football team Archives - Valanchery Online

സബ് ജൂനിയർ പെൺകുട്ടികളുടെ ഫുട്ബോൾ; എടയൂർ സ്വദേശിനി സലീമ ഷെറിൻ മലപ്പുറം ജില്ലക്ക് വേണ്ടി ബൂട്ടണിയും

വളാഞ്ചേരിക്കാരൻ — Sat, 18 Nov 2023 01:38:30 +0000

എടയൂർ: കാലിക്കറ്റ്‌ സർവകലാശാല സ്റ്റേഡിയത്തിൽ നടക്കുന്ന സബ് ജൂനിയർ പെൺകുട്ടികളുടെ സംസ്ഥാന ഫുട്ബോൾ മത്സരത്തിൽ എടയൂർ സ്വദേശിനി സലീമ ഷെറിൻ മലപ്പുറം ജില്ലക്ക് വേണ്ടി ബൂട്ടണിയും. മഞ്ചേരി എടവണ്ണപ്പാറ ഗ്രൗണ്ടിൽ നടന്ന സെലെക്ഷൻ ക്യാമ്പിൽ നിന്നാണ് സലീമക്ക് ജില്ലാ ടീമിലേക്ക് വിളിയെത്തിയത്. കരേക്കാട് ചെങ്കുണ്ടൻപടി പാട്ടാക്കൽ താമസിക്കുന്ന പാണക്കാട്ടിൽ അഷ്‌റഫിന്റെ മകളാണ്.

കരേക്കാട് വടക്കുംപുറം എ.യു.പി സ്കൂളിലെ ഏഴാം ക്ലാസ് വിദ്യാർത്ഥിനിയാണ് സലീമ. പരിശീലനം നൽകൽ, ആവശ്യമായ സഹായം നൽകൽ എന്നിങ്ങനെ പിന്തുണയുമായി ഇബ്രാഹിംകുട്ടി മാസ്റ്റർ, അഷ്‌കർ അലി മാസ്റ്റർ, മനാഫ് മാസ്റ്റർ, ഹബീന ടീച്ചർ, സാജിത ടീച്ചർ, മറ്റു അധ്യാപകർ, PTA ഭാരവാഹികൾ, മാനേജ്മെന്റ് പ്രതിനിധികൾ സലീമക്കൊപ്പമുണ്ട്.

The post സബ് ജൂനിയർ പെൺകുട്ടികളുടെ ഫുട്ബോൾ; എടയൂർ സ്വദേശിനി സലീമ ഷെറിൻ മലപ്പുറം ജില്ലക്ക് വേണ്ടി ബൂട്ടണിയും appeared first on Valanchery Online.

വളാഞ്ചേരി എം.ഇ.എസ്.കെ.വി.എം. കോളേജിൽ നിന്ന് കാലിക്കറ്റ് സർവകലാശാല ഫുട്‌ബോൾ ടീമിലേക്ക് മൂന്ന് കളിക്കാരെ തിരഞ്ഞെടുത്തു

വളാഞ്ചേരിക്കാരൻ — Wed, 05 Jan 2022 16:45:43 +0000

വളാഞ്ചേരി : എം.ഇ.എസ്.കെ.വി.എം. കോളേജിന് അഭിമാനാർഹമായ നേട്ടം. കോളേജിൽനിന്ന് കാലിക്കറ്റ് സർവകലാശാല ഫുട്‌ബോൾ ടീമിലേക്ക് മൂന്ന് കളിക്കാരെ തിരഞ്ഞെടുത്തു. അവസാനവർഷ ബി.കോം വിദ്യാർഥി ഇസ്മായിൽ, രണ്ടാംവർഷ ബി.എ. ഫങ്ഷണൽ ഇംഗ്ലീഷ് വിദ്യാർഥി നജീബ്, ഒന്നാംവർഷ ബി.എസ്.സി. സുവോളജി വിദ്യാർഥി മുഹമ്മദ് നിഷാം എന്നിവരെയാണ് തിരഞ്ഞെടുത്തത്.

കോളേജിന്റെ നാൽപ്പത് വർഷത്തെ ചരിത്രത്തിൽ ആദ്യമായാണ് എം.ഇ.എസ് കെ.വി.എം കോളേജിൽ നിന്ന് വിദ്യാർഥികൾ ഏറ്റവുംകൂടുതൽ തവണ ഫുട്‌ബോളിൽ അഖിലേന്ത്യാ അന്തർസർവകലാശാലാ ചാമ്പ്യൻഷിപ്പ് നേടിയ കാലിക്കറ്റ് സർവകലാശാലയെ പ്രതിനിധീകരിക്കുന്നത്. ബി.സോൺ ഫുട്‌ബോൾ ചാമ്പ്യൻഷിപ്പിൽ എം.ഇ.എസ്. കോളേജ് വളാഞ്ചേരി രണ്ടാംസ്ഥാനം നേടിയിരുന്നു.

The post വളാഞ്ചേരി എം.ഇ.എസ്.കെ.വി.എം. കോളേജിൽ നിന്ന് കാലിക്കറ്റ് സർവകലാശാല ഫുട്‌ബോൾ ടീമിലേക്ക് മൂന്ന് കളിക്കാരെ തിരഞ്ഞെടുത്തു appeared first on Valanchery Online.