Fare Archives - Valanchery Online

മാറാക്കര മഹോത്സവം തുടങ്ങി

വളാഞ്ചേരിക്കാരൻ — Wed, 23 Apr 2025 01:58:20 +0000

മാറാക്കര: പിലാത്തറയിലെ വിരമിച്ച അധ്യാപകനും സാംസ്‌കാരികപ്രവർത്തകനുമായ രഘുനാഥന്റെ സ്മരണയ്ക്കായി ആരംഭിച്ച പഠനഗവേഷണകേന്ദ്രത്തിന്റെ ഉദ്ഘാടനത്തോടനുബന്ധിച്ച് മാറാക്കര മഹോത്സവം തുടങ്ങി. ചൊവ്വാഴ്ച വൈകീട്ടോടെ പ്രദർശനസ്റ്റാളുകൾ സജീവമായി. ഐഎസ്ആർഒ, കാർഷിക ഗവേഷണകേന്ദ്രം, സിഡബ്ല്യുആർഡിഎം, കോട്ടയ്ക്കൽ ആര്യവൈദ്യശാല, കുടുംബശ്രീ തുടങ്ങി 40-ലധികം സ്റ്റാളുകളാണ് ഒരുക്കിയിട്ടുള്ളത്. കൂടാതെ മൊബൈൽ പ്ലാനേറ്ററിയം, അമ്യൂസ്‌മെന്റ് പാർക്ക്, ഫുഡ്‌കോർട്ടുകൾ എന്നിവയുമുണ്ട്. 27-ന് മഹോത്സവം സമാപിക്കും.

The post മാറാക്കര മഹോത്സവം തുടങ്ങി appeared first on Valanchery Online.

കൺസ്യൂമർ ഫെഡിൻ്റെ വിഷു ഈസ്റ്റർ റംസാൻ സഹകരണ വിപണിയുടെ ജില്ലാതല ഉദ്ഘാടനം കുറ്റിപ്പുറത്ത് നടന്നു

വളാഞ്ചേരിക്കാരൻ — Wed, 13 Apr 2022 01:29:05 +0000

കുറ്റിപ്പുറം: ഉത്സവകാലങ്ങളിൽ സംസ്ഥാന സർക്കാറിൻ്റെ നേതൃത്വത്തിൽ നിത്യോപയോഗ സാധനങ്ങളുടെ വിലക്കയറ്റം നിയന്ത്രിക്കുന്നതിന് കൺസ്യൂമർ ഫെഡിൻ്റെ വിഷു ഈസ്റ്റർ റംസാൻ സഹകരണ വിപണിയുടെ ജില്ലാതല ഉദ്ഘാടനം കുറ്റിപ്പുറത്തെ ഇമ്പിച്ചിബാവ മെമ്മോറിയൽ റൂറൽ കോ- ഓപ്പറേറ്റിവ് സൊസൈറ്റിയുടെ നീതി സൂപ്പർ മാർക്കറ്റിൽ വെച്ച് കൺസ്യൂമർ ഫെഡ് സയറക്ടർ വി.ടി. സോഫിയ നിർവ്വഹിച്ചു.

സബ്സിഡിയില്ലാത്ത സാധനങ്ങൾക്ക് നൽകുന്ന സമ്മാനകൂപ്പൺ വിതരണോദ്ഘാടനം മലപ്പുറം ജാ. റജിസ്ട്രാർ (ജനറൽ) എസ്.പ്രഭിത്ത് നിർവ്വഹിച്ചു. കൺസ്യൂമർ ഫെഡ് റീജ്യണൽ മാനേജർ ശ്രീ.സത്യൻ സ്വാഗതം പറഞ്ഞു. ഇമ്പിച്ചിബാവ മെമ്മോറിയൽ റൂറൽ കോ-ഓപ്പറേറ്റീവ് സൊസൈറ്റി പ്രസിഡൻ്റ് കെ.രാമദാസ് അധ്യക്ഷനായിരുന്നു. സെക്രട്ടറി സ്മിത.കെ.കെ.ആർ നന്ദി രേഖപ്പെടുത്തി. തിരൂർ ജോ. റജിസ്ട്രാർ (ജനറൽ) ജനാർദ്ദനൻ, കുറ്റിപ്പുറം ഗ്രാമ പഞ്ചായത്തംഗം ജയകുമാർ, യൂണിറ്റ് ഇൻസ്പെക്ടർ മോഹൻദാസ്, വിവിധ സർവ്വീസ് സഹകരണ ബാങ്ക് പ്രസിഡൻ്റ് സെക്രട്ടറിമാർ ആശംസകൾ രേഖപ്പെടുത്തി

The post കൺസ്യൂമർ ഫെഡിൻ്റെ വിഷു ഈസ്റ്റർ റംസാൻ സഹകരണ വിപണിയുടെ ജില്ലാതല ഉദ്ഘാടനം കുറ്റിപ്പുറത്ത് നടന്നു appeared first on Valanchery Online.

