express Archives - Valanchery Online

നിലമ്പൂർ-ഷൊർണൂർ പാതയിൽ മേയ് 30 മുതൽ ഒരു തീവണ്ടികൂടി

വളാഞ്ചേരിക്കാരൻ — Thu, 19 May 2022 01:24:59 +0000

നിലമ്പൂർ : നിലമ്പൂർ-ഷൊർണൂർ പാതയിൽ മേയ് 30 മുതൽ ഒരു അൺ റിസർവ്ഡ് തീവണ്ടി കൂടി ഓടിത്തുടങ്ങും. 06465 നമ്പർ വണ്ടി ഷൊർണൂരിൽനിന്ന് രാവിലെ 07.05-ന് പുറപ്പെട്ട് 08.50-ന്‌ നിലമ്പൂരിലെത്തും. 06468 നമ്പർ വണ്ടി നിലമ്പൂരിൽനിന്ന് രാവിലെ 10.10-ന് പുറപ്പെട്ട് 11.50 ഷൊർണൂരെത്തും. കോവിഡ് കാലത്ത് നിർത്തലാക്കിയ പാസഞ്ചർ വണ്ടികളിൽപെടുന്നതാണ് ഈ വണ്ടിയും. എക്സ്പ്രസായാണ് പുനരാരംഭിക്കുന്നത്. സ്റ്റോപ്പുകൾ പാസഞ്ചറിന്റേതുതന്നെയാണ്.

The post നിലമ്പൂർ-ഷൊർണൂർ പാതയിൽ മേയ് 30 മുതൽ ഒരു തീവണ്ടികൂടി appeared first on Valanchery Online.

കൊച്ചുവേളി-നിലമ്പൂർ സ്പെഷൽ എക്സ്പ്രസ് ബുക്കിംഗ് തുടങ്ങി

വളാഞ്ചേരിക്കാരൻ — Sat, 05 Dec 2020 05:13:18 +0000

നിലമ്പൂർ: കൊച്ചുവേളി-നിലമ്പൂർ സ്പെഷൽ എക്സ്പ്രസ് വണ്ടിയുടെ ബുക്കിങ് തുടങ്ങി. എട്ടുമുതൽ ഓടിത്തുടങ്ങുന്ന വണ്ടിയിൽ മുഴുവൻ സീറ്റുകളും ബുക്ക് ചെയ്ത് മാത്രമേ ഉപയോഗിക്കാൻ കഴിയു. കോവിഡ് പശ്ചാത്തലത്തിൽ സാമൂഹിക അകലം ഉറപ്പുവരുത്താൻ വണ്ടിയിലെ സീറ്റുകളുടെ എണ്ണം പകുതിയോളമായി കുറച്ചിട്ടുണ്ട്.

അതനുസരിച്ച് 461 യാത്രക്കാർ മാത്രമാണുണ്ടാവുക. എ.സി.കോച്ചുകളിൽ 57 പേർക്കും സ്ലീപ്പർ കോച്ചുകളിൽ 251 പേർക്കും യാത്ര ചെയ്യാം. ഇരുന്ന് യാത്ര ചെയ്യാനുള്ളവരുടെ എണ്ണം 153 ആയും നിജപ്പെടുത്തിയിട്ടുണ്ട്. ഇതും റിസർവ്വ് ചെയ്യണം. ജനറൽ സിറ്റിങ്ങിന് 150 രൂപയാണ് നിലമ്പൂർ നിന്ന് കൊച്ചുവേളിയിലേക്കുള്ളത്. സ്ലീപ്പർ ബർത്ത്- 245, തേർഡ് എ.സി.-660, സെക്കൻഡ് എ.സി. 935 എന്നിങ്ങനെയാണ് യാത്രാ നിരക്ക്.

