file Archives - Valanchery Online

വളാഞ്ചേരി നഗരസഭ അറിയിപ്പ്; സാമൂഹ്യസുരക്ഷാ പെൻഷൻ ഗുണഭോക്താക്കൾ രേഖകൾ ഹാജരാക്കണം

വളാഞ്ചേരിക്കാരൻ — Mon, 19 Sep 2022 02:11:36 +0000

വളാഞ്ചേരി : നഗരസഭയിൽനിന്ന് 2019 ഡിസംബർ 31 വരെ സാമൂഹ്യസുരക്ഷാ പെൻഷൻ അനുവദിച്ചിട്ടുള്ള മുഴുവൻ ഗുണഭോക്താക്കളും 2023 ഫെബ്രുവരിക്കകം പുതിയ വരുമാന സർട്ടിഫിക്കറ്റും ആധാർ കാർഡിന്റെ പകർപ്പും നഗരസഭാ ഓഫീസിൽ ഹാജരാക്കണം.

The post വളാഞ്ചേരി നഗരസഭ അറിയിപ്പ്; സാമൂഹ്യസുരക്ഷാ പെൻഷൻ ഗുണഭോക്താക്കൾ രേഖകൾ ഹാജരാക്കണം appeared first on Valanchery Online.

പ്രിവിലേജ് കാർഡ് ലഭ്യമാക്കുന്നതിന് വേണ്ടി വോയ്സ് ഓഫ് ഡിസേബിൾഡ് വളാഞ്ചേരി മുൻസിപ്പാലിറ്റി കമ്മിറ്റി നിവേദനം നൽകി

വളാഞ്ചേരിക്കാരൻ — Sun, 19 Sep 2021 08:45:11 +0000

വളാഞ്ചേരി : ഭിന്നശേഷിക്കാരുടെ നിരന്തിര ആവശ്യമായ പ്രിവിലേജ് കാർഡ് ലഭ്യമാക്കുന്നതിന് വേണ്ടി വോയ്സ് ഓഫ് ഡിസേബിൾഡ് വളാഞ്ചേരി മുൻസിപ്പാലിറ്റി കമ്മിയുടെ നേതൃത്വത്തിൽ വളാഞ്ചേരിയിലെ മുഴുവൻ ഭിന്നശേഷിക്കാരും ഒപ്പു വെച്ച നിവേദനം വളാഞ്ചേരി മുനിസിപ്പാലിറ്റി ചെയർമാൻ അഷ്റഫ് അമ്പലത്തിങ്ങലിന് വോയ്സ് ഓഫ് ഡിസേബിൾഡ് മലപ്പുറം ജില്ലാ വൈസ് പ്രസിഡൻ്റ് നിഷ സനൽ കൈമാറി.

The post പ്രിവിലേജ് കാർഡ് ലഭ്യമാക്കുന്നതിന് വേണ്ടി വോയ്സ് ഓഫ് ഡിസേബിൾഡ് വളാഞ്ചേരി മുൻസിപ്പാലിറ്റി കമ്മിറ്റി നിവേദനം നൽകി appeared first on Valanchery Online.