വിഷു-ഈസ്റ്റർ-റംസാൻ ഫെയറിന്‌ തുടക്കം

വളാഞ്ചേരിക്കാരൻ — Tue, 12 Apr 2022 01:20:11 +0000

തിരുവനന്തപുരം: വിഷു, ഈസ്‌റ്റർ, റംസാൻ ആഘോഷങ്ങളുടെ ഭാഗമായുള്ള കൺസ്യൂമർഫെഡ്‌, സപ്ലൈകോ ഫെയറുകൾക്ക്‌ തുടക്കം. കൺസ്യൂമർഫെഡ്‌ വിപണിയുടെ സംസ്ഥാനതല ഉദ്‌ഘാടനം മുഖ്യമന്ത്രി പിണറായി വിജയൻ തിരുവനന്തപുരത്ത്‌ നിർവഹിച്ചു. 18 വരെയാണ്‌ മേള. 778 വിപണന കേന്ദ്രം വഴി 13 ഇനം നിത്യോപയോഗ സാധനം സബ്‌സിഡി നിരക്കിൽ ലഭിക്കും.

ഗൃഹോപകരണങ്ങൾക്കും സൗന്ദര്യവർധക ഉൽപ്പന്നത്തിനും 15 മുതൽ 30 ശതമാനംവരെ വിലക്കുറവുണ്ട്‌. ഭക്ഷ്യ-പൊതുവിതരണ വകുപ്പിന്റെ ആഭിമുഖ്യത്തിലുള്ള വിഷു, ഈസ്റ്റർ, റംസാൻ ഫെയറിന്റെ സംസ്ഥാനതല ഉദ്‌ഘാടനം മന്ത്രി ജി ആർ അനിൽ നിർവഹിച്ചു. മെയ്‌ മൂന്നുവരെയാണ്‌ ഫെയർ. സംസ്ഥാനത്തെ എല്ലാ ജില്ലാ കേന്ദ്രത്തിലും ഉണ്ടാകും. ഗ്രാമപ്രദേശങ്ങളിൽ മൊബൈൽ മാവേലി വിൽപ്പനശാലയും പ്രവർത്തിക്കും. എംപിഐ, ഹോർട്ടികോർപ് എന്നിവയുടെ സ്റ്റാളും ഒരുക്കിയിട്ടുണ്ട്. സബ്‌സിഡി ഉൾപ്പെടെ എല്ലാ നിത്യോപയോഗ സാധനവും മിതമായ വിലയിൽ മേളയിൽനിന്ന്‌ വാങ്ങാം.

The post വിഷു-ഈസ്റ്റർ-റംസാൻ ഫെയറിന്‌ തുടക്കം appeared first on Valanchery Online.

ഇരിമ്പിളിയം ഗ്രാമപ്പഞ്ചായത്ത് കുടുംബശ്രീ മാസച്ചന്ത ആരംഭിച്ചു

വളാഞ്ചേരിക്കാരൻ — Sat, 19 Feb 2022 01:57:17 +0000

ഇരിമ്പിളിയം: ഇരിമ്പിളിയം ഗ്രാമപ്പഞ്ചായത്ത് കുടുംബശ്രീ സി.ഡി.എസിന് കീഴിൽ മാസച്ചന്ത ആരംഭിച്ചു. പ്രസിഡന്റ് കെ. മൊയ്തീൻകുട്ടി ഉദ്ഘാടനംചെയ്തു. വൈസ് ചെയർപേഴ്‌സൺ കെ.ടി. ഉമ്മുകുൽസു അധ്യക്ഷതവഹിച്ചു വി.ടി. അമീർ, എൻ. കദീജ, മുഹമ്മദാലി, ജസീന, സൈഫുന്നീസ, റംല, സെക്രട്ടറി ശ്രീലത, അസിസ്റ്റന്റ് സെക്രട്ടറി വിനോദ്, സി.ഡി.എസ്. ചെയർപേഴ്‌സൺ വി.പി. ശശികല എന്നിവർ പ്രസംഗിച്ചു.

