fever Archives - Valanchery Online

മലപ്പുറത്ത് എച്ച്1എന്‍1 മരണം; 47-കാരി ചികിത്സയിലിരിക്കെ മരിച്ചു

വളാഞ്ചേരിക്കാരൻ — Wed, 17 Jul 2024 12:54:43 +0000

പൊന്നാനി: മലപ്പുറത്ത് എച്ച്1എന്‍1 ബാധിച്ച് ഒരുമരണം. പൊന്നാനി സ്വദേശി സൈഫുന്നിസ (47) ആണ് മരിച്ചത്. തൃശ്ശൂര്‍ കുന്നംകുളത്തെ സ്വകാര്യ ആശുപത്രിയില്‍ ചികിത്സയിലായിരുന്നു. രോഗം മൂര്‍ച്ഛിച്ചതിനെത്തുടര്‍ന്ന് ഞായറാഴ്ചയാണ് സൈഫുന്നിസയെ കുന്നംകുളത്തെ ആശുപത്രിയില്‍ പ്രവേശിപ്പിച്ചത്. ബുധനാഴ്ച രാവിലെ പത്തുമണിയോടെയായിരുന്നു മരണം.

The post മലപ്പുറത്ത് എച്ച്1എന്‍1 മരണം; 47-കാരി ചികിത്സയിലിരിക്കെ മരിച്ചു appeared first on Valanchery Online.

വളാഞ്ചേരിയിൽ 7 പേർക്ക് ഡെങ്കിപ്പനി സ്ഥിരീകരിച്ചു

വളാഞ്ചേരിക്കാരൻ — Thu, 02 May 2024 08:55:36 +0000

വളാഞ്ചേരി: വളാഞ്ചേരി നഗരസഭ പരിധിയിൽ 9 പേർക്ക് ഡെങ്കിപ്പനി സ്ഥിരീകരിച്ചു. വളാഞ്ചേരി മീമ്പാറ പ്രദേശത്താണ് ഡെങ്കിപ്പനി കണ്ടെത്തിയത്. പനി ബാധിച്ചവരിൽ മീമ്പാറയിൽ നിർമ്മാണത്തിലിരിക്കുന്ന സ്വകാര്യ അശുപത്രിയിലെ ഇതര സംസ്ഥാന തൊഴിലാളികളും പ്രദേശവാസിയായ ഡോക്ടറും ഉൾപ്പെടുന്നു. ഇവരെ വിവിധ അശുപത്രികളിൽ പ്രവേശിപ്പിച്ചു. കൊതുകുജന്യ രോഗമായ ഡെങ്കിപ്പനി പകർച്ചവ്യാധിയാണെന്നും ജാഗ്രത പുലർത്തണമെന്നും വളാഞ്ചേരി നഗരസഭ ആരോഗ്യ വിഭാഗം അറിയിച്ചു. പ്രദേശത്ത് ആരോഗ്യ വകുപ്പ് അധികൃതർ സന്ദർശനം നടത്തി. ഇവിടങ്ങളിൽ അടുത്ത ദിവസം തന്നെ ഫോഗിങ്ങ അടക്കമുള്ള പ്രതിരോധ പ്രവൃത്തികൾ ആരംഭിക്കുമെന്ന് ബന്ധപ്പെട്ടവർ പറഞ്ഞു.

The post വളാഞ്ചേരിയിൽ 7 പേർക്ക് ഡെങ്കിപ്പനി സ്ഥിരീകരിച്ചു appeared first on Valanchery Online.

