financial aid Archives - Valanchery Online

കോതോൾ എ.ഡി.എസ്സിൽ നിന്നും കാർത്തികിനുള്ള സഹായം കൈമാറി

വളാഞ്ചേരിക്കാരൻ — Sat, 16 Apr 2022 12:38:17 +0000

വളാഞ്ചേരി: വളാഞ്ചേരി നഗരസഭയിലെ 31-)0 വാർഡ് കോതോളിലെ അയൽക്കൂട്ടങ്ങളിൽ നിന്നും പിരിച്ചെടുത്ത തുക നഗരസഭ കുടുംബശ്രീ സി ഡി എസ് ചെയർപേഴ്‌സൺ സി ഷൈനിക്ക് വാർഡ് കൗൺസിലർ സദാനന്ദൻ കൊട്ടീരിയുടെ നേതൃത്വത്തിൽ കൈമാറി. സി ഡി എസ് ഉപസമിതി കൺവീനർമാരായ അഷിത റഷീദ്, സജിനി, ഫാത്തിമ സുഹറ, സത്യഭാമ, കുടുംബശ്രീ മെമ്പർ സെക്രട്ടറി ഫൗസിയ, കുടുംബശ്രീ ജീവനക്കാർ എന്നിവർ പങ്കെടുത്തു

The post കോതോൾ എ.ഡി.എസ്സിൽ നിന്നും കാർത്തികിനുള്ള സഹായം കൈമാറി appeared first on Valanchery Online.

പേരശ്ശനൂർ ഗവ. ഹയർ സെക്കൻഡറി സ്‌കൂളിന് ഒയിസ്‌ക വളാഞ്ചേരി ചാപ്റ്ററിന്റെ സഹായം

വളാഞ്ചേരിക്കാരൻ — Fri, 13 Aug 2021 08:14:25 +0000

കുറ്റിപ്പുറം: ചിൽഡ്രൻസ് ഫോറസ്ട്രി പ്രോഗ്രാമിലേക്ക് തിരഞ്ഞെടുക്കപ്പെട്ട പേരശ്ശനൂർ ഗവ. ഹയർസെക്കൻഡറി സ്‌കൂളിന് ഒയിസ്‌ക വളാഞ്ചേരി ചാപ്റ്ററിന്റെ സഹായം. തുക സ്‌കൂളിൽ വൃക്ഷത്തൈകൾ നട്ടുപിടിപ്പിക്കുന്നതിനും പരിപാലിക്കുന്നതിനുമാണ് ഉപയോഗിക്കുക. വളാഞ്ചേരി ചാപ്റ്റർ പ്രസിഡന്റ് കെ. ശ്രീകാന്തിൽനിന്നും പ്രിൻസിപ്പൽ പി. ലക്ഷ്മണനും പ്രഥമാധ്യാപകൻ ടി. പുരുഷോത്തമനും ചേർന്ന് ചെക്ക് ഏറ്റുവാങ്ങി. എം. സുനിൽ, ടി. അബ്ദുറഹ്‌മാൻ, ലൈല നടുവത്ത്, കെ.കെ. പുഷ്പം, എ.പി. സുമിത എന്നിവർ പങ്കെടുത്തു.

The post പേരശ്ശനൂർ ഗവ. ഹയർ സെക്കൻഡറി സ്‌കൂളിന് ഒയിസ്‌ക വളാഞ്ചേരി ചാപ്റ്ററിന്റെ സഹായം appeared first on Valanchery Online.

കൊവിഡ് ബാധിച്ച് മരണമടഞ്ഞ പ്രവാസികളുടെ ആശ്രിതർക്ക് സാമ്പത്തിക സഹായവുമായി നോർക്ക

വളാഞ്ചേരിക്കാരൻ — Tue, 03 Aug 2021 11:24:07 +0000

തിരുവനനന്തപുരം: കൊവിഡ് ബാധിച്ച് മരണമടഞ്ഞ പ്രവാസികളുടെ അവിവാഹിതരായ പെൺമക്കൾക്ക് നോർക്കാ – റൂട്ട്സ് ധനസഹായം നൽകുന്നു. ഒറ്റത്തവണയായി 25000 രൂപയാണ് നൽകുന്നത്. കൊവിഡ് മീലം മരിച്ച മുൻപ്രവാസികളുടെ അവിവാഹിതരായ പെൺമക്കൾക്കും ഈ ആനുകൂല്യം ലഭ്യമാകുന്നതാണ്. നോർക്ക വെബ്സൈറ്റായ https://pravasithanal.norkaroots.org/ വഴി ആനുകൂല്യത്തിനായി അപേക്ഷിക്കാവുന്നതാണ്.

