forum Archives - Valanchery Online

മലപ്പുറം ജില്ലയെ അപകീർത്തിപ്പെടുത്തിയതിനെ സേവ് മലപ്പുറം ഫോറം അപലപിച്ചു

വളാഞ്ചേരിക്കാരൻ — Fri, 05 Jun 2020 14:30:58 +0000

പാലക്കാട് ജില്ലയിൽ ആന ചെരിഞ്ഞ സംഭവവുമായി ബന്ധപ്പെടുത്തിയാണ് മനേകാ ഗാന്ധി മലപ്പുറം ജില്ലക്കെതിരെ വ്യാജ ആരോപണങ്ങൾ ഉന്നയിച്ചിട്ടുള്ളത്. യാതൊരു അടിസ്ഥാനവുമില്ലാത്ത ഇത്തരം ആരോപണങ്ങൾ ജില്ലാ രൂപീകരണം മുതൽ തുടങ്ങിയിട്ടുള്ളതാണ്. സംഘപരിവാർ കേന്ദ്രങ്ങളിൽ നിന്ന് ഇത്തരം ആരോപണങ്ങൾ പതിവുള്ളതാണ്. ജില്ലയിൽ തന്നെയുള്ള അംമ്പലങ്ങൾക്ക് നേരെ ആസൂത്രിത ആക്രമണങ്ങൾ ആർ.എസ്.എസ് തന്നെ നടത്തുകയും ആരോപണം ജില്ലയിലെ മുസ്ലിംകൾക്ക് നേരെ നടത്തി ജില്ലയെ തന്നെ അപമാനിക്കുകയാണ് പതിവ്. എന്നാൽ ആദ്യഘട്ടത്തിൽ അന്വേഷണം നടത്തുമ്പോൾ തന്നെ സംഘ പരിവാർ പ്രവർത്തകർ പിടിയിലാകുന്നതോട് കൂടെ അന്വേഷണം പാതി വഴിയിൽ അവസാനിക്കും. അപ്പോഴേക്കും ജില്ലയെ അപകീർത്തിപ്പെടുത്തിയ വാർത്ത ഉത്തേരേന്ത്യൻ ഗ്രൂപ്പ് ഏറ്റെടുത്ത് കഴിഞ്ഞിട്ടുണ്ടാകും. ഇത്തരം നീക്കങ്ങൾ നടത്തുന്നവർക്കെതിരെ ശക്തമായ നടപടികളുമായി സേവ് മലപ്പുറം ഫോറം രംഗത്തുണ്ടാകുമെന്ന് സേവ് മലപ്പുറം ഫോറം ഭാരവാഹികൾ മുന്നറിയിപ്പ് നൽകി. ജില്ലയിലെ സമാധാന അന്തരീക്ഷം തകർക്കാനുള്ള നിരന്തരം ശ്രമം നടത്തുന്നവരെ കണ്ടെത്തി നിയമത്തിന് മുന്നിൽ കൊണ്ട് വരാൻ അധികാരികൾ തയ്യാറാകണമെന്ന് യോഗം ആവശ്യപ്പെട്ടു. ഓൺലൈൻ യോഗത്തിൽ ജനറൽ കൺവീനർ കെ.വി ഷാജി അദ്ധ്യക്ഷത വഹിച്ചു. പി സുന്ദർരാജൻ, കെ.പി.ഒ റഹ്മത്തുള്ള, പി.കെ നാരായണൻ, അഡ്വ കെ ഷംസുദ്ധീൻ, ലൗലി ഹംസ ഹാജി, അഡ്വക്കറ്റ് സാദിഖ് നടുതൊടി അഹദ് വളാഞ്ചേരി എന്നിവർ സംസാരിച്ചു.
Summary: save Malappuram forum protested the derogatory comments by Maneka Gandhi on Malappuram district.

The post മലപ്പുറം ജില്ലയെ അപകീർത്തിപ്പെടുത്തിയതിനെ സേവ് മലപ്പുറം ഫോറം അപലപിച്ചു appeared first on Valanchery Online.