ദൃശ്യ വധം:  കുറ്റപത്രം സമർപ്പിച്ചു

വളാഞ്ചേരിക്കാരൻ — Sat, 14 Aug 2021 00:00:26 +0000

പെരിന്തൽമണ്ണ: പ്രണയാഭ്യർഥന നിരസിച്ചതിന്റെ പേരിൽ ഏലംകുളം കൂഴന്തറയിൽ വിദ്യാർഥിനിയെ കുത്തിക്കൊന്ന കേസിൽ പൊലീസ് കുറ്റപത്രം സമർപ്പിച്ചു. ചെമ്മാട്ട് വീട്ടിൽ ബാലചന്ദ്രന്റെയും ദീപയുടെയും മകൾ ദൃശ്യ (21) കിടപ്പുമുറിയിൽ കുത്തേറ്റുമരിച്ച കേസിൽ സഹപാഠിയായിരുന്ന മഞ്ചേരി നറുകര ഉതുവേലി കുണ്ടുപറമ്പിൽ വിനീഷ് (21) ആണ് പ്രതി. 518 പേജുള്ള കുറ്റപത്രമാണ് പെരിന്തൽമണ്ണ ഫസ്റ്റ്ക്ലാസ് ജുഡീഷ്യൽ മജിസ്‌ട്രേട്ട് കോടതി ഒന്നിൽ സമർപ്പിച്ചത്. കഴിഞ്ഞ ജൂൺ 17നായിരുന്നു സംഭവം. ആക്രമണം തടയാൻ ശ്രമിക്കുന്നതിനിടെ ദൃശ്യയുടെ സഹോദരി ദേവശ്രീ (14)ക്കും പരിക്കേറ്റിരുന്നു. കൊലപാതകം നടന്ന് 57-ാമത്തെ ദിവസമാണ് അന്വേഷക ഉദ്യോഗസ്ഥനായ പെരിന്തൽമണ്ണ എസ്‌എച്ച്‌ഒ സുനിൽ പുളിക്കൽ കുറ്റപത്രം നൽകിയത്. കേസിൽ 81 സാക്ഷികളെ ചോദ്യംചെയ്തു. 80 തൊണ്ടിമുതലും സമർപ്പിച്ചു. മൂന്ന് സാക്ഷികളെ മജിസ്‌ട്രേട്ട് മുമ്പാകെ ഹാജരാക്കി രഹസ്യമൊഴിയും രേഖപ്പെടുത്തി. ജില്ലാ പൊലീസ് മേധാവിയുടെയും പെരിന്തൽമണ്ണ ഡിവൈഎസ്‌പിയുടെയും മേൽനോട്ടത്തിൽ എഎസ്ഐമാരായ സുകുമാരൻ, ബൈജു, സീനിയർ സിപിഒമാരായ ഫൈസൽ കപ്പൂർ, ഷിഹാബുദ്ദീൻ എന്നിവരാണ് കേസ്‌ അന്വേഷിച്ചത്.
കൊലപാതകം നടന്നതിന്റെ തലേന്ന്‌ രാത്രി ദൃശ്യയുടെ അച്ഛന്റെ പെരിന്തൽമണ്ണയിലെ പി കെ ടോയ്സ് എന്ന വ്യാപാരസ്ഥാപനത്തിന്‌ തീയിട്ടശേഷമാണ് പ്രതി വീട്ടിലെത്തി കൊല നടത്തിയത്. സംഭവശേഷം ഓട്ടോയിൽ രക്ഷപ്പെടാൻ ശ്രമിച്ച വിനീഷിനെ നാട്ടുകാരുടെയും ഓട്ടോ ഡ്രൈവർ ജൗഹറിന്റെയും സുഹൃത്ത് സുബിന്റെയും ഇടപെടലിൽ പൊലീസ് സ്റ്റേഷനിൽ എത്തിക്കുകയായിരുന്നു. അന്നത്തെ ഡിവൈഎസ്‌പി കെ എം ദേവസ്യ, മലപ്പുറം സ്പെഷൽ ബ്രാഞ്ച് ഡിവൈഎസ്‌പി സാജു കെ എബ്രഹാം, സിഐ സജിൻ ശശി, എസ്ഐ ശ്രീജിത്ത് എന്നിവരടങ്ങിയ സംഘമാണ് ആദ്യഘട്ടത്തിൽ കേസ്‌ അന്വേഷിച്ചത്‌. വീട്ടിൽ അതിക്രമിച്ച് കയറൽ (ഐപിസി 450), കൊലപാതകം (302), കൊലപാതക ശ്രമം (307) എന്നീ വകുപ്പുകളാണ്‌ പ്രതിക്കെതിരെയുള്ളത്. പ്രതി വിനീഷ് റിമാൻഡിലാണ്.

The post ദൃശ്യ വധം:  കുറ്റപത്രം സമർപ്പിച്ചു appeared first on Valanchery Online.