ആനുകൂല്യം ലഭിക്കുന്നതിന് വരുമാന പരിധി ബാധകമല്ല. മരണമടഞ്ഞ രക്ഷകർത്താവിന്റെ പാസ്പോർട്ട് പേജിന്റെ പകർപ്പ്, മരണ സർട്ടിഫിക്കറ്റ് പ്രവാസിയുടെ വിസയുടെ പകർപ്പ്, അപേക്ഷകയുടെ ആധാർ, എസ് എസ് എൽ സി സർട്ടിഫിക്കറ്റ്, അപേക്ഷകയുടെയോ രക്ഷകർത്താവിന്റെയോ ആക്ടീവായ സേവിംങ്സ് പാസ്ബുക്കിന്റെ പകർപ്പ് എന്നിവ അപേക്ഷയോടൊപ്പം ഹാജരാക്കണം.

ഇതു കൂടാതെ കോവിഡ് മരണം സ്ഥിരീകരിക്കുന്ന മെഡിക്കൽ സർട്ടിഫിക്കറ്റോ കോവിഡ് പോസിറ്റീവായ സർട്ടിഫിക്കറ്റോ കോവിഡ് പോസിറ്റീവായ ലാബ് റിപ്പോർട്ടോ കൂടി ഹാജരാക്കേണ്ടതാണ്. 18 വയസ്സിനു മുകളിലുളള അപേക്ഷകർ അവിവാഹിതയാണെന്നു തെളിയിക്കുന്ന വില്ലേജാഫീസിൽ നിന്നുളള സർട്ടിഫിക്കറ്റ് കൂടി ഇതിനു പുറമേ ഹാജരാക്കേണ്ടതാണ്. ഓൺലൈൻ വഴിയുള്ള അപേക്ഷകൾ മാത്രമേ സ്വീകരിക്കുകയുള്ളു. കുടുതൽ വിവരങ്ങൾക്ക് 1800 425 3939 എന്ന നമ്പരിൽ ബന്ധപ്പെടുക.

The post കൊവിഡ് ബാധിച്ച് മരണമടഞ്ഞ പ്രവാസികളുടെ ആശ്രിതർക്ക് സാമ്പത്തിക സഹായവുമായി നോർക്ക appeared first on Valanchery Online.

കോവിഡ് ബാധിച്ച് മരിച്ചവരുടെ കുടുംബങ്ങൾക്ക് ധനസഹായം വിതരണം ചെയ്ത് മലപ്പുറം മാറാക്കര പഞ്ചായത്ത്

വളാഞ്ചേരിക്കാരൻ — Mon, 26 Jul 2021 16:36:25 +0000

മാറാക്കര: കോവിഡ് മൂലം മരണപ്പെട്ടവരുടെ കുടുംബങ്ങൾക്ക് പഞ്ചായത്ത്‌ പ്രസിഡന്റിന്റെ ദുരിതാശ്വാസ നിധിയിൽ നിന്നും 5000 രൂപ വീതം ധനസഹായം നൽകി മാറാക്കര ഗ്രാമപഞ്ചായത്ത്‌. കോവിഡിന്റെ രണ്ടാം തരംഗത്തിൽ മരണത്തിന് കീഴടങ്ങിയ 15 വ്യക്തികളുടെ കുടുംബങ്ങൾക്കാണ് മാറാക്കര പഞ്ചായത്തിൽ വെച്ച് നടന്ന ചടങ്ങിൽ ധനസഹായം കൈമാറിയത്. സർക്കാറിന്റെ ഔദ്യോഗിക മരണകണക്കിൽ ഉൾപ്പെട്ടവരും മാറാക്കര പഞ്ചായത്ത്‌ പരിധിയിലെ സ്ഥിരതാമസക്കാരുമായ വ്യക്തികളുടെ കുടുംബങ്ങളാണ് ധന സഹായത്തിന് അപേക്ഷ സമർപ്പിച്ചത്. കോവിഡ് പ്രതിരോധ പ്രവർത്തനങ്ങളുടെ ഭാഗമായി നടപ്പിലാക്കുന്ന കെയർ മാറാക്കര പദ്ധതിയിൽ ഉൾപ്പെടുത്തിയാണ് ഈ കാരുണ്യ പ്രവർത്തനം പഞ്ചായത്ത്‌ നടത്തിയത്. പഞ്ചായത്ത്‌ പ്രസിഡന്റ്‌ ടിപി സജ്‌ന വിവിധ കുടുംബങ്ങൾക്ക് ധനസഹായം കൈമാറി. വൈസ് പ്രസിഡന്റ്‌ ഉമറലി കരേക്കാട് അധ്യക്ഷത വഹിച്ചു.