ചെഗുവേരയുടെ സ്വപ്നക്കൂടിന് ആലുംകൂട്ടത്ത് തറക്കല്ലിട്ടു

Jishad VK — Fri, 01 Mar 2019 04:43:52 +0000

ഇരിമ്പിളിയം: ഉൽസവച്ഛായ കലർന്ന അന്തരീക്ഷത്തിൽ ചെഗുവേരയുടെ സ്വപ്നക്കൂടിന് തറക്കല്ലിട്ടു. ഇരിമ്പിളിയം പഞ്ചായത്തിലെ ആലുംകൂട്ടത്തിലാണ് ചടങ്ങ് നടന്നത്.

സംവിധായകൻ ലാൽ ജോസും, തിരക്കഥാകൃത്ത് ഡോ ഇഖ്ബാൽ കുറ്റിപ്പുറവും ചേർന്നാണ് തറക്കല്ലിട്ടത്. ചടങ്ങിൽ ആക്ട് ഓൺ ചെയർമാൻ ഡോ: മുജീബ് റഹ്മാൻ, ഫോറം ഗ്രൂപ്പ് ചെയർമാൻ വി.പി.എ ലത്തീഫ് കുറ്റിപ്പുറം, പഞ്ചായത്ത് പ്രസിഡണ്ട് ഉമ്മുകുൽസു ടീച്ചർ, മെമ്പർ റെജുല, ഡോ.മുഹമ്മദാലി, മാനവേന്ദ്രനാഥ്, രാധാമണി ഐങ്കലത്ത്, സത്താർ മാസ്റ്റർ തുടങ്ങിയ ജനപ്രതിനിധികളും നാട്ടുകാരും പങ്കെടുത്തു.

ചെഗുവേര ഭാരവാഹികളായ വി.പി.എം സാലിഹ്, വെസ്റ്റേൺ പ്രഭാകരൻ, അസീസ് പാണ്ടികശാല,, പ്രദേശവാസികളായ മുരളി കൃഷണൻ, ബാലചന്ദ്രൻ, മൊയ്തു മാഷ്, മുകുന്ദൻ മാസ്റ്റർ, വിനു പുല്ലാനൂർ, കാരുണ്യ സുധാകരൻ, CKസലീം തുടങ്ങിയവരും സംബന്ധിച്ചു.

The post ചെഗുവേരയുടെ സ്വപ്നക്കൂടിന് ആലുംകൂട്ടത്ത് തറക്കല്ലിട്ടു appeared first on Valanchery Online.

വളാഞ്ചേരിയിലെ രൂക്ഷമായ ഗതാഗതക്കുരുക്കിന് പരിഹാരം കാണാന്‍ വളാഞ്ചേരി പ്രസ് ഫോറം സംഘടിപ്പിച്ച തുറന്ന സംവാദം ശ്രദ്ധേയമായി

വളാഞ്ചേരിക്കാരൻ — Sun, 15 Jul 2018 05:29:27 +0000

വളാഞ്ചേരിയിലെ രൂക്ഷമായ ഗതാഗതക്കുരുക്കിന് പരിഹാരം കാണാന്‍ വളാഞ്ചേരി പ്രസ് ഫോറം സംഘടിപ്പിച്ച തുറന്ന സംവാദം ശ്രദ്ധേയമായി. ഗതാതഗക്കുരുക്കൊഴിവാക്കാന്‍ ഒരേമനസ്സോടെ സഹകരിക്കാന്‍ തയ്യാറാണെന്ന് സംവാദത്തില്‍ പങ്കെടുത്തവര്‍.