The post ഇരിമ്പിളിയം ഗ്രാമപ്പഞ്ചായത്ത് കുടുംബശ്രീ മാസച്ചന്ത ആരംഭിച്ചു appeared first on Valanchery Online.

കുറ്റിപ്പുറത്ത് ആഴ്ചച്ചന്ത പുനരാരംഭിക്കണമെന്ന ആവശ്യം ശക്തമാകുന്നു

വളാഞ്ചേരിക്കാരൻ — Wed, 10 Nov 2021 06:21:08 +0000

കുറ്റിപ്പുറം : കുറ്റിപ്പുറത്തിന്റെ പ്രതാപമായിരുന്ന ആഴ്ചച്ചന്ത പുനരാരംഭിക്കണമെന്ന ആവശ്യം ശക്തമാകുന്നു. 25-വർഷംമുന്പ് നിലച്ച ചന്ത വീണ്ടും തുടങ്ങാൻ പഞ്ചായത്ത് ഭരണസമിതി മുൻകൈയെടുക്കണമെന്ന ആവശ്യവുമായി വ്യക്തികളും സംഘടനകളും രംഗത്തെത്തി. കുറ്റിപ്പുറത്തിന്റെ ചരിത്രത്തിൽ ചന്തയുടെ സ്ഥാനം വലുതാണ്. പതിറ്റാണ്ടുകൾക്കു മുൻപ് റെയിൽവേ ഗേറ്റിന് സമീപത്തെ മേലേ അങ്ങാടിയിൽ ചന്തപ്പുര ഉണ്ടായിരുന്നു. ഇവിടെ എല്ലാ ശനിയാഴ്ചയും ചന്തയും നടക്കും.

1996 വരെ ചന്ത പ്രവർത്തിച്ചു. രാവിലെ എട്ടുമുതൽ വൈകീട്ട് ഏഴുവരേയായിരുന്നു പ്രവർത്തന സമയം. കുറ്റിപ്പുറത്തിന്റെ സമീപപ്രദേശങ്ങളായ കൊളക്കാട്, പേരശ്ശന്നൂർ, എടച്ചലം, നടുവട്ടം തുടങ്ങിയ ഗ്രാമപ്രദേശങ്ങളെല്ലാം അന്നും ഇന്നും കാർഷിക ഗ്രാമങ്ങളാണ്. ഈ പ്രദേശങ്ങളിൽ നിന്നെല്ലാമുള്ള പരമ്പരാഗത കർഷകരായിരുന്നു ചന്തയിലെ പ്രധാന കച്ചവടക്കാർ. പാലക്കാട് ജില്ലയിലെ പള്ളിപ്പുറം, കൂടല്ലൂർ, കുമ്പിടി, ആനക്കര, മലപ്പുറം ജില്ലയിലെ ചങ്ങരംകുളം, എടപ്പാൾ, കണ്ടനകം, കാലടി, മാണൂർ, തവനൂർ തിരുനാവായ, എടക്കുളം, ആതവനാട്, കാർത്തല, പാണ്ടികശാല, പൈങ്കണ്ണൂർ, വെണ്ടല്ലൂർ, മങ്കേരി തുടങ്ങിയ പ്രദേശങ്ങളിലുള്ളവരായിരുന്നു ചന്തയിലെ പ്രധാന ഉപഭോക്താക്കൾ.

The post കുറ്റിപ്പുറത്ത് ആഴ്ചച്ചന്ത പുനരാരംഭിക്കണമെന്ന ആവശ്യം ശക്തമാകുന്നു appeared first on Valanchery Online.

വളാഞ്ചേരിയിൽ നഗര വഴിയോര ചന്തക്ക് തുടക്കമായി

വളാഞ്ചേരിക്കാരൻ — Thu, 21 Oct 2021 08:47:27 +0000

വളാഞ്ചേരി:വളാഞ്ചേരി നഗര സഭയും കൃഷി വകുപ്പും സംയുക്തമായി നടത്തുന്ന നഗര വഴിയോര ചന്ത പ്രവർത്തനം ആരംഭിച്ചു. കൃഷി ഭവൻ പരിസരത്ത് ആരംഭിച്ച ചന്തയിലൂടെ നാടൻ പച്ചക്കറികൾ മറ്റ്‌ ഉൽപ്പന്നങ്ങൾ എന്നിവയാണ് വിതരണം ചെയ്യുന്നത്. എല്ലാ വ്യാഴാഴ്ചകളിലും ആയിരിക്കും ചന്ത പ്രവർത്തിക്കുന്നത്.
ചന്തയുടെ പ്രവർത്തനോൽഘാടനം വളാഞ്ചേരി നഗരസഭാ അധ്യക്ഷൻ അഷ്റഫ് അമ്പലത്തിങ്ങൽ മുസ്തഫ മാസ്റ്റർക്ക് നൽകി നിർവഹിച്ചു.