ആരോഗ്യ വിദ്യാഭ്യാസ സ്റ്റാന്റിംഗ് കമ്മിറ്റി ചെയർ പേഴ്സൺ പാമ്പലത്ത് നജ്മത്ത്, ക്ഷേമ കാര്യ സ്റ്റാന്റിംഗ് കമ്മിറ്റി ചെയർമാൻ ഒപി കുഞ്ഞിമുഹമ്മദ്, വികസന കാര്യ സ്റ്റാന്റിംഗ് കമ്മിറ്റി ചെയർപേഴ്സൺ ശരീഫ ബഷീർ, ബ്ലോക്ക് മെമ്പർ പി. മൻസൂറലി മാസ്റ്റർ,പഞ്ചായത്ത്‌ അംഗങ്ങളായ റഷീദ് പാറമ്മൽ,ജാഫറലി എപി, അനീസ് കെപി,മുബഷിറ അമീർ, ടിവി റാബിയ, മുഫീദ അൻവർ, ശ്രീഹരി മുക്കടേക്കാട്, സുരേഷ് ബാബു, നെയ്യത്തൂർ കുഞ്ഞിമുഹമ്മദ്‌, നിമിഷ പ്രദീപ്‌, സജിത നന്നെങ്ങാടൻ, ലീല നാരായണൻ, കെപി നാസർ, ഷംല ബഷീർ, പഞ്ചായത്ത്‌ സെക്രട്ടറി അനിത ജെ സ്റ്റീഫൻ, CDS പ്രസിഡന്റ്‌ സുമതി തുടങ്ങിയവർ പങ്കെടുത്തു.

The post കോവിഡ് ബാധിച്ച് മരിച്ചവരുടെ കുടുംബങ്ങൾക്ക് ധനസഹായം വിതരണം ചെയ്ത് മലപ്പുറം മാറാക്കര പഞ്ചായത്ത് appeared first on Valanchery Online.

അവശ കലാകാരൻമാർക്ക് സാമ്പത്തിക സഹായം വിതരണം ചെയ്തു തപസ്യ കലാ സാഹിത്യ വേദി

വളാഞ്ചേരിക്കാരൻ — Sun, 20 Sep 2020 06:29:17 +0000

വളാഞ്ചേരി: തപസ്യ കലാ സാഹിത്യ വേദി കേരളം കോവിഡ് – 19 കാലഘട്ടത്തിൽ അവശത അനുഭവിക്കുന്ന കലാകാരൻമാരെ ആദരിക്കുകയും സാമ്പത്തിക സഹായം വിതരണം ചെയ്യുകയും ചെയ്യുന്നതിഭാഗമായി പ്രശസ്ത കളംപാട്ട് ആചാര്യനായ പൂക്കാട്ടിരി സത്യനാരായണ കുറുപ്പിനെ ആദരിക്കുകയും സാമ്പത്തിക സഹായം വിതരണം ചെയ്യുകയും ചെയ്തു.മലപ്പുറം, പാലക്കാട് ജില്ലകളിലെ നിരവധി ക്ഷേത്രങ്ങളിലെ അനുഷ്ടാനമായ കളംപാട്ട് ആചാര്യനാണ് ശ്രീ.സത്യ നാരായണ കുറുപ്പ്. തപസ്യ കലാ സാഹിത്യ വേദി മലപ്പുറം ജില്ലാ സെക്രട്ടറി കെ.ടി.ഭഗവൻ ദാസ് അദ്ധ്യക്ഷത വഹിച്ച ചടങ്ങിൽ വച്ച് കാലടി പടിഞ്ഞാറേടത്ത് മന നാരായണൻ നമ്പുതിരി സഹായ വിതരണം നടത്തി. ചടങ്ങിൽ കെ.എം.കെ എടയൂർ, കെ.പി ചന്ദ്രൻ, രാമനാഥ പൊതുവാൾ, സുഭാഷ് മച്ചത്ത്, ചന്ദ്രശേഖര കുറുപ്പ് തുടങ്ങിയവർ സംസാരിച്ചു.

