fogging Archives - Valanchery Online

എസ്.കെ.എസ്.എസ്.എഫ് വളാഞ്ചേരി മേഖല വിഖായ സമിതിയുടെ നേതൃത്വത്തിൽ വളാഞ്ചേരിയിലും കുറ്റിപ്പുറത്തും പൊതുയിടങ്ങളിൽ ഫോഗിങ്ങ് നടത്തി

വളാഞ്ചേരിക്കാരൻ — Sat, 05 Jun 2021 15:47:36 +0000

വളാഞ്ചേരി: എസ്.കെ.എസ്.എസ്.എഫ് വളാഞ്ചേരി മേഖല വിഖായ സമിതിയുടെ നേതൃത്വത്തിൽ വളാഞ്ചേരിയിലും കുറ്റിപ്പുറത്തും പൊതുയിടങ്ങളിൽ ഫോഗിങ്ങ് നടത്തി. വളാഞ്ചേരി മുൻസിപ്പാലിറ്റി ചെയർമാൻ അഷ്റഫ് അമ്പലത്തിങ്ങൽ ഉദ്ഘാടനം നിർവഹിച്ചു. എസ്.കെ.എസ്.എസ്.എഫ് മേഖല സെക്രട്ടറി അലി റഹ്മാനി, പ്രസിഡന്റ് ബീരാൻ കുട്ടി അൻവരി, വളാഞ്ചേരി മുൻസിപ്പാലിറ്റി സെക്രട്ടറി സീന എച്, എസ്.കെ.എസ്.എസ്.എഫ് സംസ്ഥാന വിഖായ സമിതി അംഗം ജബ്ബാർ പൂക്കാട്ടിരി ജില്ലാ സമിതി അംഗം മുസ്തഫ പൈങ്കണ്ണൂർ വളാഞ്ചേരി മേഖല വിഖായ സെക്രട്ടറി ഷൗക്കത്ത് അധികാരിപ്പടി, മേഖല വിഖായ കൺവീനർ നൗഷാദ് വളാഞ്ചേരി, വിഖായ അംഗങ്ങളായ മൻസൂർ കൊളത്തൂർ, സുബ്ഹാൻ ഫൈസി വളാഞ്ചേരി. ഗഫൂർ പീടികപ്പടി, ഫിറോസ് പൈങ്കണ്ണൂർ,ഷാക്കിർ പുറ്റെക്കാട്, ഷാക്കിർ വൈദ്യരങ്ങാടി എന്നിവർ പങ്കെടുത്തു.

കൂടാതെ വളാഞ്ചേരി മേഖലയിൽപ്പെട്ട വളാഞ്ചേരി മുനൻസിപ്പാലിറ്റി എടയൂർ , കുറ്റിപ്പുറം, ഇരുമ്പിളിയം, മൂർക്കനാട് എന്നീ പഞ്ചായത്തുകളിൽ കൊറോണ ബാധിച്ച് മരണപ്പെട്ട 35ൽ പരം മയ്യിത്തുകൾ കോവിഡ് പ്രോട്ടോകോൾ പ്രകാരം ഖബറടക്കവും അനുബന്ധ ചടങ്ങുകൾക്കും വളാഞ്ചേരി മേഖല വിഖായ സമിതി നേതൃത്വം നൽകി. കൊറോണ പോസിറ്റീവ് ആയതും കോറന്റൈയൻ പൂർത്തീകരിച്ചതും ആയ നിരവധി വീടുകൾ നൂതന സാങ്കേതിക സംവിധാനങ്ങൾ ഉപയോഗിച്ച് ഫോഗ് സാനിറ്റയിസ് ചെയ്യുകയും ആവശ്യമുള്ള രോഗികൾക്ക് മരുന്ന് വീട്ടിലെത്തിച്ചും പ്രവർത്തനങ്ങളുമായി മുന്നോട്ടു പോയിക്കൊണ്ടിരിക്കുകയാണ് എസ്.കെ.എസ്.എസ്.എഫ് വളാഞ്ചേരി മേഖല വിഖായ ടീം.

