fake news Archives - Valanchery Online

കളക്ടറുടെ പേരില്‍ വ്യാജ അവധി സന്ദേശം: തിരുനാവായ വൈരങ്കോട് സ്വദേശിയായ 17 കാരനെ കസ്റ്റഡിയിലെടുത്തു താക്കീത് ചെയ്ത് വിട്ടയച്ചു

വളാഞ്ചേരിക്കാരൻ — Tue, 17 Dec 2024 00:04:45 +0000

മലപ്പുറം: ഡിസംബര്‍ മൂന്നിന് ജില്ലയിലെ വിദ്യാഭ്യാസ സ്ഥാപനങ്ങള്‍ക്ക് അവധി പ്രഖ്യാപിച്ചതായി ജില്ലാ കളക്ടറുടെ പേരില്‍ വ്യാജ സന്ദേശം സമൂഹ മാധ്യമങ്ങളിലൂടെ പ്രചരിപ്പിച്ച വ്യക്തിയെ പൊലീസ് കസ്റ്റഡിയിലെടുത്തു. തിരുനാവായ വൈരംകോട് സ്വദേശിയായ 17 കാരനെയാണ് മലപ്പുറം സൈബര്‍ ക്രൈം പൊലീസ് രക്ഷിതാക്കള്‍ക്കൊപ്പം വിളിച്ചു വരുത്തുകയും ഉപദേശം നല്‍കി വിട്ടയക്കുകയും ചെയ്തത്. ജില്ലയില്‍ ശക്തമായ മഴ തുടരുന്ന പശ്ചാത്തലത്തില്‍ ഡിസംബര്‍ മൂന്നിന് പ്രഫഷണല്‍ കോളേജുകള്‍ ഒഴികെയുള്ള വിദ്യാഭ്യാസ സ്ഥാപനങ്ങള്‍ക്ക് ജില്ലാ കളക്ടര്‍ അവധി പ്രഖ്യാപിച്ചിരുന്നു. എന്നാല്‍ കളക്ടറുടെ പ്രഖ്യാപനത്തിന് തൊട്ടുമുമ്പ് ജില്ലാ കളക്ടറുടെ ഔദ്യോഗിക അറിയിപ്പ് എന്ന രീതിയില്‍ വ്യാജ സന്ദേശം പ്രചരിപ്പിക്കുകയായിരുന്നു. ജില്ലാ പൊലീസ് മേധാവി ആര്‍. വിശ്വനാഥിന്റെ നിര്‍ദേശപ്രകാരം മലപ്പുറം ഡി.സി.ആര്‍.ബി ഡിവൈ.എസ്.പി സാജു കെ. എബ്രഹാം, സൈബര്‍ പൊലീസ് ക്രൈം സ്റ്റേഷന്‍ ഇന്‍സ്പെക്ടര്‍ ഐ.സി ചിത്തരഞ്ജന്‍ എന്നിവരുടെ നേതൃത്വത്തില്‍ വാട്‌സാപ്, ഇന്‍സ്റ്റാഗ്രാം തുടങ്ങി സാമൂഹിക മാധ്യമങ്ങളില്‍ നടത്തിയ സമഗ്രമായ അന്വേഷണത്തിലാണ് നടപടി. സൈബര്‍ ടീം അംഗങ്ങളായ എസ്.ഐ നജ്മുദ്ദീന്‍, സി.പി.ഒമാരായ ജസീം, റിജില്‍രാജ്, വിഷ്ണു ശങ്കര്‍, രാഹുല്‍ എന്നവരും അന്വേഷണ സംഘത്തില്‍ഉണ്ടായിരുന്നു.

The post കളക്ടറുടെ പേരില്‍ വ്യാജ അവധി സന്ദേശം: തിരുനാവായ വൈരങ്കോട് സ്വദേശിയായ 17 കാരനെ കസ്റ്റഡിയിലെടുത്തു താക്കീത് ചെയ്ത് വിട്ടയച്ചു appeared first on Valanchery Online.