The post അവശ കലാകാരൻമാർക്ക് സാമ്പത്തിക സഹായം വിതരണം ചെയ്തു തപസ്യ കലാ സാഹിത്യ വേദി appeared first on Valanchery Online.

കോവിഡ് 19: ധനസഹായമുണ്ടെന്ന് വ്യാജ സന്ദേശങ്ങൾ പ്രചരിക്കുന്നു

വളാഞ്ചേരിക്കാരൻ — Thu, 09 Jul 2020 02:59:48 +0000

കോട്ടക്കൽ: കോവിഡ് 19 ൻ്റെ ഭാഗമായി കേന്ദ്ര-സംസ്ഥാന സർക്കാരുകൾ ധനസഹായം നൽകുന്നുണ്ടെന്ന വ്യാജ സന്ദേശങ്ങൾ സമൂഹമാധ്യമങ്ങളിലൂടെ പ്രചരിക്കുന്നു. വിദ്യാർത്ഥി കൾ, വ്യാപാരികൾ, ദിവസ വേതന തൊഴിലാളികൾ എന്നിങ്ങനെ വിവിധ തട്ടിലുള്ളവർക്ക് ധനസഹായമുണ്ടെന്നാണ് പ്രചരിക്കുന്നത്. ഒന്നു മുതൽ 12 വരെ ക്ലാസിൽ പഠിക്കുന്ന വിദ്യാർത്ഥികൾ 10,000 രൂപ, ബിരുദ വിദ്യാർത്ഥികൾക്ക് 15,000, ദിവസ വേദന തൊഴിലാളികൾക്ക് 10,000 രൂപ തുടങ്ങിയവ ലഭിക്കുമെന്നാണ് സന്ദേശത്തിൽ വ്യക്തമാക്കുന്നത്. അതു ലഭിക്കാൻ ഉടനെ തന്നെ അക്ഷയ കേന്ദ്രത്തിൽ ബാങ്ക് പാസ്ബുക്കിൻ്റെ കോപ്പിയടക്കമുള്ള രേഖകളുമായി ചെന്ന് അപേക്ഷിക്കണമെന്നും സന്ദേശത്തിൽ പറയുന്നുണ്ട്. ഐ.ടി മിഷൻ, അക്ഷയ, സംസ്ഥാന സർക്കാർ എന്നിവയുടെ ലോഗോയടക്കം ഉപയോഗിച്ചാണ് ശബ്ദ സന്ദേശ മല്ലാത്തവ പ്രചരിക്കുന്നത്. എന്നാൽ അക്ഷയ സെൻററുകൾ വഴി ലഭ്യമാകുന്ന സേവനങ്ങളുടെ ലിസ്റ്റിൽ ഇവ ഇല്ലെന്നും, ഇത്തരം വ്യാജ പ്രചരണങ്ങളിൽ ജനങ്ങൾ വഞ്ചിതരാകരുതെന്നും ജില്ലാ അക്ഷയ പ്രൊജക്ട് മനേജർ പി.ജി ഗോകുൽ വാർത്താകുറിപ്പിലൂടെ അറിയിച്ചു. ഇത്തരം വ്യാജ പ്രചരണങ്ങൾ പല ഭാഗങ്ങളിലും ജനങ്ങളും അക്ഷയ കേന്ദ്രം ജീവനക്കാരും തമ്മിലുള്ള വാക്കുതർക്കത്തിനു വരെ വഴിയൊരുക്കിട്ടുണ്ട്.

The post കോവിഡ് 19: ധനസഹായമുണ്ടെന്ന് വ്യാജ സന്ദേശങ്ങൾ പ്രചരിക്കുന്നു appeared first on Valanchery Online.