The post എസ്.കെ.എസ്.എസ്.എഫ് വളാഞ്ചേരി മേഖല വിഖായ സമിതിയുടെ നേതൃത്വത്തിൽ വളാഞ്ചേരിയിലും കുറ്റിപ്പുറത്തും പൊതുയിടങ്ങളിൽ ഫോഗിങ്ങ് നടത്തി appeared first on Valanchery Online.

ഇരിമ്പിളിയം ഗ്രാമപ്പഞ്ചായത്ത് ഓഫീസ്, പ്രാഥമികാരോഗ്യകേന്ദ്രം എന്നിവിടങ്ങളിൽ അണുനശീകരണം നടത്തി യൂത്ത് ലീഗ് വൈറ്റ് ഗാർഡ്‌ അംഗങ്ങൾ

വളാഞ്ചേരിക്കാരൻ — Thu, 13 May 2021 00:01:38 +0000

ഇരിമ്പിളിയം:യൂത്ത് ലീഗ് വൈറ്റ് ഗാർഡ്‌ അംഗങ്ങൾ ഇരിമ്പിളിയം ഗ്രാമപ്പഞ്ചായത്ത് ഓഫീസ്, പ്രാഥമികാരോഗ്യകേന്ദ്രം എന്നിവിടങ്ങളിൽ അണുനശീകരണം നടത്തി. ഇരിമ്പിളിയം ഗ്രാമപ്പഞ്ചായത്ത് ഓഫീസ് പരിസരത്ത് പ്രസിഡന്റ് കെ. മാനുപ്പ ഉദ്ഘാടനംചെയ്തു. ക്വാറന്റീനിൽ കഴിഞ്ഞിരുന്നവർ താമസിച്ചിരുന്ന അഞ്ഞൂറിലധികം വീടുകളും വൈറ്റ് ഗാർഡ്‌ ശുചീകരിച്ചു.

ബ്ലോക്ക് പഞ്ചായത്തംഗം കെ.എം. അബ്ദുറഹ്‌മാൻ, വി.ടി. അമീർ, എം.ടി. റഫീഖ്, യൂസഫ് അലി കൊടുമുടി, ടി.എൻ. ഹംസ, വൈറ്റ് ഗാർഡ് ക്യാപ്റ്റൻ സൈനു ചോലപ്ര, ഷിബിലി, ആഷിഖ് പുറമണ്ണൂർ, മുബഷിർ കോട്ടപ്പുറം തുടങ്ങിയവർ നേതൃത്വംനൽകി. പുറമണ്ണൂർ മുസ്‍ലിംലീഗ് കമ്മിറ്റിയാണ് ഫോഗിങ് യന്ത്രം വൈറ്റ് ഗാർഡ്‌സിന് വാങ്ങി നൽകിയത്.

The post ഇരിമ്പിളിയം ഗ്രാമപ്പഞ്ചായത്ത് ഓഫീസ്, പ്രാഥമികാരോഗ്യകേന്ദ്രം എന്നിവിടങ്ങളിൽ അണുനശീകരണം നടത്തി യൂത്ത് ലീഗ് വൈറ്റ് ഗാർഡ്‌ അംഗങ്ങൾ appeared first on Valanchery Online.

കണ്ണട ഉപയോഗിക്കുന്നവർക്ക് മാസ്ക് വയ്ക്കുമ്പോൾ കാഴ്ച മങ്ങുന്നുവോ? എങ്കിൽ പരിഹാരമുണ്ട്