വളാഞ്ചേരി നഗരത്തിന്‍റെ തീരാശാപമായ ഗതാഗതക്കുരുക്കൊഴിവാക്കാന്‍ വേണ്ടി വളാഞ്ചേരി പ്രസ് ഫോറം അഴിയുമോ ഈ കുരുക്ക് എന്ന പേരില്‍ സംഘടിപ്പിച്ച തുറന്ന സംവാദത്തിലാണ് കുരുക്കൊഴിവാക്കാന്‍ ഒറ്റക്കെട്ടായി സഹകരിക്കാമെന്ന് സംവാദത്തില്‍ പങ്കെടുത്ത വിവിധ മേഖലയിലുള്ളവര്‍ അറിയിച്ചത്. ഗതാഗതക്കുരുക്കൊഴിവാക്കാന്‍ നഗരസഭ എല്ലാ നടപടികളും സ്വീകരിക്കും. അനധികൃത കച്ചവടത്തിനെതിരെയും പാര്‍ക്കിങ്ങിനെതിരെയും കര്‍ശന നടപടി സ്വീകരിക്കാന്‍ ബന്ധപ്പെട്ടവര്‍ക്ക് നിര്‍ദേശം നല്‍കിയിട്ടുണ്ടെന്ന് നഗരസഭ ചെയര്‍പേഴ്സണ്‍ എം ഷാഹിന ടീച്ചര്‍ പറഞ്ഞു. ആരെയും ബുദ്ധിമുട്ടിച്ചുകൊണ്ടുള്ള നടപടി നഗരസഭ ഉദ്ദേശിക്കുന്നില്ല, എന്നാല്‍ വിട്ടുവീഴ്ചക്ക് തയ്യാറാവാനും സ്വയം മാറാനും സഹകരണമനോഭാവം വളര്‍ത്താനും ഓരോരുത്തരും തയ്യാറായാല്‍ ഗതാഗതക്കുരുക്ക് ഇല്ലാതാവുമെന്നും അവര്‍ പറഞ്ഞു.

മോട്ടോര്‍ ബസ് തൊഴിലാളികളെയും വ്യാപാരികളെയും സഹകരിപ്പിച്ചുകൊണ്ടുള്ള പരിഷ്കരണമാണ് ഉദ്ദേശിക്കുന്നതെന്നും അവരുടെ മേലും ഒന്നും അടിച്ചേല്‍പ്പിക്കാന്‍ ഉദ്ദേശിക്കുന്നില്ലെന്നും കൂട്ടായ ചര്‍ച്ചകള്‍ നടത്തിയും പൊതുജനങ്ങളില്‍ നിന്നും നിര്‍ദേശങ്ങല്‍ തേടിയിുമാണ് പരിഷ്കാരങ്ങള്‍ നടത്തുകയെന്നും സംവാദനത്തില്‍ പങ്കെടുത്ത് കൊണ്ട് സിഐ പ്രമോദ് പറഞ്ഞു.

വികസനവും പരിഷ്കാരവും നടപ്പിലാക്കുമ്പോള്‍ ഒരു വിഭാഗത്തെ മാത്രം ബലിയാടാക്കരുതെന്ന് ഓട്ടോ തൊഴിലാളി പ്രതിനിധികളും ബസ് ഓണേഴ്സ് പ്രതിനിധികളും വ്യാപാരി വ്യവസായി ഏകോപനസമിതി പ്രതിനിധികളും അഭിപ്രായപ്പെട്ടു. ഓരോരുത്തരുടെയും ഉപജീവനമാര്‍ഗമാണ് ഓരോ തൊഴിലും വ്യാപാരവും അത് ഇല്ലാതാവുമ്പോള്‍ രോഷവും വേദനയും ഉണ്ടാവുക സ്വാഭാവികം. എന്നാല്‍ വിശദമായ ചര്‍ച്ചകള്‍ നടത്തി തീരുമാനമെടുത്താല്‍ അത് നടപ്പാക്കാന്‍ തങ്ങള്‍ സന്നദ്ധരാണെന്നും നേതാക്കള്‍ പറഞ്ഞു. തങ്ങള്‍ക്കിടയിലെ അനധികൃത പ്രവര്‍ത്തനങ്ങള്‍ തടയാന്‍ സംഘടനയെന്ന നിലക്കുള്ള നടപടി സ്വീകരിക്കുമെന്നും പോലീസിന്‍റെയും നഗരസഭയുടെയും മറ്റും തീരുമാനങ്ങള്‍ ചര്‍ച്ചചെയ്ത് നടപ്പാക്കാന്‍ സന്നദ്ധരാണെന്നും ഇവര്‍ പറഞ്ഞു.