ജില്ലാ പഞ്ചായത്തിന്റെ സഹായം ഡയാലിസിസ് രോഗികള്‍ക്കുള്ള ധനസഹായം വിതരണം ചെയ്തു

വളാഞ്ചേരിക്കാരൻ — Fri, 26 Jun 2020 12:27:47 +0000

ഡയാലിസിസ് ചെയ്യുന്ന സ്വകാര്യ ആശുപത്രികള്‍ക്കും സെന്ററുകള്‍ക്കും ജില്ലാ പഞ്ചായത്തിന്റെ സഹായം. മലപ്പുറം ജില്ലാ പഞ്ചായത്തിന്റെ നേതൃത്വത്തില്‍ ഡയാലിസിസ് രോഗികള്‍ക്കുള്ള ധനസഹായം വിതരണം ചെയ്തു. മലപ്പുറം ജില്ലയിലെ സ്ഥിരതാമസക്കാരായ രോഗികള്‍ക്ക് ലോക്ഡൗണ്‍ കാലയളവിലെ ഏപ്രില്‍ 20 മുതല്‍ മെയ് 5 വരെ തിയ്യതികളില്‍ ഡയാലിസിസിന് വിധേയമായ വര്‍ക്കാണ് ജില്ലാ പഞ്ചായത്തിന്റെ ധനസഹായം വിതരണം ചെയ്തത്. ജില്ലാ പഞ്ചായത്ത് പ്രസിഡന്റ് എ.പി ഉണ്ണികൃഷ്ണനില്‍ നിന്നും ലഭിച്ച ധനസഹായമാണ് നടക്കാവില്‍ ആശുപത്രിയില്‍ ചികിത്സിയിലുള്ള 24 രോഗികള്‍ക്കാണ് വിതരണം ചെയ്തത്. ചടങ്ങില്‍ നടക്കാവില്‍ ഹോസ്പിറ്റല്‍ എം.ഡി ഡോ.എന്‍ മുഹമ്മദലി അധ്യക്ഷതവഹിച്ചു.ധനസഹായ ചെക്ക് വിതരണം ജില്ലാ പഞ്ചായത്ത് മെമ്പര്‍ സലീന ടീച്ചറില്‍ നിന്നും നടക്കാവില്‍ ഹോസ്പിറ്റല്‍ ജി.എം മുഹമ്മദ് അബ്ദുറഹിമാന്‍ കെ.പി കൈപറ്റി. ചടങ്ങില്‍ ഒ.എം സുരേഷ് നന്ദി പറഞ്ഞു.

The post ജില്ലാ പഞ്ചായത്തിന്റെ സഹായം ഡയാലിസിസ് രോഗികള്‍ക്കുള്ള ധനസഹായം വിതരണം ചെയ്തു appeared first on Valanchery Online.

മദ്രസാ അധ്യാപകര്‍ക്കുള്ള കോവിഡ് ധനസഹായം: അപേക്ഷാ തീയതി നീട്ടി

വളാഞ്ചേരിക്കാരൻ — Mon, 01 Jun 2020 00:45:09 +0000

കേരള മദ്രസ അധ്യാപക ക്ഷേമനിധി നല്‍കുന്ന കോവിഡ് ധനസഹായത്തിന് അപേക്ഷ സമര്‍പ്പിക്കാത്ത ക്ഷേമനിധി അംഗങ്ങള്‍ക്ക് ജൂണ്‍ 30 വരെ അപേക്ഷിക്കുന്നതിന് അവസരമുണ്ടാകുമെന്ന് ചെയര്‍മാന്‍ എം.പി.അബ്ദുള്‍ ഗഫൂര്‍ അറിയിച്ചു. kmt board എന്ന വെബ്‌സൈറ്റിലൂടെയാണ് അപേക്ഷ നല്‍കേണ്ടത്. ലോക്ഡൗണ്‍ മൂലം പല അധ്യാപകര്‍ക്കും യഥാവിധി അപേക്ഷ സമര്‍പ്പിക്കാന്‍ കഴിയാത്ത സാഹചര്യത്തിലാണ് തീയതി ദീര്‍ഘിപ്പിക്കുന്നതെന്ന് അദ്ദേഹം വ്യക്തമാക്കി.

The post മദ്രസാ അധ്യാപകര്‍ക്കുള്ള കോവിഡ് ധനസഹായം: അപേക്ഷാ തീയതി നീട്ടി appeared first on Valanchery Online.