കൊച്ചുവേളിയിൽ നിന്ന് ദിവസവും രാത്രി 8.50-ന് പുറപ്പെട്ട് പുലർച്ചെ 5.45ന് നിലമ്പൂരിലെത്തും. നിലമ്പൂർ നിന്ന് രാത്രി 9.30ന് പുറപ്പെട്ട് പുലർച്ചെ 5.5.0ന് കൊച്ചുവേളിയിലുമെത്തും. സ്പെഷൽ തീവണ്ടിക്ക് നിലമ്പൂരിനും ഷൊർണൂരിനുമിടയിൽ വാണിമ്പലത്തും അങ്ങാടിപ്പുറത്തും മാത്രമാണ് സ്റ്റോപ്പുള്ളത്.

The post കൊച്ചുവേളി-നിലമ്പൂർ സ്പെഷൽ എക്സ്പ്രസ് ബുക്കിംഗ് തുടങ്ങി appeared first on Valanchery Online.

രാജ്യറാണി എക്സ്‌പ്രസിന് യുവമോർച്ച അങ്ങാടിപ്പുറം സ്റ്റേഷനിൽ സ്വീകരണം നൽകി

വളാഞ്ചേരിക്കാരൻ — Sat, 11 May 2019 02:54:10 +0000

അങ്ങാടിപ്പുറം: രാജ്യറാണി സ്വതന്ത്രവണ്ടിയുടെ ആദ്യ യാത്രയ്ക്ക് മങ്കട മണ്ഡലം യുവമോർച്ച അങ്ങാടിപ്പുറം സ്റ്റേഷനിൽ സ്വീകരണം നൽകി.

കേന്ദ്രസർക്കാരിന് അഭിനന്ദനങ്ങൾ അറിയിച്ചുകൊണ്ട് നടന്ന സ്വീകരണത്തിൽ ജില്ലാപ്രസിഡന്റ് ബി. രതീഷ്, കെ.പി. വാസു, സജു കൊളത്തൂർ, പി.യു. മനീഷ്, ദിലീപ് പുഴക്കാട്ടിരി, രാജേഷ്, വസന്ത തുടങ്ങിയവർ പങ്കെടുത്തു.

The post രാജ്യറാണി എക്സ്‌പ്രസിന് യുവമോർച്ച അങ്ങാടിപ്പുറം സ്റ്റേഷനിൽ സ്വീകരണം നൽകി appeared first on Valanchery Online.

അമൃതയും രാജ്യറാണിയും 9 മുതല്‍ സ്വതന്ത്ര ട്രെയിനുകൾ

വളാഞ്ചേരിക്കാരൻ — Wed, 08 May 2019 14:56:55 +0000

അങ്ങാടിപ്പുറം: അമൃത, രാജ്യറാണി എക്സ്പ്രസുകള്‍ വ്യാഴാഴ്ച മുതല്‍ സ്വതന്ത്രമാകുന്നേതാടെ രണ്ട് ട്രെയിനുകളുടേയും സമയപട്ടികയില്‍ മാറ്റം വരുമെന്ന് റെയില്‍വേ അറിയിച്ചു.
കൊച്ചുവേളി – നിലമ്പൂര്‍ രാജ്യറാണി എക്സ്പ്രസിന്‍െറ പരിഷ്കരിച്ച സമയവിവരം (പ്രധാന സ്റ്റേഷനുകളിലേത് മാത്രം):
കൊച്ചുവേളി രാത്രി 8.50
കൊല്ലം 9.45
കോട്ടയം 11.37
എറണാകുളം ടൗണ്‍ 01.30
തൃശൂര്‍ 2.40
ഷൊര്‍ണൂര്‍ ജങ്ഷന്‍ 5.30
അങ്ങാടിപ്പുറം 6.29
നിലമ്പൂര്‍ റോഡ് 7.50
നിലമ്പൂരില്‍നിന്ന് കൊച്ചുവേളിയിലേക്കുള്ള രാജ്യറാണിയുടെ സമയവിവരം:
നിലമ്പൂര്‍ റോഡ് രാത്രി 8.50
അങ്ങാടിപ്പുറം 9.30
ഷൊര്‍ണൂര്‍ ജങ്ഷന്‍ 10.10
തൃശൂര്‍ 10.55
എറണാകുളം ടൗണ്‍ 12.35
കോട്ടയം 1.35
കൊല്ലം 3.55
കൊച്ചുവേളി പുലര്‍ച്ച 6.00