കുറ്റിപ്പുറത്ത് പനി ബാധിച്ച് 13കാരൻ മരിച്ചു

വളാഞ്ചേരിക്കാരൻ — Mon, 19 Jun 2023 07:32:47 +0000

കുറ്റിപ്പുറം: പനി ബാധിച്ചതിനെ തുടർന്ന് ചികിത്സയിലായിരുന്ന ബാലൻ മരിച്ചു. കുറ്റിപ്പുറം പഞ്ചായത്തിൽ പത്താം വാർഡായ പൈങ്കണ്ണൂരിൽ താംസിക്കുന്ന ഹരിദാസൻ്റെ മകൻ ഗോകുൽദാസാ(13) ചികിത്സക്കിടെ മരണമടഞ്ഞത്. പനിയും വയറിളക്കവും ബാധിച്ചതിനെ തുടർന്ന് ഗോകുൽദാസിനെ ഞായറാഴ്ചയാണ് കുറ്റിപ്പുറം താലൂക്ക് അശുപത്രിയിൽ പ്രവേശിപ്പിച്ചത്. നില വഷളായതിനെ തുടർന്ന് ഇന്ന് പുലർച്ചെ മരണപ്പെടുകയായിരുന്നു. ഇരിമ്പിളിയം വെണ്ടല്ലൂർ വി.പി.എ.യു.പി സ്കൂളിലെ ഏഴാം ക്ലാസ് വിദ്യാർത്ഥിയാണ് ഗോകുൽദാസ്. കുറ്റിപ്പുറം പോലീസ് ഇൻക്വസ്റ്റ് നടത്തി. മൃതദേഹം പോസ്റ്റ്മോർട്ടം നടപടികൾക്ക് ശേഷം ബന്ധുക്കൾക്ക് വിടുനൽകും. സൗമ്യയാണ് മാതാവ്.

The post കുറ്റിപ്പുറത്ത് പനി ബാധിച്ച് 13കാരൻ മരിച്ചു appeared first on Valanchery Online.

നിപ: മലപ്പുറം ജില്ലയിലും ജാഗ്രത നിർദേശം

വളാഞ്ചേരിക്കാരൻ — Sun, 05 Sep 2021 23:42:04 +0000

മലപ്പുറം : കോഴിക്കോട്ട് നിപ മരണമുണ്ടായ സാഹചര്യത്തിൽ മലപ്പുറം ജില്ലയിലും അതിജാഗ്രത. ഡി.എം.ഒ. ഡോ. കെ. സക്കീന, ആരോഗ്യ വിദഗ്ധർ എന്നിവരുൾപ്പെടുന്ന ജില്ലാതല ആർ.ആർ.ടി.യുടെ അടിയന്തര യോഗം മന്ത്രി വി. അബ്ദുറഹിമാന്റെ അധ്യക്ഷതയിൽ ചേർന്നു. രോഗം റിപ്പോർട്ട് ചെയ്ത സ്ഥലം മലപ്പുറം ജില്ലയിൽനിന്ന് അധികം ദൂരെയല്ലാത്തതിനാലും 2018-ൽ മലപ്പുറത്തും നിപ മരണം ഉണ്ടായിരുന്നതിനാലും ജനങ്ങൾ ജാഗ്രത പുലർത്തണം. പ്രത്യേകിച്ച് കോഴിക്കോട് ജില്ലയുടെ അതിർത്തിയിലുള്ളവർ.

മഞ്ചേരി മെഡിക്കൽ കോളേജ് ഉൾപ്പെടെയുള്ള എല്ലാ പ്രധാന ആശുപത്രികളിലും നിപ ലക്ഷണമുള്ളവർക്കായി പ്രത്യേക ഐസൊലേഷൻ വാർഡുകളും ചികിത്സാ സൗകര്യങ്ങളും ഒരുക്കാൻ മന്ത്രി നിർദേശംനൽകി. രോഗലക്ഷണമുള്ളവർ ആശുപത്രികളിലോ ലാബിലോ എത്തിയാൽ സ്വീകരിക്കേണ്ട മാനദണ്ഡം സംബന്ധിച്ചും രോഗപ്പകർച്ച തടയാനുള്ള നടപടികൾ സംബന്ധിച്ചും ആരോഗ്യപ്രവർത്തകർക്ക് പരിശീലനം നൽകും- മന്ത്രി പറഞ്ഞു.

The post നിപ: മലപ്പുറം ജില്ലയിലും ജാഗ്രത നിർദേശം appeared first on Valanchery Online.