ചടങ്ങിൽ നഗരസഭാ ഉപാധ്യക്ഷ റംല മുഹമ്മദ്, സ്ഥിരം സമിതി അധ്യക്ഷരായ മുഹമ്മദ് റിയാസ് സി.എം, റൂബി ഖാലിദ്, കൗണ്സിലര്മാരായ, അച്യുതൻ ഇ.പി, സദാനന്ദൻ കോട്ടീരി, സുബിത രാജൻ, കെ.വി ഉണ്ണികൃഷ്ണൻ, ഷൈലജ പി.പി, കാർഷിക വികസന സമിതി അംഗങ്ങളായ ഷംസുദ്ദീൻ പാറക്കൽ, അബ്ദുൽ ഖാദർ കണ്ടനാടൻ, സതീഷ് ബാബു പള്ളിയാലിൽ, രാജഗോപാലൻ തോരക്കാട്ട് മഠത്തിൽ, കർഷകരായ സുബ്രഹ്മണ്യൻ പൊന്മക്കുഴി, കോരൻ ഇല്ലത്തുപടി, സൈനുദ്ധീൻ തെക്കേപ്പീടിയേക്കൽ, മണികണ്ഠൻ വടക്കേക്കര, രജിത്ത് പൊന്മക്കുഴി, കൃഷി ഭവൻ ഉദ്യോഗസ്ഥർ എന്നിവർ നേതൃത്വം നൽകി.

The post വളാഞ്ചേരിയിൽ നഗര വഴിയോര ചന്തക്ക് തുടക്കമായി appeared first on Valanchery Online.

വളാഞ്ചേരിയിൽ ഇന്ന് ഞാറ്റുവേല ചന്തകൾ സംഘടിപ്പിക്കുന്നു

വളാഞ്ചേരിക്കാരൻ — Wed, 30 Jun 2021 01:09:07 +0000

വളാഞ്ചേരി : നഗരസഭാ കൃഷിഭവന്റെയും കുറ്റിപ്പുറം ബ്ലോക്ക് അഗ്രോ സർവീസ് സെന്ററിന്റെയും നേതൃത്വത്തിൽ ബുധനാഴ്ച ഞാറ്റുവേലച്ചന്ത നടക്കും. കർഷകർക്കാവശ്യമായ വിത്തുകളും നടീൽവസ്തുക്കളും മറ്റും ചന്തയിൽ വിൽപ്പനയ്ക്കുണ്ടാകും. കോവിഡ് മാനദണ്ഡങ്ങൾ പാലിച്ചുകൊണ്ട് രാവിലെ 10 മുതൽ 12 വരെ വളാഞ്ചേരി സർവീസ് സഹകരണബാങ്കിനു സമീപവും ഒന്നരമുതൽ മൂന്നരവരെ കാർത്തല ചുങ്കത്തും മൂന്നരമുതൽ അഞ്ചുവരെ കാവുംപുറത്തുമാണ് ഞാറ്റുവേലച്ചന്ത പ്രവർത്തിക്കുകയെന്ന് കൃഷി ഓഫീസർ മൃദുൽ വിനോദ് അറിയിച്ചു.

The post വളാഞ്ചേരിയിൽ ഇന്ന് ഞാറ്റുവേല ചന്തകൾ സംഘടിപ്പിക്കുന്നു appeared first on Valanchery Online.