തിരുവനന്തപുരം- മധുര അമൃത എക്സ്പ്രസിന്‍െറ വ്യാഴാഴ്ച മുതലുള്ള പരിഷ്കരിച്ച സമയവിവരം (പ്രധാന സ്റ്റേഷനുകളിലേത് മാത്രം):
തിരുവനന്തപുരം രാത്രി 8.30
കൊല്ലം 9.32
കോട്ടയം 11.30
എറണാകുളം ടൗണ്‍ 01.15
തൃശൂര്‍ 2.30
പാലക്കാട് ജങ്ഷന്‍ രാവിലെ 6.10
പൊള്ളാച്ചി 7.55
പഴനി 9.30
മധുര ഉച്ചക്ക് 12.15

മധുരയില്‍നിന്ന് തിരുവനന്തപുരത്തേക്കുള്ള അമൃതയുടെ സമയവിവരം:
മധുര വൈകീട്ട് 3.15
പഴനി 5.15
പൊള്ളാച്ചി 6.45
പാലക്കാട് ജങ്ഷന്‍ രാത്രി 8.25
തൃശൂര്‍ 10.17
എറണാകുളം ടൗണ്‍ 12.05
കോട്ടയം 1.10
കൊല്ലം 3.45
തിരുവനന്തപുരം സെന്‍ട്രല്‍ പുലര്‍ച്ച 5.50

The post അമൃതയും രാജ്യറാണിയും 9 മുതല്‍ സ്വതന്ത്ര ട്രെയിനുകൾ appeared first on Valanchery Online.

മുന്‍കൂര്‍ റിസര്‍വ് ചെയ്യാതെ യാത്ര ചെയ്യാം; ‘അന്ത്യോദയ’ എക്പ്രസ് സര്‍വീസ് തുടങ്ങി

വളാഞ്ചേരിക്കാരൻ — Sun, 10 Jun 2018 03:00:48 +0000

തിരുവനന്തപുരം: കേരളത്തിന്റെ ഒരറ്റത്ത് നിന്ന് മറ്റേ അറ്റത്ത് മുന്‍കൂര്‍ റിസര്‍വ് ചെയ്യാതെ ആധുനിക സൗകര്യങ്ങളോട് കൂടിയ യാത്രയൊരുക്കി അന്ത്യോദയ എക്‌സപ്രസ് സര്‍വീസ് ആരംഭിച്ചു. കൊച്ചുവേളി മംഗലാപുരം അന്ത്യോദയ എക്‌സ്പ്രസിന് ഇന്ന് കൊച്ചുവേളിയില്‍ റെയില്‍വേ സഹമന്ത്രി രാജന്‍ ഗൊഹെയ്ന്‍ പച്ചക്കൊടി വീശി. കൊച്ചുവേളിയില്‍ നിന്ന് ആലപ്പുഴ വഴി പോകുന്ന ട്രെയിന്‍ 12 മണിക്കൂറില്‍ താഴെ സമയത്തിനുള്ളില്‍ മംഗലാപുരത്തെത്തും. കെഎസ്ആര്‍ടിസി ഫാസ്റ്റ് പാസഞ്ചര്‍ പോലെ ടിക്കറ്റ് ബുക്ക് ചെയ്യാതെ, സീറ്റുണ്ടെങ്കില്‍ ടിക്കറ്റെടുത്ത് കയറാവുന്ന അന്ത്യോദയ എക്‌സ്പ്രസാണ് സര്‍വീസ് ആരംഭിച്ചത്.

