ഭവനരഹിതരില്ലാത്ത വളാഞ്ചേരി എന്ന ലക്ഷ്യം സാധ്യമാക്കുന്നതിനായി ബഹുമുഖമായ പരിപാടികളാണ് നഗരസഭ ആസൂത്രണം ചെയ്തിരിക്കുന്നതെന്ന് പെർമിറ്റുകൾ വിതരണം ചെയ്തുകൊണ്ട് നഗരസഭാധ്യക്ഷ പറഞ്ഞു. ആദ്യഘട്ടത്തിൽ വീട് നിർമ്മിക്കാൻ ഭൂമിയുള്ള സാമ്പത്തികമായി ദുർഭലരായ ഭവനരഹിതർക്ക് പി.എം.എ.വൈ. പദ്ധതിയുടെ ഭാഗമായി മൂന്ന്‌ ലക്ഷം രൂപ ധനസഹായം നðകും. രണ്ടാം ഘട്ടമായി സംസ്ഥാന സർക്കാർ നടപ്പാക്കുന്ന ലൈഫ് പദ്ധതിയുടെ ഭാഗമായി നഗരസഭയുടെ സ്ഥലത്ത് ഫ്‌ളാറ്റ് സമുച്ചയങ്ങൾ പണികഴിപ്പിച്ച് ഭൂരഹിതരായ ഭവനരഹിതർക്ക് ഭവനങ്ങൾ സജ്ജമാക്കും. മൂന്നാം ഘട്ടമായി മുൻ‌കാല ഭവനപദ്ധതികളിൽ ധനസഹായം ലഭിച്ചിട്ടും ഭവനനിർമ്മാണം പൂർത്തീകരിക്കാൻ സാധിക്കാത്ത ആളുകൾക്ക് ലൈഫ് പദ്ധതിയിൽ പെടുത്തി പണിപൂർത്തീകരിക്കുതിന് ആവശ്യമായ സഹായങ്ങൾ ചെയ്ത് നൽകും. ഈ പ്രക്രിയയിലൂടെയാണ് ഭവനരഹിതരില്ലാത്ത വളാഞ്ചേരി എന്ന സ്വപ്നം സാദ്ധ്യമാക്കുവാൻ ഉദ്ദേശിക്കുതെന്ന് അവർ കൂട്ടിച്ചേർത്തു.

നഗരസഭാ വൈസ് ചെയർ‌മാൻ കെ.വി. ഉണ്ണികൃഷ്ണൻ അധ്യക്ഷത വഹിച്ച യോഗത്തിൽ മരാമത്ത് സ്റ്റാൻ‌റ്റിങ്ങ് കമ്മറ്റി ചെയർ‌മാന്മാരായ സി. അബ്ദുന്നാസർ, സി.കെ. റുഫീന, ഫാത്തിമക്കുട്ടി, സി. ഷഫീന, കൗസിലർ ടി.പി. അബ്ദുൾ ഗഫൂർ, നഗരസഭാ സെക്ര’റി ടി.കെ. സുജിത്ത് തുടങ്ങിയവർ സംസാരിച്ചു. പി.പി. ഹമീദ് സ്വാഗതവും ഷാഹുൽ ഹമീദ് കൃതജ്ഞതയും പറഞ്ഞു.

The post വളാഞ്ചേരി മുനിസിപ്പാലിറ്റി സമ്പൂര്‍ണ്ണ ഭവന പദ്ധതി പെര്‍മിറ്റ് വിതരണം ആരംഭിച്ചു appeared first on Valanchery Online.