വളാഞ്ചേരിക്കാരൻ — Fri, 20 Nov 2020 00:07:20 +0000

ഈ കോവിഡ് കാലത്ത് മാസ്ക് നിത്യ ജീവിതത്തിൻ്റെ ഭാഗമായി മാരിയിരിക്കുന്നു. എന്നാൽ മാസ്ക് ധരിക്കുന്നത് ഒരു വിഭാഗം ആളുകൾക്ക് ചെറുതായെങ്കിലും ബുദ്ധിമുട്ടുണ്ടാക്കിയിരിക്കാം. അത്തരക്കാരാണ് കണ്ണട വയ്ക്കുന്ന വലിയൊരു വിഭാഗം. മറ്റു രാജ്യങ്ങളെ അപേക്ഷിച്ച് പല ആവശ്യങ്ങൾക്കായി കണ്ണട നിത്യജീവിതത്തിൻ്റെ ഭാഗമാക്കേണ്ടി വന്ന ഒരു വലിയ ജനവിഭാഗമുണ്ട് ഇന്ത്യയിൽ. അത്തരക്കാർക്ക് മാസ്ക് ധരിക്കുന്നത് വഴി കിട്ടിയ ഒരു ദുരിതമാണ് മാസ്ക് വയ്ക്കുന്നതു മൂലമുള്ള കാഴ്ച മങ്ങൽ.

പ്രധാന പ്രശ്‌നം മാസ്‌ക് ധരിച്ചതിന് ശേഷം കണ്ണട ഉപയോഗിക്കുമ്പോള്‍ കണ്ണടയ്ക്കുള്ളില്‍ നിശ്വാസത്തിന്റെ മൂടല്‍ നിറയുകയും കാഴ്ച മങ്ങുകയും ചെയ്യും എന്നതാണ്. കണ്ണട ധരിക്കുന്ന പലര്‍ക്കും അതുകൊണ്ട് തന്നെ ‘മാസ്‌ക് കാലം’ എങ്ങനെയെങ്കിലും കഴിഞ്ഞാല്‍ മതി എന്നാണ്. പക്ഷെ ഇതിനൊരു പരിഹാരവുമായി എത്തിയിരിക്കുകയാണ് ഒരു ഡോക്ടര്‍.
ഡാനിയേല്‍ എം. ഹെയ്ഫെര്‍മന്‍ എന്ന ഡോക്ടര്‍ ആണ് ഒരു സിംപിള്‍ ഐഡിയയുമായെത്തിരിക്കുന്നത്. വേണ്ടത് ആകെ ഒരു ബാന്‍ഡ് എയ്ഡ് മാത്രം. മാസ്‌ക് ശരിയായി ധരിച്ച ശേഷം മുകള്‍ഭാഗവും മൂക്കും തമ്മിലുള്ള ഭാഗം ഒരു ബാന്‍ഡ് എയ്ഡ് ഉപയോഗിച്ച് ഒട്ടിക്കുക. പിന്നീട് കണ്ണട വച്ച് നോക്കൂ ഗ്ലാസില്‍ മൂടല്‍ മഞ്ഞുപോലെ വന്നു കാഴ്ചയ്ക്ക് മങ്ങലേല്‍ക്കില്ല. മാസ്‌ക് മുഖത്ത് നിന്നും മാറില്ല എന്നതും ഒരു പ്രയോജനമാണ്.’കണ്ണടയില്‍ മൂടല്‍ പോലെ വരുകയും മൂക്കിന് മുകളില്‍ മാസ്‌ക് നിലനിര്‍ത്താന്‍ നിങ്ങള്‍ക്ക് ബുദ്ധിമുട്ടുണ്ടെങ്കില്‍, സിമ്പിളായി ഒരു ബാന്‍ഡ് എയ്ഡ് വാങ്ങുക. മാസ്‌ക് ധരിച്ച ശേഷം ബാന്‍ഡ് എയ്ഡ് ഒട്ടിക്കുക. ഫലപ്രാപ്തിയില്‍ നിങ്ങള്‍ക്ക് അത്ഭുതം തോന്നും,’ ഡാനിയേല്‍ എം. ഹെയ്ഫെര്‍മന്‍ ട്വിറ്ററില്‍ ചിത്രം സഹിതം കുറിച്ചു. ഇക്കാര്യം പങ്കിടാന്‍ മറക്കണ്ട എന്നും പരമാവധി പേരില്‍ എത്തിക്കുകയും അതുവഴി ധാരാളം പേര്‍ക്ക് ഉപകാരപ്പെടുകയും ചെയ്യട്ടെ എന്ന് ഡാനിയേല്‍ പറയുന്നുന്നുണ്ട്. നവംബര്‍ 12ന് പുറത്തുവന്ന പോസ്റ്റ് ഇതിനകം 1.3 ലക്ഷത്തിലധികം ലൈക്കുകളും ധാരാളം റീട്വീറ്റുകളും നേടി മുന്നേറുകയാണ്.