പൈങ്കണ്ണൂരില്‍ എച്ച്1 എൻ1 പനി ബാധിച്ച് യുവാവ് മരിച്ചു

വളാഞ്ചേരിക്കാരൻ — Sun, 07 Jul 2019 12:33:12 +0000

കുറ്റിപ്പുറം: പൈങ്കണ്ണൂരിൽ എച്ച്1 എൻ1 പനി ബാധിച്ച് യുവാവ് മരിച്ചു. കുറ്റിപ്പുറം പഞ്ചായത്തിലെ താഴെ പൈങ്കണ്ണൂരിൽ താമസിക്കുന്ന പന്തപ്പറമ്പില്‍ നൗഷാദാണ് എച്ച്1 എൻ1 ബാധയെ തുടർന്ന് അശുപത്രിയിൽ മരിച്ചത്. കഴിഞ്ഞ മാസം 17നാണ് നൗഷാദിനെ പനി ബാധിച്ച് കുറ്റിപ്പുറം താലൂക്ക് ആശുപത്രിയില്‍ പ്രവേശിപ്പിച്ചത്.

കോട്ടക്കലിലെ സ്വകാര്യ ആശുപത്രിയില്‍ വെച്ച് ഞായറാഴ്ച്ച രാവിലെയാണ് നൗഷാദ് മരണപ്പെട്ടത്. ജില്ലയിൽ എച്ച്1 എൻ1 പടരുന്നത് ആശങ്കകള്ക്കി ടയാക്കിയിരുന്നു. ഈ മരണം കൂടി സ്ഥിരീകരിച്ചതോടെ പ്രതിരോധ പ്രവര്ത്തിനങ്ങള്‍ ഊര്ജികതമാക്കിയിരിക്കുകയാണ് ആരോഗ്യ വകുപ്പ് അധികൃതര്‍.

The post പൈങ്കണ്ണൂരില്‍ എച്ച്1 എൻ1 പനി ബാധിച്ച് യുവാവ് മരിച്ചു appeared first on Valanchery Online.

വൈസ്റ്റ് നൈല്‍ പനി സ്ഥിരീകരിച്ച ആറു വയസുകാരന്‍ മരണപ്പെട്ടു

വളാഞ്ചേരിക്കാരൻ — Mon, 18 Mar 2019 22:37:27 +0000

മലപ്പുറം : വെസ്റ്റ് നൈല്‍ പനി സ്ഥിരീകരിച്ച ആറു വയസുകാരന്‍ മരിച്ചു. വേങ്ങര സ്വദേശി മുഹമ്മദ് ഷാനാണ് മരിച്ചത്. കോഴിക്കോട് മെഡിക്കല്‍ കോളജ് ആശുപത്രിയില്‍ ചികിത്സയിലായിരുന്നു. രോഗം സ്ഥിരീകരിച്ചത് ഒരാഴ്ച മുന്‍പാണ്. പ്രദേശത്ത് ജാഗ്രതാ നിര്‍ദേശം നൽകി. വെല്ലുര്‍ വൈറോളജി ഇന്‍സ്റ്റിറ്റ്യൂട്ടില്‍ നടത്തിയ പരിശോധനയിലാണ് രോഗം സ്ഥിരീകരിച്ചത്.

2011ല്‍ ആലപ്പുഴ സ്വദേശിക്കും വെസ്റ്റ് നൈല്‍ പനി കണ്ടെത്തിയിരുന്നു. രോഗം പടര്‍ന്നു പിടിക്കാതിരിക്കാന്‍ ആരോഗ്യവകുപ്പ് ജാഗ്രതാനിര്‍ദേശം നല്‍കിയിട്ടുണ്ട്. വെസ്റ്റ് നൈല്‍ പനി മനുഷ്യരില്‍ നിന്ന് മനുഷ്യരിലേക്ക് പടരാന്‍ സാധ്യത കുറവാണ്. പ്രദേശത്തെ കൊതുകുകളും പക്ഷികളും നിരീക്ഷണത്തിലാണ‌്. വൈറസ് ബാധ കണ്ടെത്താന്‍ സാംപിളുകള്‍ പരിശോധനക്ക് അയച്ചു.

The post വൈസ്റ്റ് നൈല്‍ പനി സ്ഥിരീകരിച്ച ആറു വയസുകാരന്‍ മരണപ്പെട്ടു appeared first on Valanchery Online.