കോവിഡ്19: പ്രവാസികൾക്ക് ധനസഹായത്തിന് അപേക്ഷിക്കാം

വളാഞ്ചേരിക്കാരൻ — Thu, 16 Apr 2020 13:36:18 +0000

കോവിഡ് 19 ന്റെ പശ്ചാത്തലത്തിൽ പ്രവാസികൾക്ക് പ്രഖ്യാപിച്ചിട്ടുള്ള വിവിധ ധനസഹായ പദ്ധതികൾ ലഭിക്കുന്നതിനുള്ള ഓൺലൈൻ അപേക്ഷ ശനിയാഴ്ച (18-04-2020) മുതൽ സ്വീകരിക്കും. നോർക്ക റൂട്ട്സിന്റെ വെബ്സൈറ്റ് www.norkaroots.org വഴിയാണ് അപേക്ഷ സമർപ്പിക്കേണ്ടത്. കേരള പ്രവാസി കേരളീയ ക്ഷേമനിധി പെൻഷൻകാർക്ക് ഒറ്റത്തവണ സഹായമായി 1,000 രൂപ ലഭിക്കും. കോവിഡ് പോസിറ്റീവായ ക്ഷേമനിധിയിലെ അംഗങ്ങൾക്ക് 10,000 രൂപ അടിയന്തര സഹായമായി ലഭിക്കും. സാന്ത്വന പദ്ധതിയിൽ കോവിഡ്19 ഉൾപ്പെടുത്തിയതിനാൽ രോഗം സ്ഥിരീകരിച്ച വിദേശത്തുനിന്നും മടങ്ങിയെത്തിവർക്കും സാന്ത്വന സഹായ ചട്ടപ്രകാരം 10,000 രൂപ വീതം ലഭിക്കും. വിദേശരാജ്യത്ത് രണ്ടോ അതിലധികമോ വർഷം തൊഴിലെടുത്തശേഷം മടങ്ങിയെത്തി പത്ത് വർഷം കഴിയാത്ത പ്രവാസികൾക്കാണ് സാന്ത്വന പദ്ധതി പ്രകാരം ചികിത്സാസഹായം ലഭിക്കുന്നത്. പ്രവാസി ക്ഷേമനിധി ബോർഡിൽ നിന്നും സഹായധനം ലഭിക്കാത്തവർക്കുമാത്രമേ ഈ ധനസഹായം ലഭിക്കുകയുള്ളു. 2020 ജനുവരി ഒന്നിനോ അതിനുശേഷമോ വിദേശ രാജ്യങ്ങളിൽ നിന്നും മടങ്ങിയെത്തുകയും ലോക്ക് ഡൗൺ കാരണം തൊഴിലിടങ്ങളിലേക്ക് തിരിച്ച് പോകാൻ സാധിക്കാതെ വരുകയും ചെയ്യുന്ന കാലവധിയുള്ള പാസ്പോർട്ട്, വിസ എന്നിവയുള്ളവർക്കും ഈ കാലയളവിൽ വിസയുടെ കാലാവധി അധികരിച്ചവർക്കും 5,000 രൂപ ധനസഹായം ലഭിക്കും. പേര്, വിലാസം, മൊബൈൽ നമ്പർ, പാസ്പോർട്ടിന്റെ ഒന്ന്, രണ്ട്, അഡ്രസ് പേജുകൾ, യാത്രാ വിവരമടങ്ങിയ പേജ്, പാസ്പോർട്ടിൽ 2020 ജനുവരി ഒന്നിന് ശേഷം അറൈവൽ രേഖപ്പെടുത്തിയ പേജ്, വിസാ പേജ്/ വിസ കോപ്പി, അപേക്ഷകന്റെ ബാങ്ക് വിവരങ്ങൾ എന്നിവ അപ് ലോഡ് ചെയ്യണം. 5,000 രൂപ ധനസഹായം ലഭിക്കുന്നതിനുള്ള അപേക്ഷ സ്വീകരിക്കുന്നതിനുള്ള അവസാന തീയതി ഏപ്രിൽ 30 (30-04-2020). വിശദ വിവരം www.norkaroots.org യിലും 0471-2770515, 2770557 (ഇന്ത്യൻ സമയം രാവിലെ 9 മുതൽ വൈകിട്ട് 6 വരെ) നമ്പരിലും ലഭിക്കും.

The post കോവിഡ്19: പ്രവാസികൾക്ക് ധനസഹായത്തിന് അപേക്ഷിക്കാം appeared first on Valanchery Online.