If you’re having a hard time with glasses fogging or keeping your mask up over your nose, a simple bandaid does wonders. Learned it in the OR.

Feel free to share, it may save lives! pic.twitter.com/RBG8JGUzFS

— Daniel M. Heiferman, MD (@DanHeifermanMD) November 12, 2020

The post കണ്ണട ഉപയോഗിക്കുന്നവർക്ക് മാസ്ക് വയ്ക്കുമ്പോൾ കാഴ്ച മങ്ങുന്നുവോ? എങ്കിൽ പരിഹാരമുണ്ട് appeared first on Valanchery Online.

വളാഞ്ചേരി നഗരം അണുവിമുക്തമാക്കൽ യജ്ഞത്തിന് തുടക്കം കുറിച്ച് വ്യാപാരി വ്യവസായി ഏകോപന സമിതി യൂത്ത് വിങ്ങ്

വളാഞ്ചേരിക്കാരൻ — Sun, 16 Aug 2020 15:19:32 +0000

വളാഞ്ചേരി :വളാഞ്ചേരി നഗരം അണുമുക്തമാക്കാൻ തുടക്കം കുറിച്ച് വ്യാപാരി വ്യവസായി ഏകോപന സമിതി യൂത്ത് വിംഗ്. കോവിഡ് എന്ന മഹാമാരിയിൽ നിന്നും നാടിനെ രക്ഷിക്കുന്നതിന് അണുനശീകരണം നടത്തുന്നതിന്റെ ഉത്ഘാടനം ജില്ലാ വൈസ് പ്രസിഡന്റ് T M പത്മകുമാർ നിർവഹിച്ചു യൂത്ത് വിംഗ് പ്രസിഡന്റ് ഷാജഹാൻ എന്ന മണി അദ്ധ്യക്ഷത വഹിച്ചു യൂത്ത് വിംഗ് ജനറൽ സെക്രട്ടറി NM സാജിദ് സ്വാഗതം പറഞ്ഞു വ്യാപാരി വ്യവസായി ഏകോപന സമിതി ജനറൽ സെക്രട്ടറി കെ മുഹമ്മദലി യൂ ണിറ്റ് വൈസ് പ്രസിഡന്റുമാരായ പൈങ്കൽ ഹംസ കളത്തിൽ സുബൈർ എക്സിക്യൂട്ടീവ് മെമ്പർമാരായ മാസ് സുബൈർ സൈഫുദീൻ അൽഹിന്ദ്‌ ഹമീദ് എലൈറ് പള്ളത്ത് ഹുസൈൻ ഹസ്സൻ ഷൂമാർട്ട് നസീം പുതുമ ഹക്കീം കെ ടി പ്രേമാനന്ദ് ബിന്ദു അബ്ദുറഹിമാൻ എന്ന കുഞ്ഞിപ്പ യൂത്ത് വിംഗ് നേതാക്കളായ റിജേഷ് റൂബി സുധീർ സിനി രാജേഷ് രാഗം അനീസ് സി പി ലത്തീഫ് വോൾഗ ഷാജി എ എസ് അഫ്‌നാസ് താജ് എന്നിവർ പങ്കെടുത്തു ട്രഷറർ മെഹബൂബ് തോട്ടത്തിൽ നന്ദി പറഞ്ഞു.

The post വളാഞ്ചേരി നഗരം അണുവിമുക്തമാക്കൽ യജ്ഞത്തിന് തുടക്കം കുറിച്ച് വ്യാപാരി വ്യവസായി ഏകോപന സമിതി യൂത്ത് വിങ്ങ് appeared first on Valanchery Online.