ട്രെയിന്‍ നമ്പര്‍ 16355/16356. ശനി, വ്യാഴം ദിവസങ്ങളില്‍ രാത്രി 9.25 ന് കൊച്ചുവേളിയില്‍ നിന്ന് പുറപ്പെട്ട് പിറ്റേന്ന് രാവിലെ 9.15ന് മംഗലാപുരത്തും, വെള്ളി, ഞായര്‍ ദിവസങ്ങളില്‍ രാത്രി 8ന് മംഗലാപുരത്തു നിന്ന് പുറപ്പെട്ട് പിറ്റേന്ന് രാവിലെ 8.10ന് കൊച്ചുവേളിയിലും എത്തും

എല്ലാ കോച്ചുകളും അണ്‍റിസര്‍വ്ഡ് സീറ്റിംഗ് മാത്രമുള്ള ട്രെയിനുകളാണ് അന്ത്യോദയ എക്‌സ്പ്രസില്‍ സാധാരണ അണ്‍റിസര്‍വ്ഡ് എക്‌സ്പ്രസ് കോച്ചുകളിലെ ടിക്കറ്റ് നിരക്കിനെക്കാള്‍ 15 ശതമാനം അധികമായിരിക്കും. 16 കോച്ചുകളും രണ്ട് ലഗേജ് കം ബ്രേക്ക് വാനുകളുമാണ് ഈ ട്രെയ്‌നിലുള്ളത്. ആധുനിക എല്‍.എച്ച്.ബി കോച്ചുകളുപയോഗിച്ച് നിര്‍മ്മിച്ച ദീനദയാലു കോച്ചുകളാണ് ഉപയോഗിക്കുന്നത്. കുടിവെള്ളം, മൊബൈല്‍ റീച്ചാര്‍ജിംഗ്, ലഗേജ് റാക്ക്, ബയോ ടോയ്‌ലറ്റ് തുടങ്ങിയ സൗകര്യങ്ങളുണ്ട്. ബക്കറ്റ് സീറ്റുകള്‍ക്ക് പകരം നീളത്തിലുള്ള കുഷ്യന്‍ ബെഞ്ച് സീറ്റുകളാണ്. കൊല്ലം, എറണാകുളം, തൃശൂര്‍, ഷൊര്‍ണൂര്‍, കോഴിക്കോട്, കണ്ണൂര്‍ തുടങ്ങി ആറിടങ്ങളിലാണ് സ്‌റ്റോപ്പുള്ളത്. കൊല്ലത്ത് മൂന്ന് മിനിട്ടും തൃശൂരില്‍ രണ്ടു മിനിട്ടും ഷൊര്‍ണൂരില്‍ പത്തു മിനിട്ടും മറ്റ് സ്‌റ്റേഷനുകളില്‍ അഞ്ച് മിനിട്ട് വീതവും സ്‌റ്റോപ്പുണ്ട്. മലബാറിലേക്കുള്ള രാത്രി യാത്രക്കാര്‍ക്ക് സന്തോഷ വാര്‍ത്ത; റിസര്‍വേഷനില്ലാതെ ഏത് കോച്ചിലും യാത്ര ചെയാവുന്ന അന്ത്യോദയ എക്സ്പ്രസ് ഓടിത്തുടങ്ങി; കൊച്ചുവേളിയില്‍ നിന്ന് മംഗലാപുരത്തെത്താന്‍ 12 മണിക്കൂര്‍ .