നാടിന്‍റെ വികസനത്തിന് രാഷ്ട്രീയം നോക്കാതെ സഹകരിക്കുമെന്നും ചര്‍ച്ചകള്‍ നടത്തി ജനാധിപത്യ രീതിയിലായിരിക്കണം നിയമങ്ങള്‍ നടപ്പാക്കേണ്ടതെന്നും സംവാദത്തില്‍ പങ്കെടുത്ത രാഷ്ട്രീയപ്രതിനിധികള്‍ അഭിപ്രായപ്പെട്ടു. നാഷണല്‍ ഹൈവേയില്‍നിന്നുമുള്ള എല്ലാ സഹകരണവും ഉണ്ടാകുമെന്ന് എന്‍എച്ച് പ്രതിനിധി പറഞ്ഞു.അതിന് വകുപ്പില്‍ സമ്മര്‍ദ്ദം ചെലുത്തുന്നുണ്ടെന്നും അദ്ദേഹം പറഞ്ഞു. വാഹനങ്ങള്‍ പെരുകുന്ന ഇക്കാലത്ത് ഉദ്യോഗസ്ഥര്‍ക്ക് പരിമിതികളുണ്ട്. ഓരോരുത്തരും സ്വയം തീരുമാനിക്കണം. തൊഴിലാളികളും സംഘടനകളും അധികൃതരും പൗരനും ഒരുമിച്ച് നില്‍ക്കണമെന്നും എന്നാല്‍ പ്രശ്നങ്ങള്‍ക്ക് പരിഹാരമാകുമെന്നും മോട്ടോര്‍ വെഹിക്കിള്‍ വിഭാഗം എല്ലാതരത്തിലും സഹകരിക്കുമെന്നും എംവി വിഭാഗം പ്രതിനിധി പറഞ്ഞു.

നഗരസഭ ചെയര്‍പേഴ്സണ്‍ എം ഷാഹിന ടീച്ചര്‍, സിഐ പ്രമോദ്, അസി. മോട്ടോര്‍ വെഹിക്കിള്‍ ഇന്‍സ്പെക്ടര്‍ രാധാകൃഷ്ണന്‍, നാഷണല്‍ ഹൈവേ ഉദ്യോഗസ്ഥന്‍ ഗോപന്‍ മുസ്ലിം ലീഗ് പ്രതിനിധി സലാം വളാഞ്ചേരി സിപിഐഎം പ്രതിനിധി കെഎം ഫിറോസ് ബാബു, കോണ്‍ഗ്രസ് പ്രതിനിധി പറശ്ശേരി അസൈനാര്‍, സിപിഐ പ്രതിനിധി അഷ്റഫലി കാളിയത്ത്, ബിജെപി പ്രതിനിധി പിപി ഗണേശന്‍, വ്യാപാരി വ്യവസായി പ്രതിനിധി പിപി മുഹമ്മദ് ബഷീര്‍ മോട്ടോര്‍ കോര്‍ഡിനേഷന്‍ പ്രതിനിധി എം ജയകുമാര്‍, ബസ് ഓണേഴ്സ് പ്രതിനിധി റോയല്‍ അഷ്റഫ് തുടങ്ങിയവര്‍ സംവാദത്തില്‍ പങ്കെടുത്ത് സംസാരിച്ചു. ചടങ്ങില്‍ പ്രസ് ഫോറം പ്രസിഡന്‍റ് കബീര്‍ പാണ്ടികശാല അധ്യക്ഷത വഹിച്ചു. സൈഫുദ്ധീന്‍ പാടത്ത് വിശദീകരണം നടത്തി. ബാബു എടയൂര്‍ മോഡറേറ്ററായി. പ്രസ്സ് ഫോറം സെക്രട്ടറി മുഹമ്മദലി നീറ്റുകാട്ടില്‍ സ്വാഗതവും വി.പി.അബ്ദുറഹ്മാന്‍ നന്ദിയും പറഞ്ഞു. വി മധുസൂദനന്‍, സി.കെ. രാമചന്ദ്രന്‍, സുരേഷ് പൂവാട്ടുമീത്തല്‍, നാസര്‍ ഇരിമ്പിളിയം, പ്രദീപ് ഇരിമ്പിളിയം, കെ.മണികണ്ഠന്‍, റസാഖ് കുരുവമ്പലം, അബ്ദുസമദ് , നൂറുല്‍ ആബിദ് നാലകത്ത്, അനീഷ് വലിയകുന്ന്, സഹീർ ഇരിമ്പിളിയം, ലിയാക്കത്തലി, നൗഷാദ് അത്തിപ്പറ്റ, മുഹമ്മദ് സഫ്വാന്‍ തുടങ്ങിയവര്‍ നേതൃത്വം നല്‍കി.