മലപ്പുറത്ത് ഏഴ് വയസുകാരന് വെസ്റ്റ്നൈൽ വൈറസ് ബാധ

വളാഞ്ചേരിക്കാരൻ — Wed, 13 Mar 2019 23:49:04 +0000

മലപ്പുറം: മലപ്പുറത്ത് ഏഴുവയസുകാരന് വെസ്റ്റ് നൈൽ വൈറസ് ബാധ സ്ഥിരീകരിച്ചു. എ.ആർ. നഗർ സ്വദേശിയായ ഏഴുവയസുകാരനെ കോഴിക്കോട് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചിരിക്കുകയാണ്. നാഡീസംവിധാനത്തെ തളർത്തുന്ന ഈ വൈറസിന് പ്രതിരോധ വാക്‌സിന്‍ ഇതുവരെ കണ്ടെത്തിയിട്ടില്ല. പനി, ശക്തമായ തലവേദന, ബോധക്ഷയം, അപസ്മാരം, ഛർദ്ദി എന്നിവയാണ് ലക്ഷണങ്ങൾ. മനുഷ്യരിൽ നിന്ന് മനുഷ്യരിലേക്ക് രോഗം പകർന്നതായി ഇതുവരെ റിപ്പോർട്ടില്ല.

കഴിഞ്ഞ വെള്ളിയാഴ്ചയാണ് രോഗം സ്ഥിരീകരിച്ചതെന്ന് ഡി.എം.ഒ ഡോ. കെ. സക്കീന പറഞ്ഞു. ക്യൂലക്സ് വിഭാഗത്തിൽപ്പെടുന്ന കൊതുകാണ് വൈറസിന്റെ വാഹകർ. 1937ൽ ഉഗാണ്ടയിലെ വെസ്റ്റ് നൈൽ ജില്ലയിലാണ് ഈ രോഗം ആദ്യമായി കണ്ടെത്തുന്നത്. ഇന്ത്യയിൽ 1952ൽ മുംബയിലാണ് ഈ വൈറസ് ബാധ കണ്ടെത്തുന്നത്. 2011ൽ ആലപ്പുഴ ജില്ലയിൽ വെസ്റ്റ് നെയിൽ വൈറസ് മൂലമുള്ള മസ്തിഷ്‌കവീക്കം കണ്ടെത്തിയിരുന്നു.

The post മലപ്പുറത്ത് ഏഴ് വയസുകാരന് വെസ്റ്റ്നൈൽ വൈറസ് ബാധ appeared first on Valanchery Online.

വെള്ളപ്പൊക്കവും അണുബാധകളും

വളാഞ്ചേരിക്കാരൻ — Mon, 03 Sep 2018 02:12:36 +0000

പ്രളയജലവുമായുള്ള സമ്പര്‍ക്കം കാരണം കണ്ണ്, ചെവി, ചര്‍മ്മം, ശ്വാസകോശം എന്നീ അവയവങ്ങളില്‍ രോഗബാധയുണ്ടാവാം. ചെറിയകുട്ടികള്‍ നിറുത്താതെ കരയുന്നത് ഒരു പക്ഷെ ചെവിയില്‍ അനുബാധയുടെ ലക്ഷണമാവാം. കുട്ടിക്കത് പറയാന്‍ അറിയില്ല. ചെറിയ ജലദോഷയും തൊണ്ടവേദനവേദനയും മൂക്കൊലിപ്പുമായി തുടങ്ങി, ഇപ്പോള്‍ ചുമയും ശ്വാസംമുട്ടലുമുണ്ടെങ്കില്‍ അത് H1N1 പനിയാണോ എന്ന് സംശയിക്കണം.

രോഗി ഗര്‍ഭിണിയാണെങ്കില്‍ ആന്റിവൈറല്‍ ഗുളിക ഉടനെ കൊടുത്തുതുടങ്ങണം. H1N1 പനി ഗര്‍ഭിണികളില്‍ വലിയ അപകടങ്ങള്‍ വിളിച്ചുവരുത്തും. പ്രളയജലം ധൂളികളായി ശ്വാസകോശത്തില്‍ കടക്കുന്നത്‌ അണുബാധകള്‍ക്ക് കാരണമാകാം. കുട്ടികള്‍ക്ക് തൊണ്ടയിലും ശ്വാസനാളത്തിലും ശ്വാസകോശത്തിലും ഉണ്ടാകുന്ന അണുബാധയാണ് ഇതില്‍ പ്രധാനം. ഇത് പിന്നീടത് ന്യുമോണിയയിലേക്ക് നയിക്കാം.

