The post തിരൂരിൽ നിയന്ത്രണം വിട്ട വന്ന ബസിന് മുന്നിലകപ്പെട്ട കുടുംബം രക്ഷപ്പെട്ടത് തലനാഴിരക്ക്-വീഡിയോ appeared first on Valanchery Online.

ഹൈവേജങ്ഷന് സമീപത്തെ കടകളിലാണ് മോഷണംനടന്നത്. ചപ്പാത്തിക്കമ്പനിയിൽനിന്ന് 4000 രൂപയും മൊബൈൽഫോണും മോഷണം പോയി. പിന്നീട്, സമീപത്തെ കോഫീഷോപ്പിൽ കയറിയ മോഷ്ടാവ് ഇവിടെനിന്ന്‌ മൊബൈൽഫോൺ മോഷ്ടിച്ചു. തൊട്ടടുത്തുള്ള തുണിക്കടയിൽ കയറാൻ ശ്രമംനടത്തിയെങ്കിലും വിജയിച്ചില്ല.

മുഖംമറച്ച മോഷ്ടാവിന്റെ ദൃശ്യങ്ങൾ സി.സി.ടി.വി. ക്യാമറയിൽ പതിഞ്ഞിട്ടുണ്ട്. ഷട്ടറിന്റെ പൂട്ട് തകർത്താണ് മോഷ്ടാവ് അകത്തുകയറിയിട്ടുള്ളത്. ഒരാൾതന്നെയാണ് എല്ലായിടത്തും മോഷണം നടത്തിയതെന്ന നിഗമനത്തിലാണ് പോലീസ്. തുണിക്കടയുടെ ചില്ല് കല്ലുപയോഗിച്ച് പൊട്ടിക്കാൻ ശ്രമിച്ചെങ്കിലും വിജയിക്കാത്തതിനാൽ മോഷണശ്രമം ഉപേക്ഷിക്കുകയായിരുന്നു. നിർത്തിയിട്ട ലോറിയിൽനിന്ന് ബാറ്ററി മോഷണംപോയ പരാതിയും പോലീസിൽ ലഭിച്ചിട്ടുണ്ട്.

ഒരാഴ്ചമുമ്പാണ് കുറ്റിപ്പുറത്തെ മൂന്നുകടകളിൽ മോഷണം നടന്നത്. 22,000 രൂപയോളം അന്ന് കടകളിൽനിന്ന് നഷ്ടപ്പെട്ടിരുന്നു. അന്ന് സി.സി.ടി.വി.യിൽ പതിഞ്ഞ മോഷ്ടാവിനോട് രൂപസാദൃശ്യമുള്ളയാളാണ് വെള്ളിയാഴ്ചയും മോഷണംനടത്തിയിട്ടുള്ളത്. മേഖലയിൽ മോഷണംപതിവായത് പോലീസിനും തലവേദനയായിട്ടുണ്ട്.

Summary: cctv footage of theft in a chappathi company at kuttippuram

The post കുറ്റിപ്പുറത്ത് രണ്ട് കടകളിൽ മോഷണം-വീഡിയോ appeared first on Valanchery Online.