തവനൂർ മണ്ഡലം യു ഡി എഫ് സ്ഥാനാർത്ഥി ഫിറോസ് കുന്നുംപറമ്പിൽ നാമനിർദേശ പത്രിക സമർപ്പിച്ചു

വളാഞ്ചേരിക്കാരൻ — Fri, 19 Mar 2021 09:35:42 +0000

എടപ്പാള്‍: തവനൂർ മണ്ഡലം യു ഡി എഫ് സ്ഥാനാർത്ഥി ഫിറോസ് കുന്നുംപറമ്പിൽ നാമനിർദേശ പത്രിക സമർപ്പിച്ചു. പെരുമ്പടപ്പ് ബ്ലോക്‌ പഞ്ചായത്ത്‌ ഓഫീസിലെത്തിയാണ് വരണാധികാരിക്ക് പത്രിക സമർപ്പിച്ചത്. മുസ്ലീം ലീഗ്‌ സംസ്ഥാന വൈസ് പ്രസിഡന്റ്‌ സിപി ബാവഹാജി, യു ഡി എഫ് നേതാക്കളായ സുരേഷ് പൊൽപ്പാക്കര, ഇബ്രാഹിം മുതൂർ എന്നിവരും കൂടേയുണ്ടായിരുന്നു.

The post തവനൂർ മണ്ഡലം യു ഡി എഫ് സ്ഥാനാർത്ഥി ഫിറോസ് കുന്നുംപറമ്പിൽ നാമനിർദേശ പത്രിക സമർപ്പിച്ചു appeared first on Valanchery Online.

കുറ്റിപ്പുറം കംഫർട്ട് സ്റ്റേഷൻ തുറന്നു പ്രവർത്തിക്കുന്നതിന് വേണ്ടി പൊതു താല്പര്യ ഹർജി

വളാഞ്ചേരിക്കാരൻ — Fri, 19 Mar 2021 01:31:17 +0000

കുറ്റിപ്പുറം: കുറ്റിപ്പുറം കംഫർട്ട് സ്റ്റേഷൻ മാസങ്ങളോളമായി അടഞ്ഞു കിടക്കുന്നത് മൂലം കുറ്റിപ്പുറം ഗ്രാമ പഞ്ചായത്ത് സെക്രട്ടറിക്കും മലപ്പുറം ജില്ലാ കളക്ടർക്കും പരാതി നൽകിയെങ്കിലും അധികൃതരുടെ ഭാഗത്തു നിന്നും യാതൊരു വിധ നടപടിയും ഉണ്ടാകാത്തതിനെ തുടർന്ന് കേരള ഹൈകോടതിയിൽ പൊതു താല്പര്യ ഹരജി ഫയൽ ചെയ്ത് കേരള മനുഷ്യാവകാശ സംരക്ഷണ സമിതി മലപ്പുറം ജില്ലാ കമ്മിറ്റി. ഈ കൊറോണ മഹാമാരിയുടെ കാലത്ത് പൊതു സ്ഥലത്ത് തുപ്പാൻ പോലും പാടില്ല എന്ന് പറയുന്ന ഈ സമയത്ത് ഈ കംഫര്ട്ട് സ്റ്റേഷൻ അടച്ചിട്ടിരിക്കുന്നതിൽ കേരള മനുഷ്യാവകാശ സംരക്ഷണ സമിതി മലപ്പുറം ജില്ലാ കമ്മിറ്റി പ്രതിഷേധിച്ചു. കേരള മനുഷ്യാവകാശ സംരക്ഷണ സമിതി മലപ്പുറം ജില്ലാ സെക്രട്ടറി അഡ്വ. കബീർ കാരിയാട്ട്, ജില്ലാ പ്രസിഡന്റ് അഡ്വ. കെ. എ. സമദ്, ജില്ലാ കമ്മിറ്റി ഭാരവാഹികളായ ഉമ്മർ മുഖ്താർ പുത്തനത്താണീ, ഖുത്ഭുദ്ധീൻ, ഫൈസൽ, മണികണ്ഠൻ എന്നിവർ പങ്കെടുത്തു സംസാരിച്ചു.

The post കുറ്റിപ്പുറം കംഫർട്ട് സ്റ്റേഷൻ തുറന്നു പ്രവർത്തിക്കുന്നതിന് വേണ്ടി പൊതു താല്പര്യ ഹർജി appeared first on Valanchery Online.