പനി, ചുമ, കഫം, തൊണ്ടവേദന എന്നിവയാണ് ലക്ഷണങ്ങള്‍. കഫം മഞ്ഞനിറമാകുന്നത് അണുബാധയുടെ സൂചനയാണ്. ന്യുമോണിയയായി മാറിയാല്‍ ശ്വാസംമുട്ടല്‍ ഉണ്ടാവും. കഫത്തില്‍ രക്തമയം കാണാം. രോഗം ബാധിച്ചകുട്ടി അതിവേഗത്തില്‍ ശ്വസിക്കും. ഉടന്‍ തന്നെ കുട്ടിയെ ഡോക്ടറുടെ അടുത്തെത്തിക്കണം എന്നാണ് അതിന്റെ അര്‍ഥം.

അത്ര സാധാരണമല്ലെങ്കിലും ശ്രദ്ധിക്കേണ്ട ഒന്നാണ് തലച്ചോറിലെ അണുബാധ. ഇത് ഒരാളില്‍ നിന്ന് മറ്റൊരാളിലേക്ക് വേഗം പകരും. കടുത്ത പനിയും തലവേദനയും ശര്‍ദ്ദിയുമാണ് ലക്ഷണങ്ങള്‍. ഒരു പമ്പില്‍ നിന്ന് പുറത്തേക്ക് ചാടുന്നപോലെയാവും രോഗി ശര്‍ദ്ദിക്കുക. ഡോക്ടറെ നിര്‍ബന്ധമായും കാണണം.

കൂട്ടത്തില്‍ ക്ഷയരോഗത്തിന്റെ കാര്യം മറന്നുപോകരുത്. ക്ഷയരോഗത്തിനു തുടര്‍ച്ചയായി മരുന്ന് കഴിക്കുന്നവര്‍ക്ക് ഔഷധം മുടങ്ങിപ്പോകാം എന്നതാണ് ഒന്നാമത്തെ കാര്യം. പക്ഷെ ആരോഗ്യവകുപ്പ് ഇക്കാര്യത്തില്‍ ആദ്യം മുതല്‍ ശ്രദ്ധിക്കുന്നതുകൊണ്ട് പ്രശ്നമുണ്ടാവില്ല. രോഗം പുതിയതായി ബാധിച്ചവരെ കണ്ടെത്തുക എന്നതാണ് മറ്റൊരു കാര്യം. ഏതൊരാളിലും രണ്ടാഴ്ചയില്‍ കൂടുതല്‍ കാലം നീണ്ടുനില്‍ക്കുന്ന ചുമയുണ്ടെങ്കില്‍ കഫം പരിശോധിച്ചു ക്ഷയരോഗം ഇല്ല എന്ന് ഉറപ്പുവരുത്തണം. അക്കാര്യത്തില്‍ ചമ്മല്‍ പാടില്ല.

മുറിവുകളില്‍ അണുബാധയുണ്ടാകുന്നതാണ് മറ്റൊരു വിഷയം. അവ നന്നായി കഴുകി ഡ്രസ്സ്‌ ചെയ്യണം. ഡോക്ടറുടെ നിദ്ദേശപ്രകാരം ആന്റിബയോട്ടിക്കുകള്‍ കഴിക്കേണ്ടി വരും. മുറിവിലൂടെ റ്റെറ്റനസ് അണുബാധ പിടികൂടുക എന്നതാണ് മറ്റൊരപകടം. പ്രതിരോധകുത്തിവെയ്പ്പുകള്‍ എടുത്തിട്ടുള്ളവര്‍ ഇക്കാര്യത്തില്‍ പേടിക്കേണ്ടതില്ല. എന്നാല്‍ റ്റെറ്റനസിനെതിരെ പ്രതിരോധം നല്‍കുന്ന DPT, Pentavalent എന്നിവയുടെ വാക്സിനേഷനുകള്‍ എടുത്തിട്ടില്ലാത്ത ചെറിയ കുട്ടികള്‍ക്കും DT വാക്സിനേഷന്‍ എടുത്തിട്ടില്ലാത്ത വലിയ കുട്ടികള്‍ക്കും റിസ്ക്കുണ്ട്. മുതിര്‍ന്നവര്‍ TT എടുത്താല്‍ മതി. കുട്ടികള്‍ക്ക് മുടങ്ങിയ വാക്സിനേഷനുകള്‍ നല്‍ക്കാന്‍ മാതാപിതാക്കള്‍ ശ്രദ്ധിക്കണം. ഇക്കാര്യത്തില്‍ ഡോക്ടരുടെയോ ആരോഗ്യപ്രവര്‍ത്തകരുടെയോ ഉപദേശം തേടുക.
-ഡോ.ജി.ആർ.സന്തോഷ് കുമാർ

The post വെള്ളപ്പൊക്കവും അണുബാധകളും appeared first on Valanchery Online.