The post വളാഞ്ചേരിയിലെ രൂക്ഷമായ ഗതാഗതക്കുരുക്കിന് പരിഹാരം കാണാന്‍ വളാഞ്ചേരി പ്രസ് ഫോറം സംഘടിപ്പിച്ച തുറന്ന സംവാദം ശ്രദ്ധേയമായി appeared first on Valanchery Online.

ചെഗുവേര ഫോറം വാര്‍ഷികം ഇന്ന്‌

വളാഞ്ചേരിക്കാരൻ — Sat, 24 Jan 2015 03:02:03 +0000

വളാഞ്ചേരി: ചെഗുവേര കള്‍ച്ചറല്‍ ആന്‍ഡ് വെല്‍ഫെയര്‍ ഫോറം അഞ്ചാംവാര്‍ഷികവും സൗജന്യ കുടിവെള്ളപദ്ധതി സമര്‍പ്പണവും ശനിയാഴ്ച വളാഞ്ചേരി കമ്യൂണിറ്റി ഹാളില്‍ നടക്കും. ചലച്ചിത്രസംവിധായകന്‍ ലാല്‍ജോസ് ഉദ്ഘാടനംചെയ്യും. കുടിവെള്ളപദ്ധതി സമര്‍പ്പണം നഗരവികസനവകുപ്പുമന്ത്രി മഞ്ഞളാംകുഴി അലി നിര്‍വഹിക്കും. ചെഗുവേര ഫോറം അവാര്‍ഡുകള്‍ വിതരണംചെയ്യും. ഡോ. ഇഖ്ബാല്‍ കുറ്റിപ്പുറം, പി. ശ്രീരാമകൃഷ്ണന്‍ എം.എല്‍.എ, സി.പി. മുഹമ്മദ് എം.എല്‍.എ. തുടങ്ങിയവര്‍ പങ്കെടുക്കും.

The post ചെഗുവേര ഫോറം വാര്‍ഷികം ഇന്ന്‌ appeared first on Valanchery Online.

350ലധികം ജീവിതങ്ങൾക്ക് വെളിച്ചമായി ചെഗുവേര ഫോറം

വളാഞ്ചേരിക്കാരൻ — Tue, 16 Dec 2014 00:28:16 +0000

ഒരു ധീരയജ്ഞത്തിലൂടെ മുന്നേറുകയാണ് വളാഞ്ചേരിയിലെ സന്നദ്ധസംഘടനയായ ചെഗുവേര കള്‍ച്ചറല്‍ഫോറം. 2011 നവംബറില്‍ ചെഗുവേര പ്രവര്‍ത്തകര്‍ ആരംഭിച്ച ഫ്രീ ഡ്രഗ് ബാങ്കിലൂടെ വളാഞ്ചേരിയിലും പരിസരപ്രദേശങ്ങളിലുമുള്ള 359 പേര്‍ക്കാണ് മരുന്നുകള്‍ നല്‍കിവരുന്നത്. രക്തസമ്മര്‍ദം, പ്രമേഹം, അര്‍ബുദം, ഹൃദയസംബന്ധമായ അസുഖങ്ങള്‍ എന്നിവയ്ക്കുള്ള മരുന്നുകൾ ഡ്രഗ് ബാങ്കിലൂടെ പാവപ്പെട്ട രോഗികള്‍ക്ക് സൗജന്യമായാണ് കൊടുക്കുന്നത്.

