹത്തിന്റെ. അന്ന് കണ്ട ഒരു സന്തോഷകരമായ ഒരു കാര്യം എന്തെന്നാൽ നിലവിളക്ക് കോളുത്തി വച്ചിട്ടുള്ള ആ പടി കയറി വന്ന മുസ്ലിം സഹോദരന്മാരെല്ലാം ആ വീടിനുള്ളിൽ കയറി നിസ്കരിച്ചു എന്നതാണ്. ഒരാള് വിചാരിച്ചാൽ ഒരു ഏരിയ മുഴുവൻ റിലാക്സ്ഡ് ആകുമെന്നാണ് ഞാൻ മനസ്സിലാക്കുന്നത്. ഇത്തരം ആഘോഷങ്ങൾ അതിന് വേണ്ടിയാകണമെന്നാണ് തന്റെ ആഗ്രഹമെന്നും ലാൽ ജോസ് പറഞ്ഞു.

വീഡിയോ കാണാം.

The post പ്രഭേട്ടന്റെ വീട്ടിലെ നോമ്പു‌തുറയുടെ നല്ല ഓര്‍മ്മകള്‍ പറഞ്ഞ് ലാൽ ജോസ്; വീഡിയോ വൈറൽ appeared first on Valanchery Online.

എം .ഇ. എസ് മെഡിക്കൽ കോളേജിൽ സൗജന്യ ഇഫ്താർ വിതരണത്തിന് തുടക്കമായി

വളാഞ്ചേരിക്കാരൻ — Thu, 17 May 2018 23:54:43 +0000

ഓണപ്പുട: മാലപ്പറമ്പ് എം ഇ എസ് മെഡിക്കൽ കോളേജിജിലെ രോഗികൾക്കും രോഗികൾക്ക് കൂട്ടിരിക്കുന്നവർക്കും വിതരണം ചെയ്യാനായി മങ്കട മണ്ഡലം കെ.എം.സി.സി യുടെ നേതൃത്വത്തിൽ മുസ്ലിം ലീഗ് പ്രവർത്തകർ ഒരുക്കുന്ന ഇഫ്താർ എം ഇ എസ് മെഡിക്കൽ കോളേജിൽ സാദിഖലി ശിഹാബ് തങ്ങൾ ഉദ്ഘടനം ചെയ്തു തുടർച്ചയായി മൂന്നാം വർഷമാണ് മെഡിക്കൽ കോളേജിൽ ഇഫ്താർ വിതരണം നടത്തുന്നത്.

മണ്ഡലം ഭാരവാഹികൾ പങ്കെടുത്ത ചടങ്ങിൽ മെഡിക്കൽ കോളേജിജിലെ മുഴുവൻ രോഗികൾക്കും രോഗികളോടൊപ്പം ഉള്ളവർക്കും ഇഫ്താർ വിതരണം ചെയ്തു. നോമ്പ് മുഴുവൻ നാളുകളിലും ഇഫ്താർ വിതരണം ഉണ്ടാവും.

The post എം .ഇ. എസ് മെഡിക്കൽ കോളേജിൽ സൗജന്യ ഇഫ്താർ വിതരണത്തിന് തുടക്കമായി appeared first on Valanchery Online.