കുറ്റിപ്പുറത്ത് പനി ബാധിച്ചു മരിച്ചയാൾക്ക് അതിസാരമുണ്ടായിരുന്നതായി ആരോഗ്യ വകുപ്പ്

വളാഞ്ചേരിക്കാരൻ — Tue, 12 Jun 2018 17:20:25 +0000

കുറ്റിപ്പുറം: പനിബാധിച്ച് മരിച്ച നടുവട്ടം തെക്കേനാഗപറമ്പ് സ്വദേശി ഉണ്ണിയംവളപ്പിൽ സജയ(54)ന് ഛർദിയും അതിസാരവും ഉണ്ടായിരുന്നതായി ആരോഗ്യവകുപ്പ്. മരിക്കുന്നതിന് തലേന്ന് മുതൽ സജയന് ഛർദിയും അതിസാരവും പിടിപെട്ടിരുന്നതായി വീട്ടുകാരും പറഞ്ഞു. ഇതെ തുടർന്ന് ആരോഗ്യവകുപ്പ് ഉദ്യോഗസ്ഥർ സജയന്റെ വീട്ടിലെ കിണറിൽനിന്നു വെള്ളം ശേഖരിച്ച് പരിശോധനയ്ക്ക് അയച്ചു. പ്രദേശത്തെ കിണറുകൾ എല്ലാം ക്ലോറിനേഷൻ നടത്തി ശുചീകരിക്കുകയും ചെയതു.ഇന്നലെ രാവിലെയാണ് ആരോഗ്യവകുപ്പ് ഉദ്യോഗസ്ഥർ നാഗപറമ്പിലെത്തി നടപടികൾ സ്വീകരിച്ചത്. പനിയെ തുടർന്ന് സജയനെ ഇക്കഴിഞ്ഞ വെള്ളിയാഴ്ച വൈകിട്ടാണ് കുറ്റിപ്പുറം ഗവ. താലൂക്ക് ആശുപത്രിയിൽ പ്രവേശിപ്പിച്ചത്.
ആശുപത്രിയിൽ എത്തിയതിനു ശേഷം ഒട്ടേറെ തവണ അതിസാരം ഉണ്ടായി. പനി കടുത്തതോടെ ശനിയാഴ്ച രാവിലെ കോഴിക്കോട് മെഡിക്കൽ കോളജിലേക്കു മാറ്റുകയായിരുന്നു. ഉച്ചയോടെയാണ് സജയൻ മരിച്ചത്. ആശുപത്രിയിൽ എത്തി അരമണിക്കൂറിനകം മരണം സംഭവിച്ചതിനാൽ മെഡിക്കൽ കോളജിൽ രക്തപരിശോധന നടത്താനായിട്ടില്ല. കുറ്റിപ്പുറം താലൂക്ക് ആശുപത്രിയിൽ ‍ഡെങ്കിപ്പനി അടക്കമുള്ളവയുടെ പരിശോധന നടത്തിയിരുന്നെങ്കിലും ഫലം നെഗറ്റീവാണെന്ന് ആരോഗ്യവകുപ്പ് പറയുന്നുണ്ട്. തൊഴിലുറപ്പു ജോലിക്കും മറ്റും പോകാറുള്ള സജയന് അതിസാരം പിടിപെടാനുണ്ടായ സാഹചര്യമാണ് ആരോഗ്യവകുപ്പ് ഇപ്പോൾ പരിശോധിക്കുന്നത്.

The post കുറ്റിപ്പുറത്ത് പനി ബാധിച്ചു മരിച്ചയാൾക്ക് അതിസാരമുണ്ടായിരുന്നതായി ആരോഗ്യ വകുപ്പ് appeared first on Valanchery Online.