ഏപ്രിൽ ഒന്നു മുതൽ ആഭ്യന്തര, അന്താരാഷ്‌ട്ര വിമാന യാത്രാ നിരക്ക് കൂടും

വളാഞ്ചേരിക്കാരൻ — Wed, 31 Mar 2021 04:21:05 +0000

ന്യൂഡൽഹി: ഏപ്രിൽ ഒന്നു മുതൽ ആഭ്യന്തര, അന്താരാഷ്‌ട്ര വിമാന യാത്രാ നിരക്ക് കൂടും. എയർ സെക്യൂരിറ്റി ഫീസ് വർധിപ്പിച്ചതിനാലാണ് നിരക്ക് വർധിക്കുന്നത്. ആഭ്യന്തര വിമാന ടിക്കറ്റുകളിൽ എയർ സെക്യൂരിറ്റി ഫീസ് 200 രൂപയും അന്താരാഷ‌്ട്ര സർവീസുകളിൽ 879 രൂപയോളം (പന്ത്രണ്ട് ഡോളറിന് തുല്യമായി ഇന്ത്യൻ രൂപ) ആണ് ഡിജിസിഎ വർധിപ്പിച്ചിരിക്കുന്നത്.

രണ്ടു വയസിന് താഴെയുള്ള കുട്ടികൾ, നയതന്ത്ര സുരക്ഷയുള്ള ഉദ്യോഗസ്ഥർ, കൃത്യനിർവഹണത്തിലുള്ള എയർലൈൻ ജീവനക്കാർ, യുഎൻ സമാധാന സേനയിൽ ഉൾപ്പെട്ടവർ എന്നിവർക്ക് വർധിപ്പിച്ച എയർ സെക്യൂരിറ്റി ഫീസ് ബാധകമല്ലെന്നും ഡിജിസിഎ വ്യക്തമാക്കി. നേരത്തേ ആഭ്യന്തര വിമാനയാത്രയ്ക്ക് 40 രൂപയും അന്താരാ‌ഷ‌്ട്ര യാത്രയ്ക്ക് 114.8 രൂപയുമായിരുന്നു എയർ സെക്യൂരിറ്റി ഫീസ്.

അതിനിടെ, രാജ്യം രണ്ടാം കോവിഡ് തരംഗത്തിന്‍റെ പിടിയിലായ പശ്ചാത്തലത്തിൽ വിമാനത്താവളങ്ങളിലെ നിയന്ത്രണങ്ങളും ഡിജിസിഎ കടുപ്പിച്ചു. മാസ്ക് ധരിക്കുന്നത് അടക്കം കോവിഡ് മാനദണ്ഡങ്ങൾ പാലിക്കുന്നതിൽ വീഴ്ച വരുത്തുന്ന യാത്രക്കാർക്ക് എതിരേ തത്സമയം പിഴ ചുമത്താൻ എയർപോർട്ട് അധികൃതർക്ക് ഡിജിസിഎ നിർദേശം നൽകി.

The post ഏപ്രിൽ ഒന്നു മുതൽ ആഭ്യന്തര, അന്താരാഷ്‌ട്ര വിമാന യാത്രാ നിരക്ക് കൂടും appeared first on Valanchery Online.

വളാഞ്ചേരി നഗരസഭ കുടുംബശ്രീ സി.ഡി.എസ്സിന്റെ മാസചന്ത ആരംഭിച്ചു

വളാഞ്ചേരിക്കാരൻ — Wed, 30 Dec 2020 00:12:33 +0000

വളാഞ്ചേരി: വളാഞ്ചേരി നഗരസഭ കുടുംബശ്രീ സി.ഡി.എസ്സിന്റെ മാസചന്ത ആരംഭിച്ചു. വളാഞ്ചേരി നഗരസഭ കമ്മ്യൂണിറ്റി ഹാളിന് മുൻവശത്ത് ഡിസംബർ 29, 30, 31 തിയ്യതികളിലായിട്ടാണ് കുടുംബശ്രീയുടെ മാസ ചന്ത നടക്കുന്നത്. നഗരസഭ ചെയർമാൻ അഷ്റഫ് അമ്പലത്തിങ്ങൽ വിപണന മേള ഉൽഘാടനം ചെയ്തു. കുടുംബശ്രീ വിപണന മേളക്ക് ഒരു സ്ഥിര വിപണ കേന്ദ്രം സജ്ജീകരിക്കുന്നതിന്നും, കൂടുതൽ സംരംഭകരെ ഉൾപ്പെടുത്തി കൂടുതൽ മികവുറ്റ ഉത്പന്നങ്ങളോടുകൂടി ചന്ത വിപുലീകരിക്കുന്നതിന്നും ആവശ്യമായ സഹായം നഗരസഭയുടെ ഭാഗത്ത് നിന്നും വാഗ്ദാനം നൽകി. കൗൺസിലർ ഈസ നമ്പ്രത്ത്, സി.ഡി.എസ്സ് ചെയർപെഴ്സൺ സുനിത രമേഷ്, സെക്രട്ടറി എസ്.സുനിൽ കുമാർ, കുടുംബശ്രീ ജീവനക്കാർ, കുടുംബശ്രീ ബ്ലോക്ക്‌ കോർഡിനേറ്റർ ജംഷീർ, സി.ഡി.എസ്സ് മെമ്പർമാർ എന്നിവർ പങ്കെടുത്തു.