മരുന്നുകളിൽ ഭൂരിഭാഗവും വിവിധ മരുന്നുകമ്പനികളില്‍നിന്ന് സാമ്പിള്‍ മരുന്നുകളായി ശേഖരിക്കുന്നതാണ്. ഇതിന് പ്രധാനപങ്കുവഹിക്കുന്നത് ചെഗുവേരയുടെ മുഖ്യരക്ഷാധികാരി ഡോ. എം. ഗോവിന്ദനാണ് . ഫോറം ചീഫ് വെസ്റ്റേണ്‍പ്രഭാകരനാണ് മരുന്നുവിതരണത്തിന്റെ ഉത്തരവാദിത്വം. അംഗീകാരമുള്ള ഫാര്‍മിസിസ്റ്റുകളുടെ മേല്‍നോട്ടത്തിലാണ് ഫ്രീ ഡ്രഗ്ബാങ്ക് സംവിധാനം പ്രവര്‍ത്തിക്കുന്നതെന്നും ചെഗുവേരയുടെ രക്ഷാധികാരികളായ ഡോ. എം. ഗോവിന്ദന്‍, ഡോ. എന്‍. മുഹമ്മദാലി, ഡോ. എന്‍.എം. മുജീബ് റഹ്മാന്‍ എന്നിവര്‍ പറഞ്ഞു.

The post 350ലധികം ജീവിതങ്ങൾക്ക് വെളിച്ചമായി ചെഗുവേര ഫോറം appeared first on Valanchery Online.

ചെഗുവേര സെന്റര്‍ ഉദ്ഘാടനം ഇന്ന്

വളാഞ്ചേരിക്കാരൻ — Mon, 16 Dec 2013 04:26:45 +0000

ജീവകാരുണ്യ പ്രവര്‍ത്തനങ്ങള്‍കൊണ്ട് ശ്രദ്ധേയമായ വളാഞ്ചേരി ചെഗുവേര കള്‍ച്ചറല്‍ ആന്‍ഡ് വെല്‍ഫെയര്‍ ഫോറത്തിന്റെ ആസ്ഥാനകേന്ദ്രം ഗായിക കെ.എസ്. ചിത്ര തിങ്കളാഴ്ച മൂന്നിന് ഉദ്ഘാടനം ചെയ്യുമെന്ന് ഭാരവാഹികള്‍ പത്രസമ്മേളനത്തില്‍ പറഞ്ഞു. വളാഞ്ചേരി പോലീസ്‌സ്റ്റേഷന്‍ പരിസരത്ത് നടക്കുന്ന പൊതുസമ്മേളനത്തിന്റെ ഉദ്ഘാടനം മന്ത്രി മഞ്ഞളാംകുഴി അലി നിര്‍വഹിക്കും. സമ്മേളനത്തില്‍ എം.എല്‍.എമാരായ കെ.ടി. ജലീല്‍, പി. ശ്രീരാമകൃഷ്ണന്‍, മാത്യു ടി. തോമസ്, മുന്‍മന്ത്രി എന്‍.കെ. പ്രേമചന്ദ്രന്‍, ബി.ജെ.പി സംസ്ഥാന സെക്രട്ടറി കെ. സുരേന്ദ്രന്‍, ആര്യാടന്‍ ഷൗക്കത്ത് തുടങ്ങിയവര്‍ സംബന്ധിക്കും.