ജനറല്‍ കോച്ചുകള്‍ മാത്രമുള്ള ട്രെയിനാണ് അന്ത്യോദയ എക്‌സ്പ്രസ്. എസി, റിസര്‍വേഷന്‍ കോച്ചുകളില്ല. യാത്രക്കാര്‍ക്ക് ജനറല്‍ ടിക്കറ്റെടുത്ത് ഏത് കോച്ചിലും കയറാം. പെട്ടെന്ന് യാത്ര തീരുമാനിച്ചവര്‍ക്കും റിസര്‍വ് ചെയ്ത് യാത്ര ചെയ്യാന്‍ പണമില്ലാത്തവര്‍ക്കും ഏറെ ആശ്വാസകരമാവും ഈ പുതിയ ട്രെയിന്‍.
മലപ്പുറത്ത് സ്റ്റോപ് ഇല്ലാതെ 28 ട്രെയിനുകൾ
റെയിൽവേ സ്റ്റേഷനുകളുടെ പട്ടികയിൽ ജില്ലയെ ഉൾപ്പെടുത്താതെ രണ്ടു ട്രെയിൻ സർവീസ് കൂടി ആരംഭിക്കുന്നതോടെ മലപ്പുറത്തെവിടെയും സ്റ്റോപ്പില്ലാത്ത ട്രെയിനുകളുടെ എണ്ണം 28 ആയി. മലബാറിലെ വരുമാനമുള്ള റെയിൽവേ സ്റ്റേഷനായിട്ടുപോലും തിരൂരിൽ മിക്ക ദീർഘദൂര ട്രെയിനുകൾക്കും സ്റ്റോപ് അനുവദിച്ചിട്ടില്ല.
നിലവിൽ നിർത്താതെ ഓടുന്ന ട്രെയിനുകൾക്ക് തിരൂരിൽ സ്റ്റോപ് അനുവദിക്കണമെന്നാവശ്യപ്പെട്ടുള്ള പരാതികൾക്കും പ്രക്ഷോഭങ്ങൾക്കുമിടെയാണു മറ്റൊരു തിരിച്ചടി കൂടിയുണ്ടായിരിക്കുന്നത്. ഇതോടെ മലപ്പുറം ജില്ലയിൽ നിന്നുള്ള ദീർഘദൂര യാത്രക്കാർ പുതുതായി അനുവദിച്ച രണ്ടു ട്രെയിനുകളിൽകൂടി യാത്ര ചെയ്യാൻ അടുത്തുള്ള കോഴിക്കോട്, ഷൊർണൂർ സ്റ്റേഷനുകളിൽ എത്തേണ്ട അവസ്ഥയാണ്. ജനപ്രതിനിധികളുടെയും അധികൃതരുടെയും ഭാഗത്ത്നിന്നു ശക്തമായ ഇടപെടലുകൾ ഇല്ലാത്തതാണു റെയിൽവേ ഭൂപടത്തിൽ അടിക്കടി മലപ്പുറം നേരിടുന്ന അവഗണനയ്ക്കു പ്രധാന കാരണമെന്നാണ് ആക്ഷേപം.