സെക്രട്ടേറിയേറ്റിലെ തിപ്പിടുത്തം; കുറ്റിപ്പുറം മണ്ഡലം യൂത്ത് കോൺഗ്രസ് കമ്മററിയുടെ ആഭിമുഖ്യത്തിൽ പ്രതിഷേധ പ്രകടനം നടത്തി

വളാഞ്ചേരിക്കാരൻ — Wed, 26 Aug 2020 15:35:54 +0000

കുറ്റിപ്പുറം: സ്വർണ്ണക്കടത്ത് കേസുമായി ബന്ധപ്പെട്ട് സെക്രട്ടേറിയേറ്റിലെ തീപ്പിടുത്തമടക്കമുള്ള തെളിവ് നശിപ്പിക്കലുമടക്കമുളള ഗൂഢാലോചന എൻ ഐ എ അന്വേഷിക്കുക എന്ന ആവശ്യമുന്നയിച്ച് കുറ്റിപ്പുറം മണ്ഡലം യൂത്ത് കോൺഗ്രസ് കമ്മററിയുടെ ആഭിമുഖ്യത്തിൽ പ്രതിഷേധ പ്രകടനം നടത്തി. പ്രകടനത്തിൽ സലാം പാഴൂർ, ഇസ്സുദ്ദീൻ പൈങ്കണ്ണൂർ, സൽമാൻ രാങ്ങാട്ടൂർ നേതൃത്വം നൽകി.

The post സെക്രട്ടേറിയേറ്റിലെ തിപ്പിടുത്തം; കുറ്റിപ്പുറം മണ്ഡലം യൂത്ത് കോൺഗ്രസ് കമ്മററിയുടെ ആഭിമുഖ്യത്തിൽ പ്രതിഷേധ പ്രകടനം നടത്തി appeared first on Valanchery Online.

അസമയത്ത് റോഡില്‍ സംസാരിച്ചെന്നാരോപിച്ച് യുവാവിനെ എസ്‌ഐ മർദിച്ചതായി ആരോപണം

രാജേഷ് വി അമല — Sat, 04 May 2019 02:47:10 +0000

പെരിന്തൽമണ്ണ: അസമയത്ത് റോഡില്‍ സംസാരിച്ചുനിന്നുവെന്നാരോപിച്ച് യുവാവിന് എസ്‌ ഐയുടെ ക്രൂരമര്‍ദ്ദനം. പാതിരിമണ്ണ സ്വദേശി മുഹമ്മദ് ഹാഷിറിനെയാണ് മേലാറ്റൂര്‍ സബ് ഇന്‍സ്‌പെക്ടര്‍ ബൈജു ആക്രമിച്ചതായി ആരോപണം ഉയരുന്നത്. കഴിഞ്ഞ തൊഴിലാളി ദിനത്തിലായിരുന്നു സംഭവം. രാത്രി 10.30 ഓടെ സുഹൃത്തിന്റെ കല്യാണ വീട്ടില്‍ പോയി തിരിച്ചു വരുമ്പോൾ ചെമ്മാണിയോട് ടൗണിലെ ബസ് കാത്തിരിപ്പ് കേന്ദ്രത്തിന് സമീപം സംസാരിച്ച് നില്‍കുകയായിരുന്ന ഹാഷിറിന്റെയും സുഹൃത്തുക്കളുടെയും അടുത്തേക്ക് സബ് ഇന്‍സ്‌പെക്ടര്‍ ബൈജു എത്തുകയും തുടര്‍ന്ന് വാഹനത്തില്‍ നിന്നും ഇറങ്ങി സബ് ഇന്‍സ്‌പെക്ടര്‍ ബൈജു ‘ഈ അസമയത്ത് എന്താണിവിടെ നില്‍കുന്നത്’ എന്നും പറഞ്ഞ് ലാത്തി ഉപയോഗിച്ച് ഹാഷിറിന്റെ പുറത്ത് അടിച്ചു.

അടിയുടെ ആഘാതത്തില്‍ ഹാഷിര്‍ തെറിച്ചു വീണെന്നും മലപ്പുറം ജില്ലാ പോലീസ് സൂപ്രണ്ട് മുമ്പാകെ നല്‍കിയ പരാതിയില്‍ ഹാഷിര്‍ പറയുന്നത്. സംഭവത്തില്‍ ജില്ലാ പൊലീസ് സൂപ്രണ്ടിന്റെ തീരുമാനം വൈകുകയാണെങ്കില്‍ സബ് ഇന്‍സ്‌പെക്ടര്‍ ബൈജുവിനെതിരെ ഉന്നത പൊലീസ് ഉദ്യോഗസ്ഥര്‍ക്ക് പരാതി നല്‍കുമെന്ന് ബന്ധുക്കള്‍ അറിയിച്ചു.