The post വളാഞ്ചേരി നഗരസഭ കുടുംബശ്രീ സി.ഡി.എസ്സിന്റെ മാസചന്ത ആരംഭിച്ചു appeared first on Valanchery Online.

നവംബര്‍ 20ന് സ്വകാര്യ ബസ് സമരം

വളാഞ്ചേരിക്കാരൻ — Tue, 22 Oct 2019 12:12:41 +0000

തൃശ്ശൂര്‍: ചാര്‍ജ് വര്‍ധന ഉള്‍പ്പെടെയുള്ള ആവശ്യങ്ങളുന്നയിച്ച് സംസ്ഥാനത്തെ സ്വകാര്യ ബസുടമകള്‍ നവംബര്‍ 20ന് സൂചനാ പണിമുടക്ക് നടത്തും. ആവശ്യങ്ങളില്‍ തീരുമാനമായില്ലെങ്കില്‍ തുടര്‍ന്ന്‌ അനിശ്ചിതകാല സമരം ആരംഭിക്കുമെന്നും സ്വകാര്യ ബസ് ഓപ്പറേറ്റേഴ്‌സ് ഫെഡറേഷന്‍ വാര്‍ത്താ സമ്മേളനത്തില്‍ അറിയിച്ചു.

മിനിമം ചാര്‍ജ് എട്ടു രൂപയില്‍നിന്ന് 10 രൂപയാക്കി വര്‍ധിപ്പിക്കുക, വിദ്യാര്‍ഥികളുടെ യാത്രാനിരക്ക് 50 ശതമാനമെങ്കിലും വര്‍ധിപ്പിക്കുക എന്നീ ആവശ്യങ്ങളാണ് പ്രധാനമായും ബസ്സുടമകള്‍ മുന്നോട്ടുവെക്കുന്നത്. പുതിയ ഗതാഗത നയം രൂപീകരിക്കണമെന്നും കെഎസ്ആര്‍ടിസി ബസിലും വിദ്യാര്‍ഥികള്‍ക്ക് കണ്‍സെഷന്‍ അനുവദിക്കണമെന്നും ബസ്സുടമകള്‍ ആവശ്യമുന്നയിക്കുന്നുണ്ട്.

The post നവംബര്‍ 20ന് സ്വകാര്യ ബസ് സമരം appeared first on Valanchery Online.

ഓട്ടോറിക്ഷ മിനിമം നിരക്ക് 25 രൂപയാക്കി, ടാക്‌സിക്ക് 175 രൂപ

വളാഞ്ചേരിക്കാരൻ — Wed, 05 Dec 2018 16:51:35 +0000

തിരുവനന്തപുരം: സംസ്ഥാനത്ത് ഓട്ടോ, ടാക്‌സി നിരക്കുകള്‍ വര്‍ധിപ്പിച്ചു. ഓട്ടോറിക്ഷയുടെ മിനിമം ചാര്‍ജ് ഒന്നര കിലോമീറ്റര്‍ വരെ 25 രൂപയായും ടാക്‌സി മിനിമം ചാര്‍ജ് അഞ്ചു കിലോമീറ്റര്‍ വരെ 175 രൂപയുമായാണ് വര്‍ധിപ്പിച്ചത്. നിലവില്‍ 1.25 കിലോമീറ്റര്‍ വരെ ഓട്ടോറിക്ഷയ്ക്ക്‌ മിനിമം ചാര്‍ജ് 20 രൂപയും ടാക്‌സിയ്ക്ക്‌ മിനിമം ചാര്‍ജ് അഞ്ചു കിലോമീറ്റര്‍ വരെ 150 രൂപയുമാണ്.