ആരോഗ്യജാഗ്രതാ പ്രവര്‍ത്തനങ്ങള്‍ രാഷ്ട്രീയ പാര്‍ട്ടികളും മതസംഘടനകളും ഏറ്റെടുക്കണം -ജില്ലാ കലക്ടര്‍

വളാഞ്ചേരിക്കാരൻ — Wed, 06 Jun 2018 02:20:26 +0000

മലപ്പുറം: ജില്ലയിലെ ആരോഗ്യ ജാഗ്രത പ്രവര്‍ത്തനങ്ങള്‍ രാഷട്രീയ പാര്‍ട്ടികളും മത സംഘടനകളും ഏറ്റെടുക്കണമെന്ന് ജില്ലാ കല്കടര്‍ അമിത് മീണ. ആരോഗ്യ ജാഗ്രതാ പ്രവര്‍ത്തനങ്ങള്‍ തദ്ദേശ സ്ഥാപനങ്ങളുടെയും ആരോഗ്യ വകുപ്പിന്റെയും മാത്രമാണ് എന്നാണ് പലരും വിശ്വസിക്കുന്നത്. ഈ ധാരണ തിരുത്താന്‍ രാഷട്രീയ പാര്‍ട്ടികളുടെ മത സംഘടനകളുടെയും സഹകരണം ആവശ്യമാണ്. ജില്ലയില്‍ നിപ വൈറസ് ആശങ്കയുടെ പേരില്‍ ജില്ലാ കലക്ടര്‍ നല്‍കിയ നിര്‍ദ്ദേശങ്ങളോട് പൊതുജനങ്ങളില്‍ നിന്ന് മികച്ച് പ്രതികരണമാണുണ്ടായത്. പകര്‍ച്ച പനിയും മറ്റും ജില്ലക്ക് ഭീഷണി ഉയര്‍ത്തി നില്‍ക്കുന്നുണ്ട്. ഇതിനെ നമുക്ക് മറികടക്കണം.
നിപ വൈറസ് നിയന്ത്രണവുമായി ബന്ധപ്പെട്ട്് ഇതു വരെ നടത്തിയ പ്രവര്‍ത്തനങ്ങളില്‍ എല്ലാവരുടെയും സഹകരണം ഉണ്ടായിട്ടുണ്ട്. എന്നാല്‍ ലക്ഷ്യം കാണണമെങ്കില്‍ കുറച്ചു ദിവസം കൂടി നാം കാത്തിരിക്കണം. ജൂണ്‍ 12 ന് വൈറസ് പ്രവര്‍ത്തനത്തിന്റെ ശക്തിയുടെ ഒരു ഘട്ടം കഴിയും. ഈ കാലയളവില്‍ മത പ്രഭാഷണങ്ങള്‍, രാഷട്രീയ പാര്‍ട്ടകളുടെ പൊതു യോഗങ്ങള്‍ എന്നിവ നിര്‍ബന്ധമായും മാറ്റി വച്ച് സഹകരിക്കണം. പൂര്‍ണ സുരക്ഷിതരായി എന്ന് ഉറപ്പാക്കാന്‍ ജുലായ് ഒന്ന് വരെ കാത്തിരിക്കണം.

നിപ വൈറസ് ആശങ്കയുടെ പശ്ചാത്തലത്തില്‍ വിളിച്ചു ചേര്‍ത്ത രാഷട്രീയ കക്ഷി നേതാക്കളുടെയും മത സംഘടന നേതാക്കളുടെയും യോഗത്തില്‍ സംസാരിക്കുകയായിരുന്നു കലക്ടര്‍. മുഖ്യമന്ത്രി നിര്‍ദ്ദേശത്തിന്റെ അടിസ്ഥാനത്തിലാണ് യോഗം വിളിച്ചത്. നിപ രോഗികളുമായി ബന്ധപ്പെട്ട് 200 ഓളം പേരാണ് ഇപ്പോള്‍ ജില്ലയില നിരീക്ഷണത്തിലുള്ളത്. ഇവരെ എല്ലാ ദിവസവും ആരോഗ്യ വകുപ്പ് നിരീക്ഷിച്ച് റിപ്പോര്‍ട്ട് നല്‍കുന്നുണ്ട്. ഇതു സംബന്ധിച്ച് എല്ലാ ദിവസവും കലക്‌ട്രേറ്റില്‍ അവലോകനവും നടക്കുന്നുണ്ട്.