The post അസമയത്ത് റോഡില്‍ സംസാരിച്ചെന്നാരോപിച്ച് യുവാവിനെ എസ്‌ഐ മർദിച്ചതായി ആരോപണം appeared first on Valanchery Online.

പൊന്നാനി, മലപ്പുറം മണ്ഡലങ്ങളിലെ എൻ.ഡി.എ സ്ഥാനാർത്ഥികൾ പത്രിക നൽകി

വളാഞ്ചേരിക്കാരൻ — Tue, 02 Apr 2019 00:03:32 +0000

മലപ്പുറം: ലോക്‌സഭ തിരഞ്ഞെടുപ്പിനുള്ള നാമനിർദ്ദേശ പത്രിക സമർപ്പണത്തിന്റെ അഞ്ചാം ദിവസം ജില്ലയിൽ പൊന്നാനി, മലപ്പുറം മണ്ഡലങ്ങളിലെ എൻ.ഡി.എ സ്ഥാനാർത്ഥികളായ വി.ടി. രമയും വി.ഉണ്ണികൃഷ്ണനും പത്രിക സമർപ്പിച്ചു. ഇതോടെ ജില്ലയിൽ പത്രിക നൽകിയ സ്ഥാനാർത്ഥികളുടെ ആകെ എണ്ണം ആറായി.
ജില്ല തിരഞ്ഞെടുപ്പ് വരണാധികാരിയായ ജില്ലാ കളക്ടർ അമിത് മീണയ്ക്ക് മുമ്പാകെ ഇരുവരും ഒരു സെറ്റ് പത്രികയാണ് നൽകിയത്. ഇ.ടി മുഹമ്മദ് ബഷീർ, പി.കെ. കുഞ്ഞാലിക്കുട്ടി.(ഐ.യു.എം.എൽ.), ബിന്ദു, പി.പി. നൗഷാദ് (സ്വതന്ത്രർ) എന്നിവരാണ് ഇതുവരെ പത്രിക നൽകിയ മറ്റ് സ്ഥാനാർത്ഥികൾ.

ബി.ജെ.പി ഓഫീസിൽ നിന്ന് പ്രവർത്തകർക്കൊപ്പം പ്രകടനമായാണ് സ്ഥാനാർത്ഥികൾ പത്രിക സമർപ്പിക്കാനെത്തിയത്. സ്ഥാനാർത്ഥികൾക്കൊപ്പം ബി.ജെ.പി ജില്ലാ പ്രസിഡന്റ് കെ.രാമചന്ദ്രൻ, ദേശീയ സമിതിയംഗങ്ങളായ കെ.ജനചന്ദ്രൻ, പി.ടി.ആലി ഹാജി, മേഖല നേതാക്കളായ കെ.നാരായണൻ, എം.പ്രേമൻ, ബി.ഡി.ജെ.എസ് ജില്ലാ പ്രസിഡന്റ് ദാസൻ കോട്ടയ്ക്കൽ, ബി.ജെ.പി ജില്ലാ ജനറൽ സെക്രട്ടറി രവി തേലത്ത്, അഡ്വ.എൻ.ശ്രീപ്രകാശ്, ഗീതാ മാധവൻ, പ്രദീപ് ചുങ്കപ്പള്ളി, ദീപ പുഴയ്ക്കൽ, കെ.നന്ദകുമാർ, കെ.പി.മാധവൻ, എം.കെ.ദേവീദാസൻ എന്നിവരുമുണ്ടായിരുന്നു.

The post പൊന്നാനി, മലപ്പുറം മണ്ഡലങ്ങളിലെ എൻ.ഡി.എ സ്ഥാനാർത്ഥികൾ പത്രിക നൽകി appeared first on Valanchery Online.