The post മുന്‍കൂര്‍ റിസര്‍വ് ചെയ്യാതെ യാത്ര ചെയ്യാം; ‘അന്ത്യോദയ’ എക്പ്രസ് സര്‍വീസ് തുടങ്ങി appeared first on Valanchery Online.

സ്റ്റോപ്പനുവദിക്കുന്നതിൽ കുറ്റിപ്പുറത്തിനോട് പതിവുപോലെ അവഗണന

വളാഞ്ചേരിക്കാരൻ — Sat, 26 Oct 2013 15:09:30 +0000

കുറ്റിപ്പുറം റെയില്‍വേ സ്റ്റേഷനോട് വീണ്ടും അധികൃതരുടെ അവഗണന. ഇന്റര്‍സിറ്റി എക്‌സ്പ്രസ്സിന് പരപ്പനങ്ങാടിയില്‍ സ്റ്റോപ്പ് അനുവദിച്ചപ്പോഴും ജില്ലയിലെ പ്രധാന സ്റ്റേഷനായ കുറ്റിപ്പുറത്തെ അധികൃതര്‍ തഴഞ്ഞു. മംഗലാപുരം-കോയമ്പത്തൂര്‍ ഇന്റര്‍സിറ്റി എക്‌സ്പ്രസ്സിനാണ് പരപ്പനങ്ങാടിയില്‍ പുതിയ സ്റ്റോപ്പ് അനുവദിച്ചത്. ഈ വണ്ടിക്ക് കുറ്റിപ്പുറത്ത് സ്റ്റോപ്പ് അനുവദിക്കണമെന്ന ആവശ്യം ശക്തമായിരിക്കുമ്പോഴാണ് പ്രതീക്ഷകള്‍ പാളംതെറ്റിച്ചുകൊണ്ട് വണ്ടി പരപ്പനങ്ങാടിയില്‍ നിര്‍ത്താന്‍ അനുമതിയായത്. തിരൂരില്‍ മാത്രമാണ് ജില്ലയില്‍ ഈ വണ്ടിക്ക് സ്റ്റോപ്പുണ്ടായിരുന്നത്. രാവിലെ 8.30നും വൈകീട്ട് 4.10നുമാണ് ഇന്റര്‍സിറ്റി എക്‌സ്പ്രസ് കുറ്റിപ്പുറത്തുകൂടി കടന്നുപോകുന്നത്. മറ്റ് ജില്ലകളിലെല്ലാം രണ്ട് സ്റ്റോപ്പുകള്‍ ഉണ്ടെങ്കിലും ജില്ലയില്‍ ഒരിടത്ത് മാത്രമാണ് വണ്ടി നിര്‍ത്തിയിരുന്നത്. ബസ്സ്റ്റാന്‍ഡിനോട് ചേര്‍ന്ന് കിടക്കുന്ന സ്റ്റേഷനായതിനാല്‍ കുറ്റിപ്പുറത്ത് വണ്ടി നിര്‍ത്തുന്നത് യാത്രക്കാര്‍ക്കും ഏറെ സൗകര്യപ്രദമാണ്. തിരുനാവായ നാവാമുകുന്ദക്ഷേത്രം, കാടാമ്പുഴ ഭഗവതിക്ഷേത്രം, ഗുരുവായൂര്‍ക്ഷേത്രം, പുത്തന്‍പള്ളി ജാറം, കാര്‍ഷിക എന്‍ജി. കോളേജ്, എം.ഇ.എസ് എന്‍ജി. കോളേജ് എന്നിവിടങ്ങളിലേക്കുള്ളവരെല്ലാം കുറ്റിപ്പുറം സ്റ്റേഷനെയാണ് ആശ്രയിക്കുന്നത്. പാസഞ്ചര്‍ അസോസിയേഷന്‍ ഭാരവാഹികള്‍ എം.പിയുമായി ബന്ധപ്പെട്ടെങ്കിലും സ്റ്റോപ്പ് അനുവദിക്കാന്‍ നിര്‍വാഹമില്ലെന്ന മറുപടിയാണത്രെ ലഭിച്ചത്. തുടര്‍ന്ന് ഇ. ശ്രീധരനെ സന്ദര്‍ശിച്ച ഭാരവാഹികള്‍ക്ക് യാത്രക്കാര്‍ ഒപ്പിട്ട നിവേദനം നല്‍കിയാല്‍ സ്റ്റോപ്പ് അനുവദിക്കാനുള്ള ശ്രമങ്ങള്‍ നടത്താമെന്നുള്ള ഉറപ്പ് ലഭിച്ചിരുന്നു. ഇതിനുള്ള തയ്യാറെടുപ്പുകള്‍ നടക്കുന്നതിനിടെയാണ് പരപ്പനങ്ങാടിയില്‍ സ്റ്റോപ്പ് അനുവദിച്ച് റെയില്‍വേയുടെ ഉത്തരവുണ്ടായിരിക്കുന്നത്.

Summary: The railway continue ignoring the requirements of the Kuttippuram station in allotting stops,

The post സ്റ്റോപ്പനുവദിക്കുന്നതിൽ കുറ്റിപ്പുറത്തിനോട് പതിവുപോലെ അവഗണന appeared first on Valanchery Online.