ജസ്റ്റിസ് രാമചന്ദ്രന്‍ നായര്‍ കമ്മറ്റി ശുപാര്‍ശകള്‍ പരിഗണിച്ചാണ് ഓട്ടോ-ടാക്‌സി നിരക്ക് കൂട്ടാന്‍ മന്ത്രിസഭാ യോഗം തീരുമാനിച്ചത്. ഓട്ടോയുടെ കുറഞ്ഞനിരക്ക് 30 രൂപയും ടാക്‌സിയുടെ കുറഞ്ഞനിരക്ക് 200 രൂപയുമാക്കണമെന്നായിരുന്നു ജസ്റ്റിസ് രാമചന്ദ്രന്‍ കമ്മറ്റി ശുപാര്‍ശ ചെയ്തിരുന്നത്. എന്നാല്‍ ഇത് മന്ത്രിസഭായോഗം അംഗീകരിച്ചില്ല. പകരം ഓട്ടോയുടെ മിനിമം ചാര്‍ജ് 25 രൂപയായും ടാക്‌സിയുടേത് 175 രൂപയുമാക്കുകയായിരുന്നു. ഔദ്യോഗിക പ്രഖ്യാപനം ഗതാഗതമന്ത്രി വ്യാഴാഴ്ച നിയമസഭയില്‍ നടത്തുമെന്നാണ് സൂചന.

The post ഓട്ടോറിക്ഷ മിനിമം നിരക്ക് 25 രൂപയാക്കി, ടാക്‌സിക്ക് 175 രൂപ appeared first on Valanchery Online.

രുചിഭേദങ്ങളൊരുക്കാൻ ഇന്ന് വളാഞ്ചേരിയിൽ ചക്ക മഹോത്സവം

വളാഞ്ചേരിക്കാരൻ — Mon, 30 Apr 2018 08:23:33 +0000

വളാഞ്ചേരി:’വലിച്ചെറിഞ്ഞു കളയേണ്ട ഒരു സാധനമല്ല, ഔഷധ ഗുണത്തോടൊപ്പം മികച്ച വരുമാനവും തരുന്ന ഉത്പന്നവും കൂടിയാണ് ചക്ക’ എന്ന സന്ദേശം പകർന്നുനൽകാൻ വളാഞ്ചേരി നഗരസഭാ കുടുംബശ്രീ സിഡിഎസും ഷെൽട്ടറും സംയുക്തമായി ‘ചക്ക മഹോൽത്സവം’ സംഘടിപ്പിക്കുന്നു. ചക്ക കേരളത്തിന്റെ ഔദ്യോഗിക ഫലമായി അംഗീകരിക്കപ്പെട്ടതിനെ തുടർന്ന് ഈ വർഷത്തെ ചക്ക സീസൺ ഉത്സവമായി ആഘോഷിക്കാൻ കുടുംബശ്രീ ജില്ലാ മിഷനും വിരമിച്ച അദ്ധ്യാപകരുടെ കൂട്ടായ മയായ ഷെൽട്ടറും തീരുമാനിച്ചിരുന്നു. ഇതിന്റെ അടിസ്ഥാനത്തിൽ 30/04/2018 രാവിലെ 9.30 മണി മുതൽ കാവുംപുറം എ.എം.യു.പി സ്കൂളിൽ വെച്ച് ചക്ക മഹോൽത്സവം സംഘടിപ്പിക്കുന്നത്. വൈവിധ്യം നിറഞ്ഞ ചക്കവിഭവങ്ങളൊരുക്കാനുള്ള പരിശീലനവും വിപണനമേളയും ഉണ്ടായിരിക്കുന്നതാണ്. ചക്ക മഹോത്സവം അവസാനിക്കുന്നതോടെ നഗരസഭയിലെ എല്ലാ വിടുകളിലും ചക്ക വിഭവങ്ങളുടെ പോഷക – ഔഷധ പ്രാധാന്യത്തെപ്പറ്റിയുള്ള അവബോധമുണ്ടാക്കുകയുമാണ് ലക്ഷ്യം.
ചക്ക ജാം, ചക്ക സ്ക്വാഷ്, ചക്ക വരട്ടിയത്, തേൻ, ബജി, വട, കഞ്ഞി, പുഴുക്ക്, സൂപ്പ്……..etc മുതലായവ നിർമിക്കാനുള്ള പ്രത്യാഗ പരിശീലനം ഉണ്ടായിരിക്കുന്നതാണ്…

The post രുചിഭേദങ്ങളൊരുക്കാൻ ഇന്ന് വളാഞ്ചേരിയിൽ ചക്ക മഹോത്സവം appeared first on Valanchery Online.