സ്വകാര്യ ക്ഷേത്ര ജീവനക്കാർക്ക്‌ സഹായം: അപേക്ഷ ക്ഷണിച്ചു

വളാഞ്ചേരിക്കാരൻ — Tue, 14 Apr 2020 14:00:32 +0000

മലപ്പുറം: കോവിഡ് 19 പശ്ചാത്തലത്തിൽ ദേവസ്വം ബോർഡ് ജീവനക്കാരല്ലാത്തവരും മറ്റ് ക്ഷേമനിധികളിൽ അംഗങ്ങളല്ലാത്തവരുമായ സ്വകാര്യ ക്ഷേത്ര ജീവനക്കാർക്ക് സാമ്പത്തിക സഹായം അനുവദിക്കുന്നത്‌ പരിഗണിക്കുന്നതിലേക്കായി തിരൂർ, തിരൂരങ്ങാടി, പൊന്നാനി, പെരിന്തൽമണ്ണ താലൂക്കുകളിലുള്ളവർ വിവരം നൽകണം. ജീവനക്കാരുടെ പേര്, തസ്തിക, ക്ഷേത്രത്തിന്റെ പേര്, വില്ലേജ് എന്നിവ രേഖപ്പെടുത്തിയ അപേക്ഷ ക്ഷേത്ര ഭരണാധികാരികൾ മലബാർ ദേവസ്വം ബോർഡ് മലപ്പുറം അസിസ്റ്റന്റ് കമീഷണർക്ക് acmdbtir@gmail.com ലോ 9895448157, 9446884971 വാട്‌സാപ്‌ നമ്പറുകളിലോ നൽകണം.

The post സ്വകാര്യ ക്ഷേത്ര ജീവനക്കാർക്ക്‌ സഹായം: അപേക്ഷ ക്ഷണിച്ചു appeared first on Valanchery Online.

വട്ടപ്പാറ അപകടത്തിൽ മരണപ്പെട്ടവരുടെ കുടുംബാംഗങ്ങൾക്ക് സർക്കാർ ധനസഹായം പ്രഖ്യാപിച്ചു

വളാഞ്ചേരിക്കാരൻ — Fri, 06 Apr 2018 02:18:04 +0000

വളാഞ്ചേരി: വട്ടപ്പാറ വളവിൽ കഴിഞ്ഞ മാസമുണ്ടായ വാഹനാപകടത്തിൽ മരിച്ച ഓട്ടോറിക്ഷാ ഡ്രൈവറുടെയും യാത്രക്കാരായ സ്ത്രീകളുടെയും കുടുംബങ്ങൾക്ക് സംസ്ഥാന സർക്കാർ ഒരുലക്ഷം രൂപ വീതം സഹായധനം അനുവദിച്ചതായി കെ.കെ.ആബിദ്ഹുസൈൻ തങ്ങൾ എംഎൽഎ അറിയിച്ചു. വളാഞ്ചേരി പാലച്ചോട് മുഹമ്മദ്നിസാർ, തയ്യിൽ കദീജ, തയ്യിൽ ഷാഹിന എന്നിവരാണ് അപകടത്തിൽ മരിച്ചത്. ഇവർ സഞ്ചരിച്ച ഓട്ടോറിക്ഷയ്ക്കുമേൽ കണ്ടെയ്നർ ലോറി മറിഞ്ഞായിരുന്നു അപകടം.
അപകടത്തിൽ മൂവരും തൽക്ഷണം മരിച്ചു. കഴിഞ്ഞ മാർച്ച് ആറിനു വൈകിട്ട് വട്ടപ്പാറ മേൽഭാഗത്ത് നമസ്കാരപ്പള്ളിക്കു സമീപം ദേശീയപാതയിലാണ് അപകടമുണ്ടായത്. അപകടം സംഭവിച്ച തൊട്ടടുത്ത ദിവസംതന്നെ മരിച്ചവരുടെ ആശ്രിതർക്ക് സഹായധനം നൽകണമെന്ന ആവശ്യം എംഎൽഎ നിയമസഭയിൽ ഉന്നയിച്ചിരുന്നു.

The post വട്ടപ്പാറ അപകടത്തിൽ മരണപ്പെട്ടവരുടെ കുടുംബാംഗങ്ങൾക്ക് സർക്കാർ ധനസഹായം പ്രഖ്യാപിച്ചു appeared first on Valanchery Online.