Girl students forced to get down from train at Kuttippuram station

വളാഞ്ചേരിക്കാരൻ — Tue, 13 Nov 2012 00:39:07 +0000

11627 നമ്പര്‍ വെസ്റ്റ് കോസ്റ്റ് എക്‌സപ്രസ്സില്‍ നിന്ന് കോളേജ് വിദ്യാര്‍ഥിനികളെ കുറ്റിപ്പുറം റെയില്‍വെ സ്റ്റേഷനില്‍ ശനിയാഴ്ച രാത്രി 11 മണിക്ക് ഇറക്കിവിട്ടതായി പരാതി. തമിഴ്‌നാട്ടിലെ പ്രൊഫഷണല്‍ കോളേജുകളില്‍ പഠിക്കുന്ന വിദ്യാര്‍ഥിനികളെയാണ് തീവണ്ടിയിലെ പോലീസുകാര്‍ റെയില്‍വെ സ്‌റ്റേഷനില്‍ ഇറക്കി വിട്ടത്.

ജനറല്‍ കമ്പാര്‍ട്ട്‌മെന്റിലും ലേഡീസ് കമ്പാര്‍ട്ടുമെന്റിലും നില്‍ക്കാന്‍ ഇടമില്ലാതായതോടെ വിദ്യാര്‍ഥിനികള്‍ എസ്.ടു കമ്പാര്‍ട്ട്‌മെന്റിന്റെ വാതിലിന് സമീപത്ത് കയറി നിന്നു. വനിതാ പോലീസുകാര്‍ വിദ്യാര്‍ഥിനികളുടെ വിഷമം മനസ്സിലാക്കി അനുഭാവ നിലപാട് എടുത്തുവെങ്കിലും പുരുഷപോലീസുകാര്‍ എത്തി രാത്രിയില്‍ വിദ്യാര്‍ഥിനികളെ വഴിമധ്യേ കുറ്റിപ്പുറത്ത് ഇറക്കിവിടുകയായിരുന്നു. കോഴിക്കോട്ടും തിരൂരും ഇറങ്ങേണ്ട വിദ്യാര്‍ഥിനികളെ പോലീസ് അധിക്ഷേപിക്കുകയും ഭീഷണിപ്പെടുത്തുകയും ചെയ്തതായി പരാതിയുണ്ട്.കുറ്റിപ്പുറം പ്ലാറ്റ് ഫോമില്‍ നിന്ന് കരഞ്ഞ കുട്ടികളെ യാത്രക്കാര്‍ സ്‌റ്റേഷന്‍മാസ്റ്ററുടെ ഓഫീസില്‍ എത്തിച്ചു. വിവരമറിഞ്ഞ് തിരൂരിലെയും കോഴിക്കോട്ടെയും ബന്ധുക്കളെത്തി കൂട്ടിക്കൊണ്ടുപോകുകയായിരുന്നു.

വിദ്യാര്‍ഥിനികളോട് അപമര്യാദയായി പെരുമാറിയ പോലീസുകാര്‍ക്കെതിരെ രക്ഷിതാക്കള്‍ റെയില്‍വെ അധികൃതര്‍ക്കും മനുഷ്യാവകാശ കമ്മീഷനും കേന്ദ്രവനിതാ കമ്മീഷനും പരാതി നല്‍കി.

Summary: Few college girls were ill treated by the railway police as they were forced to get down at Kuttippuram railway station at night for boarding wrong compartment in the West coast express. the girls were the students of various colleges in Tamilnadu, who took tickets to Tirur and Kozhikode happened to stand in the S2 compartment, since the general compartment were overcrowded. The railway police officials came and brought the girls down at Kuttippuram railway station. The girls were also verbally abused by the cops. A complain has been lodged by the parents of the victims to the human rights commission as well as the national commission for women against the railway officials

The post Girl students forced to get down from train at Kuttippuram station appeared first on Valanchery Online.