കോവിഡ് 19: ധനസഹായമുണ്ടെന്ന് വ്യാജ സന്ദേശങ്ങൾ പ്രചരിക്കുന്നു

വളാഞ്ചേരിക്കാരൻ — Thu, 09 Jul 2020 02:59:48 +0000

കോട്ടക്കൽ: കോവിഡ് 19 ൻ്റെ ഭാഗമായി കേന്ദ്ര-സംസ്ഥാന സർക്കാരുകൾ ധനസഹായം നൽകുന്നുണ്ടെന്ന വ്യാജ സന്ദേശങ്ങൾ സമൂഹമാധ്യമങ്ങളിലൂടെ പ്രചരിക്കുന്നു. വിദ്യാർത്ഥി കൾ, വ്യാപാരികൾ, ദിവസ വേതന തൊഴിലാളികൾ എന്നിങ്ങനെ വിവിധ തട്ടിലുള്ളവർക്ക് ധനസഹായമുണ്ടെന്നാണ് പ്രചരിക്കുന്നത്. ഒന്നു മുതൽ 12 വരെ ക്ലാസിൽ പഠിക്കുന്ന വിദ്യാർത്ഥികൾ 10,000 രൂപ, ബിരുദ വിദ്യാർത്ഥികൾക്ക് 15,000, ദിവസ വേദന തൊഴിലാളികൾക്ക് 10,000 രൂപ തുടങ്ങിയവ ലഭിക്കുമെന്നാണ് സന്ദേശത്തിൽ വ്യക്തമാക്കുന്നത്. അതു ലഭിക്കാൻ ഉടനെ തന്നെ അക്ഷയ കേന്ദ്രത്തിൽ ബാങ്ക് പാസ്ബുക്കിൻ്റെ കോപ്പിയടക്കമുള്ള രേഖകളുമായി ചെന്ന് അപേക്ഷിക്കണമെന്നും സന്ദേശത്തിൽ പറയുന്നുണ്ട്. ഐ.ടി മിഷൻ, അക്ഷയ, സംസ്ഥാന സർക്കാർ എന്നിവയുടെ ലോഗോയടക്കം ഉപയോഗിച്ചാണ് ശബ്ദ സന്ദേശ മല്ലാത്തവ പ്രചരിക്കുന്നത്. എന്നാൽ അക്ഷയ സെൻററുകൾ വഴി ലഭ്യമാകുന്ന സേവനങ്ങളുടെ ലിസ്റ്റിൽ ഇവ ഇല്ലെന്നും, ഇത്തരം വ്യാജ പ്രചരണങ്ങളിൽ ജനങ്ങൾ വഞ്ചിതരാകരുതെന്നും ജില്ലാ അക്ഷയ പ്രൊജക്ട് മനേജർ പി.ജി ഗോകുൽ വാർത്താകുറിപ്പിലൂടെ അറിയിച്ചു. ഇത്തരം വ്യാജ പ്രചരണങ്ങൾ പല ഭാഗങ്ങളിലും ജനങ്ങളും അക്ഷയ കേന്ദ്രം ജീവനക്കാരും തമ്മിലുള്ള വാക്കുതർക്കത്തിനു വരെ വഴിയൊരുക്കിട്ടുണ്ട്.

The post കോവിഡ് 19: ധനസഹായമുണ്ടെന്ന് വ്യാജ സന്ദേശങ്ങൾ പ്രചരിക്കുന്നു appeared first on Valanchery Online.

വ്യാജ വാർത്തക്കെതിരെ നിയമ നടപടി: മന്ത്രി ജലീൽ

വളാഞ്ചേരിക്കാരൻ — Thu, 17 May 2018 02:33:23 +0000

നവമാധ്യമങ്ങളിൽ തനിക്കെതിരെ വരുന്ന വ്യാജ വാർത്തകൾക്കെതിരെ നിയമനടപടി സ്വീകരിക്കുമെന്ന് മന്ത്രി കെ ടി ജലീൽ പറഞ്ഞു. വ്യാജ വാർത്തകൾ ചമക്കുന്നതിലും അത് പ്രചരിപ്പിക്കുന്നതിലും മുൻപന്തിയിൽ നിൽക്കുന്നവരാണ് ബിജെപിയും മുസ്ലിംലീഗും. പച്ചക്കള്ളം സത്യമാണെന്ന രീതിയിൽ അവതരിപ്പിക്കുന്നു. കളവ് പറയൽ നിഷിദ്ധമാക്കിയ പ്രവാചകന്റെ അനുയായികളെന്ന് ‘അഭിമാനം’കൊള്ളുന്നവരുടെ ഭാഗത്തുനിന്നുള്ള ഇത്തരം സമീപനം ഇസ്ലാമിനെക്കുറിച്ചുതന്നെ അവമതിപ്പുണ്ടാക്കും.
മാസങ്ങൾക്കുമുമ്പാണ് തന്നെ ബന്ധിപ്പിച്ച് അശ്ലീല ഫോട്ടോ യൂത്ത് ലീഗ് പ്രവർത്തകൻ പോസ്റ്റ് ചെയ്തത്. ഇതിനെതിരെ സൈബർ സെല്ലിൽ പരാതി നൽകിയിരുന്നു. അയാളെ അറസ്റ്റ‌ും ചെയ്തു. സമാനരീതിയിലാണ‌് ഇപ്പോൾ ചിലർ വ്യാജ വാർത്ത പടച്ചുവിടുന്നത‌്. ഇതിനെതിരെ നിയമനടപടി സ്വീകരിക്കുകയല്ലാതെ വഴിയില്ല. കളിയാക്കലോ പരിഹാസമോ ആകാം. നുണ പ്രചരിപ്പിക്കുന്നതിനെ പ്രോത്സാഹിപ്പിക്കാൻ കഴിയില്ലെന്നും മന്ത്രി ഫെയ‌്സ‌്ബുക്ക‌് പോസ്റ്റിൽ പറഞ്ഞു.

The post വ്യാജ വാർത്തക്കെതിരെ നിയമ നടപടി: മന്ത്രി ജലീൽ appeared first on Valanchery Online.