പി.കെ. കുഞ്ഞാലിക്കുട്ടിയും ഇ.ടി. മുഹമ്മദ് ബഷീറും നാമനിര്‍ദേശപത്രിക സമര്‍പ്പിച്ചു

വളാഞ്ചേരിക്കാരൻ — Fri, 29 Mar 2019 08:26:54 +0000

മലപ്പുറം: പൊന്നാനി,മലപ്പുറം ലോക്‌സഭ മണ്ഡലങ്ങളിലെ മുസ്ലീം ലീഗ് സ്ഥാനാര്‍ഥികള്‍ നാമനിര്‍ദേശപത്രിക സമര്‍പ്പിച്ചു. വെള്ളിയാഴ്ച രാവിലെ 11.15-ഓടെയാണ് സ്ഥാനാര്‍ഥികളായ പി.കെ.കുഞ്ഞാലിക്കുട്ടിയും ഇ.ടി.മുഹമ്മദ് ബഷീറും വരണാധികാരിയായ മലപ്പുറം ജില്ലാ കളക്ടര്‍ക്ക് പത്രിക നല്‍കിയത്. കോണ്‍ഗ്രസ്, മുസ്ലീംലീഗ് നേതാക്കളും സ്ഥാനാര്‍ഥികളോടൊപ്പമുണ്ടായിരുന്നു.

രാവിലെ പാണക്കാട് തറവാട്ടിലെത്തിയ പി.കെ. കുഞ്ഞാലിക്കുട്ടിയും ഇ.ടി. മുഹമ്മദ് ബഷീറും പ്രാര്‍ഥന നടത്തിയശേഷമാണ് കളക്ടറേറ്റിലേക്ക് പുറപ്പെട്ടത്. ശേഷം മലപ്പുറം ഡി.സി.സി. ഓഫീസിലും സ്ഥാനാര്‍ഥികള്‍ സന്ദര്‍ശനം നടത്തി. പി.കെ. കുഞ്ഞാലിക്കുട്ടിക്കൊപ്പം ഡമ്മി സ്ഥാനാര്‍ഥിയായി യു.എ. ലത്തീഫും പത്രിക നല്‍കി. അഷ്‌റഫ് കോക്കൂരാണ് ഇ.ടി. മുഹമ്മദ് ബഷീറിന്റെ ഡമ്മി സ്ഥാനാര്‍ഥി.

സിറ്റിങ് എം.പി.യായ പി.കെ. കുഞ്ഞാലിക്കുട്ടി രണ്ടാംതവണയാണ് മലപ്പുറം ലോക്‌സഭ മണ്ഡലത്തില്‍ മത്സരിക്കുന്നത്. എസ്.എഫ്.ഐ. അഖിലേന്ത്യ പ്രസിഡന്റ് വി.പി.സാനുവാണ് മലപ്പുറത്തെ ഇടതുസ്ഥാനാര്‍ഥി. എന്‍.ഡി.എ. സ്ഥാനാര്‍ഥിയായി വി.ഉണ്ണികൃഷ്ണന്‍ മാസ്റ്ററും മത്സരിക്കുന്നു.

രണ്ടുതവണ പൊന്നാനിയെ പ്രതിനിധീകരിച്ച് ലോക്‌സഭയിലെത്തിയ ഇ.ടി.മുഹമ്മദ് ബഷീര്‍ ഹാട്രിക് വിജയം തേടിയാണ് ഇത്തവണ മത്സരത്തിനിറങ്ങുന്നത്. എല്‍.ഡി.എഫ്. സ്വതന്ത്രനായ പി.വി.അന്‍വറാണ് എതിര്‍സ്ഥാനാര്‍ഥി. എന്‍.ഡി.എ. സ്ഥാനാര്‍ഥിയായി വി.ടി.രമയും എസ്.ഡി.പി.ഐ. സ്ഥാനാര്‍ഥിയായി കെ.സി. നസീറും പി.ഡി.പി. സ്ഥാനാര്‍ഥിയായി പൂന്തുറ സിറാജും പൊന്നാനിയില്‍ മത്സരിക്കുന്നു.

The post പി.കെ. കുഞ്ഞാലിക്കുട്ടിയും ഇ.ടി. മുഹമ്മദ് ബഷീറും നാമനിര്‍ദേശപത്രിക സമര്‍പ്പിച്ചു appeared first on Valanchery Online.