പനി,ജലദോഷം മറ്റ് അസുഖങ്ങള്‍ ഉള്ളവര്‍, പൊതു പരിപാടികളില്‍ പങ്കെടുക്കരുത്. പരിപാടികളില്‍ ജ്യൂസ്,മറ്റ് തണുത്ത് പാനീയങ്ങള്‍ ഒഴിവാക്കുക പകരം ചായ കൊടുക്കുക. പൊതു പരിപാടികളില്‍ സ്റ്റീല്‍ പാത്രങ്ങള്‍ ഉപയോഗിക്കുക. ലോഷന്‍ ഉപയോഗിച്ച് കൈ കഴുകുക. കല്ല്യാണത്തിന് പങ്കെടുത്തവര്‍ക്കാണ് കഴിഞ്ഞ വര്‍ഷം ഏറ്റെവും കൂടതല്‍ മഞ്ഞപ്പിത്തം ഉണ്ടായിട്ടുള്ളതെന്ന് ആരോഗ്യ വകുപ്പിന്റെ കണക്കുകള്‍ കാണിച്ചു ജില്ലാ മെഡിക്കല്‍ ഓഫിസര്‍ ഡോ.കെ. സക്കീന പറഞ്ഞു. തണുത്ത വെള്ളം,വെല്‍ക്കം ഡ്രിങ്ക്‌സ്, എന്നിവ കഴിച്ച പുരുഷന്‍മാരാണ് ഇതില്‍ കൂടുതലും പെട്ടത്.
കലക്‌ട്രേറ്റ് കോണ്‍ഫ്രന്‍സ് ഹാളില്‍ നടന്ന യോഗത്തില്‍ എ.ഡി.എം വി.രാമചന്ദ്രന്‍, ആര്‍.ഡി.ഒ. കെ.അജീഷ്,ജില്ലാ മെഡിക്കില്‍ ഓഫിസര്‍ കെ.സക്കീന,ഡപ്യുട്ടി ഡി.എം.ഒ. ഡോ.മുഹമ്മദ് ഇസ്മായില്‍ തുടങ്ങിയവര്‍ പങ്കെടുത്തു.

The post ആരോഗ്യജാഗ്രതാ പ്രവര്‍ത്തനങ്ങള്‍ രാഷ്ട്രീയ പാര്‍ട്ടികളും മതസംഘടനകളും ഏറ്റെടുക്കണം -ജില്ലാ കലക്ടര്‍ appeared first on Valanchery Online.

മഴക്കാലമെത്തിയതോടെ വളാഞ്ചേരിയിൽ പകർച്ച പനിയും

വളാഞ്ചേരിക്കാരൻ — Mon, 03 Jun 2013 20:02:16 +0000

വളാഞ്ചേരിയിലും പരിസരങ്ങളിലും വൈറല്‍ പനി പടരുന്നു. സ്വകാര്യാസ്പത്രികളിലും ക്ലിനിക്കുകളിലും പനിബാധിതര്‍ ചികിത്സതേടി എത്തുന്നത് ഓരോ ദിവസവും കൂടിവരികയാണ്. ലാബുകളില്‍ രക്തപരിശോധനയ്ക്കായി എത്തുന്നവരുടെ എണ്ണവും വര്‍ധിച്ചിട്ടുണ്ട്. ജില്ലയില്‍ മഴ തുടങ്ങിയതോടെ ഡങ്കിപ്പനിയുള്‍പ്പെടെയുള്ള മാരക രോഗങ്ങള്‍ പടരാനുള്ള സാധ്യതയും ഏറെയാണെന്ന് വളാഞ്ചേരി ഡോക്ടേഴ്‌സ് ക്ലബ്ബ് മുന്‍പ്രസിഡന്റ് ഡോ. എം. ഗോവിന്ദന്‍ പറഞ്ഞു.

Summary: Viral fever spread in Valanchery

The post മഴക്കാലമെത്തിയതോടെ വളാഞ്ചേരിയിൽ പകർച്ച പനിയും appeared first on Valanchery Online.