2010 ഏപ്രില്‍ 30ന് പ്രവര്‍ത്തനംതുടങ്ങിയ ചെഗുവേര കള്‍ച്ചറല്‍ സെന്ററിന് കീഴില്‍ ഡ്രഗ്ബാങ്ക്, കൗണ്‍സലിങ് സെന്റര്‍, സൗജന്യ ആംബുലന്‍സ്-ഫ്രീസര്‍ സൗകര്യം, സൗജന്യ ഡയാലിസിസ് സെന്റര്‍, രക്തദാനസേന, റെഡ്‌ക്രോസ് സെല്‍ എന്നിവ പ്രവര്‍ത്തിക്കുന്നുണ്ട്. കൂടാതെ വീല്‍ചെയറുകള്‍, ക്രച്ചസ്സുകള്‍, വൈറ്റ്‌കെയിനുകള്‍, വാട്ടര്‍ബെഡുകള്‍, ഭവന നിര്‍മാണ ധനസഹായങ്ങള്‍ എന്നിവയും നല്‍കിവരുന്നുണ്ട്.

ചീഫ് കോ-ഓര്‍ഡിനേറ്റര്‍ വെസ്റ്റേണ്‍ പ്രഭാകരന്‍, പ്രസിഡന്റ് വി.പി. മുഹമ്മദ് സാലിഹ്, ജനറല്‍ സെക്രട്ടറി വി.പി. അബ്ദുള്‍അസീസ് പാണ്ടികശാല തുടങ്ങിയവര്‍ പരിപാടികള്‍ വിശദീകരിച്ചു.

The post ചെഗുവേര സെന്റര്‍ ഉദ്ഘാടനം ഇന്ന് appeared first on Valanchery Online.

2013ലെ ചെഗുവേര അവാർഡുകൾ പ്രഖ്യാപിച്ചു.

വളാഞ്ചേരിക്കാരൻ — Wed, 04 Dec 2013 01:32:56 +0000

വളാഞ്ചേരിയിലെ ചെഗുവേര കൾച്ചറൽ ആൻ‌റ് വെൽഫയർ ഫോറത്തിന്റെ 2013-ലെ അവാർഡുകൾ പ്രഖ്യാപിച്ചു. മികച്ച കർഷകനുള്ള കർഷകരാജ അവാർഡ് കരേക്കാട് നടക്കാവിൽ സഹീർ അഹമ്മദിനാണ്. മികച്ച അധ്യാപകനുള്ള ഗുരു അവാർഡിന് വലിയകുന്ന് എച്ച് എ എൽ പി സ്കൂളിലെ പ്രധാനാധ്യാപിക കെ നസീമ അർഹയായി.
വളാഞ്ചേരി സേവാഭാരതി ആം‌ബുലൻസ് ഡ്രൈവർ ഉണ്ണികൃഷ്‌ണൻ കാവും‌പുറമാണ് മികച്ച ഡ്രൈവർക്കുള്ള സാരഥി പുരസ്കാരത്തിന് അർഹനായി. കൂടാതെ പ്രത്യേക പുരസ്കാരങ്ങളും പ്രഖ്യാപിച്ചിട്ടുണ്ട്. ഡിസംബർ 16ന് വളാഞ്ചേരിയിൽ വച്ച് നടക്കുന്ന ചടങ്ങിൽ അവാർഡുകൾ വിതരണം ചെയ്യുമെന്ന് അവാർഡ് നിർണ്ണയകമ്മറ്റി അംഗങ്ങളായ ഡോ. രാധാമണി അയിങ്കലത്ത്, ഇ പി ഗോവിന്ദൻ, വി വി സനൽകുമാർ, എ എസ് സുരേഷ് കാർത്തല എന്നിവർ അറിയിച്ചു.

Summary: The awards in various fields for the year 2013 has been declared by Che Guvera cultural forum.

The post 2013ലെ ചെഗുവേര അവാർഡുകൾ പ്രഖ്യാപിച്ചു. appeared first on Valanchery Online.